قصة رغد و بدر الرومنسية و الحزينة

الجزء الثالث عشر



يوم الاربعاء وبعد ماوصلت الخاله وبناتها طلعوا البنات برا بالحديقه وفجأه قالت لمى
لمى ..مها..( مها اختها عمرها 19 تختلف عن ندى 180 درجه) اكيد فيه شئ وحشك في بيت خالتي
مها وتغير وجهها لانها تعرف قصد اختها تقصد نواف الي تحبه مها حب صامت لكن اختها عرفت بحبهه بلحظة ضعف من مها
ريم..اكيد وحشتها انا
مها..والله كلكم وحشتوني
ريم..عن اذنكم بشوف وين ريوف وراحت عنهم
رغد تحاول تكون طبيعيه معهم .....مها انتي ترسمين صح
مها وبأبتسامه صافيه ..ايه ارسم
لمى ..تصدقين رغد قلت لها ترسم صوره لبدر بهديها له بذكرى ميلاده لكنها قالت لازم صوره له
رغد وهي تغلي من لمى .....ولايهمك بدر بعيوني صورته اذا حابه تعطي احد يرسمه عيوني لك
انقهرت لمى من رد رغد وقالت ..بتمشى لحالي شوي عن اذنكم
ولان رغد تعرف بدر موجود بحديقة بيتها توقعة لمى تشوفه وراحت من وراء تشوف
وصلت لمى وشافت بدر وابتسمت وتطمنت ان الكل مشغول في بيت خالتها وراحت لعنده
لمى ..اهلين بدر
بدر تضايق منها لانها كاشفه وتحكي بدلال واضح وقف بدر..اهلين لمى شلونك
لمى ..بشوفتك بألف خير
بدر..عن اذنك
وبالوقت هذا رغد تسمع الحوار وهي بتموت من لمى
لمى ......بدر مااشتقت لي..؟؟
هنا انصدمت رغد
بدر ورافع حاجبه ....اشتاق لك ..؟؟لمى انتي ماتفهمين
لمى وتتصنع الضعف ....الي افهمه شئ واحد اني احبك
بدر..وانا اعتبرك اخت واحترمك لانك بنت خالتي وكفايه انا انسان متزوج ورجاء انتهينا
لمى .....متزوج بتقنعني انك تحب رغد
بدر..لمى حياتي ملكي انا رجاء ارجعي للبنات احسن لك
لمى ..بدر انا احبك وقلت لك قبل ثلاث سنوات اذا تتذكر بالاستراحه لكنك رفضت حبي وترفضه الحين حرام عليك انا مستعده اكون
زوجه ثانيه بس انت وافق ارجووك
رغد..تطلع وهي تصفق ابدعتي لمى وين خالتي تشوفك وانتي تعرضين نفسك سلعه للبيع وبشكل رخيص
بدر ..تفاجأ برغد ..خلاص رغد
رغد..لامو خلاص في بيتي وتعمل كذا مااحترمت احد ولاقدرت احد
لمى وفقدت اعصابها ......ايه احبه واحبه والي عندك قوليه
رغد..انا الحين راضيه اقولها لك ومستعده اقولها للعالم كله اذا هو يحبك حلال عليك ان شاء الله يتزوجك الليله
لمى وانقهرت من رد رغد اكثر ..يحبني ايه انتي اصلا غايره مني لاني احلى منك وهو مايحبك واضح مايحتاج تمثلون الكل يعرف انه مايحبك
بدر وبصوت عالي ..لمى خلاااص قلت لك انتي مثل ريوف ونوف وريم رجاء ارجعي لاالحين اوريك الشغل الصح
لمى وخافت من بدر لانه خلاص صوته ارتقع ..خلاص مايهمني المهم انك ماتحبها ماتحبها ماتحبها وراحت تركض بااتجاه بيت خالتها
بدر..لاحول ولاقوة الا بالله ..التفت على رغد ولاشاف الا دموع غطت وجهها وراحت داخل لغرفتها وراح وراءها بدر

حصلها مرتميه عالسرير وتصيح بشكل يقطع القلب جلس بدر قريب
بدر..رغد انا مااعرف منين سمعتي لكن لمى ماتعني لي صدقيني
رغد ومن بين دموعها ....اعرف سمعت كل شئ
بدر..طيب ليه تصيحين اجل
رغد تمت تصيح لحد ماسمعوا احد يدق الباب
بدر ..ايوه مين
نوف..انا نوف بدر
بدر وفتح الباب ودخلت نوف الي تفاجأت من شكل رغد وهي تصيح ومنهاره
نوف..شفيكم..؟؟
وراحت لرغد وحضنتها وتمت رغد تصيح بشكل يعور القلب طلع بدر لكنه وقف قريب يبي يعرف ليه رغد منهاره كذا
قالت رغد الي صار لنوف..
نوف..طيب انتي سمعتي بدر انه مايحبها ويعدها مثل اخته ليه معصبه وزعلانه
رغد..زعلانه لانها تقولها بثقه مايحبك زعلانه لان الكل يعرف انه مايحبني نوف بدر مايحبني يكرهني وبيطلقني
نوف..رغوده حبيبتي شفيك خليها تقول الي تقوله من القهر
رغد..لامو من القهر كانت واثقه الحين الكل يعرف انه مايحبني ولاهو مبسوط معي
بدر ودخل فجأه للغرفه .......ومن قال هالكلام ..؟؟
سكتت رغد ماتوقعته سمع كلامها واضح انه معصب
بدر..سعادتي مايقررها غيري يارغد لالمى ولااي شخص سعادتي او حبي انا الي اقرره اذكري الله وقومي عندهم وانسي
الي صار ولااعتقد وحده مثل لمى تأثر عليك بكلامها السخيف
رغد..مااقدر اروح بنام اتركوني
نوف..الي يريحك حبيبتي لكن لاتحطين ببالك وسعادتكم ماتوصلون لها مره وحده تحتاجون وقت
طلعت نوف وسحبت بدر معها
نوف وودها تبح بدر ... ..بدر اسألك بالله من رجعت لرغد قلت لها كلمه حلوه انا عمري ماحسيت انها زوجتك
بدر..........
نوف..انت مو صغير حتى اعلمك او افهمك انا اعرفك انت اخوي انت صح ماتقصر مع رغد بشئ ولابحق من حقوقها لكنك
تعطيها كل شئ لكن عندها انت ماتعطيها شئ تدري ليه لانك تفقد عطاءك احساسك الصادق حاول تنسى الي صار لايصير قلبك اسود
رغد غلطت اوكي مااختلفنا لكن لاتتوقع ان اسلوبك كذا صح العقاب مو كذا يابدر البنت تحبك وكلنا وانت اول واحد حاس بهالشئ اذا فعلا ماتحبها ولاقدرت تتكيف معها لاتعذبها انفصل عنها بالمعروف
بدر..نوف خلاص ارجوك الي فيني كافيني
نوف وانقهرت من بدر ..الكلام معك ضايع حتى دموعها ماهزتك ولاحركت فيك شعره ..باي
طلعت نوف وتركت بدر حاير يفكر بالي صار كلام نوف وكلام لمى وانهيار رغد وهل فعلا الكل يشوفه مو مبسوط رغم
انه مرتاح بحياته مع رغد هي ماتقصر معه بشئ وهو يرتاح بوجودها اخيرا قرر بدر انه يراضي رغد ويطلعون يتعشون برا
وبعد المحاوله مع رغد وبعد ماهدأت وافقت تطلع مع بدر
وطلعوا كانت الطلعه هاديه تكلمت فيها عيون رغد ونقلت كل الحب والعتب لبدر الي حاول يتجاهل هالرساله رغم ان قلبه بدأ
ينبض لها ..

يوم الاحد تقرر موعد رجعت نواف اخوهم الصغير عمره 24 بعد ماانهى دراسته وحصل على شهادته في مجال الاقتصاد
رجع نواف والكل مبسوط برجعته في بيت بو سعود
سعود..نواف ماقلت لي شرايك بسالم
سلطان ..ولد ابوه والله استنساخ منك ياسعود حتى الابتسامه
سعود..ههههههههههه عاد ابتسامتي تذبح صح
بدر..سعود انت مين معطيك مقلب بنفسك
ريم..والله سعود احلى اخواني
سعود..ههههههههههههههههههههههههه كفوا الريم والله
رغد..وبصوت واطي ..يبيلها كف ريمووه وبدر ماملئ عينها
ريم..انا سمعت احد يقول يبي لي كف والصوت اعرفه
ريوف..ريم والله اخواني كلهم حلوين كل واحد له ميزه
نوف..اقول انتم واخوانكم والله شيخكم احمد
سعود..روحي انت واحمد الشيخ سالم بن سعود ولدي
نواف ..اقول انت ويااها ذبحتونا بعيالكم
بدر..سعود عندي لك خبر
سعود..خير ان شاء الله
بدر..بسافر
رغد..شهقة وتسأل وين بيروح ماقال لي
نوف..بدر وين بتروح وليه
ريم..بسافر معك
ريوف..اعنبوكم زوجته ماسألأت كثركم
ريم..زوجته اكيد تدري يافالحه
رغد..لا والله توني اعرف
بدر..ههههه طيب خلوني اكمل
سعود..قول يالله
بدر..وبروح لمكه تخاويني
رغد وبكل عفويه ...وانا بدر بروح معك..؟؟
بدر وبأبتسامه ..اكيد انتي معي
انبسطت رغد اول مره مايفشلني
امل..لا مابيروح انا داخله دورة كمبيوتر مااقدر اروح
نواف طيب خليه ياخذ اجازه منكم ويرتاح هههههههه
امل..ليه شقالوا لك يرتاح منا سعود بتروح
سعود..والله ماهي شينه لكن بصراحه اسبوع من غير سالم وامه مااقدر عليه
الكل .واااااااااااااااااااااااااااااااو
نواف ..الحين انت طالع اجازه يابدر سعود بيكون شغل اذا هو معك
سعود..خسك الله يانوافوه انا شغل الله يشغلك بوحده ماتخليك تنام الليل من كثر كلامها
الكل...ههههههههههه
نواف..حرام سعود استغفر الله
بدر..يالله ياجماعه انا بسري يالله رغد مشينا
بدر ورغد..تصبحون على خير
الكل..وانت من اهل الخير
وبعدهم طلع سعود وامل ولاظل غير البنات مع نواف بعد ماطلعت نوف لبيتها
نواف..اقول كيف بدر مبسوط بحياته
ريوف..نقول ان شاء الله بدر صعب الواحد يعرف اذا مبسوط او لا
نواف ..انا احسه تغير عن اول اول من اكلمه معصب لكن الحين تغير حتى كلامه تغير
ريم وتدخل عرض بالسالفه ......نواف متى بتتزوج
نواف ..توني حرام عليك ماامداني ارتاح
ريم..عندي لك عروس قمر
نواف تحمس..من هي
ريوف..يالخيانه ليه ماقلتي لي
ريم..تعرفينها انتي
ريوف ونواف ..مين
ريم..مها بنت خالتي
ريووف..الله عليك مها فنانه والله
نواف..من مها انا اتذكرها صغيره كم عمرها
ريم..مها عمرها الحين 19 اول سنه بالجامعه فنون جميله رسامه درجه اولى
سلطان..اخت لمى صح (الكل يعرف لمى لانها ماتستحي ولاتحشم احد)
ريوف..صح لكن عكسها مها قلبها ابيض ماتعرف حركات لمى
نواف وبأبتسامه ......حلوه
ريم..قمر
نواف..يالله نروح نخطبها
ريم وريوف..هههههههههههههه
ريم ..صدق نواف مها طيبه لاتضيعها
نواف ..يصير خير ..بااي تصبحون عل خير

يوم الاثنين الساعه عشره الصباح نزلت ريم ولاحصلت احد الا الشغاله سألتها عن امها قالت انها راحت عند ام سلطان
طلعت ريم للجامعه عندها محاضره عالساعه 11 وهي طالعه صادفته امل ..
امل ....ريم مارحتي للجامعه
ريم..الحين رايحه ليه
امل..ريم متى محاضرتك
ريم..11
امل ..اوكي حبيبتي اطلبك
ريم..امري
امل..حطي سالم عند امي لان عندي موعد بالمستشفى وسعود يالله يوصل على وقت الموعد
ريم..اوكي يالله وينه
امل..ثواني
اخذت ريم سالم وكان نايم وراحت لبيت عمها لكن الي صار ان فيه سياره ظلت تلاحق سيارة ريم من مكان لمكان وريم ماانتبهت لها
وصلت ريم ولان سالم نايم نزلت تعطيه ام خالد ولاانتبهت عالسياره الي واقفه قريبه منها وتوها بتدق الجرس الا يطلع خالد
ريم تفاجأت فيه
ريم..السلام عليكم
خالد ..وعينه عالسياره الي واقفه ....ادخلي
ريم استغربت من رده والتفت بشكل عفوي تشوف شو يناظر
خالد وهو واصل حده ..قلت ادخلي
دخلت ريم وخالد راح يشوف السياره والشباب من شافوه رايح لهم راحوا بسرعه ورجع خالد وريم توها بتطلع
خالد..وبنظره كلها نااار .....ماكان المفروض تنزلين وهم وراك
ريم..ومن غير ماتلتفت عليه..ماانتبهت لاحد
خالد..ماانتبهتي..!!
ريم..عن اذنك
خالد......شوفي ريم المفروض انك اصلا ماتطلعي
ريم وعصبت من اسلوب خالد ونظراته المستفزه وكأنها عامله جريمه قاطعته.....والمفروض ابوي الي له الحق فيه
وطلعت وطلع خالد ونزل عن الشباك وقال......ريم عدلي اسلوبك هالمره بكيفي امشيها لك
ريم..ولاردت عليه وابتعد وراحت ريم للجامعه وهي معصبه منه معقوله هذا خالد الي اقول انه مختلف ومتفهم
يالله ماتوقعته كذا وظلت معصبه ولاارتاحت الا لما وصلت للجامعه وقالت لعبير صديقتها كل شئ
عبير....ههههههههه ياقوي عينك رديتي عليه
ريم..عبير انا والله ماانتبهت لسياره بعدين لو تشوفين شلون يناظرني
عبير....ريم انا اشوف انه تصرف طبيعي منه بااعتبار انه ولد عمك وحتى لو احد من اخوانك
ريم..ياشيخه بلا هم خلينا نروح للمحاضره

الجزء الرابع عشر




مرت الايام سريعه وبدر تاجلت سفرته لمكه وبيوم الجمعه الكل كان موجود الاسعود كان نايم لانه سهران ونواف عنده شباب بالمجلس
كل البنات موجودين وبدر ورغد رن جوال ريوف وكان قريب من رغد شافت الرقم وابتسمت لانها عرفته
رغد..ريوف برد الله يخليك
ريوف وهي مستحيه لان بدر جالس اكيد عرف من المتصل
ريوف ..بأبتسامه وجهها كأنه طماطه ..ردي
ردت رغد ولاتكلمت
سلطان..هلا وغلا عيوني
رغد..هههههههه هلا فيك
سلطان..ههههههههههههههههههههه رغوده زين ماقلت شئ ثاني
رغد..شلونك سلطان
سلطان..يسرك الحال بشريني عنك وعن بدر
رغد..الحمد لله تمام..امي وابوي شلونهم
سلطان..الحمد لله وينك ماتجين
رغد..وتناظر بدر ماعندي احد يجيبني ....ولما شافته رفع حاجبه ..ههههههههههههههه امزح يمه خفت
سلطان ..عندك بدر
رغد..ايه
سلطان..حطي سبيكر
سلطان ..مساء الخيرات ابو سالم
بدر..هلا مساء النور سلطان شلونك
سلطان..الحين ماتقول لي ليه تخوف اختي ترى هي رقيقه ماتستحمل هههههههه
بدر..لاتخاف اختك بعيوني وبعدين مابتكون احرص مني عليها انت خلي بالك من ناس ثانيين
ريوف استحت منهم وطلعت وطلعت ريم معها وضحك بدر
بدر..اقول سلطان احرجنا البنت الله يخسك
سلطان..والله انت زوجتك الي احرجتوها وينها ريووف
بدر..هههههههه ماعندك احد طلعت
سلطان..افا والله
بدر..سلطان عندي لك اقتراح
سلطان..سمعنا
بدر..اجل زواجك لاجازة العيد
سلطان..رغد
رغد..ايوه
سلطان ..اذبحيه الله يخليك
رغد..بسم الله عليه اذبحه عشان زواجكم ان شاء الله يتأجل سنه
سلطان ..خليه ينفعك
بدر..طبعا بنفعها مو انا زوجها
سلطان.....والله اقول مالت عليك انت وزوجتك عطوني زوجتي
رغد....سلطان حبيبي زوجتك تشوفها بيوم الزواج خلاص مافيه حتى مكالمات
سلطان.....رغيده اشوف صرتي المتحدثه الرسميه بأسم زوجك
بدر.....هههههههههههههههههههههااي سلطان
رغد...والمتحدثه عن ريوف بعد
سلطان..عطيني زوجتي وروحي له ينفعك
رغود..سلطان زعلت خلاص الحين ريوف تراضيك ههههههههه
سلطان ..ايه تراضيني مو زوجتي صح يابدر
بدر..حلوو الكلام صح كل واحد تراضيه زوجته وينتهي الموضوع
سلطان..ههههههههه طيب يالله مع السلامه وعطوا ريوف الجوال بتصل فيها
بدر..مع السلامه
رغد وهي جالسه بمكانها ....ريوووف
بدر..لو شو ماصار مابترجع بعد مااحرجنها قومي عطيها
رغد..مالي خلق اقوم
بدر ويناظرها بطرف عينه .... ..وليه ان شاء الله
رغد..والله ودي انام
بدر..نامي
رغد..اقولك مالي خلق اقوم ولااتحرك
بدر..نامي هنا
رغد..هنا؟؟
بدر ..ايه هنا غرفتي فوق تعالي ننام لنا ساعه حتى انا بنام
رغد..حتى يعني بقوم حتى اروح للغرفه
بدر وهو واقف ويناظرها بأبتسامه .....شرايك اشيلك
رغد استحت وقالت لا بقوم يالله وطلعت لغرفة بدر القديمه بدر نام عالسرير ورغد كانت بالحمام وهي راجعه فتحت درج معين
واخذت منه علبة الكريم الي دائما بدر يحطها بهالدرج
بدر..وبصوت عالي..رغد
خافت رغد..شفيك خوفتني
بدر ولاول مره يقولها ..بسم الله عليك لكن شلون عرفتي مكان الكريم وكأنك متعوده
رغد انقلب وجهها صار لونه احمرر وسكتت
بدر وبأبتسامه ......دخلتي غرفتي قبل صح
ابتسمت رغد..كثير
بدر ورافع حاجبه ..بعد كثير هالكلام بعد او قبل الزواج
رغد..بصراحه قبل
ابتسم بدر طيب خلينا ننام الحين وبعدين يصير خير الظاهر اشياء كثيره ماكنت اعرفها
وتم يفكر هذا يأكد محبة رغد له قبل الزواج بدليل انها تعرف غرفته واغراضه واماكنها
بدر تغير كثيرا وبدأ يحس بالاستقرار مع رغد لكن للاسف بكل مره يرجع يقنع نفسه انه مو مرتاح معها وانها ترفضه
مهما حاولت تقنعه بتصرفات هذا بدر صعب المزاج وتفكيره كذا يعني كل الي تعمله رغد من كل قلبها هو يعتبره تمثيل
وبداخلها رافضته ..

والمغرب الكل موجود العيال والبنات قالت ام سعود ...وين سالم ياامل
امل..نايم ياخالتي
ام سعود..الحين عندي ثلاث عيال ولاعندنا الا حفيد واحد
سكت بدر ورغد نزلت رأسها وريوف ماتمنت ان امها قالت هالكلام لان تعرف ان اساس مشكلة بدر ورغد هالموضوع
نواف.....الحمد لله اني مو متزوج الحبايب انت وياه الكلام موجه لكم
سعود.....ولايهمك الغاليه ان شاء الله كل سنه حفيد جديد
ابوسعود...والله مانبي كل سنه
نواف.....ههههههههههههههههههه ابوي الله يطول بعمرك مو لازم احفاد مانكفي احنا
ابوسعود..تكفون بس الصغار حياة كل بيت
رغد حست انها ماتقدر تجلس اكثر قامت بهدوء وطلعت وطلعت معها امل
امل......شفيك رغد
رغد..ولاشئ
امل ..احسك متضايقه
رغد.....زين فيه احد حس فيني
امل ..رغد حبيبتي ليه هالكلام انتي تعرفين غلاتك عند عمي ومرت عمي والبنات
رغد..اعرف والله لكن انتي تعرفين من اقصد
امل....ماتغير
رغد.....حاولت امل تنازلت كثير
امل....رغد تكلمي بصراحه حتى اقدر اساعدك
رغد ..ونزلت دموعها تعبت ياامل صح انا مالي الا ثلاث اسابيع راجعه له لكن ضغطت على نفسي كثير والله ياامل
اني اسكت وانتم تشوفون مايجلس بالبيت الاوقت النوم وااقات متفرقه قليله عمري ماسمعت منه كلمه حلوه ولاحتى بالغلط
امل.....رغد حبيبتي انتي تحبين بدر والي انا اشوفه انك رجعتي رغد الي نعرف لكن انتي مره حسستي بدر بالحب بطريقه غير الاهتمام
رغد.......مافمت شتقصدين ..؟؟
امل.....الي اقصده رغد أن الكلمه الحلوه الي تتمنين تسمعينها منه انتي قلتيها له
رغد.....
امل..رغد خذيها نصيحه من اختك اعطي بدر كل شئ تتمنيه منه لاتترددين بكلمه صادقه اعطيه احساسك مثل ماهو من غير اي
اختيار وانتقاء ومراعاة وصدقيني الرساله راح توصل له بشكل او بأخر لكن اعطي بدر احساسك
رغد.....الله كريم ادعي لي
امل ..الله يوفقك تعالي ماقلت لك شصار بين ريم وخالد اخوي ..
ودخلت ريم وريوف وريوف ماتدري عن الي صار قالت........شصار بينهم
امل .....قولي انتي ياريم
ريم ....والله مااحد عكر مزاجي من الصبح الا اخوك
امل اتصلت على خالد من غير مااحد ينتبه لانها قالت له ريم ماتعصب وترد كذا الا اذا انت غلطان وحبت تقنعه لان ريم
بتقول الي صار ..رد خالد بالبدايه مافهم شئ لكن انتبه بالاخير وسمع ريم الي قالت الي صار بالضبط
ريووف.....ريمووه شو هالرد ماتستحين
ريم وبصوت اشوي حاد .....لا حبيبتي مابستحي ليه انا ماعملت شئ غلط
امل..طيب ريم هو اكيد عصب لانه شاف السياره
ريم..على عيني يعصب وانا مازعلت من هالشئ لكن اسلوبه وهو يكلمني ولانظرته وكأنه انا الي قايله لهم تعالوا وراءي
لاحبيبتي انا مابرضى اي شخص ينظر لي هالنظره حتى لو هو اخوك مع احترامي لك وله
رغد..الحين انتم ليه مكبرين الموضوع ماصار شئ
ريم....والله انا صراحه منقهره منه
امل.....ههههههههههههههه واخيرا حصلت احد يقهرك
ريوف.....هههههههههههههه امل المشكله انها ماقصرت خذت حقها
امل قطعت الاتصال وشوي ويتصل خالد قالت امل الطيب عند ذكره ريم تعمدت تجلس بتسمع وبعد ماسلم خالد على امل
خالد.....والله بنت عمك هذي صدق انها بنت سالم
امل....اهم شئ انك فهمت مثل ماقلت لك
خالد.....فهمت وصدقيني نظرتي على قولها ماتعمدتها عموما حصل خير هي عندك
امل.....ايه
خالد.....زين اسأليها للحين معصبه
امل.....ريم يقول خالد للحين معصبه
استغربت ريم وريوف ورغد لكن بالنهايه هذا خالد وكل شئ متوقع منه
ريم وبصوت واطي.....لا
امل.....تقول لا
خالد.....ززين قولي لها كل يوم تمر بسالم عشان الاقي احد اعصب عليه
امل....هههههههههههههههههههههه
ريم عرفت انه قال شئ عنها ماقالته امل ففضلت انها تسكت وتطلع من عندهم

نرجع لخالد الشخصيه المختلفه بالعائله كلها والي الكل متعود عليه واسلوبه صريحه لدرجه خياليه يعرف كيف يكسب
ابوه وعمانه رغم ان افكاره متحرره عن العادات الي متمسكين فيها اهله ..بيوم كان الكل بمجلس ابو خالد

ابو سعود..ها ياابو خالد متى بتفرح بولدك
ابو خالد..الله يهديه اذا تقدر عليه اقنعه
ابو سعود..خالد الحين انت وراء ماتكمل نص دينك وتعرس
خالد..الله يطول بعمرك ياعمي العرس شر لابد منه
الكل..ههههههههههههههههه
سعود..يااخي لاتكون متشاءم الزواج استقرار
خالد..طيب اوكي لكن الزواج هم والله اتحدى واحد منكم يقول لا مسؤليه والالتزام تغير جذري بحياتك
ابو سلطان..ياابوي بتجلس عزابي طول عمرك
خالد..لاان شاء الله قريب بعرس وبتفرحون
ابوسعود..ان شاء الله ان اشر واحنا مستعدين نخطب لك
نواف....وانا يبه ابي تخطب لي بس مو من السعوديه
ابو سعود وتغير وجهه ..اجل منين ؟؟
نواف وهو يحاول يداري ضحكته ..من ديرة الي كنت عندهم
ابوسعود..خسك الله كانك بتعرس منهم
نواف..اعرست وخصلت
ابو خالد..نواف وراء ماتترك ابوك بحاله
نواف ....هههههههه والله عمي فاهمني امزح معه ..ولايهمك الغالي بنات السعوديه مافيه مثلهم تاج على رأسي
ابوسعود والابتسامه على وجهه..كفوا بولدي
بدر..الحين انا بمشي للشباب بالاستراحه تخاونيي
طلع الشباب ولابقى غير الاخوان وبعد العشاء الكل راح على بيته ..

وفي بيت بو سعود ريم ماسكه التيلفون وتكلم صديقتها عبير
ريم..عبير مليت انت شو تعملين ..؟؟
عبير ..انا عالنت ياقلبي
ريم..ماتملين منه والله مااتحمل اجلس عشر دقايق
عبير..ريم النت وسيله اكتب من خلاله الي مااقدر اقوله او اعبر فيه بحياتي انتي تعرفين اني عايشه مع جدتي
بعد وفاة امي وابوي وخالي في بيته مع زوجته وعياله ولاعندي حتى احد اسولف معه جدتي الله يرفع عنها على طول نايمه من الادويه وانا جالسه كذا
ريم..طيب حبيبتي انتي اش تكتبين بالنت
عبير..انا اكتب خواطر واشارك ببعض المواضيع
ريم..طيب كيف النت الكل ينقله ويكتب باسمه يعني مايحفظ لك حقك وانتي من خلال الي اطلعت عليه مشاء الله مميزه
عبير..مايهمني صدقيني المهم اني اكتب ان احد يقرأ احساسي ولايظل حبيس بداخلي
ريم..تصدقين ولد عمي شاعر درجه اولى عليه كتابات تأخذ العقل واسلوبه جنان
عبير..ايهم اخو رغد او نوف..
ريم..اخو رغد عبدالله واعتقد انه يكتب بالنت لكن مااعرف بأي منتدى
عبير..حاولي تعرفين بشوف كتاباته
ريم..بسأل رغد واقولك
عبير ..اوكي انا بطلع اصلي وانام شوي تامرين بشئ الغاليه
ريم..سلامتك عيوني باي
عبير ..باي

حزنت ريم على حال صديقتها الروح بالروح تحس انها بخير ونعمه عايشه مع اهلها امها وابوها واخوانها حمدة ربها على هالنعمه وراحت
تصلي وحصلت بغرفة ريوف رغد وامل
ريم..السلام علييكم
الكل..وعليكم السلام
ريم..اعترفوا شعندكم بالغرفه جالسين
امل..نحش فيك
ريم..ماتقدرين ..بخلي سعود يتزوج عليك
رغد..هههههههههه والله تخوفين ريم
امل..مسكينه انتي ريمووه حبيبي مايقدر لانه يحبني
ريوف..ايووووه ياواثقه
امل..طبعا حبيبتي الله لايحرمني منه قولوا امين
الكل..امين
ريم..تصدقين ريوف كنت اكلم عبير وضاق صدري عليها
رغد..عبير ماغيرها صديقتك
ريوف..شفيها
ريم..كسرت خاطري والله هالبنت طيبه لكن نصيبها دائما لحالها حتى اذا مرضت ماعندها احد
امل..طيب هي من زمان ماجت عندنا ليه
ريم..جدتها تعبانه ولاتقدر تتركها الجامعه وتجلس على اعصابها كل ساعه تتصل تتطمن عليها
رغد..والله انا حبيتها من اول ماجلست معها شكلها بنت اصول ومتربيه
ريوف..مسكينه والله تكسر الخاطر لكن زين ان عندها نت على الاقل تضيع وقت
ريم..توها تقوله هي تشارك بمنتدى وماخذ وقتها
رغد..اي منتدى خلينا نشوف كتاباتها
ريم..الابسألك عبدالله باي منتدى يكتب ..
الكل وعلى وجه علامة استفهام من سؤال ريم
ريم..شفيكم بسم الله كنت اسولف معها لانها تكتب خواطر وتكلمنا على الشعر وذكرت قصايد عبدالله الي شفتها عندك
وقلت لها عليها سألتني عن المنتدى ولاعرفت اسمه
رغد سرحت بعيد بعدين ابتسمت وقالت مااعرفه لكن بحاول اعرفه منه الا هي بأي منتدى تشارك
ريم..قالت لها اسم المنتدى
ظلوا البنات يتكلمون عن زواج ريوف الي باقي عليه شهر بس بعد الاختبارات بأسبوع زواجها وهي لانها تدريب
تنتهي قبل بداية الاختبارات يعني عندها فتره ترتاح فيها ...

وفجاه دق جوال امل وردت
..امل..مساء الورد هلا والله بااخوي وحبيبي شلونك
خالد..هلا بالقاطعه الي ماتسأل
امل..حرام انا كل مااكون عندكم انت مو موجود قولي خالد لاتكون تزوجت واحنا ماندري
خاالد..ههههههههههههههههههههههه والله ماهي بشينه
امل..صدق خالد خلاص عاد فرحنا خلني اصير عمه
خالد..ان شاء الله قريب
امل..صدق..؟؟
ريم عورها قلبها من كلام امل يعني خالد وافق عالزواج
خالد..صدق بس لاتشتغلين خطابه انا الي بختار
امل..شلون تختار من الشارع
خالد..كيفي المهم من اختياري
امل..خالد عندي لك وحده قمر وربي قمر
خالد..الي بقلبي قمر
امل..وشهقة وقالت من الي بقلبك قول الله يخليك
خالد..ههههههه لاتحاولين امووول
امل...خاااااااااااااالد
خالد..امل نسيتيني ليه اتصلت عليك شوفي ابيك تمري على بيتنا بكرا اذا تقدرين
امل..ليه ؟؟
خالد ..بطلع مع الوالد للمزرعه من الصبح تعالي عند امي لاتجلس بروحها
امل.وتكلم البنات ...بنات كلكم عندي في بيت اهلي بكرا
خالد..انتي وينك.؟؟
امل..في بيت عمي
خالد..ماعلينا اوكي بكرا امل
امل..اوكي سلم على اهلي
خالد..يوصل ..باي
امل..باي..
قالت لهم امل الي صار مع خالد والكل كان يعلق الاريم الي امل حست فيها لكن سكتت قالت اخوي واعرفه مابيعمل الا
الي براسه ليه اعشم البنت بشئ وانا ماادري عنه ..
ظلت ريم تفكر بخالد وتسأل نفسها ياترى اهتمامي فيه اعجاب او شئ ثاني ..خالد دائما يثير اسأله ببالي اتمنى احصل لها اجابه
وغير كذا وسامته تخليني غصب افكر فيه ..ريم تعبت من كثر ماتفكر بخالد بالاخير قالت ياريم لاتتأملي شئ خالد مختلف من زمان وهو يقول مابأخذ الا من اختياري يعني انسي الموضوع ..طلعت ريم من غرفة ريوف ونزلت تحت عند نواف..

ريم..اهلين اخي العزيز
نواف ولارفع رأسه ..هلا
ريم حست سلطان واصله معه وقربت عنده..سلطان
نواف وبنفس الوضع ..نعم
ريم..فيك شئ تعبان..؟؟
نواف..ههههههههههههههههههههههههههههههههههااااي
ريم..حرام عليك والله خوفتني
نواف..هههههههههههههههااي والله انك خبله ريم
ريم..اضحك وانا اقول بجلس مع اخوي حبيبي ماانت كفوا وقامت عنه
نواف..ريم حلفتك بالله ارجعي والله امزح
ريم..وهي تبتسم المشكله اني احبك
نواف..احم احم اصلا اعرف انك تحبيني
ريم..طيب نواف بطلب منك طلب ..؟؟
نواف..وهو يفكر قولي لكن مااضمن اني انفذه
ريم..نواف اقنع اهلي اننا نطلع للثمامه ونأخذ لنا شاليهات هناك
نواف..الله ياللثمامه والله اشتقت لايام السهر ذكرتيني بطلع مع الشباب للمخيم
ريم..نواف انا اقولك عشان تطلع
نواف ..زين اسمعي شرايك نطلع للمخيم احسن من الشاليهات
ريم..طيب حلووو لكن اقنع امي وابوي
نواف مو انتي تحبيني..؟؟
ريم بأستغراب..ايه
نواف..هههههههههههاي كلهم مثلك مايرفضون لي طلب
ريم..هههههههههههه امووت عالثقه انا
نواف..طبعا انا نواف ..المهم انا طالع وبكرا ان شاء الله اقنعهم باي
ريم..باي

الجزء الخامس عشر




ومن بكرا مثل ماوعدت امل اخوها راحت الظهر بيت أهلها واتفقت مع البنات انهم يروحون عندها لكنهم قالوا
عشان رغد بيروحون لها العصر ..
رغد ماقالت لبدر شئ عن الروحه لبيت عمها لكن اتصلت عليها ريم تسألها اذا بتروح ينتظروها العصر واذا مابتروح
يروحون يتغدون بعد الجامعه عند امل رغد قالت بسأل بدر وارد عليك ..والحين رغد لها شهر من رجعت لبدر ولاعمرها بيوم
اتصلت فيه معظم تواصلهم عن طريق المسجات لكن هالمره قالت بتصل فيه تقول بنفسها والله اشتقت لصوته واتصلت
بدر كان مشغول بالشركه وقطع عليه صوت الجوال اخذه واستغرب هذي رغد وكان مخزن رقمها بأسم( البيت 2)
بدر..الووو
رغد..اهلين بدر
بدر..هلا رغد
رغد..يعطيك العافيه لااكون ازعجتك
بدر..الله يعافيك لاابدا امري
رغد بخاطري بينهي المكالمه بسرعه امووت واعرف لهالدرجه انا انسانه مااطاق ..سلامتك بس حبيت اخذ اذنك
بروح مع البنات عند امل بيت اهلها
بدر..بيت عمي ..؟؟
رغد..ايه لان خالتي ماعندها احد عمي وخالد طالعين لمزررعه
بدر ..ايه صح اوكي طيب لكن ..وسكت كان بيقول هالموضوع كان ممكن تأجليه لحد ماارجع لكن غير رايه وحس انه يجرحها كذا
رغد..خير بدر فيه شئ
بدر..لا مافيه شئ متى بتروحين
رغد..بروح مع البنات العصر هم ينتظروني
بدر..اوكي مو مشكله
رغد..طيب انا مااطول عليك يالله بااي
بدر..باي
سكرت رغد من بدر وهي مبسوطه اول مره تحس انه هادي ومرتاح يمكن لانه بالتيلفون المهم اتصلت بالبنات وبلغتهم وبعدها بساعه تقريبا قالت انا مأارسلت لبدر ولامره مسج حلوو كله كلام رسمي بكتب له الحين مسج وياليت هالمسج يوصل الي بخاطري " اشتقت لك مثل طفل فقد صدر حنون ..اشتقت لك مثل البحر لاصارت امواجه جنون "" وصل المسج لبدر وظل عشر دقايق يقرأه ويقول معقول رغد تحمل لي هالحب تردد يرسل لها او لا لكن دخل عليه واحد ونسى بدر موضوع المسج
والعصر طلعت معهم
وبدر حس انها فرصه يضمن ان رغد برا البيت قال ماراح انام اتمنى مره وحده اشوف البيت وكل ركن فيه براحتي
اول شئ طلع لصاله الي فوق واخذ صورة طفل وجلس يتأمل فيها يالله هالبراءه بالاطفال وسرح بعيد يتخيل ولده بين يديه ويلعب معه
بدأ يبتسم تخيله معه بالبيت يبكي ويضحك لكن آه يارغد جرحتيني بالشئ الي عملتيه ترك الصوره وبدأ ينتقل من ركن لركن وخصوصا
التحف المحفور عليها كلام اول بيت قراه كان ..
ارسل حروفي يمك اليوم واقرأ ..تلقى كثر أشواق هالعالم اشتقت
غيرك اليا غاب فرقاه بشرى..وطيفك اليا غاب لحظه تضايقت
( لشاعره عذايب )
وظل يفكر بدر ياترى الصدفه او هي اختارت البيت او قبل او بعد او او اسئله كثيره بباله تجاوزها
لدبدوب حامل لوحه من الخشب مكتوب عليها ..
أحبك كلمه ماتكفي واعشقك واهواك ..غلاك يزود في اللحظه وقربك لي يداويني
(لشاعره جواهر السديري)
واستمر بدر على هالحال يتأمل الشموع والورود والتحف والصوره وكل شئ يحس فيه شئ مشترك مع غيره يجمعهم
شئ واحد الحب بكل ركن بالبيت فيه كم هائل من الحب بدر لما حس انه انجرف مع احساسه قال لا هذا تهيئ رغد
مثلها مثل خواتي تحب الحركات الي كذا حاول يقنع نفسه وراح لسعود بالخيمه ..

بالخيمه مافيه الا سعود وولده سالم نايم عنده ..
بدر..السلام عليكم
سعود..وعليكم السلام
بدر..سالم عندك
سعود..والله جلس يصيح لما وصلت امه واخذته معي
بدر..والله ولدك هذا مدلع
سعود..طبعا ولد سعود لازم يتدلع وبعدين نشوف ولدك
بدر..آه
سعود..افا والله سلامتك يااخوي من الآه
بدر..خليها على الله
سعود..بدر اكلمك بصراحه ولاتعصب
بدر..وبأبتسامه ماراح اعصب قول
سعود...انت مرتاح مع رغد..؟؟
بدر..عادي
سعود..يابدر كفايه خلاص اعطي مشاعرك الحريه انها تترجم لردود فعل ليه تقيد نفسك بالتعبير الخالي من اي مشاعر
بدر..هههه كل هذا فيني
سعود..بدر شوف انت تزوجت رغد وانت مو مقتنع ابدا وصارت بينكم مشاكل لكن يابدر الي اشوفه انك مازلت مو متقبل
بدر..وبكل هدوء ..شوف سعود رغد بنت عمي صح وزوجتي لاهي مقصره معي ولاانا لكن حياتي اشوفها عاديه لكن تقريبا مرتاح
لكن كنت اتوقع حياتي تكوت اجمل من كذا
سعود..لازم تكون مو الحياة الي توقعتها بدر انت باني بينك وبينها حاجز كبير صعب انها تتجاوزه بسهوله
اعطي نفسك وبنت عمك مساحه من غير حواجز حتى تتقربون من بعض صعب يابدر ان طرف يعطي والثاني يصد مهما كان بيجي يوم
وتمل البنت منك
بدر..والله يااخوي مااعرف
سعود..احكي يابدر قول الي بخاطرك انااخوك وصدقني بترتاح اذا تكلمت
بدر..والله ياسعود احس علاقتي مع رغد متذبذبه ساعات احس اني مرتاح معها واتمنى احسسها بهالشئ لكن فجأه اتذكر
تصرفها والي صار بالمزرعه وارجع اقول لا لا
سعود..بدر انسى الي صار غلطه منها يمكن ماحبت تقول لك هالشئ اختلق لها اعذار وعيش حياتك بعدين لاتنسى ان رغد
بنت وزوجه مثل اي زوجه لازم تهتم فيها وتحسسها بهالشئ بدر انت زوجتك تعرف الكل هنا ومتعوده عليهم الا انت الي
المفروض تكون اقرب لها من الكل بدر لاتضيع ايام عمرك بسبب غلطه يمكن ماكان لها اي دافع يمكن كانت خوف من المستقبل عدم استقرار ولاتنسى ان رغد ماعندها خوات وخالتي ام سلطان كبيره بالسن وتذكر انك انت الي ماكلمتها ولاجلست معها بأيام الملكه بدر اذا تبي نصيحتي لاتضيع ايامك بسبب غلطه يااخوي مافيه اجمل من انك تقول الشئ الي تحسه لاتحبس مشاعرك بداخلك والله تتعب ومع الايام
راح تعرف اذا هي عملت هالشئ لسبب او لا لكن مايعني ان تكون بحالة ترقب تتنتظر لحد ماتعرف السبب وتضيع ايام عمرك
بدر..تعرف سعود انا فعلا لازم اعيش حياتي
سعود..هههههههههه ايوه كذا انت تمام


وفي بيت العم بو خالد كانوا البنات كلهم هناك ..مجتمعين ومبسوطين وخصوصا ان سالم الصغير مع ابوه مرتاحين من
ازعاجه ..
رغد..والله اني ولهانه على عبدالله من زمان ماجلست معه
ريم..الحين اخوك وولد عمي الموقر ليه مايجي على نفسه شوي ويتشرف بزيارتك
رغد..هههههههههههههه ان شاء الله بيشرفني قريبا جدا
ريوف..سبحانه الله عبدالله استنساخ عن عمي بكل شئ حتى بصوته
ريم..حتى ناس فيهم من عمي بعد..هههههههههههه
امل..ههههههههههه ريوف الا شخبار سلطان اي احلى قبل الخطبه او بعد
ريوف ..والله حبيبتي بكل الحالتين حلووو
رغد..وااااااو وينك ياسلطان تسمع وتشوف
ريم..ياشيخه سامع كل شئ وعارف هههههههههه
امل..ههههههههههههههههههه والله ياريم انتي الله يعين زوجك عليك
ريم..يحمد ربه ويشكره اني انا وافقت عليه يعني ميزته بموافقتي
رغد..اقول حلوه الثقه لكن مو دايم
امل..رغوده شلون بدر معك ..؟؟
رغد..سكتت تقول بخاطره لاتسألوني وتذبحوني
امل..سوري رغدوه اذا ضايقتك
ريوف..لارغد ماتزعل اكيد تفكر فيه
ريم..يااختي لاتفكرين فيه اخوي ماينفع معه الا انك ماتعطيه وجه
ريوف..ريمووه لو سمحتي استكي انتي ونصايحك
رغدوبأبتسامه من غير نفس باهته ..اخبار بدر ياعزيزات انه ماتقدم ولاخطوه
الكل سكت لانهم يعرفون شكثر رغد تضغط على نفسها وتجامل وتضحك عنده
رغد..مجرد تغيير بسيط
الكل...شووووووو؟؟
رغد..صرت اذا كلمته يرفع عينه لثانيه يناظرني
ريم ..سكتت هههههههههههههههههههههههههههههههههه
رغد..والله ياريم شئ يضحك اخوك بصراحه جبل مايهزه شئ لكن.....
الكل خاف من سكوتها بعدين رغد وبابتسامه ..احبه
الكل..ايووووووووووووووووووووووه
امل..راح يحبك لكن اصبري عليه
رغد..اتمنى
وفجاه سمعوا احد يدق الباب وراحت الشغاله تشوف مين الكل استغرب منو جاي لهم
نوف..مالت عليك يالشييون تجتمعون ولاتقلون لي
قامت امل..هلا والله
نوف..لاتسلمين تشوفون انتي ورغود ان ماخليت اخواني يأخذون عليك سوريات يهبلووون
ريم..هههههههههههههههههههه وانا بساعدك
ريوف..نوف انا مالي دخل انا اختك حبيبتك
نوف..لو اختي قلتي لي اجي معكم انبسط مو بالبيت كني خبله اكلم حمود كنه يفهم
الكل..ههههههههههههههههههههههههه
سلمت نوف عليهم وجلسوا مع بعض وفجأه صار شئ مافيه أحد توقعه الكل انصدم منه وخصوصا رغد
دق جوالها وكان عند نوف ..
رغد ..مين
نوف.. مااعرف لكن مكتوب .......انت عمري
رغد كانت تشرب عصير وشرقت فيه .كح كح
امل ..بسم الله عليك شفيك
رغد وصوتها راح ...بدر
الكل استغرب ..ريوف ..طيب
رغد..اول مره يعملها ويتصل
الكل رحم رغد يالله اول مره يتصل فيها معقوله نوف ..طيب ردي لايقطعه رغد وبصوت مبحوح ...الوو
بدر..هلا والله رغد
رغد وكل علامات الدهشه على وجهها والكل يراقبها ..اهلين بدر
بدر..هاشلونك الجمعه حلووه
رغد وخلاص ودها تسأله انت بدر...اكيد حلوه مادام كل بنات عمي فيه
بدر..بس ماكأنك طولتوا ساعه حول تسع
رغد..والله عدى الوقت من غير مانحس فيه
بدر..طيب انا جاي لك الحين اوكي
رغد وخلاص جلست عالكرسي والكل يتابعها بنظراته ويشوفه وجهها شلون تغيير بعد كلام بدر
رغد..اوكي
بدر..يالله سلمي عليهم بااي
رغد..باي
نوف ..شفيك رغوده ..؟
رغد بعالم ثاني بدر اتصل وبيجي هو يأخذهم ليه معقوله اشتاق لي او فقد وجودي بالبيت صح هي تروح بيت اهلها لكن هم
كل اسبوع يجتمعون في بيت احد عمانهم يعني بدر يكون معها او اذا طلعت ماتطول ساعه او اقل ومعظم وقتها في بيت عمها عند البنات
اول مره تطلع من العصر الى تسع بعدين انتبهت على صرخت ريم
رغد..وجع شفيك خوفتيني
ريم..هههههههه سوري انتي سافرتي مع الحبيب
ريوف وهي خايفه رغد ..تكلمي شفيك مره وحده سكتي
رغد..والله اعذروني اول مره يعملها بدر ماعمره اتصل من رجعت له ولابعد لوتعرفون ليه متصل
الكل..ليه
رغد..بصراحه انجاز عظيم منه
ريم ..قولي بسرعه
رغد..بيجي يأخذنا ..!!
نوف..هههههههههههههههههههههه والله رغوده
امل..اكيد اشتاق
رغد..لاعاد قويه اشتاق لكن غريب هالانسان عليه طلعات غريبه
ريوف..بدر مافيه مثله والله انه طيب وحبوب
رغد..وبصوت واطي ..وهذي مشكلتي معه
نوف..هههههههههههههههههههههه سمعتك لكن قولي يارب
رغد..يارب

وصل بدر وطلعت رغد والبنات قالوا بيرجعون مع امل ..ونوف زوجها بيمر عليها عند عمها
ركبت رغد السياره ..السلام عليكم
بدر..عليكم السلام
بدر..البنات مابيجون معنا
رغد..لابيروحون مع امل
بدر..اوكي طيب شرايك أجل بمر على سلطان عندي كم شغله
رغد..وهي مبسوطه ..اوكي خليني اشوف امي بس ان شاء الله ماتكون نامت
بدر..ان شاء الله
وصلوا لبيت ابوسلطان لكن للاسف حصلت امها وابوها نايمين سلمت على سلطان
سلطان..هلا والله بنور البيت
رغد..هلا فيك حبيبي شلونك
سلطان..الحمد لله
رغد..ياخساره امي وابوي ناموا
سلطان..يالله مره ثانيه تعالي لهم بكرا قولي لي اذا فيه ناس مايرضون ..ههههههه
بدر..ههههههههههههههه فهمتك حرام عليك لاتظلمني
رغد..طيب عبدالله وينه
سلطان..توه عندي لكن طلع لغرفته
رغد..اوكي عن اذنك بروح اشوفه
طلعت رغد لاخوها عبدالله الي مايجلس بغرفته الا على صوت الموسيقى الهاديه
رغد..مساء الخير
عبدالله بأبتسامته الرائعه..مساء الفل والورد لاحلى الخوات
رغد..هلا عبدالله شلونك
عبدالله ..مثل ماانتي شايفه الصبح بالشركه وباقي الوقت مع الشباب او عالنت
رغد..للحين تكتب بالمنتديات
عبدالله..منتدى واحد بس اكتب فيه والباقي اطلع عليها مااشارك
رغد..ايوه صح عبدالله ابي موقع.....بشوف كتابات وحده
عبدالله من عيوني
فتح الموقع وقال شو اسم البنت
رغد..حياة بلا حياة
عبدالله ..اف اف شو هالاسم المتشاءم
رغد..مسكينه
عبدالله ..وبعد ماطلع مواضيعها فتح صفحه لموضوع بقسم الخواطر اسمه ..ويأخذني الحنين اليك

وطلبت رغد من عبدالله يقرأها بصوته ..

عندما تشتد بي رياح الحزن
ابحث عن بقعة ارض تحتويني
بقعة ارض اتنفس الفرح فوقها
بقعة ارض انزف الحزن عليها
عندها اتذكر..فيأخذني الحنين اليك
عندما أجلس وحدي اقلب كتاب العمر
اتجول في صفحات الامس
واقرأ سطور تاريخك العظيم بي
عندها اتذكرك فيأخذني الحنين اليك

عبدالله ماكمل الخاطره والتفت على رغد..رغد تعرفين الكاتبه شخصيا او معرفة نت
رغد..عبدالله انا من متى استخدم نت انا عرفها لكن مو مره هي صديقة ريم لكني اشوفها احيانا
عبدالله..طيب ليه متحمسه تشوفي كتاباتها
رغد وحست انها اصابت الهدف..لانها بصراحه ظروفها مختلفها واسلوبها وحياتها
عبدالله وبكل اهتمام كيف ..قالت له رغد قصة عبير
عبدالله ..مااستغرب الاسم الحين حياة بلا حياة
رغد..الله يرزقها ويسعدها مسكينه
وفجأه سمعت صوت سلطان وطلعت له وطلعت من بيت اهلها وتركت عبدالله يقرأ عبير وحروفها
عبداله بدأ يقرأ مشاركاتها وردودها انسانه فعلا مختلفه محترمه لها تقدير واحترام من كل الموجودين
وغير كذا انسانه واعيه ومميزه بحضورها بأغلب المواضيع وان كانت اغلب مشاركاتها بقسم الخواطر
قرر عبدالله انه يشارك بنفس المنتدى لكن راح يغير اسمه لان الكل يعرف منهو العطاء بأغلب المنتديات قرر انه يشارك
بأسم مخالف لاسم عبير سجل بأسم أمل الحياة ..وبدأ اولى مشاركاته قصيده يجاري فيها اهم شعراء المنتدى وكان التصفيق
من المشاركين رائع لانه شاعر مبدع ..

قدر نواف انه يقنع امه وابوه بطلعت المخيم وتحدد الموعد يوم الاربعاء الظهر طبعا مع كل عمانهم وعيالهم
طلعوا الكل بعد مااقنعت ريم خالتها ان مها تطلع معهم وكانت خايفه لمى تجي لكن لمى من عرفت ان نوف وصلها خبر
بكل الي صار وهي مالها وجه تدخل بيت خالتها ابدا ..وصلوا للمخيم والجوو كان حلوو وكان اليوم ولااحلى منه البنات مبسوطين مسجل
ورقص والشباب مبسوطين قصايد وسوالف ولعب ..وبالليل وقت النوم وقت الرعب بالنسبه لريم ..ريم تموت عالبر لكنها تخاف
من شئ اسمه نوم بالخيام متعودين كل مره نواف او احد من اخوانها يقرب لها السياره وتنام فيها اتصلت على نواف
وكان سهران مع عيال عمه واخوانه بعد ماناموا الشياب
نواف..هلا والله بهالصوت
سعود..ماعقلت للحين
نواف..هههههههههههههههههه عقلت هذي ريمووه
خالد انتبه لاسم ريم وظل يراقب كلام نواف
نواف..نعم ..نعم عيدي عمتي ريم
ريم..نواف الله يخليك والله تعبانه ناموا كلهم يالله قرب السياره
نواف ..نامي بالخيمه
بدر وسعود..هههههههههههههههههههههه
سلطان ..للحين نفس المشكله
خالد..اي مشكله( كان قليل مايطلع وينام يطلع وبالليل يرجع للبيت )
سعود..هذي ريموه اختي لو تمووت ماتنام بالخيمه لو تجلس طول الليل صاحيه
بدر...هههههههههه حرام نواف قوم قرب لها سيارتي
نواف‎ ‎لا خليها هي الي تبي تطلع للبر خليها تتحمل
سعود..لاصدق الحين بتتصل فيني او في بدر
ارسلت مسج لهم بدر وسعود وضحكوا كلهم منه
نواف ..منها ..؟؟
بدر..ايه
نواف.شكاتبه
سعود..عندكم عشر دقايق اذا ماقربتوا لي سياره بقول لحريمكم انكم شايفين لكم غيرهم
الكل..ههههههههههههههههههه
نواف ..ايووه الحين الدور علي اسمعوا المسج
وفتح المسج وسكت الكل ينتظره لكنه قام وقال..بروح اقرب السياره حرام مسكينه
الكل...ههههههههههههههههههه
سعود..تعال شقالت لك سببت لك رعب
نواف وهو يمشي يقرأ المسج "" نواف صدق مها معي مسكينه واذا مانمت بتظل سهرانه يالله عاد ""
هو من شاف اسم مها قال لا عاد هذي الي مخططين انها العروس بتقول مالت عليه هذا وهو اخوها
وقرب نواف السياره لريم وبنت خالتها ونامت اما بالخيمه رغد ماقدرت تنام وحست بريوف تتكلم وعرفت انها
تكلم سلطان راحت لها وقالت..
رغد....ريوف تأكدي من سلطان اذا بدر صاحي
ريوف....صاحي توه يكلمه
رغد..اوكي
راحت رغد وطلعت جوالها وقررت ترسل له رساله وكتبت فيها
"" هلا بدر ...كيف الجوو عندك ان شاء الله مبسوط""
وصل المسج لبدر استغرب لكن رد عليها " حلوو وانتم كيف ..وبعدين غريبه مانمتي للحين""
" شوي وبنام لكن قلت اشوفك مبسوط ومرتاح""
""رغد شرايك بتصل احسن من سوالف المسجات ""
""لا خلاص انااعرف انك ماتحب تسولف بالجوال""
""الظاهر كل شئ عني تعرفيه""
""طبعا مو زوجي..""
""وقبل مااكون زوجك ..؟؟"" هنا تعمد بدر يحرجها
"" تصبح على خير عمري ""
ضحك بدر على رغد لانها حاولت توصل الاجابه بشكل غير مباشر
" تلاقي الخير يارب ..على ان الاجابه ماوصلت للحين..""
ابتسمت رغد ونامت مرتاحه
والصبح صار الشئ الي ولااحد تخيله او تصوره سلطان صحى بدري واخذ موافقه عمه انه يتمشى مع زوجته شوي الي هي ريووف
لما صحوا كل العيال ..ابوسعود..سعود
سعود..سم طال عمرك
ابوسعود..قول لريوف سلطان بيجلس معها شوي
الكل سكت وتم يطالع سلطان الي يبتسم ويقول ..خلاص اخذنا الموافقه من عمي
بدر..هههههههه طيب باقي الموافقه الاصعب وافقت
سلطان..ماقلت لها شئ بدر حبيبي انت اقنعها
بدر..ياسلطان شلون اقنعها الله يهديك احنا بالبر وتوها صاحيه واكيد ماعملت حسابها
سلطان..انا هذا الي ابيه
سعود...سلطان..اسمع قل لاختك تقنعها وانا بقول لزوجتي مالي خلق انا الحين احاول مع احد كلم سلطان رغد الي ماتت من الضحك
على طلب اخوها وسعود قال لامل اما ريوف
ريوف....ا لا لا انتم مجانين اطلع له وزواجي بعد عشرين يوم بهالشكل اخاف يهون بعدين
رغد..ههههههههههههههه ريوف انتي قمر
ريم..روحي انتي وياها تطلع بجلابيه ومن غير تصليح ولاشئ
امل ..ريم تعرفين شوودي فيه
ريم..ايش..
امل..اخلي خالد اخوي يسمعك كم كلمه يعلكم شلون تتكلمين يااختي اذا كلامك مايفيد اسكتي
ريم سكتت لما سمعت اسم خالد بعدين قالت ..اقول اتصلي عليه يجي يسمعني كم كلمه اقول خالد اخوك ليه رعب يعني ..
امل..لا بس ريم روحي شوفي وين خالتي
ريم..لا بسمع شتقولون
رغد..ريوف حبيبتي انتي وربي كذا حلوه
ريووف لا
امل..ياذكيه وربي احساس حلووو
رغد..الظاهر مالها الا رجالها وطلعت
راحت لنوف وقالت لها السالفه كلها ضحكت نوف وقالت ..والله ريوف ماعندها سالفه احد يحصل له ويقول لا
رغد..طيب اقنعيها
نوف..اقول اتصلي على سلطان وعطيني اكلمه
رغد بكل استغرراب ليه..
نوف..اتصلي وتسمعين
اتصلت وكلمت نوف سلطان وبعد السلام
نوف..سلطان اسمعني ريوف ماوافقت ولابتوافق لكن اذا بتشوفها لازم تغامر موافق
سلطان.. هههههههههههه حرب داخلين شلون اغامر
نوف..ريوف الحين بالخيمه الصغيره ولاعندها الا ريم بطلعها وانت ادخل ونكون حطيناها قدام الامر الواقع
سلطان عجبته الفكره لكن قال..نوف اخاف تزعل
نوف..طيب حلووووو راضيها
سلطان..ههههههههههههههههههه والله انتي سوالف يانوف موافق نفذي
نوف..اوكي اذا عطيتك دقه ادخل من الباب الخلفي اوكي
سلطان والابتسامه على وجهه ..اوكي
وفعلا طلعت نوف ريم ودخل سلطان وكانت ريوف تفكر ولابسه جلابيه لونها عشبي ورافعا شعرها وننازله منه خصل وجهها على طبيعه مافيه غير الواقي من الشمس ..
سلطان..اح السلام
ريوف ..وكأن احد كاب عليها مويه بارده ماقدرت ترد ولاتستوعب اصلا انه معها بنفس الخيمه
سلطان..ريوف
ريوف ..ونزلت راسها ولاردت عليه
سلطان..افا والله الغاليه ماهي معطيتنا وجه
وريوف تغلي بداخلها والله لاوريك يارغد عملتيها ظلمتها هذا كله تخطيط نوف
سلطان..وجلست قريب من ريوف لكنها بعدت عنه ..سلطان..هههههههههههههههه لهالدرجه ريوف زعلانه
سلطان..عيوني حسيت اني مشتاق ولهان عليك صح باقي اقل من شهر لكن تمنيت اشوفك اليوم ليه تحرميني من هالوجه
وبكلام سلطان الحلو رضت ريووف وجلست معه تقريبا ساعه الاربع وبعددها طلع ودخلت عليها رغد ونوف
نوف...ريوووف
ريوف..وجع خرعتيني
رغد..عجبك المقلب الحلووو
ريوف..مردود يارغد تشوفين كل اسرارك عندي ان مافضحتك عند بدر
رغد..مابيصدق
ريوف..ههههههههه حبيبتي عندي الادله والمناديل
رغد..هههههههههه الله يخسك والله مو انا نوف الي خططت لكل شئ
نوف..تعالوا شسالفة المناديل
ريوف..سر بينا
وتدخل امل وريم..امل ..بنات بطلع مع اخوي وسعودي من بيطلع
الكل ..لا مابنطلع
ريم..لامابروح اجل
امل..ليه..؟؟
ريم..اروح لحالي ارز وجهي
امل..ههههههههههه لو انا وحبيبي بس يمكن لكن خالد معنا
ريم.....ههههههههه طيب بس اشتري الي ابي
ررغد..جالكسي
ريم..ههههههههههههه وبجيب لك
طلعت ريم وامل وراحوا يشترون اغراض وكانت طول الوقت تسولف مع سعود لان سعود حبيب وعادي عنده
اما خالد كان يحكي لكن اكثر الوقت يسمع كلام ريم
بعد ماطلعوا كلهم ظلت ريوف ومها ورغد يسولون ونواف اخذ سيارته لكن تفاجأ بورقه وتفاجئ اكثر لما شاف الي فيها
فيها رسمه رائفه لطفله حاضنه دبدوب وشكلها فعلا جذاب والتوقيع مها نواف تأكد انها مها بنت خالته لانها كانت مع ريم لكن السؤال الي ظل بباله هل هالحركه مقصود او نست الورقه ..
مرت الايام حلوه عليهم انبسطوا كثير فيها ..

باليل رح كمل

*^(الجزء السادس عشر)*^






بدت الاختبارات والكل مشغول ريوف وريم ورغد حست انها فقدتهم بأيام الاختبارات لكن ريوف خلصت قبل لكنها مشغوله بزواجها
ويوم الخميس موعد استلام فستانها وفستان رغد اما امل ونوف وريم فساتينهم بمشغل ثاني لكذا قررت رغد انها تتجرأ وتطلب من بدر يوديهم للمشغل ..دخلت عليه وهو يقرأ الجريده ..
رغد..احم بدر
بدرر..ورفع راسه ايوه
رغد..اليوم موعد استلام فستاني اناوريوف
بدر..ابتسم ..طيب
رغد..السواق مشغول شرأيك تودينا
بدر..اوكي لكن لاتطولون علي
رغد..من عيوني خمس دقايق ونكون جاهزين
بدر..يالله
راحت رغد لريوف وطلعوا مع بعض للمشغل لكن للاسف ريوف فستانها يحتاج تعدديل بسيط اما رغد فستانها تمام
رغد..ريوف ماابي بدر يشوف فستاني
ريوف..ليه يعني هههههههههههههرغوده بتعمليها له مفاجأه بيوم الزواج
رغد..ياشيخه انا فقدت الامل منه اخاف مايوافق اذا شافه عاري مره
ريوف..اقولك انا باخذه عندي وانتي قولي يحتاج تعديل
رغد..حبيبتي اصلا انتي الي فاهمتني
اتفقت رغد وريوف وطلعوا لبدر
بدر وبأبتسامه ....بشروا خلصتوا من المشاوير
ريوف..هههه للاسف لا
بدر..افا وانتي رغد
رغد..ولا انا
بدر..والله مشكله انتم الله يعينكم
بدر..اقول احنا قريبين من صحارى شرايكم نتمشئ شوي
رغد..وتناظر بدر ..والله مانقول لا
نزلوا لصحارى وتمشوا واشتروا لهم كم غرض وبدر كان مبسوط اول مره يكون مع رغد بمشوار كذا
طلعوا من صحارى ورجعوا عالبيت ريووف راحت للبيت اما رغد وبدر قرروا انهم يطلعون يتمشون
وهذا الشئ حير رغد كثير معقوله بدر مو طبيعي اليوم ..

اما الانسانه الي رمزت لنفسها حياة بلا حياة فعلا كانت بلا حياة أيامها تمر من غير أي ذكرى اليوم بكرا نسخه منه ماكانت تحلم بأي شئ
اي شئ يغير حياتها حتى بالنت كانت تشترك بمنتديات وتكتب من باب التنفيس عن المشاعر المكبوته احيانا تكتب الحب لكن حب
نازف حب مجروح دائما تكتب الجانب السلبي لاي قصة حب ماكانت قادره تعيش الحب حتى بحروفها ..
لكن أمل الحياة قلب كل هذا الوضع عند عبير ..
عبدالله دخل لحياة عبير فجأه وغيرها بدلها بدأ يزرع الأمل بحياتها بشكل حلو والاجمل انه محترم ولاتعدى حدود الادب معها لكن كيف صار هذا..بالبدايه بعد ماقدر عبدالله انه يتكيف مع اعضاء المنتدى وكسب اعجاب الاغلبيه بأخلاقه وجمال شعره بدأ يكتب وبشكل مختلف عن اسلوبه بالمنتديات طرح موضوع بأسم" الامل بين بين رموش العين " وكان يحمل فلسفه غريبه جميله للأمل من خلال تصوير الالتقاء
والاحتضان بين رموش العين رغم ان البعد لايتجاوز الثواني تكلم عن الامل بالحياة حتى بالثقه الامل موجود فكيف بحياة نحن حكمنا عليها بأنها شبه مستحيله او حزينه ..عبير تأثرت كثير بكلام عبدالله وبدأت سلسلة الردود الرائعه بين طرفي نقيض احدهم يطلب الأمل والاخر فاقد له ..وهكذا استمر عبدالله يكتب ويكتب لكن مالذي دفع عبدالله لهذا التصرف او الرحمه او الشفه او احساس الشاعر او احساس اخر
بالبدايه عبدالله اندفع لتسجيل حتى يزرع الامل بحياة انسانه فقدته لكن بعد الاشتراك والحوار والمتابعه اعجب عبدالله بعبير كثيرا اما عبير
كانت تقاوم احساس جعلها بصراع كبير بين هذا الاحساس وبين الشئ الذي تربة عليه ..
اصبحت تنتظر لكلمات عبدالله لكل ردوده لكل حضور له لكن جعلت هذه اللهفه دفينه بقلبها لايعلمها الا الله حتى ريم ماكانت تدري عنها
لكن عبدالله توقف عن الكتابه بالمنتدى وبشكل مفاجئ وهذا التوقف غير بأموور كثير ...

اما في بيت سعود ..سعود كان سرحان ويفكر بـأخوه بدر وكيف انه مصعب حياته بتقيد مشاعره
امل....سعود شفيك اليوم ماانت طبيعي
سعود...سلامتك بس بسألك رغد كيف وضعها مع بدر
امل ترددت تقول له او لا لكنها بالاخير قالت......ان شاء الله انها مرتاحه لكن يحتاجون وقت
سعود...ان شاء الله
سكتت امل لانها تعرف سعود اذا ماتكلم عن الموضوع يعني مابيقول شئ خلاص
شوي وتدخل عليهم ريم
ريم...السلام عليكم
سعود وامل.....وعليكم السلام
سعود....نور البيت والله
ريم..تسلم منور بوجودكم
ريم....وين الاخ المحترم السيد سالم لان المرسوله من الشيخه ام سعود وصلت
سعود...هههههههههههههههه خلاص ولايهمك بنخليه يجلس عندك على طول حتى ماتتعبين
ريم.....لاالله يخليك لولدك ويخليه لكم
امل....انتي حصلي واحد خفيف دم مثل سلوم حبيبي
ريم....ايه ان شاء الله ترى انتي ماخذه مقلب كبير بولدك
سعود....ريمووه ترى انتي تهينين ولدي لو سمحتي لاتجرحينه
ريم.....مع السلامه بقول لامي مارضوا يعطوني ولدهم وراحت بتطلع
امل.....ريييييييم تعالي حرام مالي خلق انااجيبه
رجعت ريم وهي تضحك ماتمشون الا كذا
اخذت سالم ورجعت للبيت وهي راجعه صادفتها رغد واخذت منها سالم ودخلت للبيت
رغد....السلام عليكم
ام سعود ....وعليكم السلام
رغد...شلونك خالتي
ام سعود..الحمد لله انتي شلونك وبدر شلونه
رغد...الحمد لله بخير هذا سالم وصل
ام سعود...ان شاء الله عقبال مايوصل سالم ولد بدر
رغد ..ان شاء الله ادعي لي ياخالتي
وهنا دخل بدر وسلم على امه واخذ سالم بحضنه
ولاكان موجود غير بدر ورغد وام سعود قالت ام سعود بتكلمهم
ام سعود.... بدر ابوي
بدر..سمي الغاليه
ام سعود...رغد بنتي اقربي عندي واسمعوا شبقول لكم
بدر..امري يمه تفضلي
ام سعود..انتم الحين لكم الحين حول التسع شهور متزوجين بس انا مااشوفكم مرتاحين
بدر..افا يمه من قال الحمد لله مرتاحين
رغد..الحمد لله خالتي مرتاحين ومبسوطين
ام سعود..بدر انت ولدي ورغد ربيتها على يدي مثل بناتي اعرفكم اذا تمثلون او انكم صادقين اسمعوني لين اخلص كلامي وعقب كييفكم
انتم قبل ماتعرسون انتم عيال عم والمفروض كل الي صار بينكم مايكون بس الشيطان الله يعيذنا منه وانتم الحين متزوجين والمفروض
انكم خلاص ترضون بالمكتوب لكم وبعدين تسع شهور يكفي نبي ولد يفرحنا ويفرحكم ويخليكم على قلب واحد اما العناد الي فيكم
اتركوه عيب انتم الحين كبار ومتزوجين مابغصبكم على شئ بس الي يصير بينكم مايرضيني ولايرضي امك يارغد اذا شفتيها تضحك
ومبسوطه قلبها محروق على بنتها الي سبحان من غيرها ليه ياابوي اذا بدر مقصر عليك بشئ انا مثل امك قولي لي او قولي لامك
مايصير يارغد شوفي جسمك شلون صار الى متى بتستمرون كذا وانت يابدر السهر يابوي المفروض تخففه انت متزوج الحين
سكتت ام سعود لما حست انا رغد عيونها غورقت بالدمع اما بدر كان ساكت طوال الوقت قامت ام سعود وقالت..الله يهديكم
ولاظل غير بدر ورغد رغد كانت تحاول تحبس دموعها اما بدر كان مقتنع بكلام امه لكن كسرت خاطره رغد وقام عندها
بدر..نزل لمستوى رغد ....رغد لاتحبسي دموعك
وفعلا نزلت دموعها وحز بخاطر بدر الي يصير بهالانسانه معقوله انا عملت هالتغيير كله فيها
بدر...تعالي رغد نروح للبيت ويصير خير
قامت رغد وطلعت مع بدر لبيتهم دخلوا للبيت رغد هدت شوي وبدر قال بخاطره خليني اتكلم معها
بدر..رغد ابي اسألك ممكن
رغد ورفعت عينها ..تفضل
بدر....انتي ليه تغيرتي الكل يقول انك قبل غير عن الحين ابي اعرف السبب ..؟؟
رغد تقول بخاطرها شقول لك الحين.....لاماتغيرت لكن طبيعي ببداية زواج لازم شويه تغيرات بسيطه هم يبالغون
بدر ....لا يارغد انتي عشتي معي سبع شهور انسانه ورجعتي لي انسانه ثانيه وبصراحه الثانيه اجمل لكن الي ابي اعرفه
تغيرتي لكن رجعتي مثل ماكنتي ببداية زواجنا ليه
رغد حست انها تعبت ونزلت دموعها وقامت وقالت....اسأل نفسك وراح تحصل الاجابه عن اذنك تعبت خلاص حرام
وهي طالعه مسكها بدر.....لا يارغد فهميني شتقصدين
حاولت تتكلم ماقدرت دموعها اثرت بشكل كبير على بدر ابتسم وقال ....مافيه شئ يستاهل دموعك حتى انا اطلعي ارتاحي
ويصير خير يالله ..
طلعت رغد وظل بدر للعصر وبعدين طلع ولاشاف رغد

في بيت ابو خالد .. ام خالد وابو خالد وامل عندهم وخالد توه داخل عليهم

ام خالد..ياوليدي متى بتفرح قلبي والله هالبيت يبي عيالك يكسرونه ويلعبون فيه
خالد..ههههههههههههه يكسرونه ياام خالد
ابوخالد..ايه ياوليدي فرح قلوبنا وريحنا
امل..خالد حبيبي خلاص عذبتنا بكون عمه تزوج
خالد..يقول بخاطره الظاهر انه آن الاوان اني اريح قلوب هالشياب
خالد..ان شاء الله تأمرون لو تبون اتزوج اربع بليله وحده
الكل..ههههههههههههههههه
ام خالد.. يعني اخطب لك وليدي..؟؟
خالد ويفكر.. الغاليه انا في بالي بنت الحلال لكن قولي بشوف من مفكره فيه الغاليه
امل..ليه خلاص قول لنا انت منو تبي ..؟؟
خالد..لابعرف ذوق امي اول
ام خالد..ماغيرها شيخة الحريم
امل.. عرفتها هههههههههههههههه
ام خالد.. اكيد بتعرفينها بسم الله عليها زين وعقل وخفة دم
خالد..هذي نادره منو هي ..؟؟
ام خالد.. ريم بنت عمك
خالد من المفاجأه ..هههههههههههههههههههههههههههههههههههههههههههههااي
الكل استغرب من ضحكة خالد...
ابو خالد ..خاالد ليه الضحك امك ماقلت اسم الخادمه عشان تضحك
امل..صادق ابوي
خالد.. اسف الغالي والله مو قصدي لكن الوالده قالت الاسم للبنت الي اخترتها
ام خالد تناظر بخالد وامل قامت وقمزت عنده
امل..احلف خالد
خالد وبأبتسامه ..من غير حلف انا خالد ابي ريم بنت عمي
ابوخالد.. والله فرحتني وكفوا ولدي
ام خالد.. خلاص نروح الاربعاء نخطب لك
خالد...لا ..اقصد انا ابي امل تعرف رأي ريم أول
امل..وبصوت واطي ..موافقه
خالد سمعها ..عن اذنكم امل تعالي غرفتي شوي
دخلت امل مع خالد غرفته
خالد..ليه قلتي موافقه ليه واثقه
امل..بصراحه خالد أنا اعرف ريم احس انها مو رافضتك صدقني احساس بس
خالد..ابيك تتأكدين
امل..اذا رائي يهمك تقدم وريم مابترفض صدقني
خالد..وبأبتسامه ..واثقه الشيخه
امل..والابتسامه على وجهها ..طبعا اخوي ماهو اي احد
طلعت امل بيتها بعد مااتفقت مع اهلها انهم يخطبون ريم الاربعاء

رجعت امل للبيت لكنها دخلت بيت عمها ولاحصلت احد سألت الخدامه وقالت البنات بغرفة ريوف
وام سعود راحت عند اختها طلعت امل عند البنات لكنها تفاجأت بشكل رغد
امل..سلامات رغد شفيك ..؟؟
وكانت رغد نايمه على سرير ريم وشكلها مره تعبانه
ريم..من العصر وهي على هالحال حرارتها مرتفعه وصوتها مختفي والانفلونزا شديده عليها
امل وبأ الاهتمام على وجهها ..طيب شقال الدكتور
ريوف..وبكل خيبة امل..ماوافقت تروح
امل..شوووووووو ماراحت للمستشفى وبدر ساكت لها
ريم..مايدري ماشافها لما طلع كانت ببداية التعب وهو معزوم اليوم واتوقع يتأخر
امل وفعلا عصبت عالبنات ..وتتوقعون انه بيرضى عن تصرفها او انتم
ريوف وبأستسلام ..ماوافقت
رغد وتأشر بيدها ..لا وبصوت مبحوح مافيني شئ لاتنزعجين
امل..انتم ماعندكم سالفه وطلعت
رغد وتقول لريوف ..شوفيها لاتتصل الله يخليكم شوي واقوم مافيني شئ وبخاطرها تقول انتم ماتعرفون شقلت له اليوم
وطلعت ريوف لامل وحصلتها تكلم
امل..خواتك والله ماهم صاحين البنت مرره تعبانه
نوف ..شوفي انا زوجي الحين بيطلع لدوام بقوله يحطني عندكم وبكلم على بدر اوكي
امل..اوكي باي
ريوف..امل بتزعل رغد
امل..تزعل ماتحس بنفسها الى متى تداري بدر هو زوجها ومسؤل عنها
ريوف..والله حاولت لكنها حلفت مانتصل عليه
امل ..ماعلينا خلينا ندخل ولاتقولون لها شئ
دخلوا البنات وشوي وتدخل نوف وتسلم عليهم وتجلس جنب رغد
نوف..رغد حبيبتي ليه تعملي كذا بنفسك ..بدر زوجك ومسؤول عنك ياعيوني مايصير الي تعمليه الى متى
وانتي تتنازلين عن حقوقك يارغد لاتفكرين باليوم وبس فكري ببعدين حياتك مع بدر هي كل عمرك مو كم يوم
امل..بروح اعمل لك عصير ليمون وطلعت من عندهم وهي نازله سمعت صوت بدر يكلم الخدامه وتغطت
ونزلت ..
بدر..هلا ام سالم وينها رغد
امل..بغرفة ريم روح شوفها
مشى بدر بسرعه واستغربت امل خوفه هل من باب انه زوجها او فعلا رغد اصبحت تعني شئ لبدر دعت لهم بالتوفيق وراحت
للمطبخ ..بدر طق باب الغرفه وفتحت له ريم ودخل ولانطق ولاقال ولا كلمه ؟..رغد حاولت تعدل جلستها لكنه قرب عندها
وطلعوا البنات ولاظل غير نوف الي مسكت رغد يدها تمنعها حتى ماتطلع
بدر..جلس عالسرير وحط ايده على جبين رغد ..سلامات رغد
رغد..وصوتها ماينسمع ..الله يسلمك
بدر..نوف الله لايهينك هاتي عباية رغد ..
رغد..لابدر مافيني شئ
بدر..رجاء ماابي نقاش وكلامنا بعدين اذا رجعنا
مسك رغد وساعدها لحد ماركبت السياره وفعلا كانت تعبانه ولاهي حاسه بشئ وصلوا المستشفى والحمد لله
التشخيص كان انفلونزا حاده واعطوها مضادات وخافض للحراره ورجعت للبيت بعد مااخذت الابره الخافضه
وصلوا البيت وساعد بدر رغد لحد مانامت على سريرها
بدر..هارغد كيفك الحين
رغد وتحاول تبتسم ..الحمد لله اصلا قايله لكم من اول مافيني شئ
بدر..وجلس قريب منها ..رغد الي صار اليوم ماابيه يتكرر رجاء انا زوجك ومسؤل منك
رغد..ماحبيت ازعجك تعب بسيط
بدر عصب ..اي بسيط وحرارتك اربعين المهم مو هذا وقته انا بروح اقول لهم يعملوا لك شئ تاكليه عشان العلاج
رغد.لابدر ماابي شئ مو مشتهيه
بدر وهو طالع ..مو بكيفك
ابتسمت رغد وهي تقول لنفسه هذي الميزه الي فيه انه مايحب يقصر بواجباته لكنه مقصر بمشاعره
اليومين الي مرت على رغد وهي تعبانه كان بدر مايطلع من البيت ويحاول يكون قريب منها لكن باليوم الي بدت صحة
رغد تتحسن سمعت الخبر الي زادها تعب جسمي ونفسي ..

دخل بدر لبيت ابوه ورغد كانت عندهم وسلم والكل لاحظ سكوته
بدر وبكل قوه ..ياجماعه انتم ناس مؤمنين بالله
رغد احلى بنتورها قلبها وقامت عنده لانه من اول مادخل حست انه يناظرها بشكل مختلف
رغد ودموعها تجمعت بعيونها..بدر..اهلي فيهم شئ
ام سعود..لااله الا الله قول ياولدي يالله تسمعنا خير
بدر..عبدالله صار له حادث وهو بالعنايه
رغد خلاص انهارت ونزلت دموعها ..ليه ليه يارب
حضنها بدر..استغفري الله مايجوز هذا قضاء وقدر وان شاء الله مافيه الا الخير
لاول مره تحس رغد بالامان الحقيقي بحضن بدر وتحس انه فعلا واقف معها بكل مشاعره واحاسيسه
حاول بدر يهدي رغد لكنها اصرت انها تروح تشوف اخوها واخذها بدر للمستشفى واول ماوصلت حصلت
كل عمانها واخوها وخالد وسعود وامها وراحت بسرعه وارتمت بحض امها وظلت تصيح بعدين راح لهم سلطان
سلطان...ياجماعه اذكروا الله ان شاء الله مافيه الا كل خير
رغد من بين دموعها .....سلطان هذا عبدالله حب البيت كله
سلطان..الله يقومه بالسلامه تعالوا ارتاحوا انتم بالاستراحه واذا طلع الدكتور بطمنكم
وراحت رغد مع امها وطلع الدكتور وطمنهم وراح بدر يطمن رغد
بدر....رغد
طلعت رغد بسرعه...طمني بدر
بدر بأبتسامه .....تطمني عيوني طلع الدكتور ويقول الحمد لله بكرا الصباح اذا الله اراد بيطلع من العنايه
رغد...احلف
بدر ومقدر حالتها..والله العظيم
رغد..يعني مافيه شئ ..
بدر..كسر بسيط بيده وجبروه لكنه غايب عن الوعي يقول الدكتور بكرا يتحسن ان شاء الله
رغد..الله يطمنك يارب بروح اطمن امي
بدر..طيب وبعدها يالله وبكرا الصبح اجيبك تشوفيه
رغد..بس
يقاطعها بدر ...رغد جلستكم مالها فايده نواف بيظل معه وسلطان بيرجع مع عمي
رغد....بدر طلبتك
بدر..ـآمري
رغد..بروح بيت اهلي اليوم
بدر..يريحك هالشئ
رغد..بكون جنب امي الله يخليك
بد...ولايهمك نامي الليله عندهم
رغد..تسلم لي ياعمري وراحت لامها تطمنها
رجعت رغد بيت اهلها وظلت مع امها الي ماقدرت تنام من كثر خوفها على عبدالله حتى ابوها ماقدر
اما سلطان كان بالمجلس دخلت عليه رغد
..رغد......مو حلو البيت من غيره
سلطان...الحياة كلها مو حلوه من غيره
رغد..الله يشفيه يارب
سلطان.......تعرفين رغد عبدالله رغم هدوؤه لكن له حضور بكل مكان له هاله من الحب والتميز عند الكل
رغد.....تعرف سلطان ودي اروح الحين اشوفه
سلطان......لارغوده روحي صلي اذن الفجر وانابروح للمسجد والصبح كلنا نروح عنده
وصلت رغد ونامت والساعه سبع دق جوالها وردت من غير ماتنتبه لرقم لانها تعبانه كثير
رغد....الو
بدر..صباح الخير
رغد..ولاهي قادره تركز تحس انها بحلم .....هلا
بدر وحس بخووف على رغد ....رغد نايمه او تعبانه ....
استوعبت رغد لما احتد صوت بدر......لابدر مانمت الا بعد الفجر
بدر...زين اسمعي سلطان يقول انهم ماصحوك لانك نايمه تحبين امر الحين او تنامين
رغد..لاالحين بروح اشوف عبدالله شلونه الحين
بدر.. الحمد لله مافيه الا كل خير اوكي كم يبي لك حتى تجهزين
رغد..بدر فطرت
بدر وبأبتسامه .....لا منو يفطرني
رغد...سامحني عيوني شرايك تجي ونفطر هنا ونطلع
وبدر بدأ قلبه يرق لها ......والله مو شينه خلاص شوي وانا عندك يالله باي
رغد.....باي
قفلت رغد وضحكت وقالت انت عمري والله
قامت رغد واخذت لها دش سريع ولبست جلابيه ورفعت شعرها ونزلت تجهز الفطور وصل بدر وفطروا وبعدين راحوا للمستشفى
ولما وصلوا المستشفى صادفوا سلطان عند باب الغرفه وسلم عليهم
سلطان..رغوده اسمعي لاتحضنين عبدالله تسمعين
رغد وبخوف ..ليه شفيه
سلطان..مافيه الا الخير لكن يده مكسوره ومجبره والثانيه عنده تمزق بالكتف حاسبي عليه
رغد.....طيب خلاص ابعد بروح اشوفه
دخلت رغد الغرفه ولاحصلت غير امها وعبدالله اول ماشافت عبدالله نزلت دموعها وهو ابتسم لها قربت عنده وسلمت عليه
رغد ودموعها على خدها..سلامات الغالي ماتشوف شر
عبدالله وبنفس الابتسامه الهاديه..الله يسلمك من كل شر عيوني ههههه ليه الدموع الحين مافيني شئ
رغد ولاقدرت تحكي من الصياح ودخل بدر وسلطان وسلم على عبدالله وام سلطان وانتبه لرغد انها تصيح
بدر..رغد خلاص عيوني شوفي عبدالله مافيه شئ قدامك
سلطان...لاتحاول مابتسكت الا اذا خلصت دموعها مع انها ماتخلص ابدا
ام سلطان...خلاص يابنتي تعوذي من ابليس هذا اخوك بخير
رغد وهي تمسح دموعها ...خلاص مابصيح حتى الدموع حرام
سلطان.....ههههههههههههههه لا مو حرام بس دموعك غاليه صح بدر
بدر وهو يناظر رغد..صح دمعة رغد غالييه كثير كثير
سكتت رغد وظلت تتأمل عبدالله اخوها كيف هالانسان المميز بحضوره وكلامه وحتى غضبه
عبدالله اذا عصب مايقول ولاكلمه يسكت ولايحب يتكلم مع اي شخص معصب لانه يعرف ان الانسان
معرض لانفعالات كثير ممكن تكون سبب ببعض التصرفات الغير عقلانيه
عبدالله وهو مبتسم .....بدر تعال خذ زوجتك شوفها ماهي طبيعيه اليوم الظاهر تتأملني على بالها انت
بدر.....هههههههههههههه انا من الصبح اقول مو طبيعيه
رغد وتناظر بدر من طرف عينها .....
سلطان..يمه يالله اوصلك البيت انتي ورغد لان الشباب بيجون يشوفون عبدالله
ام سلطان ...بروح بس ترجعني العصر
سلطان..من عيوني
بدر..خالتي شرأيك تجين معنا للبيت والعصر انا اوصلك
رغد وهي مبسوطه ..الله يخليك يمه تعالي عندنا
ام سلطان..خلاص بس اشوف ابوسلطان اول
بدر..ولايهمك انا بتصل فيه واقوله يجي يتغداء عندنا
ام سلطان ..خلاص ياولدي شورك وهداية الله
بدر..يالله مع السلامه واشوفكم العصر

طلع بدر مع رغد وخالته ووصل لبيت ابوه ونزلت ام سلطان لبيت ابو سعود ورغد راحت لبيتها تبدل ملابسها

دخلت ام سلطان وسلمت على ام سعود والبنات
ام سعود ....بشرينا عن عبدالله
ام سلطان..والله انه تعبان شوي والدكتور مابيطلعه قبل اسبوع
ام سعود..ان شاء الله بيطلع بالسلامه
ام سلطان ..ان شاء الله
رغد..السلام عليكم وسلمت على خالتها وجلست عند البنات
ريم....رغد الحمد الله على سلامة عبدالله
رغد..الله يسلمك
رغد وتأشر على ريووف .....ليه ساكته
ريم وبصوت واطي..ماادري من الصبح وهي كذا ساكته
رغد......ريوف ..ريوف
ريوف ومن غير نفس......نعم
رغد..افا شفيك عيوني
ريووف..مافيني شئ
رغد..مو علي هالكلام
ريم..انا بروح اشوف امل واجيب سالم وطلعت وتركت رغد وريوف لحالهم
دخلت بيت سعود ولاحصلت احد وسألت الخدامه قالت لها روحي هاتي لي سالم من عند المدام
وجلست بالصاله تنتظر سالم الصغير وفجأه رن التليفون شافت الرقم وعرفته هذا رقم الخيمه اكيد سعود.
ريم...هلا والله بأخوي حبيبي والله
المتصل............
ريم...افا والله ماعجبك صوتي
خالد......هلا ريم
ريم من الروعه وقفت بمكانها وتحس بتصيح خلاص
خالد.....الوووووووو
ريم..احم الوو مين ..؟؟( على بالها ماعرفته)
خالد وبأبتسامه .......خالد
ريم..هلا خالد شلونك وشلون عمي
خالد ومبسوط ......الحمد لله انتم شلونك
ريم..بخير لحظه بنادي لك امل
خالد......لا ريم خلاص ماله داعي احساس ينهي احساس
ريم مافهمت قصده وسكتت
خالد.....ههه بااي ريم
ريم وهي ماسكه السماعه بيدها وبنفس مكانها
امل..بسم الله الرحمن الرحيم شفيك
ريم..تناظر امل وودها تقول اخوك مو طبيعي اليوم.......مافيني شئ اتصل خالد اخوك
امل وبخاطرها تقول اكيد خالد قال لها شئ البنت مو طبيعيه........طيب قفل الحين..؟؟
ريم..ايه قفل انا بروح بيتنا تعالي رغد ومرت عمي عندنا وطلعت وضحكت امل وراحت تتصل بخالد

في بيت ابو سعود....
رغد..ريووف ليه كذا حزينه زواجك قريب المفروض تكوني مبسوطه
ريووف..رغد انا مبسوطه لكن اليوم ضايق خلقي شوي
رغد وهي مبتسمه .....سمعتي صوت سلطان اليوم
ريووف ......لا
رغد...عطيني جوالك
ريوف..ليه
رغد ..بتطمن على اخوي جوالي بالبيت نسيته
اعطتها ريوف الجوال واتصلت بسلطان..
سلطان..هلا والله
رغد...اسمع سلطان ريووف اليوم مزاجها مو تمام وهذي مسؤليتك يالله باي
سلطان.....ههههههههههههههههههههههههههههههااي
رغد..يالله معك ريووف
ريوف..هلا سلطان
سلطان..هلا والله بعمري
ريوف...ماعليك من كلام رغد
سلطان......ريووف زعلانه مني صح
ريوف.................
سلطان....ريووف عمري انا عصبت لان كلامك يعصب بعد هالانتظار تقولين تأجلين شهر
ريوف......خلاص سلطان مابنأجل لكن ماكان المفروض تعصب ولاترد علي حرام عليك طوال امس اتصل عليك ماترد
سلطان........اسف حبيبتي والله كنت معصب لكذا ماحبيت ارد اسف الغاليه
ريووووف سكتت ماعرفت شو تقول سلطان دائما يعترف بخطأه وهذا شئ يميزه عن الكل انه
عند الكل مستعد يقول اسف لان الخطأ خطأ مهما كان ..

اما بدر كان بالبيت وبينام وقال بتصل برغد حتى تصحيني العصر واخذ جواله واتصل وفجأه سمع
صوت رنة جوال قريبه عنده واخيرا حصل جوال رغد لكن المفاجأه ان المكتوب
أنت عمري يتصل بك .....
بدر ظل يتأمل ويعيد الاتصال أنت عمري معقوله رغد يالله رغد لو تعرفين بشو مخزن رقمك (البيت2)
وقال لا بغيره وبكتب الاسم الي احس فيه ....( الحنونه )
ترك الجوال ونام بدر ورغد ظلت ببيت عمها والعصر رجعت للبيت وصحت بدر

اما بالمستشفى مافيه غير عبدالله ونواف الي قرر انه ينام عنده لانه قريب منه كثير
عبدالله .....نواف
نواف......ايوه
عبدالله......ماراح اطلع قبل اسبوع
نواف..تمر بسرعه ياشيخ
عبدالله......ماهمني انا الي يهمني شخص ثاني
نواف وبااستغراب.......منووو...؟؟
عبدالله...قصه طويله
نواف.....قول يااخوي خلينا نعرف لكن حدد هالشخص منوو اول
عبدالله.....نواف أنا كنت اكتب قصايد وخواطر كثير من غير ماتكون موجهه لشخص معين
لكذا كل قصايدي تتناول الحب والكره والخيانه والشوق لاني اعيش احساس الاخرين اعيش احساس
خيالي او لشخص اخر واكتبه لكن الشخص الي اقصد هي الانسانه الي اكتب لها الحين كل قصايدي
من غير قصد مني كل الحروف تنكتب لها
نواف..وبكل حماس.........عبدالله أنت تحب..؟؟
عبدالله......مااعرف
نواف...والله شوقتني قول يااخوي وضح كلامك
وقال عبدالله لنواف كل الموضوع من البدايه من اول ماقالت له رغد الموضوع الى الوقت الي بدت تسيطر
عبير على حياته
نواف.....طيب وهي تحبك......؟؟
عبدالله......نواف البنت محترمه كثير مستحيل اتجرأ واقول لها مستحيل
نواف......يعني حب صامت
عبدالله وباابتسامه حزينه ويمكن من طرف واحد بعد..
نواف ......اسالك سؤال وتجاوبني بصراحه ...؟؟
عبدالله ...تفضل
نواف.....انت لما قدرت تحدد مشاعرك تجاهها شو كان هدفك......؟؟
عبدالله ..فهمت قصدك نواف أنت تعرفني اكثر من غيرك تعرف اني انسان مستقيم
مااعرف استغل احساس اي شخص انا اول شئ توقعته اعجاب بفكر هالبنت لكن
اتضح لي لا اني هالبنت دخلت قلبي من أول ماسمعت اسمها نواف هالبنت هي الانسانه
الي كتبتها قبل مااعرفها بكل قصيده كان الخيال هو سيدها
نواف..طيب عبدالله الحين شو راح تعمل
عبدالله ....الاعتراف لها مستحيل لاني اعرف رد فعلها
نواف ..طيب انت تعرف البنت تقدم لها واخطبها
عبدالله..لكن انا ابيها تعرف اني خطبتها وانا اعرف انها عبير الي رمزت لاسمها باسم حياة بلا حياة
نواف..عبدالله اذا تبي رائي خلي اختك تقولها كل شئ
عبدالله..اخاف من ردها
نواف..لاتخاف اذا تحبك او على الاقل ترتاح لك ماراح يصير الا الخير
عبدالله..خلينا من هالكلام انابعطيك اسم الموقع وتطبع لي كل مشاركاته بالايام الي مرت اوكي
نواف ..اوكي واجيبها معي بالليل

*^(الجزء السابع عشر)*^









اما عبير بعد ما حست ان هالامل بدأ يتسرب لحياتها بلحظه خافت منه خافت من الامل الي ممكن يدمرها
ترددت تصارح ريم عن احساسها لكن ريم سبقتها وسألتها بأحد مكالمتها
ريم..عبوره اذا احد قال ماابي انهي احساس بأحساس شيقصد
عبير..هههههههههه مافهمت قولي السالفه من الاول
ريم...ههههههههههههه فاهمتني
قالت ريم السالفه لعبير وحاولت عبير تشرح لريم
عبير..اذا مااني غلطانه ولد عمك يحبك
ريم وهي مو مستوعبه .....لا مافيه امل يحبني
عبير ..ليه ..؟؟
ريم..ماادري
عبير.....وانتي..؟؟
ريم.......بصراحه ارتاح له كثير ويعجبني كثيرر
عبير..قوليها ماله داعي هالكلام
ريم.....هههههههههههههه عبوره خلينا مني وقولي لي شو اخبارك
عبير..مافيه جديد لكن
ريم...عبوره شفيك...؟؟
قالت عبير كل السالفه لريم واستغربت ريم معقوله عبير تتأثر بكلام النت
ريم..عبير انتي تعرفين نهاية هالشئ ..؟؟
عبير...ريم لاتزيدين همي هم اعرف ادري ان هالشخص مااعني له شئ لكن
اثر علي كثير بكلامه ونقاشه وهدوءه
ريم..وبعدين ..؟؟
عبير..ريم انا اعرف حدودي ومستحيل اتجاوزها وانتي تثقين بهالشئ لكن مااقدر
اني امنع نفسي من اني اتابع كل حروفه
ريم..عبير لاتبنين اي امل على هالشخص
عبير..صدقيني ماعندي اي امل فيه لكن شعور ماقدرت احدد ماهيته ..
ريم ..عبير بروح اشوف اخوي واكلمك بعدين اوكي
ريم..اوكي باي

نزلت ريم لنواف الي صحى البيت كله من صوته
ريم....شفيك نعم
نواف...ماتسمعين من الصبح انادي
ريم....امر شتبي
نواف....الاوراق الي كانت هنا وينها
ريم بنفسها تقول قالوا لك الخدامه.....مااعرف سالت امي
نواف....مافيه وقت اسألي امي وارسلوها بيت عمي منصور باي
ريم...باي
طلع نواف لعند واحد من ربعه ينتظره ركب نواف
نواف..السموحه تأخرت عليك
عبدالعزيز....ولايهمك ياله حرك تأخرنا عالشباب
نواف....اتصل على صقر قوله يعطيك رقم سلمان بسرعه
اتصل عبدالعزيز واخذ الرقم لكن الي صار انه طلع ورقه من درج سيارة نواف وظل يناظرها
بعد ماسجل الرقم التفت على نواف ..
عبدالعزيز....الله عليها فنانه هالرسمه
نواف....عجبتك
عبدالعزيز.....مها عبدالعزيز رسوماتها رائعه
من ذكر اسمها نواف انصدم صح التوقيع كان بأسم مها لكن كيف عرف اسم ابوها
نواف ومن داخله يغلي من القهر....تعرفها
عبدالعزيز.....ومن مايعرفها
نواف خلاص وصلت معه .....شلون تعرفها
عبدالعزيز وهو انسان طيب ماكان يقصد يستفز نواف .....الله يسلمك انت تعرف اني اخصائي بجمعية الاطفال
المعاقين وبيوم وصلتنا شهادة تقدير كلها برسم اليد مايقارب الخمسين شهاده للاطفال المتفوقين وهذا شئ اسعد
الجميع والطبيعي اننا نسأل من مين قالوا انها من طالبه اسمها مها عبدالعزيز اهدتها للجمعيه بعدها صارت تهديهم
لوحات وكلها تخص الطفل ..الا ماقلت لي منين حصلت هالرسمه
نواف وارتاح بعد ماسمع كلام عبدالعزيز وحس انه فخور ببنت خالته.....من الاهل
عبدالعزيز وانحرج من نواف ...اهاااا
نواف ظل يفكر بمها اكيد مختلفه عن اختها الي هذي تصرفاتها وتفكيرها اكيد مختلفه ..


اما في بيت بدر ..رغد كانت جالسه لحالها مالها خلق تروح بيت عمها وبدر مو موجود طفشت وهي جالسه
لحالها قالت والله مليت الي متى هالحال من تزوجته ماطلعت الا كم مره الى متى يعني انا من حقي انه يجلس معي
وقامت طلعت لغرفتها وبدلت ملابسها تحاول تضيع الوقت بعدين جلست تتفرج على فلم ورجع بدر بيأخذ اوراق وحصلها
بدر..هلا رغد
رغد..هلا
بدر..غريبه ليه جالسه بالبيت
رغد..والله مالي خلق اطلع او اروح لأحد
بدر..ليه رغد تعبانه
رغد..لا مافيني شئ
مااقتنع بدر بردها حس أن رغد مو طبيعيه قال بنفسها مابطلع بجلس معها
بدر..انزين بما انه مالك خلق تطلعين ,,وبأبتسامه يصير انا اجلس معك
رغد..براحتك
بدر..لا الظاهر مزاجك مو تمام
رغد..ابي اطلع
بدر..بأستغراب.....وين..؟؟
رغد..مااعرف ابي اطلع معك
ابتسم بدر وقال ولايهمك بعطي سعود الاوراق ونطلع
رغد..اوكي بس لاتطول
بدر..دقايق يالله اجهزي ..
طلع بدر وابتسمت رغد لنفسها اخيرا قدرت اطلب شئ من حقي طلعت مع بدر وبالسياره
رغد...بدر برووح للمرسى ونأخذ شاليه هناك
بدر ومو مستوعب ..للمرسى وشاليه واليوم الاثنين
رغد..طيب
بدر..طيب شمعنى المرسى ..؟؟
رغد..هادي يعجبني ..الله يخليك بدر
بدر..ولايهمك نروح للمرسى
وصلوا واخذوا شاليه هناك وفعلا الشاليه كان رايق وهادي والاجمل أن بدر انبسط كثير مع رغد
رغد..بدر الساعه وحده تأخرنا عندك شغل الصباح
بدر..والله انا مبسوط وبعدين عادي مو لازم دوام بكرا
رغد من فرحتها كان ودها تصيح اول مره بدر يقول مبسوط يالله فرحتها كانت ماتوصف
عالساعه اربع طلعوا ورجعوا للبيت لما وصلوا ودخلوا
رغد..وبأبتسامه عذبه.....شكرا بدر
بدر وبنظره لاول مره تحس رغد ان فيها احساس .....الشكر لك انتي لاني انبسطت كثير
وبكذا انتهت الليله عليهم وهم مرتاحين ....

اما ريوف خلاص زواجها تحدد بعد اسبوعين وكانت مشغوله كثير اما ريم مشغوله بأختباراتها
ورغد طوال الوقت مشغوله مع ريوف ..
انتهت الاختبارات ولاباقي على زواج ريوف وسلطان غير يومين وريوف خلاص اعصابها تعبت
من الضغط وطوال الوقت نوف وامل ورغد عندها وبيوم الزواج


ريووف كانت رائعه بجمالها الرايق وريم كانت ولااحلى اما رغد فكانت خايفه من بدر والسبب فستانها
لكنها قالت خلاص مايقدر يقول شئ الزواج اليوم جهزت ولبست وهي نازله صادفها بدر لما شافته خافت
وبدر انبهر بشكلها كانت فاتنه مميزه ظل يتأمل شكلها وهي تبتسم واخيرا
رغد واستحت من نظرات بدر.. ...خلاص بدر
بدر...ههههههههههههههه طيب خلاص بس ياويلك اذا نزلتي الشال
رغد....ان شاء الله
بدر..يالله مشينا ولاتنسين اقري المعوذات على نفسك
التفت رغد له وابتسم لها وطلعوا لبيت ابو سعود
اماريوف كانت ميته من الخوف صح هي تحب سلطان لكن فراق البيت الي عاشت فيه 22 سنه صعب
فراق امها وابوها شئ ماقدرت تتخيله لحظه كيف تصحى من غير ماتشوف امها وابوها وتصبح عليهم
شلون ماتشوف ريم وتضحك معها بكل لحظه شلون تفقد اخوانها الي بأي وقت تروح لهم هالشئ كان موتر
ريوف كثير لكن وصلت رغد ودخلت عندها
رغد..هلا والله بمرت اخوي واااااااااااااااااااااااو شو هالزين
ريوف وهي فرحانه بشوفت رغد......رغد بموت من الخوف
رغد....هههههههههههههه تموتين وانتي تحققين حلمك
ريوف..اي حلم ماابي شئ خلاص
رغد...خلاص بروح اقول لسلطان ريوف ماتبيك خلاص
ريوف..رايقه
رغد..ههههههههههه خلاص حبيبتي هالخوف شئ طبيعي لكن اخوي حبوب
ريوف..................
رغد..ريوف اقول اليوم زواجك ماله اي داعي هالخوف حاولي تهدين شوي
ريووف..طيب وين البنات
رغد..خالتي تقول ريم راح تجي مع امل ونوف موجوده
ريوف......ياربيه وينهم
رغد..خلاص بروح اشوفهم
وطلعت رغد تشوف البنات وصادفتها نوف..
نوف..هلا واله بهالزين
رغد..وبأبتسامه .....هلا فيك عيوني
نوف وبضحكه .....شلون وافق بدر عالفستان..؟؟
رغد...ههههههههههههه ماادري لكن لاول مره احس واشوف بعيون بدر نظرة رضى واعجاب
نوف...اقول الصدق
رغد وهي خايفه..قولي
نوف...نامي عند اهلك اليوم
رغد وتغيرت تعابير وجهها ..ليه..؟؟
نوف....ههههههههههههه اخاف على اخوي ينهبل شكلك جنان
رغد..يالشينه خوفتيني
نوف...فاتك ريم كلمتها وصوتها واطي اقولها شفيك ولاترد صارت الشيخه توهقت مع امل وجات مع خالد ولد عمي
رغد...تستاهل ريم مايسكتها الا خالد لانه اجرأ منها
ودخلت نوف ورغد عند ريوف اما ريم مسكينه طول الوقت وهي تدعي على امل الي وهقتها وهذا الشئ عملته امل بالعنيه
قالت لريم ان سعود بيوصلهم وهي تعرف سعود مشغول الي بيوصلهم خالد اول ماعرفت ريم قالت
ريم.......ماابي اروح
امل وبابتسامه خبيثه......وليه عمتي ريم
ريم..بس كذا بكلم نواف يأخذني
امل..واقول لخالد ريم مابترضى تركب معك
ريم..................
امل..ريم ماله داعي كل هذا اخوي مايعض
ريم وتقول بخاطرها شلون اركب معه هو مايستحي لكنها وافقت لان مالها حل ثاني ولما ركبت السياره
ريم..السلام عليكم
خالد ومبسوط وامل اكثر تسمع كلامهم.....وعليكم السلام هلا ريم
ريم وبصوت واطي....اهلين
خالد وتعمد يحرجها...عالبركه وعقبالك ان شاء الله
ريم تقول الله يخليك اسكت صوتك يوترني وانا مو ناقصه
امل..وتبي ريم تتكلم...... ريم شرأيك بشكلي
ريم..حلو
امل..افا بس حلو وليه كذا من غير نفس
ريم....................
خالد..الظاهر ريم زعلانه لان ريوف بتتزوج
امل....ولايهمك ريم بكرا نعمل خطوبتك وبعده زواجك
ريم.......امل
امل ..ايوه
ريم.....الظاهر مستعجله تبين تخلصين مني
امل...هههههه لا لو تخلصت منك هنا بحصلك في بيت ثاني قريب مني مرره
خالد فهم قصد امل وابتسم وسكتت لانه حس ريم منحرجه كثير اما ريم كانت تتمنى تذبح امل لكن سكتت
واول ماوصلوا قلت ريم لامل.....املوه والله لاردها لك
امل....ههههههههههههههههه ماقلت شئ
ريم..اي هين ماقلت شئ وراحت لريوف وهي منقهره من كلام امل
دخلت ريم وشافت عبير وراحت سلمت عليها واخذتها عند ريوف
عبير ...الف الف مبروك ريوف الله يوفقك
ريوف..الله يبارك فيك عقبالك
عبير ..مبروك رغد
رغد وهي تبتسم لنعومة عبير..الله يبارك بعمرك
نوف..ريوف يالله وقت الزفه
وبعد المعاناة قامت ريوف واشتغلت الموسيقى وطلعت ريوف واشتغل شريط الشعر الي الكل تفاجأ فيه
الاريوف الي كانت تعرف وهو اهداء من عبدالله لسلطان اخوه لكن سلطان اضاف ثلاث ابيات وصف لريوف لان عبدالله ماكتب
الا بشكل عام الكل عرف ان هالصوت صوت عبدالله لان اشرطة شعره عند كل العائله وبصوت واطي
ريم....عبوره هذا عبدالله اخو رغد الي قلت لك عنه
عبير.....صوته حلوو وقصيدته احسها قريبه لنفس
تمت الزفه ودخل ابو سعود وابو خالد وابوسلطان وسلطان وسعود وبدر ونواف والل سلم وبعدها طلع سعود ونواف وبدر راح يسلم على
ام سلطان وبعدها راحت رغد للكوشه تسلم على اخوها ..
وبطاوله ماهي بعيده كانت فيه انسانه تحس انها بتموت وهي تشوف بدر يبتسم لرغد وهي طالعه للكوشه والشئ الي خلاها تمووت
لما رفع بدر الشال لرغد وقال لها شئ وهو مقرب راسه منها بعدها طلع بدر ..وشوي طلع سلطان وريوف وابتدوء اول لحظات
تحويل الحلم لواقع حقيقي ..
انتهى الزواج والكل مبسوط ومرتاح لان ريوف وسلطان اجتمعوا اخيرا والحب يجمعهم وهذا الشئ يزيد من روابط الاهل
وباليوم الثاني الكل اجتمعوا ببيت ابو سعود وجات عندهم ريوف وسلطان وسلموا عليهم بعدين وصلهم نواف للمطار ..
اما ريم فقدت ريوف كثير لانها متعوده تسهر معها وتجلس معها
امل......ريم شفيك ريوف تزوجت المفروض تفرحين لها
نوف...ريما حبيبتي ماتعودنا عليك كذا
ريم.....الله يسعدها
رغد..ويسعدني يارب
ريم.....ههههههههههههههه صح ماقلتي لي ماقال بدر شئ امس عالفستان
امل......ياشيخه شلون يقول وشكلها جنان
نوف.....الظاهر رغوده فيه تقدم مع اخوي
رغد....اتمنى يانوف انا مااقول مافيه لكن مازال متحفظ حتى عالكلام الحلو
امل ولايهمك بكرا يتغير
ريم......اقول عبوره بتجي عندي اليوم
رغد.....هالانسانه احبها
امل.....حتى انا والله
نوف.....وتعمدت نوف تقول هالكلمه لان امل قالت لها عن نية خالد......اموله اخطبيها لخالد ..؟؟
ريم انصدمت من كلمت نوف اما امل فهمت قصد نوف
امل...ياليت لكن خالد خلاص اختار الانسانه الي على قوله دخلت قلبه
ريم تمنت تروح وتتركهم لكنها نزلت راسها وابتسمت ورغد تناظر امل ونوف وحست ان بينهم شئ
رغد.... .بتصل بحبيبي اخوي
ريم.......انتي هيه توه متزوجين
رغد.....هههههههههههه بسم الله اقصد عبدالله وجع
ريم.......هههههههههههههههههههه على بالي
رغد...هلا والله بأخوي وحبيبي
عبدالله.....هلا بهالصوت
رغد......لاتقول ولاكلمه
عبدالله.....افا والله
رغد......انتظرك اليوم حرام عليك اجلس عندي لو ساعه
عبدالله...من عيوني بعد المغرب امر عليك
قفلت رغد من عبدالله بعد مااتفقت انه يكون عندها بعد المغرب
ريم....ماتسمعين الحين اقول عبير بتجي عندي ليه تعزمين اخوك
رغد......مابيطول بعدين خذي راحتك معها بعدين اجي عندكم
ريم.....وتقصد امل ونوف.....تعلموا الذوق مو من اول ماتجي البنت وانتم على راسي
نوف...مالت عليك اصلا انابروح اليوم انا وامل لسوق
ريم .....احسن

وبعد المغرب وصل عبدالله لبيت اخته وجلس معها وعجبه الجوو الهادي بالبيت وفجأه اتصلت ريم
وقالت لها ان عبير وصلت من بدري
رغد....اوكي طيب عبير متى بتروح
عبدالله لفت انتباهه اسم عبير وخصوصا انته بعد ماطلع من المستشفى ماشارك ابدا لانه قال لازم اعمل الشئ الصح
عبدالله......رغد مشغوله
رغد.....لا ريم عندها صديقتها وتقول تعالي عندنا
عبدالله .....هي البنت الي شفتي مشاركاتها عندي
رغد وهي مستغربه .....مشاء الله تتذكرها
عبدالله ابتسم
رغد استغربت من كلمته وظلت تتأمل عبدالله


راحت رغد عند البنات بعد ماطلع عبدالله وجلست وانبسطت على عبير الي كلامها موزون وهادي كثير بعدها
رجعت رغد لبيتها وتوها داخله الي تسمع التيلفون يدق راحت وردت..
رغد...الوو
المتصله ....هلا رغد
رغد تحاول تعرف الصوت.....اهلين من معي
المتصله.....ماعرفتيني
هنا عرفتها رغد ....نعم لمى
لمى....حبيت اتطمن على حبيبي ماشفته من كم يوم
رغد انصدمت بكلامها
لمى....لعلمك الاسبوع الجاي بيقولك بيسافر لكن مابيسافر بااي
رغد انصدمت من كلام لمى كانت تتوقع بدر صادق لمى قال انها ماتعني له يالله شو اعمل الحين اقوله او اسكت
من احكي له من اشكي له تعبت من هالحال والله تعبت ظلت رغد مسكينه على هالحال لكنها قررت تتجاهل بدر
حتى يعرف قدرها وقيمتها قررت اصعب قرار انها تعطيه كل شئ تقدم له كل شئ لكن من غير اي احساس
راح تجمد احساسها تجاهه وبعد مااتخذت هالقرار طلعت لغرفتها ونامت وهذا اول شئ انصدم منه بدر رغد تنام قبل مايوصل
قال اكيد تعبانه راح عندها
بدر....رغد تعبانه فيك شئ
رغد وهي معطيته ظهرها....ولاشئ بنام
استغرب بدر وطلع وتركها وبالصباح صحى وحصلها جالسه تبرد اضافرها
بدر....صباح الخير
رغد...صباح النور
بدر....مابتفطرين معي
رغد ....مااشتهي
بدر....رغد انا بكرا مسافر لجده
رغد انصدمت حست ودها تصرخ تقول ليه حرام لكنها سكتت
بدر....رغد شفيك ليه ساكته
رغد وبعد معاناة.....تروح وترجع بالسلامه
بدر....طيب ممكن اعرف شفيك
رغد قامت بتطلع فوق.....سلامتك
بدر عصب منها لكنه قال نأجل الموضوع للعصر ويصير خير
بالعاده رغد تجلس تصلح شغلها وتجهز الغداء مايرجع بدر الا كل شئ جاهز لكن اليوم نامت وعالساعه وحده صحت
وعملت الغداء واتصلت ببدر وقالت له انها تعبانه وبتنام واذا وصل الغداء بالمطبخ استغرب بدر هذي مو طبيعيه اليوم
لكن قال يمكن تعبانه رجع ولاتغداء نام ولما صحى المغرب حصلها تحت
بدر...السلام عليكم
رغد...وعليكم السلام
بدر...مارحتي عند اهلي اليوم
رغد...لا
بدر وصلت معه من اسلوبها معه .....طيب نروح لهم
رغد.....مالي خلق
بدر....ليه
رغد....كذا مالي خلق
بدر....رغد عدلي اسلوبك معي
رغد تضحك باستهتار ...ان شاء الله
بدر واستفزته اكثر...مااعتقد اني قلت شئ يضحك
رغد وخلاص مهما مثلت ماتقدر قامت بتطلع....اسفه
مسكها بدر....مو حل كل ماتكلمنا طلعتي الى متى
رغد ماقدرت نزلت دموعها
بدر.....مو حل دموعك يارغد شفيك تكلمي
رغد...مافيني شئ مافيني شئ
بدر.....لا فيك توقعت انك بتسأليني حتى كم بجلس اذا سافرت لكن الموضوع مو هامك اصلا
رغد...اسبوع
بدر...اهاا يعني تعرفين عن موضوع السفر لكذا زعلانه خلاص سافري معي
رغد...ماني زعلانه ولاابي اسافر معك
بدر....لا زعلانه بعدين من قال لك اني بسافر مافيه احد يعرف الي واحد من خوالي
رغد....قالت لي حبيبة القلب
بدر وعصب من كلمتها ومسكها من يدها ولفها بقوه.....من قال لك ..؟؟
رغد ودموعها ماعدت قادره تسيطر عليها .....خلاص تطلقني اذا تحبها
بدر.....رغد انتي من تتكلمين عنه
رغد...وصارت تقول كلام ماتدري وش هو .....من غيرها حبيبتك لمى الي من يومين ماشفتها ولاكلمتها حرام تعذبها
بدر ماحس الا بيده ارتفعت وعطى رغد كف جمد رغد وهز بدر من قوته
رغد من صدمه من كف يدر ....تتوقع هذي رجوله
بدر وهو خلاص واصل حده من نفسه لانه تجرأ ورفع يده. بصوت عالي ...رغد لاتستفزيني
رغد....وهي تأشر على قلبها ...هديت الباقي من حبك هنا وطلعت لكن مو لغرفتها لبيت عمها

المسا رح كمل البارت

يسلموووو

كملييييييييييييييييييييييييييييييييييييييي

يلاااااااااااااااا

<^*&(الجزء الثامــن عشر)&*^>





طلعت رغد وراحت لبيت عمها وهي فعلا حاسه ان كل شئ انهار انتهت حياتها تحطمت وتدمرت دخلت لبيت عمها
ولحسن الحظ ماكان موجود الا خالتها ام سعود الي خافت من شافة رغد منهاره وتصيح
ام سعود قامت وراحت لها....رغد امي شفيك بدر فيه شئ
رغد...خلاص خالتي طلقوني منه تعبت تعبت
ارتاحت ام سعود صح الطلاق صعب لكن اهون من شئ ثاني جاء ببالها
ام سعود حضنت رغد رغد لي كانت منهاره مره وحاولت تهديها
ام سعود...يابنتي اذكري الله ومابيصير الا كل خير
رغدومن بين دموعها....ضربني ياخالتي ضربني
ام سعود وحطت يدها على قلبها ...ضربك بدر
رغد هي نفسها مو مصدقه ان بدر ممكن يستخدم هالاسلوب ابدا وبهالحظه نزلت ريم الي من الصدمه
وقفت مكانها اكيد فيه احد مات تقول بخاطرها لكن ام سعود ابعدت هالتفكير بسرعه
ام سعود...ريم خذي رغد عندك ولايدري احد عنها وخصوصا ابوك
ام سعود وتكلم رغد...روحي رغد عند ريم وانا بروح افهم الموضوع من بدر
اخذت ريم رغد وسكتت ماقالت شئ لانها مو فاهمه شئ رغد من دخلت الغرفه ارتمت عالسرير وبدت تصيح من جديد
حاولت ريم تهديها لكن ماقدرت رغد كانت مصدومه من تصرف بدر معها
وام سعود راح لبيت بدر وحصلت بالصاله منزل راسه للارض وواضح انه معصب وواصل حده من الغضب
ام سعود...السلام عليكم
قامت بدر وراح يسلم على امه لكنها صدته وقالت اجلس مكانك
بدر عرف ان امه عرفت انه رفع يده على رغد وسكت ماقال شئ
ام سعود ...ماانت والله بدر الي ربيته ماانت بدر الي آمنك عمك على بنته ولا انت بدر الي ينضرب به المثل
ترفع يدك على بنت عمك افا والله انا ماعرفت ليه رفعت يدك لكن انا جايه بعرف فهمني اشوف يالله
بدر ساكت هو في قمة غضبه ماهو قادر يشرح ويوضح
ام سعود....انا خليت رغد تجلس عند ريم واحمد الله ان ابوك ماهو بالبيت والا كان صار شئ ثاني
البنت تقول تبي تتطلق منك
بدر من سمع كلمة طلاق خلاص حس كل غضبه راح يتفجر ...تتطلق ..
ام سعود ...ايه اجل ترفع يدك عليها وتبيها تجلس تضحك لك لو سلطان رفع يده على اختك بترضى
بدر ....يايمه الله يخليك الي فيني كافي خلاص الموضوع بيني وبين رغد وأنا بحله
ام سعود وعصبت على بدر ....وهي خدامتك تنتظرك لين تهدى وبعدين تحل الموضوع قولي ليه ضربتها
بدر وعرف ان امه زعلانه من تصرفه....اقولك ان بنت اختك المحترمه لمى هي السبب او اقول لك ان زوجتي ماتثق فيني
او اقول انها تعمدت تستفزني او اقول اني رفعت يدي من غير احساس شو اقول يمه
ام سعود وهي متفاجأه .....لمى بنت اختي
بدر وقال لامه سالفة لمى من الاول الى الى لحظة مارفع يده على رغد وهو الى الان مايعرف لمى شقالت لرغد
ام سعود...تعال معي وكلم زوجتك ولاتكبر الموضوع وحتى لو صار حط ببالك أنا ماني راضيه عن ضربك لها
بدر...يمه اسمحي لي انا معصب وهي معصبه الموضوع بيتعقد الحين اتركيني عالاقل ساعه لحد مااهدى
ام سعود سكتت بعدين قالت ....ابوك مابقوله شئ والبنت بهديها لاتتأخر وطلعت للبيت
اما بدر جلس يفكر بالي صار وكيف يقدر يحط عينه بعين رغد وكلمتها تتردد بباله تتوقع ..هذي رجوله
تتوقع هذي رجوله ...ضرب عالطاوله بقوه وصرخ....لا مو رجوله انا غبي ..انا الغبي
ااما رغد فحالها كان اصعب من بدر عمرها ماتوقعت ان بدر يرفع يده وظلت تصيح وريم تركتها لحالها
حتى تقدر تفكر من غير اي تأثير رغد حست بخوف لكن تعوذت من الشيطان وراحت توضت وصلت
ودعت الله يدلها على الخير لها ولبدر ..
بعد تقريبا ساعتين قدر بدر انه يتمالك اعصابه واتخذ قراره وراح لرغد دخل البيت ولاحصل غير امه وريم
سلم عليهم وطلع لرغد طق الباب ودخل رغد كانت جالسه عالارض متسنده عالسرير وهي عالسجاده ودموعها على خدها
لما شافت بدر نزلت راسها وزادت دموعها انعادت اللحظه الي رفع بدر يده عليها لكن بدر تقدم عندها
ونزل وباسها على جبينها ....اسف رغد
رغد ساكته وتقول بخاطرها الاسف كلمه مالها اي معني اذا مافيه حب صادق منك يشفع لك اخطاءك
بدر ....رغد ياليت تسمعيني انا اعرف اني اخطيت عليك وخطأ كبير لكن غصب عني كلامك استفزني
ماهي سهله انك تتهميني هالاتهام انتي تصورتي كل شئ ببالك انا صح مااعرف هالحقيره اش قالت لك لكن
مهما كان لازم ماتصدقينها بكل كلمه تقولها عني المفروض قبل ماتتصوري حسب كلامها
تسأليني وبشكل مباشر بدل ماتتعمدين انك
تستفزيني ادري كلامي ماهو مقنع لك ولاهو مبرر لفعلي لكن انا متأكد ان قلبك طيب وبيسامح
رغد....خلاص مافيه قلب يحس حتى يقدر يسامح وقامت وجلست عالسرير
بدر ويحاول يكون هادي جدا ....رغد ممكن اعرف لمى اش قالت لك
رغد. وتحاول تمسح دموعها .....مو مهم الي قالته المهم الي صار بينا
بدر....رغد ارجوك انا لازم افهم
رغد... وبسخريه .....تفهم بعد بعد عشر شهور توك تفكر تفهم بعد ماخليت لمى تستغل رفضك لي ويصير كل هذا تبي تفهم
بدر انا لما تزوجتك كنت اعرف انك رافضني ولا انت حاب هالزواج من اصل وقلتها لك قبل تزوج غيري اذا ماتبي تطلقني
لكن الحين اقولها لك وبكل ثقه انا خلاص مااقدر اتحمل اكثر والله مااقدر لما انا اخذت الحبوب من غير علمك زعلت عصبت
وتوقعت اني ارفضك يعني جربت احساس انك تكون مرفوض مع اني ماكنت اقصد هالشئ والله العالم لكن تعرف الاصعب
انك تتزوج شخص تعرف انه رافضك ومع هذا تضغط على نفسك وتحاول وتضحك وتضحي وتتنازل وترضى وبعد هذا
كله ..اغلب تصرفاته مافيها حتى نظرة رضى بالله عليك منو يتحمل هالذل كله مين ..مين
بدر ويحس كلام رغد اقوى من الكف على وجهه ....رغد كلامك على عيني وراسي لكن خلينا بالموضوع الاساسي لمى شقالت لك
رغد....لمى قالت انك مسافر بتقول لي بس مابتسافر وانها اتصلت تتطمن عليك لها ايام ماسمعت صوتك
بدر وبدأ يعصب من سمع كلام رغد....وصدقتيها ..؟..
رغد....كان لازم اتأثر من كلامها واصدقه لانك اكدته بسفرك
بدر راح عندها....رغد شوفي انا صح بسافر وقلت لك مافيه احد يعرف غير خالي كيف وصل الخبر مايعنيني لاني واثق
من نفسي و انا قدمت سفري اليوم بدل بكرا وهذا لمصلحتي ومصلحتك لازم نبعد عن بعض وهالسفره بوقتها
واذا مو واثقه بكلامي احب اقولك ان الي بنت خالتي ماتعرفه ان خالد ولد عمي معي مسافر وتقدري تتأكدي
انا بسافر لكن قبل مااسافر بقول لك شئ موضوع الطلاق انسيه لانه مستحيل واكرر اسفي لك لكن تأكدي رغد اني انسان
اخاف الله وارعيه بكل تصرفاتي بعد هذا كله الي عنده زوجه مثلك تتوقعين لمى تلفت نظره عموما انا اتفقت مع عبدالله
يمرك وعندك اسبوع ترلتاحين مني صدقيني مااملك غير اني اقول ....سكت بعدين قال مع السلامه وراح
وعند الباب التفت وقال ..مابتردين علي
رغد بصوت واطي ....مع السلامه
طلع بدر ورغد ظلت تبكي ماتعرف شو تعمل لكن وصل عبدالله وطلعت له وراحت عند اهلها اسبوع على اساس
بدر مسافر وبالسياره
عبدالله....رغوده حبيبتي المشاكل بكل بيت لكن من الشخص الذكي الي يتجازوها بأقل الاضرار
رغد.....من قال لك
عبدالله....بدر قال لي انه فيه سوء فهم بينكم وطلب مني اخفف عنك
رغد....فيه الخير والله
عبدالله....هههههههههه رغوده بنتفاهم بالموضوع بالبيت اوكي الحين انسي حبيبتي

اما في بيت ابوسعود كانت ريم وامل ونوف عندهم واتفقت نوف وامل انهم يلعبون بأعصاب ريم
نوف...امل صح شصار على البنت الي يحبها خالد
ريم كانت تعرف انه بيخطب لكن يحب انتبهت وبدأت تركز على الكلام
امل....مااعرف يااختي ذبحني كل مااسأله يقول بتعرفينها اذا خلاص تقررت الخطبه
امل....طيب منين يعرفها
امل..والله مااعرف لكن شكله يمووت عليها
اما ريم طفشت من كلامهم وقامت وطلعت
نوف...هههههههه حرام عليك امل
امل....الحين اناواثقه انها تميل لخالد هذا اذا ماكانت تحبه
نوف....صدقيني توقعتها ماتحبه
امل....وليه هالتوقع
نوف..ههههههه لانهم من طينه وحده
امل....ههههههههههههه على قولك خليهم الله يعينهم
اماريم ضاق صدرها من سمعت هالكلام رغم انها حاولت على قد ماتقدر ماتبني احلام على خالد لكن غصب
عنها احلامها تروح له ..
اما خالد قرر انه يكلم عمه يوم الجمعه ويخطب منه ريم وريم المسكينه ماتعرف تخطيط نوف وامل ..

اما ام سعود كانت محتاره بعد كلام بدر الي قاله لها بعد مانزل من رغد قال لها
بدر...يمه لمى اذا ماوقفتوها عند حدها والله اني اعرف شلون انا اعدلها أنا
حاولت قبل وعديت الموضوع والحين تكررها لكن انا مابنتظرها لحد ماتحاول وتدمر لي حياتي
ام سعود ...خلاص انا بكلم نوف ونشوف بعد اختي وشاقول لها اخاف تروح فيها
بدر..شوفوا لكم حل معها والا انا بشوف وطلع وام سعود قالت مالي الا نوف مادامها هي الي تعرف بالسالفه
قالت لها الموضوع وتضايقت نوف كثير على رغد والي ضايقها اكثر تصرف بدر لكنها وعدت امها انها تنهي موضوع
لمى بنفسها وفعلا طلعت من امها واتصلت على جوال لمى
لمى وبصوت ناعم...الو
نوف...السلام عليكم
لمى....وعليكم السلام هلا نوف
نوف....لمى اسمعيني زين وافهميني انتي حاولت محاولتين انك تدمرين حياة بدر وفشلتي هالمره هالكلام من بدر
يقولك والله لو تقربين لزوجته انه يعرف يعدلك وانتي عارفه منهو ابوك اذا عصب فاابعدي عن بدر وحياته
لمى ........
نوف....انا حذرتك لكن احب اقول لك ان امي عرفت الموضوع لكن احتراما منا لخالتي ماقلنا لها لكن اذا صار
شئ منك مااعرف تصرف امي ولا بدر مع السلامه
سكرت نوف وقالت بتصل برغد احاول اهديها واتصلت لكن جوالها مغلق قالت بتركها ترتاح وبكرا اكلمها

اما رغد حاولت ماتبين لامها انها متضايقه وخصوصا ان سلطان وريوف بيوصلون بكرا وحمدت ربها
ان ريوف بتوصل على الاقل تجلس معها ..
يوم السبت موعد رجعت سلطان وريوف بعد ماقضوا شهر كامل كان من اجمل ايام حياتهم
وقرر بو سعود يوم السبت يجتمعون كلهم عندهم ويعملون عزيمه صغيره بمناسبة رجعت ريوف وسلطان
وفعلا وصلت ريوف وسلطان والكل انبسط لكن ريوف لاحظت على رغد الحزن
ريوف....كل هذا شوق للحبيب الغايب
رغد....شوق الا كل هذا الم من جرح الحبيب الغايب
نوف....رغوده سامحي
ريوف وهي مو فاهمه شئ ....شصار فهموني
رغد....الحين بنرجع للبيت واقول لك لكن ارجوكم قفلوا عالموضوع الحين
وبالبيت قالت رغد لريوف الي صار
ريوف....رغد مو لان بدر اخوي لكن انتي المفروض ماقلتي كذا
رغد...وتصرفه صح
ريوف....اطبعا بدر مافيها كلام غلطان لكن لولا كلامك ماصار كل هذا
رغد...يعني انا الغلطانه
ريوف....لا حبيبتي لكن المفروض ماتصدقين لمى
رغد....ريوف قولي لي بدر اعطاني الثقه بحبه حتى ماصدق لمى بدر كان يقول او يبتسم لي
وبعدها احسه يندم ريوف لو تعرفون هالقلب شكثر تحمل والله تبكون رحمه عليه
ريوف....طيب حبيبتي رغوده تكلمي ليه ساكته قولي لي الي فيك
رغد...ماعندي شئ اقوله مااقدر اوصف قلبي المجروح ولا احساس الخذلان ولا الخوف
ريوف...رغد حاولي انك تفكري بهدوء حللي الموقف الي صار بينكم
رغد...ان شاء الله اطلعي ارتاحي انتي تعبانه مانمتي كويس
طلعت ريوف وتركت رغد بالصاله تفكر لحد مادخل عبدالله وجلس يسولف معها

وفي بيت ابو سعود ريم كانت تكلم عبير ...
عبير....ريم اقول لك شئ ولاتعصبين علي
ريم....الله يستر قولي
عبير...اشتقت لوجوده بالمنتدى
ريم....وجع يوجعك اسكتي فضحتينا عبير ماانتي صاحيه
عبير...ادري
ريم....ماقلنا لاتبنين امل على وهم
عبير....ريم والله مالي خلق اكتب خلاص ولااشارك باي منتدى
ريم....ابرك لك اتركي النت كله
عبير....وبعدين اجلس اقابل الجدران
ريم....اقول عبير خالك ليه مايزوركم كثير
عبير...ريم انتي تعرفين خالي مشغول دائما بشغله وزوجته احنا اخر اهتمامتها
ريم...الله يعينك شرايك ازوجك نواف وتسكنين عندي
عبير....لا الله يخليك انا بفتك منك الحين
ريم...ههههههههه هين تشوفين
عبير...شوفي ريمووه بروح انام ابرك لي اضيع وقت
ريم....اوكي باي

نرجع لرغد احلى بنتبدالله الي تركناهم يسولفون
عبدالله ....ليه قافله جوالك
رغد...اريح
عبدالله....بدر اتصل ويسأل عنك
رغد.........
رغوده .....نكون صرحين مع بعض
رغد...تفضل
عبدالله.....رغد كل الناس يختلفون يزعلون واحيانا يتطلقون لكن تعرفين المشكله وين
رغد...وين
عبدالله..ويأشر على قلبه.....هنا ايوه حبيبتي انتي تحبين بدر مهما حاولتي تنكرين وهالشئ
يعني انك تتقبلينه مثل ماهو مو مثل ماانتي تحبين صح السلوك الخطأ نوضحه لكن من الي
يعرف الاسلوب الصحيح الي يوضح لطرف الاخر الخطأ الحين انتي مختلفه معه وقفلتي جوالك هذا بنظري خطأ تدري ليه
رغد ودائما تحب تسمع عبدالله لان كلامه منطقي....ليه
عبدالله...لانك سديتي الطريق بوجهه ومنعتيه من انه اما يوضح وجهة نظره او يعتذر
او يمكن انتي الغلطانه والمفروض تعتذرين رغد انا مااعرف الي بينكم لكن بقول لك شئ
وهذا ينطبق على كل علاقتك مو بس زوجك اذا انتي زعلانه او مختلفه مع شخص
لابد انك تحترميه بااعطاءه الحق بتوضيح وجهة نظره وبعدين حبيبتي اذا الموضوع له اكثر من احتمال
حتى نقول من المخطي اسمعيني امسكي ورقه وقلم واكتبي كل احساسك من بداية المشكله وشصار
كلامكم من البدايه لنهايه اتركيها بعدها بساعات او يوم اقري الورقه وشوفي الي لك والي عليك
صدقيني بتقدرين تحددين حجم خطأك وخطأه ..
رغد وتبتسم له
عبدالله....ابتسامه رضى
رغد.....والله يابختها فيك
عبد الله.....ههههههههههه منهي
رغد.... مين ماكانت
عبدالله....رغوده يمكن ويابختي انا فيها
رغد....يعني فيه وحده ويابختك فيها
عبدالله ....الحين مااقدر اقول الي كلمه وحده لاني تعبان وبنام ....ايه فيه
رغد....مين
عبدالله ...هههههه بكرا اقول لك تصبحين على خير
طلع عبدالله وترك رغد تفكر بكلامه وقررت تعمل الي قاله لها وكتبت الورقه وقررت تفتح جوالها
اما بجده بدر ماقدر ينام يمكن الاحساس بالذنب تجاه رغد او ان رغد بعيده عنه او انه لاول مره يحس
انه جرحها وبشكل كبير كان جالس عالبحر ويتذكر اشياء كثيره بحياته من بداية زواجه وفجأه يوصله مسج
اول ماشاف المسج انبسط لانه تقرير ان مسجاته وصلت لرغد يعني فتحت جوالها وقال بتصل عليها الحين
اما رغد من فتحت الجوال حصلت مسجين من بدر الاول يقول فيه
" يمكن مايهمك لكن حبيت ابلغك اني وصلت" وهنا ابتسمت رغد
اما الثاني" رغد ماهو حل انك تقفلي جوالك اتمنى اني اسمع صوتك"
شوي ويتصل بدر وترددت رغد لكن بعد كلام عبدالله اخوها قررت تسمع بدر حتى لو هو الغلطان
رغد...الوو
بدر...السلام عليكم
رغد...وعليكم السلام
بدر....شلونك رغد
رغد...تمام
لحظة صمت ...بدر..مابتقولي حتى الحمدالله عالسلامه
رغد....الحمدالله عالسلامه
بدر....رغد انتي حاسه انك انظلمتي معي ..؟؟
رغد.............
بدر.....مو انتي الي تعاني بس انا مثلك والله يارغد لكن ياليت تريحني بكلمه سماح منك
رغد.....بدر انت مدرك انت شو عملت انت رفعت يدك
بدر ....والله وربي يارغد من غير احساس ماكنت اقصد
رغد.....
بدر.....رغد مافيه شخص معصوم من الخطأ والله سبحانه يغفر ويسامح
انا كلمت امي بخصوص لمى ونوف انهت الموضوع لكن اتمنى يكون فيه ثقه بينا
رغد..........
بدر....وعرف انه مابينفع معها الا هالاسلوب.....رغد ريحيني حرام من امس مانمت ولااكلت شئ
ارجوك احس اني تعبان مو قادر حتى افكر
رغد وكسر خاطرها مهما كان هذا بدر الغالي ......خلاص بدر
ابتسم بدر .....شو خلاص اسكر او سامحتيني
رغد.....يمكن اسلوبي انا استفزك لكن هذا مايبرر تصرفك لكن انسى الموضوع
بدر....وربي كنت صادق بالاسم الي اخترته لك
رغد وبأبتسامه غصب عنها طلعت .....وشو الاسم
بدر.....اذا رجعت شوفيه بجوالي
رغد....اوكي الحين خلاص يالله سكر واكل لك شئ ونام
بدر....اوكي تصبحين على خير باي
رغد....تلاقي الخير باي
بدر حس بالراحه ورغد استغربت كيف قدر يخليها تسامحه وتنسى لكن تذكرت كلمة عبدالله
الي دائما يرددها " دائما نكره ونقرر ونرفض ولكن عند الالقتاء نتمنى النسيان فالحب اقوى
من المشاكل والعثرات لذلك عند اتخاذ القرارت المصيريه بحياتنا لنتخذها وجها لوجه "
ابتسمت رغد ونامت مرتاحه وحتى بدر مرتاح لان رغد سامحته ..

بالصباح نزلت رغد وجلست مع امها وابوها وهي مرتاحه تحس انها رجعت طفله وهي بينهم
وشوي ويدخل عليهم سلطان ..
سلطان...السلام عليكم
الكل....وعليكم السلام
سلطان....والله بيتنا منور ياشيخه
رغد....ههههههه خلاص منور بناس ثانين الحين
سلطان....ههههههههههههه صح بس انتي غير انتي نور البيت
رغد....سلطان وين عبدالله
سلطان.....بالمجلس
رغد...بروحه اشوفه
راحت لعبدالله الي حيرها من امس بكلامه ودخلت وسلمت عليه وعرف شو عندها
عبدالله ....هههه عرفت تعالي اجلسي واقولك من هي هالانسانه
رغد وبأبتسامه ...يالله قول
عبدالله.....اول شئ هالانسانه انتي تعرفينها
رغد.....اعرفها مين..؟؟
عبدالله ....لكن بقولك قبل ان هالانسانه احتلت مساحه كبيره من قلبي وعقلي ووقتي لكن هالاحساس
من طرف واحد الي هو انا
رغد...انت تحبها وهي لا طيب مين هي
عبدالله....ياشيخه لاتحطميني وتقولي لا يمكن تحبني
رغد....هههههههه طيب قول مين
عبدالله .....عبير حياة بلا حياة
رغد ومن الصدمه بصوت واطي عبير....
عبدالله....ايه عبير وقال لرغد الموضوع من اوله
رغد...تصدق عبدالله بالبدايه حبيت انك تعرف هالانسانه لانها عاجبتني لكن بعدين غيرت رائي وقلت يمكن
ماتعجب البنت الطريقه رغم ثقتي بااخلاقك
عبدالله....الحين المهمه عليك رغوده ابي توصلي للبنت كل هذا يعني موافتها علي لابد قبلها تفهم الموضوع
رغد...ولايهمك خلي كل شئ علي
ودق جوال عبدالله وابتسم وقال....مافتحتي جوالك
رغد...فتحته بس تركته بغرفتي
عبدالله...شاطره قومي شوفي زوجك ازعجني
رغد وهي تضحك ..ان شاء الله
ومر الاسبوع بسرعه رغد كانت تكلم بدر ويكلمها لكن مهما كان رغد تحس بحاجز انبى بينهم وتحاول وبدر يحاول انه يزيله
مع هذا رغد مهما حاولت ماتقدر تخفي وتكابر احساس الشوق لبدر الغايب اسبوع الي بالنسبه لها
كل يوم فيه عن سنه كانت بالبدايه تحاول تكون جافه معه بااتصالاته لكنه يعرف نقطة ضعفها ويستغلها وتنتهي المكالمه
مريحه لطرفين وتحدد موعد رجعت بدر وخالد يوم الخميس والجمعه موعد الجمعه المعتاده ببيت ابو سعود
رغد قالت بتجي الجمعه لان بدر بيوصل بالليل متاخر وخالد قرر يخطب ريم الجمعه ..

@(الجزء التاسع عشر)@






بيوم الجمعه الصباح صحت رغد بدري وهي مو قادره تحدد احساسها هو فرح او خوف او اشتياق او توتر
انشراح لانها بتشوف بدر وبترجع لبيتها الي اشتاقت لكل ركن فيه اشتاقت لمكانها لبيتها الي سمع ضحكتها ومسح دمعتها
او كانت خايفه من لحظة لقاءها ببدر ماتعرف هل فيه تغير بيكون سواء منها او منه بعد الي صار ..
اما بدر كان ماخذ على خاطره من رغد لانها فضلت ترجع الجمعه ومع انه فضل انها تستقبله هي ببيتهم ومع
هذا قال بنفسه لازم اتغاضى وانسى هالشئ مهما كان الي صار مو سهل لكنه حتى هو مشتاق لبيته ولرغد ووجودها بحياته ..
ومع هذا كان مقرر بدر انه يغير معاملته لرغد لكن احساسه غير التصريح الي اقنع نفسه فيه بدر يحاول يقاوم
احساسه برغد ويقول لنفسه انه اخطأ عليها ولازم يعوضها ويحاول يغير معاملته معها للاحسن ..ماهو قادر يعترف بمشاعره الحقيقه تجاها

وصلت رغد مع اهلها قبل الصلاة دخلت بيت عمها لانها شافت عمها عند الباب وسلمت عليهم بعدين راحت لبيتها توقعت
تحصل بدر طلع لصلاة لكنها اول مادخلت البيت تفاجأة بالهدوء ولاكأن احد موجود بلحظه حست انها
محتاجه تشوف كل ركن تضم كل غرض بهالبيت الي حبته لانه جزء كبير من حلم سنين وهي طالعه فوق
صادفت بدر الي وواضح انه كان يفكر وسرحان ولاهو منتبه لرغد
رغدوهي بأول الدرج ....هلا بدر
بدر بأبتسامه ...هلا والله ونزل وسلم على رغد
رغد...الحمد الله عالسلامه
بدر...الله يسلمك
بدر وبنظره كلها احساس ....مااشتقتي للبيت
رغد وتحاول ماتجي عينها بعينه ...والله كثير كثير
بدر وبأبتسامه ...بس البيت ..؟؟
رغد...البيت مايسوى بدون اصحابه
بدر...ههههههههه اجابه غير مباشره لكن نرضى فيها لان مافيه وقت عالصلاة باي
رغد..باي
ابتسمت وقالت بخاطرها والله وحشتني حتى وانت قاسي يابدر وحشتني وحتى وانت تضغط على نفسك
حتى تقنعني بأشتياقك..وحشتني حتى وأنت الي هديت الحلم واحرقت الفرحه والله وحشتني ابتسمت لرغد
وطلعت لغرفتها وبمجرد مادخلت للغرفه نزلت دمعتها وبصوت واطي قالت ..كم مره بتشهدي على دموعي ياغرفتي

و في بيت ابوسعود خطب اخوه ريم لخالد منه والكل انبسط واتفاجئ بقرار خالد
لانهم متوقيعن يتزوج من برا العايله لكن هالموقف فرحهم كثير ووعدهم ابوسعود خير وقال بسأل البنت ولابتلاقي
احسن من ولد عمها والعصر في بيت ابو سعود الكل موجود البنات والعيال قال ابوسعود
ابوسعود..ريم ابوي تعالي عندي
راحت ريم وجلست جنب ابوها بدر وسعود عرفوا ان ابوهم بيقول لها الحين
ابوسعود ..ام سعود قلتي لعروسنا عن الموضوع
ريم عرفت على طول السالفه وانقهرت وشللون بترد والكل موجود الحين حست انها ماتقدر تتقبل الموضوع
هي بنت احلامها مع صورته شلون تتقبل الواقع شلون
ام سعود...لا والله ماقلت لها شئ
نوف....خير ابوي فرحنا
ابو سعود وهو حاضن ريم....والله ريما الغاليه خطبوها اليوم
حس ابو سعود ببنته ورفع راسها وقال.....مااحد بيغصبك على شئ لكن اذا علي ياابوي مابلاقي احسن منه
ولابتلاقين رجال يصونك ويحميك مثله
ريم وسرحت بأفكارها .....وتقول بخاطرها استاهل ماكان المفروض افكر واحلم فيه
سعود..... ريم مابيذبحونك هههههههه
بدر....زين قولوا لها من الي خطبها الحين
ابو سعود....يابنتي خالد ولد عمك خطبك اليوم فكري واستخيري وبعدين ردي علينا
ريم من الصدمه هزت راسها وجات عينها بعين نوف الي ابتسمت وقالت ان شاء الله وطلعت لغرفتها
نواف.....الحين الكل تزوج ولاظل غيري زوجوني
ام سعود..الساعه المباركه ابوي ابشر
سعود....هواية امي المفضله بتدور لك المره السنعه الحين بتقول
ام سعود....اشوف ياسعود الحين ذوقي مايعجبك
سعود..افا الغاليه من يقول
ام سعود..ايه المره السنعه والا زوجتك ماهي سنعه
سعود....دائما امي تحرجني ههههههههه
بدر....هههههههههه تستاهل انت الي تجيبه لنفسك
سعود...غصب عني مااقدر اسكت لازم اقول الي بخاطري
نواف...الغاليه انا زوجتي اختارتها وحده من بناتك بس مابنصرح بالوضوع الحين
ام سعود....منهي من بناتي خليني اعرف ذوقها
سعود.....ههههههههههههه يمه نواف منهي من خواتي 24 ساعه معه ريمووه
ام سعود وهي قايمه.....عز الله اختارت لك السنعه خلها تنفعك بروح اصلي وطلعت وتركتهم يضحكون
ابوسعود....رغد ابوي
رغد..سم عمي
ابو سعود....ان شاء الله هالسنه بتكملين دراستك
رغد..ان شاء الله عمي
ابو سعود...الله يوفقك يابنتي
نواف..والله على بالي خلصت رغد الله يعينك
نوف..الله يعين ناس على ناس يارب
سعود..افا الاخت العزيزه شايله على ابو احمد
نوف..والله ابو احمد مافيه مثله
سعود..امل انتي قايله لنوف شئ عني
نوف...ههههههههههههه دائما تشك بنفسك
بدر ..وهو طالع عن اذنك ابوي بطلع ارتاح
ابو سعود وهو يناظر نوف....الله معك ابوي
نوف وبصوت واطي .....انا اعرف شو اعمل لااحد يناظرني كذا
طلع ابو سعود وتركهم لحالهم ..ورغد طلعت لريم ولاظل غير نوف وامل وسعود

وبغرفة ريم ..رغد..السلام عليكم العروس
ريم وبأبتسامه ....وعليكم السلام هلا رغد
رغد...وينك من طلعت ماعاد شفناك كل هذا حياء
ريم...لا والله بس تفاجأت
رغد....تبين الحق حتى انا
ريم...محتاجه اتكلم مع احد وربي احس اني تايهه
رغد....ريم اقول لك شئ بصراحه
ريم....قولي
رغد....انتي ترتاحين لخالد صح
ريم وسكتت فتره بعدين قالت ....ارتاح له صح لكن خايفه
رغد..من
ريم....خالد شخصيته مختلفه افكاره اسلوبه
رغد....ريم انا مااعرف مشاعرك تجاهه لكن انا ليه صابره على بدر لسبب اقوى مني حبي له
وانتي اذا ترتاحين له او تحبه راح تتجاوزي كل شئ وتأكدي من شئ واحد ان خالد مااحد اثر عليه
بقراره وخذيها نصيحه مني خذ من يحبك ولاتأخذ من تحب
ريم....رغد حرام عليك وربي يوجعني قلبي اذا تحكين كذا صدقيني بدر يحبك انا واثقه
رغد....قويه يحبني ريم والي يحب يسوي الي سواه بدر
ريم..رغد انسى الي صار
رغد...آه ياريم ياليت يقدر بدر ينسيني ياليت
ريم..حاولي
رغد....لا أنا خلاص كله اسبوع ونرجع لدراسه والي يصير يصير اما اني ارجع اضغط على اعصابي لا
ريم..رغد تفاءلي وان شاء الله بيتغير
رغد....خلينا مني وفكري انتي
جلست رغد مع ريم وارتاحت ريم بالكلام معها وبعدين قالت بجلس يومين بعدين اقولهم قراري
اما خالد كان حاب يعرف رد فعل ريم قال مافيه غير امل اتصل عليها وسلم وبعدين قال
خالد....امل شصار عمي قال لريم
امل..ايه قال لها
خالد..اوكي صوتك مايطمن وشصار بصراحه امل
امل..خالد انا بصراحه ماتوقعة رد فعلها كذا ماشفت الفرحه الي توقعت
خالد..يعني ..؟؟
امل..والله يااخوي ماادري عموما لازم تأخذ وقتها بالتفكير
خالد...ماقلت لك اول خذي موافقتها
امل..خالد ليه الحين انت معصب
خالد..لان هالشغل هذا مايعجبني المفروض انك سمعتي كلامي وتأكدتي
امل..لهالدرجه خالد تعني لك ريم
خالد..ياامل افهميني مهما كانت مكانتها عندي مافيه شخص يحب انه ينرفض
امل..تطمن اخوي
خالد..اوكي باي
امل..مع السلامه

نرجع لرغد الي راحت للبيت وحصلت بدر بالصاله يقرأ الجريده سلمت ولا قالت شئ
وعلى هالاسلوب مرت حياتهم لمدة شهر تقريبا بدر رفض هالاسلوب ماعجبه ابدا اما رغد
بعد الي صار بينهم صارت ماتقصر بشئ لكن ماتحاول تكسب بدر وتخليه يحبها فقدت الامل منه
بدر يحاول يغير اسلوبه ورغد صايره جافه معه ماتقدر تعطي اكثر خلاص ...

اما ريم كانت متردده بقرارها وراحت تكلم عبير وتتكلم معها بالموضوع
عبير..ريم ليه الخوف طيب مو هو الشخص الي كنتي تتمنين
ريم..صح كنت اتمنى اني ارتبط بخالد لكن الحين احس اني خايفه من هالارتباط كثير
المشكله مافيه احد قادر يفهمني خالد اسلوب حياته مختلف عني كثير وهذا الي مخوفني
عبير....ريم خالد ماهو مختلف لكن انتي تتوقعين الكل مثل اخوانك لا ياريم خالد ماهو متحرر
مثل مالكل متصور انتي قلتي لي قبل ان خالد انسان واقعي وصريح ماهو انسان غامض واضح
ريم..صح لكن مااعرف ساعه احس اني فرحانه وساعه اخاف
عبير..ريم استخيري ربك والله يوفقك يارب ويكتب لك الخير

ظلت ريم أيام تفكر وخالد متوتر لكن اخيرا اعلنت الموافقه والكل انبسط وارتاح خالد وتحددت الملكه
بعد نهايه هالمستوى يعني بعد تقريبا شهرين ..

وفي بيت بو سعود كل البنات موجودين ومبسوطين ريوف تحاول تشوف رغد وتكلمها لكن
رغد ماكانت معها كان عندها احساس قوي ان فيه شئ تحس بقلبها مقبوض وكل ساعه تسال عن بدر
ويقولون ماوصل وجواله مقفل وعالساعه تسع دخلت نوف وهي مو عارفه شو تقول لرغد
نوف.....رغوده شرايك تنامين عند اهلي بنام عندهم انا
رغد احلى بنترفت ان نوف تحاول تضغط على نفسها......لا ماابي بنام ببيتي
امل....وانا بنام بعد
ريووف.....وشفيكم
نوف....ولاشي نبي رغد تنام هنا
رغد.....ريوف اتصلي بسلطان اسأليه عن بدر ماشافه
نوف.....بدر بالبيت
رغد واستغربت....من يقول
نوف....سعود يقوله
قامت رغد ....بروح اشوفه
مسكتها نوف.....لا رغد خليك بدر
رغد ونزلت دموعها.....انا عارفه فيه شئ قولوا بسرعه
امل....رغد مافيه شئ بدر تعبان معه صداع
نوف....وانتي تعرفين هالصداع من زمان ماجاء لبدر وتعرفين كيف تكون حالته وانه مايحب احد يكون عنده
ريووف.....نامي هنا احسن انا اعرف بدر اذا كان معه هالصداع وبكرا ان شاء الله يصير بخير
رغد وخلاص مو قادر ومن بين دموعها......انتم تعرفون الي تتكلمون عنه وتعبان هناك من يكون هذا عمري
تعرفون شو يعني عمري وتركت يد نوف وطلعت بسرعه لبيتها
نوف وهي فعلا خايفه.....يارب الله يعين هالاثنين على الي بيجيهم
ريم....الحين رغد مانست الي صار شلون بتتحمل كلام بدر الحين
نوف..تعبت أنا مع هالاثنين والله هي تحبه وتموت عليه وهو مو قادر يفهم
ريوف.....رغد مهما حاولت تكون قاسيه او بارده بتعاملها مع بدر ماتقدر تخفي خوفه او حبها له
تأكدوا رغد حب بدر بقلبها راح يروض قلبه مافيه أحد يتحمل كل هذا الي قلب صادق بحبه
دخلت رغد للبيت وكان ظلام قفلت الباب وطلعت له للغرفه بالصاله حست بباب الغرفه مفتوح لكن الغرفه ظلام مافيه غير نور خفيف مرره لشمعه وقفت بالصاله بعدين قررت انها تشغل قرآن بصوت منخفض بحيث انه يعم ذكر الله بالبيت ويحس بدر بالطمائنينه شغلت القرآن
ودخلت للغرفه بكل هدوء جلست جنب بدر الي واضح انه مو نايم لكنه حاط ايدينه على راسه جلست رغد وبكل خوف من ردت فعل بدر
حاولت تعمل له مساج على الرقبه والراس خفيف لكن شوي ترتخي ايد بدر بعدين ترجع تشد على راسه وظلت تقريبا ساعتين على هالحاله
بعدها حاولت تعمل له كمادات بارده بخل التفاح ورجعت تعمل المساج وظلت على هالحال الى الساعه ثلاث تقريبا الفجر ودموعها على
خدها لان الم بدر يعني المها وجعها وبعد ماتأكدت انه نام راحت بدلت ملابسها وحاولت تنام لكن نزلت قبل تحت واخذت جوالها
الي حصلت فيه مكالمات من الكل وواضح انهم خايفين لان بدر ماكان يحب احد يتكلم معه
او يجلس معه ويزعجه كان يحب يجلس بالظلام والهدوء والتكييف بارد مره وهو معه صداع لكن هم نسوا ان رغد
من حبها لبدر قبل الزواج كانت تعرف كل شئ عنه اخذت الجوال وطلعت تنام وتوها مالها نص ساعه الا اذن الفجر صحت وصلت
وقفت عند بدر كسر خاطرها توه قدر ينام لكن قالت لازم يصحى لصلاة وحطت ايدها على كتفه
رغد...وبصوت هادي.......بدر بدر اصحى لصلاة الفجر
بدر وحس فيها لكن الالم مازال موجود هز راسه ورغد نزلت بسرعه وعملت كأس حليب دافي لبدر وطلعت حصلته يصلي
انتظرته وراحت جلست قريبه منه ....ماخف الالم
بدر ومايقدر حتى يقوم من مكانه حط راسه على ركبته ..
رغد...بدر حياتي قلبي انت اشرب هالكاس دافي وقوم سريرك وان شاء الله يخف يارب
اخذ منها الكأس وشرب شوي منه وساعدته رغد وجلست جنبه وعملت له كمدات من جديد لحد مانام بعدها عالساعه ست نامت

وعالساعه عشره الصباح صحى بدر وحس براحه لاول مره يجيه هالاحساس بعد الم الصداع كان يجيه الصداع
من فتره لفتره اذا كان ضاغط على نفسه بشكل كبير يحس بتعب كبير وصداع لكن له اكثر من سنه مارجع له هالصداع
لكن التفت وحصل رغد نايمه وشكلها تعبانه ابتسم وقال بخاطر ...والله مااستاهلك وتركها تنام على راحتها وبدل ملابسه
وراح لبيت ابوه ودخل ولاحصل غير امه وريم
بدر وهو مبتسم....السلام عليكم
الكل..وعليكم السلام
ام سعود..هلا والله ابوي شلونك الحين بشرني
ريم ...وتقول بخاطره الله يستر اول مره بدر اشوفه كذا لايكون طلق رغد
بدر..مثل ماانتي شايفه الغاليه مرتاح بس جووعان
ام سعود,,,ابشر ابوي ريمووه قومي هاتي فطور لاخوك
ريم ...ان شاء الله بس فيه سؤال بخاطري اجابته فيه ناس كثير تنتظرها
بدر..هههههههه الله شو هالسؤال المهم
ريم..رغد وينها لاتكون طلقتها
ام سعود..... ريمووه الله لايقوله شو هالحكي
بدر....هههههههههههههههههههااي
ريم..أنا متأكده انت مو طبيعي اليوم
بدر..طبيعي ورغد نايمه
ام سعود..خير لاتكون تعبانه ماهي عادتها
بدر....مانامت الي متأخر وكسرت خاطري
ريم....احم احم
بدر....ههههههه فهمت قومي هاتي لي شئ اكله
ريم..وهي طالعه ..رغيده تكسر خاطره وانا اتعب
بدر..اسمها رغد لو سمحتي
ريم..وهي تضحك ....طيب والله تطورات

بعد شوي البارت الأخيييييييييييييييير

الجـــزء العشرون (( الأخــــــيـر ))






صحت رغد على أذان الظهر واستغربت لانها كانت ضابطه الساعه لكنها موقفه توقعت انه بدر
وابتسمت وصحت اخذت لها دش وصلت ولبست وراحت بيت عمها دخلت وسلمت عالكل ولاحظت ابتسامة ريم
رغد...خير ان شاء الله شفيك
ريوف....ههههههه رغوده من اليوم وهي تقول عندي لكم مفاجأه تخص رغد
رغد....أنا ..؟؟
ريم...ايه
نوف....ريمووه ترى بهالمخده قولي شعندك
رغد ...اقول انا بطلع اشوف بدر واتطمن عليه
ريم.....ههههههههههههههه ياعيني روحي عند امي بالمطبخ هو
ابتسمت رغد وطلعت وصادفها بدر عند الباب
بدر معصب ....بدري لا ارجعي نامي
رغد..تقول بخاطرها بسم الله .....الحين منو قافل الساعه
بدر...ههههههههههاي امزح معك نوم العافيه
رغد وهي مستغربه ...الله يعافيك انت شلونك الحين
بدر..مارد ظل يناظر رغد بأبتسامه ......
رغد ووجهها صار احمر.....شفيكم اليوم بس تبتسمون ليه ماترد
بدر ....ومسك يدها ..تسلمين رغد وجودك معي امس كان دواء لي
رغد وحست انها بتمووت بمكانها ولا رفعت رأسها لكن بدر رفع راسها
بدر...رغد انتي عرفتي الاسم بجوالي
رغد وكانت ناسيه ....صح لا شو الاسم
بدر..كان ........بس بغيره بأسم ثاني اليوم
رغد...طيب شو كان
بدر...الحنونه
رغد...ولاول مره تحس انها ملكت العالم كله ....بروح اشوف خالتي
بدر....ههههههههههههه اوكي روحي لكن اسمحي لي اقدم لك شكري بطريقتي
ورفع يدها وباسها رغد من كثر مااستحت ماعرفت شو تعمل رجعت عند البنات واول مادخلت
ريم....هههههههههههههههههههههههه ماقلت لكم هذي المفاجأه شوفوها والكل ضحك لان رغد واضح عليها
نوف....رغد شفيك
ريووف....شفتي بدر
رغد.....لا بدلتوه مو بدر الي اعرف
وكان عند الباب...بدر....لا مابدلوه بس كان اعمى وفتح
رغد من كثر ماانصدمت انه سمعها ماقدرت تتحرك لكن بدر ماحب يحرجها اكثر تركها وطلع
والبنات مبسوطين اتصلت عبير وقالت انها بتجي عند ريم وانبسطت ريم والكل راح لبيته
ماظل غير رغد قالت بتروح ترتاح شوي وترجع وشافتها فرصه تكلم عبير بموضوع عبدالله ..
بعد ماارتاحت رغد
راحت عند البنات وسلمت على عبير لكن هالمره بشكل مختلف نظرتها كانت فيها تدقيق وتقول بخاطرها
والله انها لايقه لعبدالله
رغد....عبير كيف المنتديات معك
عبير....اضيع وقت استفيد وابني امل واهدم امل
رغد....وليه تهدمين
عبير.....لان حياتي الظاهر مستحيل يستمر فيها اي شئ ابنيه
ريم..عبوره خلي عنك التشاءم
عبير وبأبتسامه .....بالتفاءل ابني حياتك وبالامل استقبلي
رغد وكملت عن عبير ....فجرك وبالحب ابدائي كل عطاءتك
عبير سكتت وريم استغربت من نظرة رغد ومن سكوت عبير
عبير وهي مستغربه ....منين عرفتي هالكلمات
ريم..اي كلمات انتي وياها
رغد وبابتسامه ......الي قالتها عبير وكملتها
ريم...ايوه طيب شفيها
عبير.....انتي تستخدمي النت رغد
رغد وتعمدت تلعب بأعصاب عبير....لا
عبير..طيب وين سمعتي هالكلام
رغد.....امل الحياة
ريم وعبير تفاجؤا من الاسم الي قالته رغد عبير نزلت راسها وريم ماعرفت شو تقول
ريم...رغد ماله داعي هالاسلوب
رغد قامت وجلست جنب عبير ورفعت رأسها ..... هذي الكلمات لامل الحياة اخوي عبدالله ياعبير
ريم.....شوووووووووو
عبير..اخوك رغد ..عبير لاتنزلي رأسك انتي بنت الكل يتشرف فيها واخوي لما ابتعد عن المنتدى
كان يبحث عن مصلحتك اول شئ لانه انسان يراعي الله بكل تصرفاته
عبير....شلون انا ماني فاهمه شئ
ريم..ولا انا فهموني
رغد وقالت لهم الموضوع من اوله عبير بالبدايه ماعجبها الموضوع لكن حست بالراحه لما عرفت
ان هالانسان مابنى الامل حتى يهده بحياتاه وانبسطت اكثر انه معجب بأخلاقها وحاب يتزوجها وانبسطت اكثر
ما قربت رغد التيلفون واتصلت على بيتهم وهي تكلم بالسبيكر
رغد....هلا عبدالله
عبدالله ..هلا والله
رغد..شلونك عبداله اهلي شلونهم
عبد الله .تمام الحمد لله بشريني عنك الغاليه
رغد .تمام
عبدالله ...دوم يارب
رغد ....تعرف عبدالله وحشتني قصايدك
عبدالله...كل القايد لخاطر عيونك بس شرفينا
لرغد..لا سمعني الحين
عبدالله...ولايهمك الغاليه انا بحياتي كم رغد هي وحده الله يخليها نور حياتنا
رغد....تسلم لي اخوي حبيبي والله
عبد الله ..
حبيبي جيت لمصافح مواعيد الفرح بيديك...وجيت اعطي يمينك حب ماتدريبه شمالك
اشوفك واسمعك قبل اعرفك واشتاقلك وابيك ..واحس آمال عمري من عرفتك تشبه امالك
انا ماعشت قبل اعيش بااحساسك وقبل اجيك..حبيبي جيتك بقلبي ولو ماجيتك جالك
احاسيس كريمه وانت تستاهل كرم غاليك ..ترى لو مااشرقت شمسك وصل رحت اتبع ظلالك
يقولون العرب "دار بلا مغليك ماتغريك" ...واقول انك بليا حب كنك عايش لحالك
انا لاجيت اسولف عن شعوري قمت اسولف فيك ..وانا ادري رغم كل الشوق مامريت في بالك
دريت ان الغلا مثل القدر يرضيك لو يبكيك ..ولاينفعك بعلوم الغلا عمك ولاخالك
مابين الحلم والواقع يصيبك حظي ويخطيك ..متى تصبح نصيب الي وقف بآماله اقبالك
(( للمبدع سعد آل سعود "منادي" ))
عبدالله..وسلامتك
ابتسمت رغد لعبير لما نزلت راسها لكن هالمره لانها استحت من عبدالله
رغد..صح لسانك
عبدالله صح بدنك الغاليه
رغد...ماقلت لي هالقصيده لمين
عبدالله....هههههههه للي خذت من عقلي التفكير ومن قلبي الاحساس
رغد....الله عبدالله اقول الظاهر الوضع صعب عندك مرره
عبدالله...والله فيه وحده اسمها رغد قالت اترك كل شئ علي ولا الحين ماشفت شئ
رغد....هههههههههه ان شاء الله حبيبي لاتقلق
عبدالله....ان شاء الله
رغد..اوكي سلم لي على اهلي
عبدالله...يوصل سلمي عالكل الله معك
قفلت رغد وابتسمت لعبير وهي طالعه وقلت..والله ياعبير اذا انتي من نصيب اخوي يابخته واذا هو من نصيبك يابختك
طلعت رغد وتركت عبير تحكي لريم الي مو مستوعبه كل الي صار ماتعرف تبكي فرح او خوف او شو هالاحساس الي تحسه تجاه عبدالله الانسان الي بناء الامل بحياتها من جديد والي حاولت تقنع نفسها انه وهم ..

رغد راحت للبيت وظلت لحالها بغرفتها تفكر بعبدالله اخوها وبسلطان بريوف يالله بسرعه مرت الايام دخل بدر وحس ان رغد
شكلها كانت تصيح جلس جنبها
بدر....رغد فيك شئ
رغد حست انها قادره تهدي الحب للكل الا لهالانسان الي قبالها كل الحب يصده قلبه ومن غير احساس نزلت دموعها
حضنها بدر وقال..ليه ليه رغد هالدموع شفيك
رغد...ومن بين دموعها ...مالها سبب بس محتاجه ارتاح
ظل بدر معها لحد ماهدت شوي وابتسمت وقالت....غباء ان الانسان يصيح من غير سبب
بدر وبأبتسامه هالمره حنونه ...لا مو غباء بحياتنا تمر علينا ضغوط كثير ونجاهلها لكن تتراكم وبلحظه ما نتحملها
بدر..يالله رغد ماابي اشوف دموعك مع ان عيونك حلوه وهي مليانه دموع
رغد من الصدمه مارفعت راسها معقوله هذا بدر اليوم مو طبيعي لكن بدر مااعطاها فرصه تستوعب هالكلام رفع راسها بيده
بدر...لكن من غير دموع احلى يالله قومي غسلي وجهك وخلينا ننزل نجلس تحت
رغد ومن غير تركز هزت رأسها وراحت تغسل وبدر نزل للمكتب تحت

....رغد بعد ماغسلت وبدلت ملابسها نزلت لبدر حصلته بالمكتب وقفت عند الباب تتأمل
بدر وهو ماهو داري عنها ظلت عشر دقايق وهي واقفه ولو قالوا لها اجلسي طوال اليوم بتوافق رفع رأسه
بدر فجأه وحصلها وظل هو كمان يناظرها ولانزل عينه لكن رغد بالاخير انتبهت لانها مسافره بصوره
زوجها وحبيبها وولد عمها
رغد....بروح اعمل لك عصير
ابتسم بدر وعرف انها تهرب من هالاموقف لان وجها صار لونه احمر ورجع يكمل شغله

مرت الأيام ورغد بلغت عبدالله انها قالت لعبير وانها طلبت مده تفكر وتتخذ قرارها اما رغد كانت متوتره خايفه
وقالت مالها الا ريوف راحت لبيت اهلها عند ريوف وقالت لها
رغد....ريوف تعرفين بعد يومين شو يصادف
ريووف ..وتحاول تتذكر شو
رغد....ذكرى زواجنا
ريووف...صح الله شو بتعملي
رغد....خايفه
ريووف واستغربت....من شو رغد بدر تغير كثير
رغد...ريوف انا انصدمت كثير من بدر قبل زواجي وبعد زواجي تحملت كثير ولااتوقع ان استهتاره بمشاعري
بهاليوم راح تكون سهله يمكن تكون نقطة النهايه
ريوف....لا رغد مهما كان بدر مو قاسي او اناني
رغد....آه ياريووف لو اقولك ان كل تصرفات بدر والتغير الي تشوفونه احسه مو من قلبه من باب الواجب بس
يبتسم لي يواسيني يهتم فيني اذا تعبت يعني بمواقف احس الواجب هو الدافع لتصرفه لكن عمري ماحسيت بمبادره
صادقه منه كلمه او حتى نظره يعني لازم فيه سبب انه يقول تسلمين او يبتسم اخاف ياريوف اخاف
ريووف....رغد نسيتي الصنودق الصغير للحين عندي مو قلتي اول هديه بذكرى زواجكم بتكون الصندوق بكل الي
فيه للحين حافظه لك هالصندوق عندي
رغد ..ريوف هالصندوق كنت احلم اهديه بدر واقول له اقرأ احساسي لكن الحين تغير كل شئ
ريوف...يعني هالصندوق ارميه
رغد وسكتت فتره بعدين قالت ....لا عطيني الصندوق وبعتبرها اخر محاوله ياتصيب او تعلن الفشل النهائي
ريوف.....رغد وربي احس بدر يحبك
رغد...الكل قدر بدر يوصل له احاسس انه يحبني الا أنا

اقتنعت رغد انها تعمل اخر محاوله وبيوم الثلاثاء الي هو يوم الذكرى لزواجهم رغد كانت خايفه ومتوتره
بدر صحى مثل العاده وطلع ورغد بدت تحضر بيتها ونفسها وكل ترتيباتها لكن انصدمت عالساعه تقريبا
ثلاث بمسج من بدر يقول" رغد احتمال اتأخر لخمس او اكثر"
رغد لحظتها بكت حست انها فشلت لكن قالت لا بتكمل الشئ الي بتدت فيه واكيد عالمغرب بيوصل
وتابعت تجهيزها ..

والحين بنروح لبدر بالمكتب الي انتهى دوامه من الساعه ثلاث ومازال موجود للحين والساعه عالسبع
المغرب ....بدر كان واضح انه مرهق وتعبان ومحتار ..
خايف من هاليوم كان متاكد ان رغد تنتظره وان اليوم ذكرى زواجهم وهذا سبب له خوف كبير
كان خايف من مشاعره وكان متردد من احساسه مايعرف شو يعمل او شو يقول خايف يقولها الحقيقه
وتزعل او يسكت وتزعل لازم يوضح وهالتوضيح اتعبه ظل بدر على هالحال لكنه عالساعه ثمان اتخذ قراره
انه يرجع البيت ويقولها كل شئ ولا فكر حتى يأخذ لها اي هديه لانه يعرف بعد الكلام الي بيقوله مابتقبل شئ
ولاتقبل اي هديه لكذا قرر مايأخذ شئ ..

ريوف كانت خايفه من الي بيصير لانها شافت رغد وكيف هي ضاغطه على نفسها لكنها ظلت تدعي من الله
انه يحنن قلب بدر ولايذبح هالبنت الي حبته من عشر سنوات حب حقيقي صادق

رغد والساعه تسع بالليل ومع كل دقه لثواني الساعه تتزل دمعتها جلست بالصاله وحضنت دبدوبها وبدت تبكي
من جديد .. وهي قررت اليوم تنهي هالزواج الي ابتداء العام بنفس اليوم وفشل
تسع ونص بعد تردد دخل بدر للبيت ولاحست عليه رغد عند الباب انبهر البيت تغير فيه شئ كله ورد طبيعي
وعند الباب دبدوب صغير يحمل استاند لكن واضح ان البطاقه مو موجوده تقدم ودخل وحصل عالطاوله باقة ورد
ابتسم ودخل بهدوء لصاله الي انصدم من اكثر من شئ فيها اولها اللون الاحمر الي غلب عالصاله وبعدين
من رغد الي تبكي ولاهي حاسه فيه والاكثر الاغنيه الي كان صوتها عالي
يعني بطفي الشمعه وحدي
آه لو تدري بشعوري غيبتك تنهي حضوري .
.وغرفتي تنسى وجودي رغم انها امزينه
هذي ليله في السنه
ادري لو كنت اتغلى والا ناوي تعتذر....
جيتك تسوى حياتي ياللي مابعدك عمر
انا مازعلت عينك لو نيسيت اسأل حنيني..
بس ابيك الليله يمي لو الأماني ممكنه
هذي ليله بالسنه
كل اصحابي بقربي شفتهم الا انت لا ...
دمعتي تسأل عيوني وين الي قلبه سلى
ماابي كل الهدايا فرحتي وأنت معايا ..
صرت ادور عن وجودك في كل ورده ملونه
وهذي ليله بالسنه ..
وقف بدر مكانه وهو يسب نفسه كيف قدر يعذب رغد كيف وفجأه انتبهت له رغد وقامت بتطلع فوق لكنه مسكها
رغد ومن بين دموعها ....خلاص كل شئ انتهى
بدر وبأبتسامه....لا ياعمري كل شئ ابتداء
رفعت رغد راسها ...ابتداء ..الم جديد او دموع جديده او
قاطعها بدر....رغد والله احبك
ابتسم بدر لرغد الي غمضت عيونها وواضح انها مسكت بدر حتى تتمالك نفسها
رغد..تحبني ..؟؟
بدر...ايه رغد احبك صدقيني مهما حاولت اني اقاوم هالاحساس الله يشهد اني احبك وانك الفرحه بحياتي والامل
رغد كابرت حبك سنه كامله جمدت احساسي سنه لكن حبك اقوى مني حنانك غلبني ملكني قلبك احتل قلبي مهما
قاومت او رفضت
رغد............
بدر..رغد وربي مابسمح بعد اليوم تزل دمعتك وانا موجود ومسح دمعهتا
رغد. ومن بين دموعها ...بدر سنه كامله نزلت حزن خليها اليوم دمعة فرح هذي
بدر.....حبيبتي انتي سامحيني عالالم الي سببته لك
رغد رفعت راسها وقالت.....بدر تعال اجلس هنا واسمعني
بدر....لا رغد انسي كل الي كان وخلينا نعيش الحياة من اللحظه هذي
رغد....لا حبي ارجوك اسمعني وجلست هي وبدر
رغد....بدر انا من كنت صغيره كنت اسمع ان رغد لبدر وبدر لرغد عمر مااحد قال لي انه هذا ممكن مايصير
بالعكس الكل كان يأكده عمي خالتي خواتك اهلي الكل واثق من هالشئ كبر هالشئ معي بديت احلم فيك
اتصور حياتي معك وبديت افكر بكل شئ حتى بكلامي معك انتظرك اذا تجي بيتنا من تدخل لحد ماتطلع ماكنت تدري عني
لكن قلبي يقول لي انه يعرف اني موجوده هنا الانسانه الي بيتزوجها واكيد يكن لها مشاعر ولو بسيطه
بعد ماسافرت اسأل ريوف عن دموعي يالله لو العين تحكي لنطقت وقالت خلاص كفايه سبع سنين قضيتها برا
وبكل يوم ابكي فيه مليون مره احسك بعيد بعيد مااقدر اتطمن عليك لكن مرت الايام والامل بداخلي يكبر
اني انا الي بتزوجك وبكون الانسانه الي تهديك السعاده وبعد الخطبه فرحتي تكفي العالم صح خفت لما طلبت
تشوفني لكن قلت حقه ولازم هالشئ وشفتك بوقتها ماحسيت ببرودت نظرتك لاني كنت بعالمي عايشه متصوره
انك مثلي اوهمت نفسي انك تحبني لكن ( وهنا وقفت رغد ) قبل الزواج بعشر ايام انصدمت كل الحب بداخلي انجرح
حسيت ان حلم سنين من عمري تبخر لما اتصلت الظاهر بالخطأ ووقتها كنت تتكلم مع نوف والظاهر انها تعاتبك
لانك ماجيت عندنا بأيام الملكه ( بدر عاقد حواجبه ومركز بيسمع شصار بعدها) سمعت ردك الي ذبح فرحتي اغتال بسمتي
وزرع الخوف والرفض منك بداخلي تعرف بدر شقلت ..نوف انتي تعرفين اني وافقت على هالزواج عشان خاطر ابوي وعماني والا انا ماني موافق خلاص مو كفايه نفذت لكم كل الي تبون لاتطالبوني بشئ ثاني ..انا قلت لك انا مااااابي رغد ولاابي اظلمها معي وانت مافهمتوني لاتطلبون مني شئ مااقدر عليه ..( بدر نزل راسه وضرب بيده على رجله) بوقتها ماكنت اقدر ارفض او انهي الزواج
كان مستحيل احد يوافق لكذا ماكان عندي الا الاستسلام لهذا الواقع المر الي قلب فرحتي حزن والتفت لبدر وقالت
لكذا قررت اخذ حبوب مو لاني مااحبك او ارفضك اخذتها لا اخذتها لاني خايفه من حياتي معك خايفه من رفضك لي
خايفه اني .....وسكتت وقام بدر لها
بدر...لارغد ارجوك لاتقوليها كنت مغفل ضيعنا سنه من حياتنا انتي تتألمين وانا اكابر احساسي تجاهك صح أنا الغلطان
لكن لو قلتي لي من الاول كان اقولك اني ماتزوجت حتى اطلق صح رفضت المبدأ وحملتك مسؤولية رفضي لكن
رغد خلاص انسي الحين كل شئ واضح وهذي غلطه علمتنا اننا مانخبي شئ
عن بعض ونواجه بعض مهما كانت الظروف ابتسمت رغد وقالت ...لحظه واخذت الصندوق وجلست هي وبدر
رغد...افتح هالصندوق بدر هذا الصندوق هديتي لك سنين حبي جمعت لك من بعض ثوانيها هديه قررت تكون
هدية ذكرى زواجنا ..
ابتسم بدر واخذ الصندوق ورفع عينه لها...قبل ماافتحه اتمنى تكون حياتي معك كلها سعاده رغد كل سنه وانتي حبي
رغد ضاعت كل الحروف منها ماعرفت شو ترد وسكتت وبدر فتح الصنودق وتفاجئ من الي بداخله
بدر...رغودتي هذي مناديل
رغد بأعذب ابتسامه....صح لكن افتح كل منديل
بدأ بدر يفتح المناديل ويقرأ كل منديل يحمل تاريخ وذكرى لكن الي يجمع بينهم انها ذكرى لبدر متى بكت رغد لتعبه
او وقت ماسافر او وقت رجعته او حصوله عالشهاده ومع كل منديل كان بدر يبتسم او يضحك وبعد ماانتهى
بدر وبنظره كلها مشاعر....سامحيني رغد
رغد....بدر مو قلنا ننسى خلاص ننسى
بدر.....رغودتي بسألك سؤال محيرني
رغد....اسأل عمري
بدر....رغد هالسلسال تقريبا يوميا عليك شو يعني لك
ابتسمت رغد وشالت السلسال من رقبتها واعطته بدر...
رغد....حاول تتذكر
وظل بدر يتأمل السلسال ....مااتذكر
رغد....من اربع سنين قبل اخر سفره لك بالمزرعه اعطيت ريوف هالسلسال وقلت لها انك حصلته عالارض
وكان لي ولان يدك ضمته صار يعني لي ولا صرت استغنى عنه
بدر وبأبتسامه ....رغد انتي مجنونه
رغد. وبخجل ...بحبك
بدر.. والظاهر بتجننيني بحبك ...انزين مابتخليني اعطيك هديتي
رغد وتتلفت باغرفه....وينها
بدر...هههههههه هديتي غير
رغد....طيب
بدر...هديتي كلمه وحده وظل يتأمل رغد بعدين قال ....أحــــــبك
ابتسمت رغد واستحت ....اغلى هديه بحياتي
وبكذا ارتاح بدر لانه اعطى مشاعره الحريه بالتعبير وريح الانسانه الي حبته ومازالت تحبه وانتهت الليله عليهم حلوه
وكأنها ليلة زواجهم مو الذكرى ..

بالصباح اتصلت ريوف وبشرتها رغد بتغير بدر والي صار وفرحت ريوف من كل قلبها لكن ماامداهم يفرحون
الا وصل لهم خبر كدرهم وبالاخص عبدالله توفت الصباح جدة عبير الي ساكنه عندها واول ماوصل الخبر لريم
راحت عندها وكل البنات وام سعود راحوا لها لان عبير من زمان تعرفهم ويعرفونها وكانت عبير منهاره مو قادره
تستوعب الي صار كيف تعيش بعد جدتها كيف وظلت عبير تعاني وتتعذب وعبدالله يتطمن عليها من رغد ومرت ايام العزى سريعه
وانتقلت عبير لبيت خالها وهذا الشئ الي ماكانت تتمناه ابدا لكن ريم اصرت عليها تجي عندها العصر تغير جو
ووصلت عبير والحزن واضح على وجهها حاولت ريم ورغد وكل البنات انهم يطلعوها من حزنها لكن وين يقدرون
هالانسانه فقدت الامل من جديد
ريم....عبير لاتكوني متشاءمه حرام عليك
وهنا دق جوال رغد ولاول مره تعملها رغد ردت من غير مااحد ينتبه
عبير ولاحست بشئ على طول قالت
...لماذا بعد الفراق ..نبحث عن صديق يفتح لنا ابوابه
عن انسان يجيد استقبال احزاننا في محطات قلبه ..
نثرثر له بهدوء الموتى..وربما بحماسة الثائرين ..
ننزف تفاصيل الحكايه امامه ..ننثر علامات الاستفهام بوجهه ..
لماذا بعد الفراق ..نمتلئ بالخوف المريع
لاننصت سوى لصوت انيننا ولانشم سواء رائحة الحزن المنبعثه من اعماقنا
ولانتذوق سوى أدمع خلفتها التفاصيل النهائيه لحكايه كانت جميله
لماذا بعد الفراق ..نمارس كل أنواع الموت
فنموت اختناقا
ونموت رعبا
ونموت حزنا
ونموت ندما
ونموت غربه
ونموت وحده
ونزور كل مدن النهايات ..؟؟ ( كتابات عبير بالقصه جميعا للكاتبه المبدعه شهرزاد )
التفت عبير والكل يسمع لها ..تحبون تعرفون ليه
لاني فقدت الأمان فقدت امي وابوي واحتضنتني جدتي ربتني علمتني
اعطتني كل شئ ماقصرت معي حتى براحتها ومن سنوات طاحت مريضه
سهرت عندها بكيت عندها وتحت رجولها كان لوجودها راحه وهيبه لوجودها
حنان ورحمه والحين ماتت ماتت ورحت عندهم لو اموت بغرفتي مااحد عرف خالي
طوال وقته بالشغل ومرته عمري ماشفتها بالبيت وعيالهم برا يدرسون لاتطلبون مني
شئ الامل مات معا مات مات مات وبدت تبكي هنا قفلت رغد الخط
وراحت ريم واحضنت عبير الي كانت تعاني من فقدان الامل
طلعوا البنات وتركوا عبير مع ريم حتى تأخذ راحتها اكثر
وعلى طول اتصلت رغد بعبدالله
عبدالله ...هلا رغد طمنيني
رغد...البنت معذوره الي صار مو سهل
عبدالله...ادري هي كيفها الحين
رغد...متكدره متضايقه حاسه بالغربه
عبدالله...رغد كلميها
رغد..بشوو
عبدالله ...قولي لها بخطبها
رغد...عبدالله انت صاحي
عبدالله....اكون مجنون اذا اشوفها كذا واسكت باي
رغد..عبدالله اسمعني
عبدالله...باي رغد
سكر عبداله وابتسمت رغد وقالت الله يوفقكم لانها تعرف عبدالله مايتمنى اي شخص يعزه ويحبه
يتألم فكيف بالانسانه الي اختارها قلبه وعقله

عبدالله على طول طلع لشركه وكلم ابوه وعمانه الي عارضوه لان البنت جدتها مالها اسبوع متوفيه
عبدالله...معكم حق ادري لكن لهذا السبب انا بخطبها
ابو خالد...عبدالله انت تعرف البنت
عبدالله...هالبنت كلمتني رغد عنها قبل واتفقت معها اني بخطبها لكن القدر ان جدتها تتوفى
ابو سلطان..طيب ياابوي اصبر والا شرايك ياابو سعود
ابو سعود....لا بنخطبها لها ونقول لخالها اننا نبيها ونعرفها من زمان البنت ربيتها مع بنتي
ولاابي احد غريب يأخذها وهي يتيمه وبنت اصول ومتربيه
ابو سلطان..والله يااخوي انت تعرف خالها زين واذا تشوف انه مابيأخذ على خاطره نتوكل على الله
وفعلا راحوا لخال عبير الي ماعارض الزواج ابدا لكن الي انصدمت عبير كيف تتزوج وجدتها توها متوفيه
رفضت لكن ريم اقنعتها بأن عبدالله هو الامان بعد الله ثم فقدان جدتها ووافقت بشرط انها ماتعمل زواج
ووافق عبدالله وقال ....مو مهم الزواج انا لو عملته بعمله لها لخاطر ادخل الفرحه بقلبها واذا كان بيكدرها
لا أنا الي يهمني انها تكون معي
وضغط عبدالله على عبير انها بمدة شهر تكون جاهزه ويتزوجون لكن الغريب هنا ان عبدالله ماشاف عبير
ولما حاولت رغد انه يشوفها قال لها ..الجمال شئ رائع لكن ماخلف الجمال هو الاروع وأنا توصلت
لما خلف الجمال لما اتراجع لارى الجمال ..
رغد....هههههههههههه عبدالله حرام عليك بتذبحني
وتزوج عبدالله وعبير واهدى عبدالله عبير السعاده لما بناء الامل بحياتها لغرض البناء مو الهدم وقدم لها
اسمه وحبه وقلبه وصدقه وثقته ..واعطته عمرها وسعادتها وحياتها كلها ملك ايده

اما ريم فرفضت ان زواجها يكون الحين وقررت انه يكون بنهاية السنه وانقهر خالد منها لكنهم نفس الطينه
وقدروا يتفقون ومرت الايام بسرعه وتزوجت ريم وخالد وكانت الحياة حلوه وتلاشى خوف ريم لان خالد
كان مختلف بأسلوبه لكن اسلوبه هو الصح لكذا قدر يرسم الخطوط الصحيحه لحياته مع ريم ..

باقي شخصيه كان لها تأثير كبير على حياة رغد وبدر ....لمى انخطبت وتحدد زواجها وراحت رغد لزواج
ولما طلعت تسلم عليها
لمى...لاتتوقعين اني تزوجت اني بتركك بحالك
رغد...اولا مبروك والله يوفقك وثانيا انا ماخفت منك وانتي بنت وقلت لك اذا يحبك حلال عليك وبخاف وانتي متزوجه
لكن بقول لك كلمه الحين انتي بينك وبين زوجك ميثاق غليظ الله الشاهد عليه صونيه ولاتحاولين تهدمين حياتك
نزلت رغد وتركت لمى بحالة ذهول من كلامها وشوي طلبت من مها تنادي رغد ولما وصلت لها رغد
لمى...شكرا رغد لانك ذكرتيني ان الله شاهد علي شكرا لانك قدرتي بكلمه تنبهيني شكرا رغد وسامحيني لاني
رغد قاطعتها ...الله يسامح الجميع والله يوفقك

اما نواف قرر انه يكلم امه وتخطب له مها الي عجبته من كلام خواته وحس انها تناسبه ..

وبكذا قدر بدر يعطي رغد الحب بعد مااعطى مشاعره الحريه وقدرت رغد تحضن السعاده بعد الصبر

وبالغرفه رغد تكلم امها دخل بدر بيأخذ اوراق نساها وهو طالع لفت نظره عليه عالطاوله قرب
واخذها والتفت على رغد وقال
بدر...انسي موضوع هالحبوب ابي رغوده صغيره
ابتسمت رغد وابتسم لها بدر وطلع يكمل شغله وهو كله وله وشوق للانسانه الي اهدته السعاده ..


هنا ينهي الجزء




## مــــــــــا بــــــعــــد النـــــهايــه ##

بنهاية القصه أحب ان اوضح للجميع أن المحرك الأساسي هو الاحاسيس والمشاعر
بمعنى الاحداث تتطور بمساحة
المشاعر لذلك نرى هدوء بالقصه لانها تتحرك بالاحساس وليس بالاحداث والمواقف والازمات ..
والأن اسمحوا لي توضيح لبعض أبطال القصه ,,,

# بـدر # انسان متعلم مثقف رجل يعتمد عليه لكن للأسف مع هذا قيد مشاعره واحاسيسه ولم يعطيها
المساحه المطلقه لتعبير وانما جعل اعتبارات وحواجز تتحكم بها وتقيدها ..
والنتيجه عذاب له ولزوجته وضياع من عمره سنه كامله
الشئ الثاني تجاهل كلمه الاهل بأن فلان لفلانه وهذا خطا بل لابد أن يكون لنا مواقف واضحه
وايضا الأهم من هذا انه حمل خطأ الاهل زوجته وهذا الخطأ الاكبر ..

# رغد # انسانه رقيقه صادقه بمشاعرها اعتبرها مثال رائع لشخص المحب المعطاء الذي يضحى
ويتنازل من أجل حبه طالما هذا الحب بالأطار الصحيح دينيا واجتماعيا ( الزواج ) حاولت أن توضح حبها
من خلال بعض التصرفات ولكنها اغفلت نقطه مهمه لكي يصل الحب كما نشعر به لابد
أن نستخدم جميع الحواس قولا وفعلا ونظرا ....الخ
ايضا رغد اخطأت لمرتين الاولى عندما حاولت أن تسكت عما سمعت من بدر ولم تواجهه بل كتمت
هذا الشئ وقد اثر كثير عليها ..
المره الثانيه عندما اتخذت اسلوب الهجوم وهي لاتملك دليل من كلام لمى فكانت النتجيه غير مرضيه
لذلك ليتعلم الأزواج أن العلاج الصحيح للمشكله علاجها بالمواجهه والهدوء واعطاء جميع الاطراف
الحق بالدفاع عن نفسه ..

# سعود # شخصيه عكس بدر تماما وهذا الشئ تعمدت ان اوجده بالقصه والفرق واضح بين علاقة
سعود بزوجته وعلاقة بدر برغد رغم ان الطريقه واحده يالزواج لكن سعود اعطى نفسه الحريه بالتعبير
بعكس بدر..

# خالد # شخصيه مختلفه عن الشخصيات وهي عكس بدر فهو رفض الزواج على طريقة الاباء وصرح بهذا
الرفض بعكس بدر الذي لم يهتم وعندما اصبح الكل ينتظر موعد عودته لزواج رفض ..

# عبير # انسانه لها ظروف خاصه ذكرتها لوصل شئ واحد أن هناك فتيات فرضن احترامهن بهذه الشبكه
واستخدمنها لاغراض خاصه بهم

# عبدالله # الشخصيه الحالمه والتي احترمها كثيرا تصرفاته يحركها الحب الصادق والنيه الحسنه ذكرته
لاوصل مفهوم مهم وهو لاتعلن الحب لطرف الأخر الا اذا تأكدت من هدفك من هذا الحب وراعي الله بأختيار
الهدف بعدها اعلن الحب ولايكون همسا بل بصوت عالي امام الجميع واجعل الله شاهدا عليه وجميع الخلق ..

بالنهايه أحببت ان اوصل شئ مهم ..الحب عطاء لكنه لابد ان يكون بجميع الحواس
الثقه بالحب وهذا الشئ مهم جدا اذا تحب شخص اعطيه الثقه لتخفف المشاكل الكثير بسبب التذبذب
مابين الحب او الواجب .
الاختلاف لايعني الكره بل التقرب بمحاولة الاتفاق ..


انــــــــــتـــــــهــــــت..’’’’’’’

نورتيييييييييييييييي

و شكرا إلك لأنك تابعي القصة معيييييييييي

نوركــــــــ ولو

يسلموو