قصة رغد و بدر الرومنسية و الحزينة

يلا إذا شفت 3 ردود رح كمل

يلا المسا رح كمل

إذا ردييييييييييييتواااااااااااااااااااااااااااااااا

كملييييييييييييييييييييييييييييي كملـــــــــــــــــــــــــــــــــــــــــــــــــــــــــــــــــــــــــي

يلا كملي

مششكؤؤؤرة حبيبتي
ؤؤؤراصصلي لاهنتي
ومااقصرررتي ابد
لاخلاولاعدم
وموضوعگ خقة مثلك
لاعدمنگ 
ود لسموك 
سومآ

رح كمل لعيونك

(الجزء الخامس )..لعيونكم




نوف. وتحاول تكون هاديه ...رغوده حبيبتي انتي زوجة بدر الي حبيتيه طول عمرك وانتي الوحيده الي تقدرين تقربيه منك
حاولي رغد بدر جامد اعرفه وصعب يوضح بسهوله ردود فعله لكن لكل انسان نقطة ضعف حاولي تعرفيها ببدر
رغد ..والدمعه بعينها ..صعب نووف
نوف ..رغد حاولي عيوني
رغد وخافت يدخل بدر ولاتقدر تقاوم دموعها ..نوف بسكر الحين واذا رجعت يصير خير ..
نوف ..الله يوفقك حبيبتي وعيشي أيامك الي مابتتكرر رغد
رغد ..ان شاء الله ..سلمي على كل اهلي ..
نوف..ان شاء الله يوصل حبيبتي مع السلامه
رغد..مع السلامه
وقفلت.. رغد وتمت تفكر بكلام نوف وقالت اخليه يحبني شلون واهو مجبور مجبور رافضني وهو عمره ماشافني والحين
واضح انه رافضني اكثر واكثر ..
..وقطع تفكير رغد بدر
بدر من غير اي تعبير على وجهه .. انتهيتوا من الاسرار يعني ..نطلع نتمشى
رغد وبدأت تصير مثله من غير اي تعبير ..انتهينا ..طيب دقايق واجهز
بدر.. يالله بسرعه
رغد.. عشر دقايق
ومرت الاسبوعين على بدر ورغد عاديه جدا لكنها من غير ذكريات عرسان جداد وكأنهم عيال عم وبس
مواقف كثيره مرت عليهم احيانا يسيطر عليها الغضب المكبوت بداخل كل واحد فيه لكن المشكله انهم مايقدرون
يفرغون هذا الغضب فيه حواجز بينهم تمنع الدمعه او حتى الكلمه الصريحه لكن من بين المواقف الكثير ظل
الموقف واحد بذهن بدر لما كانوا بمطعم وابتعد عنها يكلم واحد واحد ثاني ظل يأشر لرغد وخافت وراحت لبدر ومسكت يده ..التفت بدر عليها
بدر وبأستغراب ..رغد فيه شئ ..؟؟
رغد وواضح انها خايفه ..وهي ماسكه يده بقوه لاتتركني بدر لحالي
بدر ركز انتباهه عليها ..رغد وشفيك ؟؟
رغد ..ولاشئ بس لاتتركني
حس بدر ان رغد خايفه وظل ماسك يدها حتى بالسياره ورغد حست براحه كبيره لقرب بدر حتى لو بعيد بقلبه
بدر رجال وولد عمها معه تحس بالامان حتى لو مايحبها لان بدر رجل يفخر فيه ابوه وعمانه واخوانه ماعليه كلام
لكن عيبه مكابرة مشاعره وتفسير المواقف على حسب هواه ..

بالرياض وتحديدا المزرعه
.
..صارت احداث كثيره ..بين ريوف وسلطان
اول يوم سلطان كان داخل ومعصب عليهم لانهم تأخروا بالقهوه ودخل المطبخ وينادي نوف الا ريوف بوجهه بالمطبخ
رفعت شالها وتغطت بسرعه وهو رجع على وراء وقال
سلطان والابتسامه على وجهه ..العذر منك الغاليه لكن وين قهوتنا طولتوا ..؟؟
ريوف ماقدرت تحكي من الحياء
نوف تداركت الموققف ..سلطان القهوه اخذها عبدالله من الباب الثاني يعني ماتدري ....ههههههههه
سلطان ..افا يابنت العم ماهو سلطان الي يتحجج عشان يشوف خطيبته صح
ريوف ماتت من الحياء وضربت نوف وتقول لها اسكتي
نوف ..نمزح سلطان.. ونعم والله فيه ولد عمي
سلطان ..والنعم بحالك يالله بروح عن اذنكم
ريوف ..نوف ليه تقولين كذا احرجتيني
نوف ..خليني اعملكم حركات والله جامدين تطفشون ههههههههههههههه شوفي جولييت هناك بروح لها
وامل كانت تكلم بجوالها واضح انها تكلم سعود ..راحت نوف وقالت امل خليني اكلمه
ابتسمت امل وقالت تفضلي
نوف ..يااخوي مامليت منها اربع وعشرين ساعه مقابلها
سعود..هههههههههههههههه احبها والله احبها
نوف ..الله يديم عليكم المحبه اخوي بس عاد يكفي احسن شئ خذها وارجعوا البيت
سعود..ياليت
نوف ..استح عيب عليك هههههههههههه
سعود..سلمي على حبيبتي نوفا ..
نوف ..ان شاء الله
نوف ..يسلم عليك الحبيب
امل ..الله يسلمه يارب
امل وسعود لهم تقريبا سنتين ومع هذا الحب يزيد كل يوم عن الثاني بينهم
ومن المواقف الي صارت هو الموقف الاهم لريم لكن مع من صار خلينا نشوف
باليوم الرابع تقريبا الكل مشى من المزرعه مابقى غير سعود وامل وخواته
وبيت بو خالد ..جلسوا يعدلون المزرعه ...وريم كانت لابسه تنوره جينز مفتحه من الجوانب
وقميص ابيض ومن التعب رفعت شعرها والخصل كانت على وجهها وفتحت باب المجلس الي نايم فيه
ولد اخوها سالم وتوقعت ان مافيه غير امل
ريم ويالله تمشئ ..اعنبوكم تعبت ابي اروح انام بسرعه وتدخل لنص المجلس
امل وهي تضحك ..ريموه اطلعي
وتلتفت ريم الا وجهها بوجهة خالد ولد عمها جالس عالكنبه وهو منزل راسه لكنه لمحها وشافها
ريم سكتت بعدين طلعت بسرعه ..
امل ..والله انها رهيبه هالبنت
خالد وهو يناظر الباب ..وحلوه ..
امل ..هههههههههههههه هالحبيب هذا وهي لمحه
خالد..ماتحتاج اكثر منها مشاء الله عليها بأي سنه هي
امل انبسطت لان خالد يسأل عن ريم وقامت جلست قريب منه
امل وهي مبتسمه ..ريم بمستوى ثالث الحين لكنها اكبر بكثير من سنها
خالد وهو رافع حاجبه ..امول كأنك صرتي خطابه
امل..هههههههههههههههه مامنك فايده
خالد..باليوم الي بتزوج بقول اخطبوا لي اوكي اموول
امل ..اوكي حبيبي
وطلع خالد وريم في باله اسلوبها وجمالها انطبع في باله وتم يفكر فيها كثير وتوصل لقرار بنشوف مع الاحداث ..

ويوم الخميس المغرب كان موعد وصول طيارة رغد وبدر والكل كانوا مجتمعين في بيت ابو سعود وعاملين عزيمه صغيره لهم
وبالسياره قال لهم سعود..
سعود..بدر الاهل مجتمعين بالبيت وعاملين لك بارتي هههههههههههههه
بدر..هههههههههههههههه حلوه لكن هذا وقته الواحد تعبان وبيرتاح
سعود..كلها ساعتين وترد بيتك وترتاح
بدر..يعني انا لي كلام ثاني لكن اول نروح البيت ونبدل ونجي لكم
سعود..صار ولايهمك
وصل سعود بدر ورغد لبيتهم ورجع للبيت وقال لهم انهم بيجون بعد ساعه
رغد نست بدر وكانت مبسوطه انها بتشوف امها واخوانها وبنات عمها واخذت شور وجلست تعمل مكياجها
وبدر جهز وظل ينتظرها لحد ماانتهت وكانت ناعمه وحلوو شكلها مره
وصل بدر ودخل مجلس الرجال ورغد دخلت عند الحريم الي استقبلوها بكلووووووووووووووووووووووش
حضنت امها وصاحت هي وامها وحاولوا البنات يهدونها وعقب تموا يسولفون بعدين جلسوا يرقصون وانبسطوا لكن
نوف ماراح ترتاح الا اذا كلمت رغد وبعد مع مشئ اغلب الموجودين ولا بقى الا رغد وامل ودخل عليهم سعود وبدر وابو سعود
جلسوا يسولفون ولما قال بدر ..يالله رغد مشينا والله تعبان وبنام
ام سعود..الله يعطيكم العافيه ماقصرتوا ياوليدي
نوف وبعينها نظرة رجاء ..بدر دقايق ابي رغد بكلمتين..؟؟
بدر وهو يناظر نوف نظرات لها الف معنى ..نوف بعدين
نوف..بدور حبيبي بس خمس دقايق
بدر..رغد استعجلي
وطلعت رغد ونوف للمجلس وقالت لها نوف ..رغد ابي اعرف الموضوع شفيك كنتي بتموتين
من الفرحه وفجأه تغيرتي ..ليه ايش الي صار
رغد منزله راسها وحست نوف انها تصيح قربت عندها ورفعت راسها وشافت كل الحزن بعيونها
نوف..رغد تكلمي انا مثل اختك
رغد وترتمي بحضن نوف وهي تقول..يكرهني مايحبني
نوف تجمدت من كلام رغد معقوله بدر يوصل لهالدرجه يجرح بنت عمه الرقيقه وبشهر العسل معقوله قال لها
نوف. وهي خايفه من الاجابه ..هو قال لك ؟؟؟
رغد وهي تصيح ..لا ماقال لي مباشره لكن كل شئ واضح
نوف مافهمت قصد رغد ..رغد قولي بسرعه
نوف .. اقول رغود حبيبتي الحين ماينفع الكلام بكرا راح اكون عندك
وفجأه يدخل بدر الي شاف رغد وواضح شكلها انها صايحه وقف يناظرهم وعقب قال
بدر..ممكن احد يفهمني الموضوع

يلا وييينكم

وييينكم

يسلمؤو كلك ذؤقق ؤآصلي قلبتتي.


ق1

كمليييييييييييييييييييييييييييييييييييييييييييييييييييي

كملييييييييييييي

الجزء السادس




نوف..سلامتك الغالي موضوع حريم
بدر وهو رافع حاجبه ومعصب ..وموضوع الحريم يستاهل تصيح رغد..!!
رغد وهي منزله راسها .. لابدر ماصحت ولاشئ
بدر وبصوت حاد ..ماني اعمى اشوف
نوف وهي تغمز لبدر..لا اخوي بس رغد شوي تعبانه وتبي ترتاح
فهم بدر قصد نوف وسكت عن رغد وقال يمكن تعبانه او فيها شئ او ضغط نفسي لان هالفتره تعتبر مرحله جديده عليها بعدين قال
بدر..يالله نروح نرتاح اجل رغد
وطلع هو ورغد لبيتهم ووصلوا وناموا ولا حتى تكلموا كلمه وحده رغد تقول بنفسها حتى ماكلف نفسه يحاول او حتى يلطف الجوو
وبدر يقول ماراح ازيدها الي فيها كافيها خليها ترتاح احسن ,,يعني كل واحد صار يفسر الموضوع على كيفه

وفي بيت ابو سعود وبالتحديد في غرفة ريم ..
ريم كانت سرحانه بولد العم خالد الي انحرجت منه بالمزرعه ريم بنت طيبوبه وحلوه ومرحه ولسانها طويل شوي
لكن قلبها ابيض وتصدق الكل وهذا عيبها وفجأه يرن جوالها ماعرفت الرقم قالت مابرد خليه لكن الاتصال تكرر اكثر من ثلاث مرات
خافت ريم وقالت برد اشوف من
ريم..الووو
المتصله..السلام عليكم
ريم..وعليكم السلام ..من معي ..؟؟
المتصله..والله مالك خاتمه نسيتي ايام السباحه يالشينه
ريم. وابتسمت ..هلا والله ببنت خالتي لمووووووو
لمى..زين عرفتيني
ريم..اعرفك بس استغربت الرقم منو رقمه ..؟؟
لمى..رقم اخوي مشعل جوالي استقبال بس
ريم..اهااا طيب حبيبتي شلون خالتي وخواتك
لمى..الحمد لله ..انتم شخباركم
ريم..تمام اليوم وصل بدر ورغد ( بكل حسن نيه تقولها)
لحظة صمت من لمى وبعدها قالت
لمى وتحاول يكون صوتها طبيعي ..الحمد الله على سلامتهم ان شاء الله مبسوطين
ريم..الله يسلمك ان شاء الله يارب الله يهنيهم
لمى ..رغد بنت عمك تعرف بدر
ريم..لا ماتعرفه ولد الجيران هو
لمى..هههههههههههههههه لا اقصد متزوجين عن حب
ريم ترددت لكنها قالت
الحب بعد الزواج ياحلوه
لمى...احيانا يكون قبل بين عيال العم او الخال مثلا
ريم.....امممممممممم يمكن لكن رغوده من عمرها وهي تحب بدر
لمى وهي منقهره..وبدر ..؟؟
ريم ..بدر مستحيل احد يعرف مشاعره
لمى بينها وبين نفسها تعلميني في بدر ..وانا من ذبحني غيره
لمى ريم انامااقدر اطول لانه تيلفون مشعل اكلمك وقت ثاني وان شاء الله قريب راح اجي عندك ..سلمي على خالتي وريوف
ريم..يوصل ..وسلمي على الاهل باي
ريم استغربت بالبدايه مكالمة لمى لكنها قالت والله فيها الخير اتصلت تسأل مو مثلي ماتدري المسكينه عن غرض لمى..
اما لمى هي اكبر من ريم لكن علاقتها مو لقد كذا لكنها لفترة قوة علاقتها بريم حتى توصل لبدر ومن ثلاث سنوات انقطعت عن ريم الا بالمناسبات
وهذا كان بعد ماسافر بدر اخر مره بعد تحديدا ماطلعوا مع بعض لاستراحة خالتهم موضي لمى انقطعت عن ريم
ولمى كانت تسعى لانها توصل لبدر الي بنظرها انه حطمها وخانها وهدم مستقبلها قبل ماينبني ..

اما ريووف بغرفتها تحلم بسلطان الي حبته من هي طفله وكبر هالحب مع الايام لحد ماصارت ريووف تعرف سلطان واسلوبه مثل ماتعرف رغد بدر ..
يوم الجمعه
وكالعاده الكل يجتمعون عيال بو سعود وبناته عنده بعد الصلاة .....وهالشئ تعرفه رغد لكذا صحت من بدري واستعدت
وصحت بدر عالساعه 11 الي استغرب لانه حصلها كانها القمر وهي مبتسمه
رغد....بدر اصحى يالله حتى تلحق عالصلاة وعقب نروح بيت عمي
بدر...وهو يحاول يخفي ابتسامته .... ان شاء الله
اخذ دش بدر ولبس ولما طلع لقى رغد ومعها الدخون استغرب وظل يناظرها
رغد....فيه شئ بدر
بدر..لا سلامتك مشاء الله ومحضره الدخون والفطور
رغد وهي تعطيه الدخون ....متعوده بدر
بدر..يعني كنتي ببيت عمي انتي الي تعملي كل شئ
رغد..لا الله يطول بعمر امي لكني كنت احب اصحى واحضر فطور اخواني وادخنهم لصلاة
سكت بدر وفطر وتدخن وقال لرغد..باقي وقت خلينا نروح لبيت ابوي واطلع معهم لصلاة
رغد..الي تشوفه يالله
وصل بدر رغد الا ابوه وسعود طالعين سلم عليهم وراحوا لصلاة ورغد دخلت وحصلت الكل وسلمت عليهم
وبعد ربع ساعه مسكتها نوف واخذتها لغرفه لحالهم
نوف..رغوده اسمعيني مافيه وقت ولانبي دموع بعدين شيخلصنا من بدر
رغد وهي مبتسمه ..طيب تامرين امر أنتي
نوف..رغد انتي تحبين بدر مهما حاولتي تخبين والحين هذا الي يهمنا العبي بهالورقه اكسبي بدر
حاولي بكل الطرق بالدلال بالزعل او التجاهل لحد ماتكسبيه ويحبك
رغد.....نوف صعب بدر واضح انه مايحبني
نوف..رغد حبيبتي الي يهمنا انه مايحب غيرك
رغد وبأهتمام ..شلون عرفتي يمكن يحب غيري ..؟؟
نوف ..عرفت وبس اخوي واعرفه وثقي أن بدر مايحب احد ولافي باله اي احد
رغد لاتضيعين بدر منك ادري اخوي حجر مايلين لكن رغد انا اعرف بدر اكثر منك صدقيني التغير
واضح حاولي ولاتستسلمي
رغد..نوف بدر حطم حلمي من وانا مراهقه الكل ماعنده غير بدر لرغد ورغد لبدر لدرجة اني حسيت انه ملكي
ومستحيل افكر بواحد غيره مرت سنين عمري وانا اتخيل اللحظه الي نجتمع فيها حبيت بدر من كل قلبي
كان بحلمي بليلي ونهاري كنت اكلمه واسمع منه باحلامي آه يانوف بدر حطم حلم سنين بلحظه
نوف..والله فاهمه ياعمري لكن هو يجهل الانسانه الي تزوجها مايعرف عنها الا اسمها بنت عمه
خليه يشوف رغد الحقيقه الحنونه الطيبه مو رغد القويه البارده الي طلعت بعد الزواج حاولي تكوني طبيعيه حتى ماتخسرين حبك
رغد وهي ساكته
نوف..رغد انتي تحبين بدر...؟؟
رغد وهي منزله رأسها ..ليه تسالين وانتي تعرفين الاجابه
نوف ..ابي اسمعها منك
رغد..بدر مو بس ولد عمي ولازوجي هو حياتي وعمري وحبيبي
وعلى اخر كلمه فتح بدر الباب وسمع كلمة حبيبي



وقف بدر مكانه وعينه على رغد احلى بنتينها عليه وشوي وكسرت رغد النظره ونزلت عينها ووجهها احمر
نوف راحت لبدر وابتسمت وطلعت وتركته مع رغد الي ظلت منزله راسها تقدم بدر ورفع راسها
بدر..منهو حبيبك وهو مبتسم
رغد..نزلت راسها وتركته وطلعت من الغرفه وقررت انها ماتتنازل عن بدر مهما كان
بدر ظل يفكر بكلمة حبيب ويقول معقول حبتني بالاسبوعين وعلاقتنا كانت جامده او كانت تحبني من قبل
وبعد ماعجز قال بكرا الايام تظهر كل شئ ...(يابردك ياشيخ )
اما رغد فرحت لان بدر سمع الكلمه لكنها بعد تفكير ندمت عليها كثير وكانت كل مره تقنع نفسها انها تحاول تقرب من بدر
تتذكر كلامه الي سمعته وتقول لنفسها بدر يكرهني ليه اذل نفسي خليني احفظ باقي كرامتي وهذي حياة رغد متذبذبه مابين حبها وكرامتها

اجتمعت العايله كالعاده وسوالف وضحك مع بعض حتى رغد وامل الي كانوا متغطين بشالاتهم وفجأه قالت ريم
ريم..يبه طلبتك قول تم ..
ابو سعود..تم يابنت بو سعود آمري
سعود..يبه بنتك بكرا تنصدم بالواقع اذا تزوجت ولا دلعها زوجها
ريم تناظر سعود بنظره كلها دلع ..منو هذا الي مايدلع ريم حبيبت ابوها وهي تبتسم وتناظر ابوها
بدر.. ياواثقه يابنت ابوك حاسبي على نفسك
ابو سعود..خلو البنيه تقول طلبها سمي امي امري
ريم..بنطلع للمزرعه ثلاث ايام
ابو سعود..نطلع وانا سالم ابو سعود
ريم ..وتقوم تحب راس ابوها الله يخليك لي يارب
بدر..الغالي ثلاث ايام لا انا مابطلع بعد أذنك
سعود..ويبتسم لبدر جربتها وانت عزوبي لكن غير وانت متزوج هههههههههههههههههه
نوف..ايه والله اسألني انا وخصوصا المكالمات
امل وهي تمسك نوف
نوف..مابسكت امول افضحك سعودهههههههههه
سعود..ياحلوه ماهي فضيحه امل حلالي تعرفين شو يعني حلالي
ريوف..ههههههههههههههههه مساكين سكتهم
ريم..نوف قولي خليني اضحك شوي
سعود..يعني بتقول نكته هي ؟؟
ريوف ..ريم لاتستغبين انت اول وحده تعرف كل شئ
ريم..يسم الله علي قولي ماشاء الله .
بدر..انا مااعرف علموني
نوف..لا بدر بالتجربه احسن نطلع وجرب
رغد ساكته وهي تناظر بدر وتشوف تعابير وجهه كيف تغيرت بعد كلام نوف
ام سعود وهي حاسه ان رغد ماهي طبيعيه من ليلة الزواج ..رغد
رغد وبصوت واطي ..سمي خالتي
ام سعود..ليه ساكته ماقلتي شئ وشرايك بالطلعه للمزرعه
رغد..خالتي انتي تعرفين رغد تموت عالمزرعه والنوم فيها والسهر
ام سعود..ايه والله انك صادقه يابنتي أنت بنتي واعرفك
ابوسعود..عاد رغد كلنا نعرف حبها للمزرعه
بدر ..شسالفة المزرعه الكل يحبها
نوف..لنا فيها ذكريات بس انت حرمت عمرك وسافرت بس يمديك الحين بس جرب انت
بدر وبعد تفكير ..شورك واهداية الله نطلع ونجرب
ابتسمت رغد ماتوقعت بدر يوافق بهالسهوله لكن كلام اخوانه وفرحتهم بالروحه شجعه
سعود..امل
امل ..سم
سعود..سم الله عدوك عيوني
ريم..احم ..احم ..
سعود..هههههههههههه شقلنا انتي واقفه لنا عالوحده
الكل....ههههههههههههههههههههه
سعود..سالم وينه
ريوف وهي عينها على أمل ...الله يخليكم خذوا ولدكم معكم مو تخلونه بغرفتي مايخليني انام
ريم..وتحلم
ريوف..ريموه قلبي وجهك عني والله بيجي يوم وتشوفين مني شئ
بدر..والله انكم رايقين ماتتعبون انتي واياها .رغد بطلع للمجلس وابي شاهي بشوف المباراة الله لايهينك
ريم..وليه بالمجلس انا بجيب لك الشاهي ..وهي تبتسم
ام سعود..ريموه ان ماسكتي قمت انا عليك الحين اعنبو بليسك ماخليتي احد بحاله
ريم..يمه خلاص بسكت
بدر..انتي الي جايبته لنفسك تستاهلين يالله رغد لاتطولين بالشاهي وطلع
نوف..رغود قولي للشغاله تعمل له
رغد..لا انا بروح اعمله
سعود..امول ابي شاهي هههههههههههههه
استحت رغد وطلعت
امل..سعود احرجت البنت ناسي انها عروس توها
سعود..ياشيخه رغد مثل اختي وبعدين ليه تستحي هو زوجها
ابو سعود.. تحسب الناس كلهم مثلك ماتحشم احد
سعود.. افا والله بو سعود عصب اسفين والله حقك علي اعرف شلون اراضيك
سعود.. امل صحي سالم الصغير عشان الوالد يرضى
الكل..ههههههههههههههههههههههه

الجزء السابع

وقرر ابو سعود انهم يطلعون للمزرعه وطبعا مع كل اخوانه واتصل فيهم وعزمهم عالمزرعه لكن طلع قبلهم
هو وعيالهم بيوم حتى ينظفون المزرعه ويستعدون ..
وصلو للمزرعه عالساعه عشر الصباح ..وريم على طول ..
ريم.. يمه بروح بطلع اتمشى وانتم نظفوا
ام سعود.. ريموه عيب عليك تونا واصلين
ريم .. يمه عندك الخدامات ينظفون بااي
ام سعود..الله يهدي هالبنت ويعين الي بيتزوجها
امل..الا ياخالتي ياسعد الي بياخذها والله ريم مشاء الله عليها
ريوف.. شقصدك أخت أمل
رغد وهي تضحك ..الي بياخذك ياريووف امه داعيه له والله
امل..ايووووه خلاص مالنا كلام اكيد عارفه ان امه داعيه له مو اخوها
استحت ريووف ..خلاص امول روحي شوفي ولدك
امل.. لاخليه مع ابوه
المهم مر اليوم بسرعه وهم مبسوطين ومرتاحين وعالساعه11 دخلت ام سعود تنام وابو سعود ولاظل غير
البنات ..نوف ..امل ترى احمد بالغرفه نايم اله يخليك اذا نام ولدك ادخلي مالي خلق يصحى
امل.. لاكلمني سعود يقول انه نام ياقلبي بيجيبه الحين
ريم وهي تضحك ..سعود بيجي الحين يحط ولده ويأخذ امه
الكل..هههههههههههههههههههههههه
رغد.. للحين بنفس المكان امل
امل.. الى بكرا بنفس المكان
ريووف ..الله يديم عليكم السعاده
الكل..امين
وصل سعود ..وطلعت معه امل وراحوا لنفس المكان الي يجلسون فيه من سنتين
كان سعود يسهر مع امل ساعات طويله وهم مبسوطين ومرتاحين ..
طلع سعود وامل ,,ورغد سافرت مع احلامها الماضيه يالله كم حلمت انه بيوم تكون مثل سعود وامل تمنت بدر يكلمها
او يحاول انه يسأل عنها لكنه من وصل وهو يعاملها بشكل بارد ولاكأنهم توهم متزوجين انتبهت نوف لرغد وغمزت لريووف بعينها
وطلعت وطلعت وراءها ريوف
ريوف ..نعم
نوف..اسمعي بطلع انا ورغد نتمشى بعد ربع ساعه بالتحديد تتصلين علي وتقولين احمد صحى
ريوف..ليه
نوف..بحاول اخليها تجلس مع اخوك البارد
ريوف..والله كاسره خاطري رغد
نوف..آه وش اقول انا احسها يوم بتقول تعبت لان بدر ولاخطوه قدام
ريوف ..الله يستر يالله اطلعوا
رجعوا وجلسوا شوي
نوف..رغد تعالي نطلع نتمشى
رغد..الحين
نوف.. مافيه احد الكل نايم
رغد ..اوكي يالله
ريم.. بطلع معكم
ريووف وتمسك ريم ..لاابيك بسالفه
ريم بكل حماس..يالله قولي
نوف,ورغد..هههههههههههههههههه
طلعت رغد ونوف وتمشوا لحد ماوصلوا للخيمه الي فيها بدر كان يتفرج عالتلفزيون

نوف... تعالي نشوف بدر اخاف نايم وكل شئ شغال
رغد وهي خايفه من رد فعله ..اخاف عنده احد
نوف..لا سعود نايم بالعسل على قولته
رغد وبأبتسامه حزينه ..الله يهنيهم
دخلت رغد ونوف وتفاجأ بدر فيهم
بدر.. هلا والله مانمتوا
نوف.. احنا بالمزرعه يابدر من ينام الحين
بدر وهو مستغرب ..واذا بالمزرعه ؟؟
نوف.. يعني السهره توها تبدأ
بدر.. الا سعود وينه..؟؟
نوف.. سعود نايم بالعسل هههههههههه
بدر.. نوف شسالفة هالكلمه كل ماسألت احد عنه قالها
نوف.. هذي من ذكريات المزرعه
بدر وبدأ ينسجم معهم بالسوالف ..سمعينا ..(ويتكلم مع نوف ولا كأن رغد موجوده )
نوف..الله يسلمك اول ماتزوج سعود أمل كان مبسوط وكان يجلس مع امل بالليل تحت شجرة الليمون ويسهرون
بالساعات ومره وهو راجع صادفه ابوي وقاله وينك فيه وابوي يومها معصب وسألنا عنه ولاقلنا خفنا منه وقال سعود بكل فرح نايم بالعسل ابوي بيومها كلنا سمعنا ضحكته
كان شكل سعود فعلا مبسوط والى يومك هذا اذا طلعنا للمزرعه لازم يسهرون بنفس المكان وصارت الكلمه ماتفارق
سعود .. وسلامتك
بدر.. سرحان ماتوقع أن اخوه لهالدرجه يحب زوجته صح سعود من النوع الي يعيش احساسه ولايحاول يخبي مشاعره لكن ماتوقع ابد انه بهالرومانسيه وفجأه انتبه: الله يسعدهم ان شاء الله
نوف.. ويسعدكم وفجأه يدق جوالها وترد
ريوف.. يالله عدت الربع ساعه
نوف.. خلاص لاتطلعينه لنور وانا راجعه الحين
قفلت ووقفت بتروح
رغد.. شفيك نوف..؟؟
نوف وعلى بالها مستعجله ..احمد صحى برجع له
وقفت رغد
نوف.. وين بترجعين ..؟؟
رغد.. ايه برجعك معك..
بدر.. خليك رغد اجلسي معي ( واخيرا طلعت الكلمه )
نوف..هههههههههههه يالله اخليكم تنامون بالعسل مثل سعود
رغد احمر وجهها وانتبهت نوف وقالت.. بدر رغد تخاف من الظلام اذا مابترجعها اتصل فيني
بدر وعصب على نوف ..تطمني ورحي لولدك يالله
نوف.. مااقصد بس يالله تصبح على خير
بدر ..وانتي من اهله
بدر.. رغد اجلسي
لحظة صمت مرت عليهم ..
بدر.. رغد احكي لي عن المزرعه وذكرياتها معكم أنا شايف الكل يحبها لكن مااشوف فيها شئ مختلف
رغد.. بخاطرها تقول احكي لك عن حلمي فيك وانا فيها او عن تصوري للحظات الي اقضيها معك
رغد.. ذكرياتنا هنا حلوه فيها الشئ الي مانقدر نقوله بالكلام لانه احساس وفيها مواقف حلوه مالها اي علاقه بالمكان
لكن بالاشخاص والظروف والاحلام وكل شئ
بدر.. مثل
رغد.. جمعت الاهل وقلوبهم وحده شوفت عماني مجتمعين جلستنا احنا البنات وخصوصا ببداية زواج نوف وامل
بدر وبدأ ينشد لكلام رغد ..شمعنى ببداية زواجهم ..؟؟
رغد وحست انها تتكلم من غير قيود لاول مره مع بدر ..لانها فتره حلوه اول بنتين يتزوجون وازواجهم كانوا معنا مواقف حلوه وسهرات احلى انا وريوف وامل وريم ونوف واحيانا بنات عمتي اذا كانوا موجودين بالرياض يعني لكل شخص ذكريات حلوه هنا
بدر..وانتي ..؟؟
رغد..انا ..
بدر..شو تعني لك هالمزرعه بالضبط ..؟؟
رغد. وطلعت الكلمه من قلبها من غير ماتسيطر عليها ...المزرعه بالنسبه لرغد كانت تعني حلم رائع ..وسكتت
بدر وهو رافع حاجبه ..كانت ؟؟
رغد.. لامو كانت لكن اول غير والحين غير
بدر.. وايش الي تغير
ودها تقول له حلمي انهار وقلبي انجرح ودها تقول بهالمكان بكيت لماسافرت هنا حلمت فيك وهنا شكيت لشجر والرمل والحجر منك
هنا الكل كان يقول اذا امل حالها كذا مع سعود أجل رغد الي تمووت على بدر وكلها رومانسيه شو بتعمل ..اقولك أني وتحديدا اذا كنت بالمزرعه اشتاق اسمع صوتك وفعلا اسمعه وانت ماتعرف اقولك ان اغلب اتصالات ريووف تكون بطلب مني ..
رغد وانتبت ان بدر ينتظر اجابه ..فرق كنت صغيره لكن الحين انا مو صغيره وتصرفاتي محسوبه يعني لازم اراعي أشياء كثيره
مثل ماراعتها نوف وامل ..
بدر وحس بشعور مختلف ..رغد انتي زوجتي صح.؟؟
رغد,,وهي مستغربه صح
بدر..خلاص رغد خليك صغيره خليك على طبيعتك لاتراعين احد بتصرفاتك لانك صرتي زوجتي
رغد ساكته وعيني على التلفزيون الي كنت تسمع صوت محمد عبده وهو يغني اغنيتها
رغد..ومن غير ماتحس بدر ارفع الصوت
استغرب بدر ورفع الصوت
وسمع محمد عبده يقول
رحت يم الطبيب الي يداوي الجروحي..قال طبك مع الي ولعك واشتقى بك
بدر..رغد انتي تحبين هالاغنيه
رغد...تعجبني كثير
رغد..بدر اخاف يرجع سعود وانا موجوده خليني ارجع
بدر..لا برسل له مسج
رغد..شتقول له
بدر وبعد ماانتهى من كتابة المسج قراه عى رغد الي ماتت من الحياء
سعود الله يهنيك بالعسل لو سمحت تاخر لان العسل عندي بالخيمه
لاحظ بدر وجهه رغد الي تغير لونه من الحياء وابتسم لانها فعلا تستحي منه
مرت الليله حلوه على امل وعاديه جدا على رغد ورجعوا البنات وبعد السهر ناموا ولاحست رغد
الا بجوالها يدق وردت والكل انتبه لها
رغد..هلا واللله بهالصباح الي سمعت فيه صوتك
الكل مستغرب هذي رغد الي يعرفونها لكن معقوله تكلم بدر
رغد..شلونك حبيبي
ريم عدلت جلستها رغد تقول لبدر حبيبي معجزه

الجزء الثامن




رغد...وامي وابوي شلونهم
الكل تحطم بعد الكلمه الا ريوف الي عرفت انه حبيبي القلب
سلطان ..رغووده احنا بالطريق تأمرين على شئ
رغد.. سلامتك حبيبي توصلون بالسلامه
سلطان..ولا احد من الي عندك يحتاج شئ
رغد..هههههههههههههه من تقصد بالضبط
سلطان ...انتي عارفه
رغد... بنات تأمرون على شئ من سلطان ..وعينها على ريووف
ريووف وبصوت واطي..... سلامته خليه هو يوصل بس
رغد هههههههههههه..تقول سلامتك
سلطان ..الله يسلمها
ريم وكالعاده تدخل بنص الكلام ..انا ابي جالكسي ..
سلطان سمعها ..ههههههههههه للحين هي والجالكسي
رغد..الله يعين زوجها عليها
ريم..يحمد ربه ويشكره
رغد..يالله مع السلامه حياتي
نوف وبصوت عالي ..رغيده
رغد اخترعت ..بسم الله شفيك..؟؟
نوف..ليه ماتقولين لأخوي حبيبي مثل سلطان
ريم..ايه والله حارمته من الكلام الحلوو
امل..انتم شدراكم انها حارمته
استحت رغد لانها تعرف ان امل اكيد شافت المسج وعلى بالها هي وبدر قمه بالرومانسيه
ريوف.. يالله خلو البنت بحالها احرجتوها ..
على اذان الظهر وصل خالد اخو امل واهله ووصل سلطان وجلسوا كل الرجال برا امام جلست الحريم
وطلعوا البنات يسلمون على عمانهم
ابو سلطان..هلا والله بالغاليه
رغد..هلا بك يبه شلونك
ابو سلطان..الحمد لله انتي شلونك بشريني عنك
رغد..انا الحمد لله بخير يبه
ابو سلطان..بدر شرايك اخذها معي اسبوع
بدر..وانا وين اروح هالاسبوع
سعود..ارجع بيت اهلك
بدر..بشرط ..؟؟
الكل قال..شوووووووووووووووو
ورغد كل انتباهها مع بدر
بدر.. وهو مبتسم .......ترجع معي سعود لبيت اهلي ..ههههههههه
سعود..عمي خل بنتك ببيت رجلها احسن لها
الكل...ههههههههههههههههههه
سلطان وفجأه ..وين ريم ..
الكل...؟؟؟؟؟؟؟؟
ريم وهي خايفه ..نعم سلطان
سلطان ..هذا طلبك
الكل يناظر الكيس وخصوصا خالد ولا احد يعرف الا البنات الي ميتين على شكل ريم من الضحك
سعود..وايش الطلب على حد علمي ريوف خطيبتك ماهي ريم
ريوف ماتت بمكانها من كلمة سعود الي يقول الكلمه ولايهمه بأحد طالما الكل يعرف انها خطيبته بعدين سعود
يعرف أن سلطان يحب ريووف وهي تحبه
سلطان..صح ياابو سالم لكن ريم بنت عمي واختي بعد
بدر..زين وايش هالكيس
رغد.. انا بقول هالكيس فيه جالكسي
سعود..ههههههههههههههههههههه فضحتينا
ريم وهي مستحيه ..ماتوقعته صدق
خالد كان ساكت ولاقال شئ ظل يناظر ريم اي متغطيه لكن صوتها كان ماخذ خالد بعالم ثاني
يالله شو هالانسانه لي اربع سنوات تقريبا ماشفتها بس اسمع كلام امل عنها ولاتخيلتها كذا ابدا ابدا
ابو سعود.. ريمه تعالي عندي
ريم..ان شاء الله جلست عند ابوها
ابو سعود.. وريني هالجالكسي خليني اشوفه عشان نشرطه كرتون كل ليله على زوجك
الكل ..ههههههههههههههههههههههه

ريم..افا يابو سعود تتريق على ريما الغاليه
ابو سعود.. لا والله دامك تحبينه نشرطه عليه كل ليله يجيب لك منه
خالد.. ياعمي شرط سهل هذا ندور غيره بناتنا مو بعلبة جالكسي
ابو سعود.. كفوا ولد اخوي والله
ريم استحت وقامت ودخلت مع البنات ..
ومرت ايام المزرعه بسرعه ورجعوا لحياتهم سعود وحياته الحلوه مع امل ورغد هي وبدر عايشين
بروتين ممل ونوف ماتقصر معهم
بدأت الدراسه ورجعت رغد تكمل دراستها باقي لها اخر سنه وكان وقتها روتيني جدا مع أنها تكره الروتين لكن بدر فرض هالنظام على حياتهم كان يصحى لدوام ويرجع على اذان الضهر بعدها يتغداء وينام وعالمغرب يصحى ويطلع يصلي بالمسجد ويروح عند ابوه بالمجلس واخوانه بعدها يرجع للبيت يجلس ساعه او احيانا تكون رغد في بيت ابوه يجلس معهم ويطلع عالساعه عشر يرجع ويجلس ساعه او ساعتين بعدين ينام رغد دائما مميزه ومتفوقه لكذا قالت خليني اشغل نفسي بالدراسه احسن من اني انتظر انسان يكرهني رغد كانت تعطي وتوفر لبدر كل شئ ماكان يحصل شئ ينتقدها عليه وبدر ماكان يقصر عليها لكن الي ناقصهم الحب الخوف والحنان ..
مرت شهور على زواجهم ولااي تغير صار بحياتهم كأنهم اشخاص مجبورين عالزواج بدر ماكان يعنيه هالشئ لكن رغد الي تشوف حلمها يذبل كل يوم وتتحسر عليه ..
وبيوم كانت الخاله وبناتها الي هم لمى ومها معزومين عند ام سعود ومن الطبيعي ان رغد تكون موجوده رغد ماكانت تعرف اي شئ عن
لمى لكن كانت تسمع بمها أختها لان كل البنات يتكلمون عنها انها حبوبه وطيبه لكن رغد حست بشي من كلام نوف ان لمى جريئه وهي مايعجبها هالاسلوب تشوقت رغد تشوف لمى من كلام البنات لكن كانت مشتاقه اكثر لمها ..
ويوم الخميس المغرب وصلت الخاله وجلسوا كلهم مع بعض وانبسطوا وخصوصا رغد انبسطت على مها لانها مؤدبه وكلامها موزون مو مثل لمى الي ترمي الكلام حتى ماتحشم امها وخالتها رغد حاولت قد ماتقدر تتجنب لمى لكن لمى كانت تسعى انها تتكلم مع رغد
لمى وبنظرة دلع..رغد شرأيك بولد خالتي ..؟؟
رغد..وبأبتسامه ..ولد خالتك ولدي عمي مافيه مثله
لمى وانقهرت منها..والله يوم زواجكم كان شوي شكله تعبان ان شاء الله الحين مرتاح ..
نوف..اكيد مرتاح ومن مايرتاح وهو يصبح بهالوجه كل يوم
لمى شافت نوف دخلت بالموضوع عرفت انها خلاص لازم تأجل تحطيمها لرغد وقت ثاني وطلعت الخاله وبناتها ورغد تقول
سبحان الله خوات لكن وحده شمال وحده جنوب فرق كبير لكن لمى ظلت في بال رغد مهما حاولت تتجاهل ضنونها ..

اما ريووف تقررت ملكتها بالاجازه بعد شهرين ويكون وقتها مر سبع شهور على زواج
رغد وبدر ..من غير مايصير الشئ الي يفرح ام سعود وهو حمل رغد لكن ام سعود ماكانت تقول شئ تقول الله يسعدهم
وقبل الملكه بشهر صار شئ ممكن يدمر العايله بكبرها وهذا كان في استراحة ابوسلطان الكل كان موجود
دخل بدر بالمطبخ ورغد كانت مشغوله وسالها
بدر.. رغد وين المفتاح الي اعطيتك بالبيت
رغد.. بشنطتي الحين اجيبه لك
بدر.. لا وين الشنطه
علمته مكانها وراح بدر وفتح الشنطه وشاف علبه غريبه فتحها وكانت الصدمه الي هزته ولا قدر يتحكم بنفسه ولاغضبه
بدر.. وبصوت عالي ..رغد..رغد
الكل طلع من المطبخ ..
بدر.. ممكن اعرف هذي شو تعمل بشنطتك
رغد.. سكتت ولاعرفت شو ترد هي ماقالت له انها تاخذ وتقوله الله ماكتب شئ وهي تعرف انه يتمنى ولد
نوف.. بدر اذكر الله واجل الموضوع بعدين
بدر.. وبصوت عالي لا الحين تقولي شو قصدها بهالحركه رغد تكلمي
سمع سلطان وخالد الصوت وعرف سلطان ان بدر يكلم رغد ودخل ووصل عند رغد وحس انها فعلا خايفه
قرب مناه وحط ايده على كتفها
سلطان.. بدر شو الموضوع
بدر.. اسأل اختك
سلطان ...رغووده حبيبتي شو الموضوع
رغد خلاص ماعادت قادره انهارت وبدت تصيح
استغرب سلطان والتفت بالله احد يفهمني الموضوع
بدر.. اختك تاخذ حبوب منع حمل من غير مااعرف سبع شهور وكل مااسألها تقول الله ماكتب شئ ممكن تفسر لي هالشئ
سلطان.. بدر يااخوي هالموضوع مايناقش بهالشكل
بدر.. بدا يتمالك نفسه وسكت التفت سلطان على نوف
سلطان .. نوف الله لايهينك خذي رغووده داخل
طلعوا البنات ولاظل غير بدر وسلطان
سلطان ..بدر ..يااخوي هدي نفسك ولاراح يكون الا الخير رغد بعد اذنك انا بااخذها للبيت
بدر وهو معصب ..ليه
سلطان..بدر انت ماتعرف رغد الي صار اليوم راح يتعبها كثير وراح تنهار ولابتنام وهي كذا اختي واعرفها وأنت لازم ترتاح بعيد عنها
بدر ..من بيرجعها للبيت ..
عبدالله بيرجعها
بدر.. اوكي وانا طالع بعد بلغ الوالد
سلطان.. بدر انتبه لنفسك ولاراح يكون الا الخير

الجزء التاسع





طلع بدر والف فكره وفكره براسه ليه رغد تعمل كذا اكيد تنتظر الوقت حتى تتطلق مني او تحب غيري
او او بعدين تعوذ من الشيطان ورجع للبيت وهو حالته مو اصعب من رغد الي ماتوقعت بدر ممكن يرفع صوته عليها وقدام الكل وظلت منهاره لحد مانامت وعبدالله ماتركها ظل يحاول يهديها وقالت له
رغد.. وهي تصيح عبدالله هو مايحبني مايحبني ..
عبدالله ويمسح على رأسها ..حبيبتي رغوده نامي ولاتقولين شئ وانتي معصبه بكرا كل شئ ينحل
جلس عبدالله بالبيت مع رغد لانه يحب اخته بشكل خيالي وزياده على كذا عبدالله انسان حساس جدا اما بالاستراحه
الكل تكدر مزاجه باهالليله

ابوسعود ..لاحول ولاقوة الا بالله
ابوسلطان..لاتتضايق يااخوك بكرا نراضيهم ( يحاول يهدي اخوه وقلبه مع بنته رغودده وحيدته )
ابو خالد..من تراضي بدر عنيد ورغد اعند منه الله يهديهم
ابوسعود .. ايه والله صدقت يااخوي هو عنيد وهي عنيده
خالد وبكل صمود كالعاده ..عمي ياليت تسمحون لي اقول شئ
الكل .. تفضل
خالد .. انا بصراحه عندي رأي واتمنى تسمعوني رغد وبدر لهم سبع شهور عايشين مع بعض مها كان لابد فيها لحظات حلوه
ابوسلطان .. ياابوك مافهمت وشتقصد
خالد .. الي اقصده انه مااحد يراضيهم على بعض وملكت سلطان تتم على موعدها وهم اكيد بيقررون مصيرهم
ابوسعود .. نخليهم شهر ياابوك مايصير الناس بيقولون كلام كثير ماصار
سعود .. ايه يبه شهر ولا علينا من الناس بدر ورغد لازم يعرفون قيمة بعض ويقررون لكن بشرط نقبل قرارهم شو ماكان
ابوسلطان .. شرايك يابو خالد
ابوخالد.. خلوهم لين مايردهم الشوق لبعض
خالد .. ايوووووووووووووووه ابوي شو هالكلام الحلو
الكل ..ههههههههههههههههههههههههه
وظلت رغد ببيت ابوها تغيرت كثير صارت منعزله ماتتكلم الا قليل سلطان وعبدالله يحاولون وامها من تشوفها ماتقدر تمسك دموعها تحس انها فعلا فقدت بنتها من يوم تزوجت رغد الابتسامه صارت شئ غريب ماتعرفه كل وقتها سرحانه وتفكر بأحلامها الي تدمرت ظلت رغد تعاتب نفسها وتقول انها غلطانه بعدين ترجع تقول لا انا مو غلطانه بدر مايحبني مايحبني وهذي حياتها ساعه تعاتب نفسها وساعه تلوم بدر ..
ولااحد يعرف انها طلعت الا عمانها وهي ساكته وبدر ساكت كانت تسأل عنه بشكل غير مباشر ...
بنات عمها واحيانا ماتتحكم بمشاعرها وتبدأ تصيح وهي تكلمهم وهم يحاولون معها لكن ومع هذا كرامتها أهم عندها وهو كان يعرف اخبارها من عند اهله .......وبيوم اتصلت امل برغد
امل.. شلونك رغد وشلون عمي والاهل كلهم
رغد .. بخير انتي شلونك وسالم وابوه كيفهم
امل .. تمام الحمد لله
امل.. رغووده
رغد.. سمي
امل.. مااشتقتي له ..؟؟
رغد .......
امل.. رغد انا اعرف انك تحبينه وتموتين عليه حرام الي تعمليه بنفسك
رغد.. ساكته ولاعادت قادره وبدت تصيح حست امل فيها
امل.. رغد دموعك دليل حبك ليه البعد طيب
رغد.. امل بدر خلاص انتهى من حياتي
امل.. رغووده الكل يعرف ان بدر هو حياتك ( لكني انا دمار حياته ولاارضى أكون السبب بتعاسته لاني احبه تقول هالكلام بخاطرها)
رغد.. امل الله يخليك غيري الموضوع
امل.. ولايهمك لكن بقولك ان بدر عادي ولاهامه الموضوع لكن كلنا نعرف ان بدر ياكابر وبداخله يحترق
رغد وبتغير الموضوع ..شخبار عروسنا ريوف
امل... هههههه تغيرين الموضوع طيب بتشوفين مها بعد يومين
رغد .. ان شاء الله
وتموا يسولفون وبعدها قفلت وتذكرت ريوف تمنت انها معها بهالوقت وندمت لان الفرحه ماهي كامله حتى بعيون سلطان تشوفها في شئ مهزوز بالعايله كلها مهما حاولوا يدارونه سلطان وعبدالله رغد اختهم وبدر ولد عمهم بين نارين عايشين وبدر ماصار يقدر يجلس مع عمه كثير يشوف العتب بعيونه وهذا شئ مايقدر يتحمله ..ورجعت لغرفتها رغد رجعت لذكرياتها رجعت لدموعها رجعت لصندوق الي رفضت تأخذه لما تزوجت رغم انها قررت بأحلامها اول شئ ينتقل لبيتها الصندوق الغريب الي الكل يجهل شفيه بدت تشوف الي بداخله وتبكي على الي صار لها
اما بدر فكان طبيعي جدا عند اهله ولاكأنه كان عنده زوجه وطلعت لكن من يرجع للبيت يبدأ يتذكر رغد بكل مكان بالبيت لها ذكرى لها لمسه رغد عايشه بالبيت حتى لو هي بعيده صح حياتهم كانت روتينيه لكن هالروتين يحتاج نظام كان يرجع ويحصل كل شئ منظف ومرتب كان يحس انه فيه انسانه تنتظره وانه مسؤل انه يتواجد بالبيت اغلب وقته لانه حق لها وحق عليه
من طلعت رغد وبدر ماينام الا اذا شاف الصور وتأمل براءة رغد يقول بخاطره هالبراءه ليه ترفضني اكيد فيه سبب معقول؟ ..
بعدين يقول اعوذبالله من الشيطانالرجيم
وينام وينسى وسوسة الشيطان الي يصور له اشياء كثيره ..

وبيوم الملكه الكل كان مشغول بالتجهيزات والترتيب الا قلبين كانوا خايفين من اللقاء رغد وبدر بدر وبأعتبار انه اخو العروس اكيد انه بيدخل ورغد بما انها اخت المعرس اكيد بتكون موجوده وقريبه منه بدر خايف من نفسه اما رغد خايفه من دموعها الي دائما تخونها دائما

وصلوا المعازيم ومعهم لمى بنت الخاله وجلست تسولف مع ريم
لمى ..وين رغد اجل..؟؟
ريم..بتجي مع اهلها انتي ناسيه انها اخت المعرس
لمى .. ايه صح وبخاطرها تتمنى تشوفها وتذبحها وكانت مخططه لاشياء كثيره تعملها تحرق فيها قلبها ولمى ماتعرف ان رغد زعلانه وعند اهلها ..
وصلت رغد واهلها وكانت رائعه بهدوء جمالها الي استفز لمى الي ماخلت شئ ماحطته بوجهها
نوف بأبتسامه ..الله شو هالزين رغووده ( رغد لابسه فستان اسود هادي لكنه رائع وكانت رغد تتميز دائما اذا لبست الاسود لانها بيضاء والاسود لايق عليها )
رغد..عيونك حبيبتي الي تشوف الزين
لمى. وبنظرة حقد ...كيفك رغد..
رغد..تمام انتي شلونك
لمى..عايشه الحمد لله
نوف راحت تشوف أختها وظلت رغد مع لمى الي قالت لها ..كيف الزواج رغد. مع الدراسه .؟؟
رغد..متعب لكن الله يسرها والحمد لله انتهى هالترم على خير
لمى..وبدر كيفه يالله بدر لازم احد يكون فاهمه لانه صعب تحددين مشاعره
رغد من سمعت كلام لمى سكتت وعرفت لمى انها اصابت الهدف لكن رغد حاولت تدارك الموقف وقالت
رغد ..و مايفهم بدر الا انا
لمى..وبأبتسامه خبيثه ......اتمنى وراحت وتركت رغد بتمووت من كلامها وتسأل نفسها شلون عرفت بدر شلون
قدرت توصل لتحديد مشاعره وليه هالنظره الي كلها خبث هالانسانه من اول مره شفتها حسيتها تتعمد توصل لي رساله معينه
انها تعرف بدر لكن كيف وهي علاقتها مع البنات مو لحد كذا وفجأه قالت معقوله تكون تكلم بدر بعدين طردت الفكره قبل ماتسيطر عليها
بدر مهما كان ماعنده هالحركات ومع مين بنت خالته لا لا اكيد هي انسانه مريضه .. وعلى هالحال ظلت رغد تفكر بكلام لمى

تمت الملكه ونزلت ريوف الي كانت ميته من الخوف لكنها رائعه بجمالها وجات اللحظه الي بيدخلون فيها
طبعا رغد تحمد ربها لانها تتغطى عن سعود حتى ماتشوف بدر ويشوفها
دخلوا ورغد دقات قلبها تتعدى العروس من خوفها شافت بدر ونزلت دمعه من عينها حست فيها نوف ..
نوف .. دمعة فرح لاخوك او دمعة حزن لفراق غالي
رغد..........
.نوف.. الله يهديكم
ريم.. رغووده روحي سلمي على اخوك
رغد.. لاماابي
لمى.. يمكن بدر يزعل ......وبصوت واطي ماسمعه الا رغد .. انا اعرفه
ريم.. لا اخوي مايزعل من هالزين
لمى وقتها ودها تذبح ريم وبعدت عنهم وقالت بروح اسلم على ريوف
الكل استغرب موقفها لكن متعودين لمى ماتهتم بكلام الناس ولاتعرف العيب رغد وقتها انقهرت منها لانها شبه متغطيه
سلمت على ريوف وباركت لسعود وبدر الي كلمته كلمتين وضحكت وهالضحكه ذبحت رغد واستفزتها وراحت تسلم على اخوها
وسعود اشرت له امل بسرعه وطلع على طول من غير مايحس فيه بدر الي كان يسولف مع سلطان
سلطان والابتسامه ماليه وجهه .. هلا والله رغوود سعود طلع افتشي
رغد ماتت ماعرفت انه طلع والا ماكنت جات اما بدر ماقدر يطلع حتى مايثير الشكوك حولهم وفتشت رغد ولمحة حزن سيطرت على وجهه بدر تذكر هالوجه البريئ
رغد وهي فرحانه لاخوها ..الف مبروك سلطان حبيبي الله يوفقك
سلطان ..ا لله يخليك ويبارك فيك
رغد .. وتحضن ريووف ...مبروك ريوف حبيبتي واخيرا صرتي زوجة اخوي صدق
ريووف وجهها احمر ..الله يبارك فيك
رغد.. سلطان ريووف غاليه علي كثير حطها بعيونك
وفجأه
بدر .. مبروك رغد
رغد من سمعت صوته حست رجولها بتخونها ... وتلتفت على بدر وهي تعرف انها اذا جات عينها بعينه راح تدمع حاولت بكل ماتقدر
رغد .. الله يبارك بعمرك
بدر .. شلونك رغد
رغد .. الحمد لله ماشئ حالي
بدر. . ان شاء الله دوم
ماقدرت رغد ولفت بتمشي ومسكها ببدر بهالحظه عيون كثيره تراقب هالحركه
بدر .. انتظري مني اتصال بالليل ضروري
رغد ..تغير لون وجهها ولمى توقعت بدر قال كلمه حلوه غيرت لونها وخلتها تخجل لكن ماتعرف ان هالاثنين حالتهم صعبه
رغد..ان شاء الله
امل وتحاول تبتسم ..كيف اللقاء من بعد الفراق..؟؟
رغد والدموع بعينها ..يذبح ..يذبح
نوف..حبيبتي رغووده مابيصير الا الخير هونيها مانبي دموع ترى بصيح معك
ريم..والله انا اذا جلست اكثر معكم بصيح ليه هالعذاب وانتي تحبينه ليه
راحت ريم ورغد تعبت من هالتفكير وراحت تجلس بعيد

وطلع بدر وابوه وعمه وطلع سلطان وجلس مع ريووف نص ساعه وبعدها طلع لمجلس الرجال
وكانت سعادته ماتنوصف لحظتها ريوف الانسانه الرقيقه الطيبه الهاديه صارت زوجته ..
الانسانه الي ملكت قلبه ومشاعره الانسانه الي كبر حبها معه بكل ثانيه بحياته اليوم صارت زوجته واخيرا..

اما رغد فكانت بعالم بدر هايمه تسترجع حلمها من سنوات يالله توقعت زواجها من بدر بدايه مرحله
جديده من السعاده توقعت بدر بينتشلها من خوفها ويحتضن حبها له لكن بدر دمر رغد برفضه لها
ذبحها لانه تزوجها من غير قناعه رغم انها كانت تحلم بالحب معه ظلت رغد تفكر ولاحست الا
بخالتها ام سعود...رغد بنيتي والله انه لك وحشه يالغاليه
رغد وهي منزله رأسها ..تسلمين خالتي
ام سعود..رغووده بنيتي ولدي واعرفه اكثر من غيره والله انه ندمان على الي صار لو مانطق ..
رغد. ماعرفت وشترد على خالتها ...............
ام سعود..الله يجمع شملكم ويهديكم
وراحت ام سعود والحزن مالي وجهها لما شافت بدر الي مهما كابر وحاول يخبي يبان عليه
انتهت الملكه على خير بشوق ولهفه كان فيه قلبين ينتظرون انتهاء الملكه الي هم سلطان وريوف
حتى تتم او تبدأ رحلة المكالمات وقلبين بخوف وقلق كانوا ينتظرون انتهاء الملكه بدر ورغد
بدر طول الوقت يفكر برغد ويقول خلاص لازم نحط نهايه لهذي المشكله
وفي بيت بدر ..
سعود ويناظر بدر بعالم ثاني .....بدر وين وصلت ..؟؟
بدر وبصوت محبط ....وين اوصل من شهر وانا اوصل لنفس النقطه وارجع اعيد من جديد
سعود..حاول تتعدى النقطه
بدر..وهذا الي بيصير اليوم
سعود..اليوم اي اليوم خلاص اليوم
بدر..لا مااقدر اتحمل اكثر انت تعرف انه بعد عشر أيام عمتي احتمال بتوصل ولاله داعي زيادة الكلام لازم انهي الموضوع
سعود..الله يهديكم ويعينكم
بدر..الحين مابتروح بيتك انت ..؟؟
سعود..افا والله تطردني
بدر..يااخي خلينا نخلص من هالمشكله
سعود..انا بروح لبيت الوالد اخذ امل وانت يابدر مهما كان لاتطلع ولاتسوق سياره وانت معصب اوعدني
بدر.. اوعدك
سعود..فمان الله
بدر..الله معك
بدر مسك جواله وتردد كثير قبل مايتصل برغد لكنه قرر ونفذ على طول
رغد وهي جالسه مع سلطان وامها
ام سلطان ..يالله انا تعبت بروح انام
سلطان..تسلمين الغاليه الله يعطيك العافيه تعبناك اليله
ام سلطان ودموعها بعيونها ..اليوم اغلى يوم بعمري يوم ملكة ولدي الغالي سلطان
عبدالله..الغاليه دموعك غاليه مابتزوج حتى مااشوفها
رغد وهي تبتسم لرقة عبدالله اخوها
سلطان..ايووووووووووووووووووه عبدالله
ام سلطان...يازينها من دموع اذا دموعي فرحه بعيالي
وفجأه يرن جوال رغد شافت الرقم وتغير لونها وارتبكت واستأذنت منهم
ام سلطان ..من الي متصل هالوقت ..؟؟
سلطان ..واضحه ياام سلطان من ارتباكها تعرفين..؟؟
ام سلطان وبدهشه ..بدر؟؟
سلطان..اتوقع
ام سلطان ..الله يهديهم وراحت تنام
عبدالله.. يااخي بدر انسان غريب جدا
سلطان..شلون غريب ..
عبدالله ..بدر مشاء الله عليه رجال ماعليه كلام لكن الي محيرني تصرفه مع رغد
سلطان..عبدالله لاتلومه ماهو قليل ان زوجته تعمل هالشئ من غير علمه يعني بمعنى غير مباشر رافضته صح
عبدالله..سلطان..انا معك لكن الاسلوب لازم يكون ارقى من كذا هو انسان متعلم ولابهالشكل تتعالج الامور
سلطان..عبدالله اقول لك شئ
عبدالله ..تفضل
سلطان..انا اليوم تزوجت
عبدالله..ههههههههههههههههههههههه طيب مبروك
سلطان..الله يبارك فيك لكن خلينا من بدر ورغد خلني اعيش الحب والفرحه
عبدالله..الله يديمها عليك يارب
سلطان..عقبالك ان شاء الله
عبدالله....اذا الله اراد كل شئ بيصر يالله اخليك مع احلامك تصبح على خير
سلطان..ومن من اهل الخير ..
وطلع عبدالله وترك سلطان يبدأ اول مكالمه مع امل عمره وحياته ريووف

وصلت رغد لغرفتها وقفلت الباب وجلست على السرير وردت
رغد وقلبها يدق بقوه ....الوو


*يتبـــــــــــــــــــــــــــــــع*

الجزء العاشر



بدر ومن سمع صوتها سكت..بعدين قال ....هلا رغد
رغد..اهلين
بدر..شلونك
رغد..تمام
لحظة صمت بينهم كانت ممكن تذبحهم لكن بدر قدر يسيطر على غضبه
بدر..رغد اعتقد شهر مده كافيه حتى نريح اعصابنا وناقش موضوعنا
رغد...................
بدر...رغد الي صار يحتاج تفسير ممكن اسمعه منك ....؟؟
رغد وتحاول تكون هاديه .....ماعندي شئ اقوله
بدر ..رغد شلون ماعندك انتي مو طفله حتى تعملين شئ من غير سبب وانا اثق ان فيه سبب
وكبير او مهم عندك الي خلاك تعملين كذا
رغد....بدر الي عندي قلته ..
بدر..وبدأ يفقد اعصابه ..وانتي قلتي شئ اصلا
رغد..بدر رجاء لاترفع صوتك انا قلت لك ماعندي شئ اقوله وأنا صادقه والي يعجبك اعمله
بدر وبصوت هادي .....تبين الطلاق
لما قال الكلمه رغد نزلت دمعتها وحطت ايدها على قلبها وبدت ترتجف من قوة الكلمه
تتطلق من بدر تعيش من غيره بعيد عنه مستحيل تموووت حتى لو مايحبها هي تموت عليه
حتى لو جرحها مازالت تنتظر الامل منه مازالت تتوقع ان بدر ممكن يتغير ويحبها
بدر وبصوت حاد جدا ....رغد طلاق مابطلق الا اذا عرفت السبب اما اذا غرضك من هذا التصرف الطلاق
انا اثق ان له دافع رغد اذا انتي مثل ماقلتي انجبرتي معناته انتي مخططه لكل هذا قبل الزواج وطالما مخططه
ليه ماحاولتي تقاومين وترفضين ..
او يمكن مخططه لشئ ثاني بعد الطلاق ..
ندم بدر على هذي الكلمه
رغد..شئ ثاني ايش تقصد؟؟؟؟
بدر..والله انتي ابخص بنفسك
رغد..بدر عن التجريح كفايه الي صار منك لحد الحين
بدر..رغد اسألك بالله انا قصرت عليك بحق من حقوقك
رغد..لا
بدر..اجل ليه هالكلام
رغد..بدر انا استأذن منك ممكن بقفل
بدر..لا مابتقفلين الا اذا قلتي لي من الشخص الي بتتزوجينه بعد الطلاق
وبدر عرف انه اذا استفز رغد بتتكلم واستخدم هالطريقه رغم انها سيئه لكنه مضطر يحس أنها الطريقه الي تخلي رغد تنطق وتتكلم
رغد..بدر انت تعرف معنى كلامك انت تهين نفسك قبلي قبل ماتكون زوجي انت ولد عمي
عيب هالكلام ياولد العم
بدر وحاول يكون طبيعي رغم انه ندم على هالاسلوب....خلينا من المثاليات وقولي لي ليه ماكنتي تبين ولد مني او تخافين يربطك ويبعدك عن الي تبينه
رغد..وفقدت اعصابها وقاطعت بدر....بس خلاص اهنتني بما فيه الكفايه ايه انا ماابي ولد منك ولا ابي شئ يربطني فيك
ابي تطلقني الحين ارمي يمين الطلاق واذبح باقي الامل بداخلي دمرتني قبل زواجي بأيام واليوم جاي تكمل
بدر انا ماجبرتك ولا راح اجبرك ترتبط فيني انت حر بنفسك واذا كلام الناس يهمك وتخاف يقولون طلق بنت عمه الي
تنتظره سنين تزوج وخليني عند اهلي انا بعد هالتجربه مستحيل افكر اكررها العذاب الي عشته معك مستحيل اكرره
وقلت لنوف مستحيل اقدر اغيرك مستحيل لكن نوف هي كانت تصبرني سبع شهور وكل ثانيه ينهار جزء من حلمي
خلاص خلاص طلقني
بدر فعلا خاف على رغد لانها منهاره ولافهم معنى كلامها لكن توصل لشئ واحد ان نوف تعرف
بدر وبسرعه ..اسف رغد انتي ارتاحي وبعدين يصير خير مع السلامه وقفل الخط بسرعه
قفلت رغد وانهارت على سريرها وهي تصيح حبها الي ضاع وجرحها ودمر وحطم امل كان باقي عندها
اما بدر على طول قفل واتصل علو جوال اخته نوف لانه يعرف انها عندهم بتنام
بدر..نوف لاتنامين دقايق وانا عندك
نوف.. خير بدر شفيك
بدر.. الحين اقولك بااي
نوف.. تسكر وتقول للبنات الله يستر
ريوف .. خير شفيه بدر
نوف .. علمي علمك

وصل بدر وجلس هو ونوف بالمجلس
بدر.. نوف انا كلمت رغد من شوي حاولت معها انها تبرر لي موقفها لكن ماكان عندها الا كلمه وحده ماعندي شئ اقوله
نوف وكانت منسجمه مع بدر ..ايوه وبعدين
بدر.. اضطريت اني استفزها واقول انها تحب واحد ثاني
نوف وحطت يدها على رأسها .. بدر انت صاحي
بدر..نوف انتم مو حاسين فيني انا اموت اتعذب كيف اعيش مع زوجتي سبع شهور وهي ترفضني ترفض ولد مني
انا لو انها ناقشتني كلمتني يمكن لكن انها تعمل هالشئ من دون علمي وتكذب تقول الله ماكتب شئ هذا الي يذبحني
ماقدرت حسيت اني فقدت الامل بأني اعرف السبب واضطريت استخدم هالاسلوب
نوف....
بدر.. نوف رغد قالت كلام وهي منهاره مافهمت منه الا انك تعرفين ليه هي تتصرف كذا
نوف بأستغراب ..انا
بدر.. تقول اني دمرت حلمها قبل الزواج بأايام مااعرف ايش تقصد
نوف تقول بخاطرها لازم اقول له ....بدر انت تزوجت رغد لكن مو رغد الي نعرفها رغد الي تشع حب وتهدي الحنان رغد الي الابتسامه ماتفارق وجهها رغد الي تعطي من غير حساب رغد الي تزوجتها رغد المجروحه من الانسان الي عاشت مراهقتها وهي تحلم فيه الي حلمت انه راح
يهديها السعاده ...بدر رغد تمووت عالتراب الي تمشي عليه
بدر... ومليون علامة استفهام على وجهه....... تحبني انا ..؟؟
نوف..كانت تحبك لكن مازالت هذي بعلم الغيب بدر اقرب وحده لرغد ريوف اسألها عن حلم رغد فيك كيف كانت تحكي عنك
وكيف تسأل عنك اسألها عن تخطيطها للمزرعه وكيف راح تسهر معك وكيف راح تشوفك رغد يابدر عاشت وهي ماتشوف بالدنيا حبيب غيرك لما خطبتها كانت ورده مفتحه لكن قبل الزواج تغيرت الكل لاحظ لكن توقعوا لانها عروس ولا احد كان عارف ايش فيها

يمكن انت ماقدرت تحسسها بالحب ولاحست منك الا بالصدود والجفاء كل الي قالته رغد انك ماتحبها وشلون عرفت ماقالت لكنها تقول انك حطمت ودمرت حلمها حاولت اقنعها تكسبك لكن بكل مره اشوفها احس انها متحطمه وفاقده الامل بحبك لها واحاول اقنعها وتقتنع لكن انت
تحطم هالامل بنظره خاليه من اي مشاعر بدر انت مو مقصر بشئ وهي تقوله لنا لكنك ماتعطي الا من باب الواجب مو لانك تحب رغد
بدر .. وهو منصدم من كلام نوف... نوف الحين الي يهمني انك تقولي لها اني ماقصدت الكلام الي قلته رغد بنت عمي وانا اثق فيها وبتربية عمي لكن ماقدرت اسيطر على اعصابي ..اعتذري منها
نوف.. بدر بسألك سؤال ممكن
بدر..تفضلي..
نوف..أنت باقي على رغد يعني عندك استعداد تصلح الي بينكم
بدر وبعد لحظات صمت..نوف انا تزوجت رغد وانا مازلت مقتنع انها مو الانسانه الي تمنيتها لكن هذا مايعني اني كنت او عامل حسابي اني بطلقها لا والله لكن انا الي يهمني اعرف هي ليه فعلت كذا ليه الرفض السبب بس ..
وطلع بدر ورجع لبيته الي عاش سبع شهور فيه مع انسانه هو الي جرحها هو ضيع حلمها رغم انه ماكان يقصد كان يتوقع انه مو مقصر
رغد تطلب حب هو مايقدر يعطيها هالحب لكنه بالاخير يرجع لنفس النقطه ويبحث لها عن سبب

فشلت محاولة بدر في انه يتوصل لسبب الي من اجله رفضته رغد ورفضت انها تحمل ابنه بالوقت هذا ماعاد يشوف حس ان الدنيا سوداء قدام عيونه مو لانه يحب رغد وفقدها لا لانه اهتزت صورته قدام نفسه وقدام اخوانه وعيال عمه ماهي سهله عنده انه ينرفض من زوجته الا عاش سبع شهور معها وبالاخير لام نفسه قال ماكان المفروض اني اعصب بالمزرعه قدام الكل المفروض ملكت اعصابي لكنه رجع يعطي نفسع مبررات لتصرفه وانه اضطر لانه في بداية تكيفه مع رغد او بمعنى اقرب للواقع هو ببداية المحاوله لتكيف لكنها هدمت كل شئ
تم بدر يلوم نفسه ويرجع يدافع لحد ماحس انه خلاص مو عارف يتوصل لحل ولاصار شايف الا حل واحد هو الطلاق وقرر انه الصباح يعلن هالخبر ..

يوم الجمعه الصباح متعودين يلتقون الرجال بعد الصلاة في بيت اخوهم العود ابو سالم يجلسون ساعه واحيانا يتغدون مع بعض الا هالاسبوع بدر فضل انه مايجتمع لانه مستحي من عمه ولانه تعبان والتعب واضح على وجهه ولاحب انه يحرج ابوه بقراره قدام الكل اعتذر من ابوه وقال انه معزوم على الغداء عند واحد من ربعه ..
وفي مجلس بو سالم
ابو سالم .. ابو سلطان
ابو سلطان .. لبيه يااخوي
ابو سعود .. يااخوي هونها وتهون وهالموضوع بينحل قريب
ابو سلطان ..ان شاء الله لكن جلست البنت عندي والله ماهي عاجبتني فاامساك بمعروف او تسريح بااحسان
ابوسعود .. لاتقول هالكلام يااخوي هذا طيش شباب وبينحل
ابو خالد.. يااخواني لازم تتدخلون انتم تعرفون بدر عنيد ورغد اعند منه واذا تركناهم بيكابرون ويعاندون بعض
ابو سلطان.. صدقت يااخوي
سعود. . يبه
ابوسعود .. نعم ياابوك
سعود..إنا توقعنا ان حل خالد بينفع لكن للاسف ماناسب الحل مع بدر ورغد لان الكرامه اهم عندهم من اي حب او شوق
لكن قدامنا حل واحد الي هو انك انت وعمي تضغطون عليهم لحد مايرجعون ونعتبرها محاوله اخيره لكن بشرط اننا نرضى بقرارهم بعد كذا ولانضغط عليهم شرايكم ..
الكل ساكت وخالد وسلطان وعبدالله متفقين على هالحل مع سعود من قبل
ابو سلطان.. شرايك يااخوي
ابوسعود.. والله مااعرف شقول لكن بنجرب هالحل ونجبرهم ونشوف بعدها
ابو خالد. . الله يهديهم
الكل ...امين ..
ابو خالد.. ان شاء الله بكرا الفجر نمشي للمزرعه
الكل .. ان شاء الله
وطلعوا الكل بعد مااتفقوا انهم يجبرون رغد وبدر انهم يرجعون لبعض وكل شئ بيتم بالمزرعه الي بيجلسون فيها يومين

الجزي الحادي عشر




خالد وبدأ الكلام مع بدر ....هاابو سالم كيف حياة العزوبيه من جديد..؟؟
بدر..ويناظره من طرف عينه والله الحياة كلها هم ..
خالد..افا والله يااخوي الشرع حلل لك اربع تزوج ثانيه
بدر وبأبتسامه من غير اي احساس ....مالت عليك هذا وهي بنت عمك
خالد من غير اي تعبير .....مو تستاهل انك تتزوج عليها ..؟؟
بدر وعرف قصد خالد.......خالد قول شعندك اختصر الموضوع ماله داعي هالمقدمات
خالد.. ههههههه فطين ولد العم
بدر.. إذا على رغد انسى الموضوع مالي خلق اتناقش فيه
خالد.. لابنتناقش وانت بدر ولد سالم
بدر.. خالد رجاء الموضوع يخصني
خالد يقاطعه ..لامايخصك يخص ابوك الي هو عمي وعمي ابو سلطان ويخص بنت عمي
بدر بنت عمك معلقه لاهي مطلقه ولاهي مزوجه وبعدين المشاكل تنحل مو أنت في بيتك وهي
عند ابوها لازم احد يتقدم منكم وينهي الموضوع وبعدين وعمي قالها فاامساك بمعروف او تسريح بااحسان
بدر تفاجئ..متى قال ..؟؟
خالد ..بدر هذي بنته وكلنا نعرف ان رغد حبيبة عمي ولابيرضى عن الي صار ويسكت الا احترام لاخوه الكبير
اذا انت عايف طلق وخل البنت تروح بحالها اذا أنت شايف أن حياتك معها مستحيله ماله داعي كل هذا
بدر.. انت شايف ان الطلاق هو الحل
خالد ويبي يعرف بدر ايش قراره ......الطلاق راح يسكت ناس بدت تحكي عن البنت الي رجعت لبيت اهلها بعد شهور زواج من ولد عمها
الطلاق ينهي الحساسيه بين الاخوان ويعطي سلطان فرصه واختك انهم يحددون مصيرهم الي ارتبط بموقفكم
بدر.. سلطان وريوف مالهم خص عملوا الملكه واحنا مبتعدين عن بعض
خالد.. صح لكن عملها عمي حتى مايحسس اخوه ان الي صار بيفرق بينهم لكن الفرحه ناقصه كلنا شفناها بعيون عماني
بعيون سلطان كيف يفرحون واختهم بهالحال أنت قولي عبدالله من اكثر من شهر ولا شفنا ولاسمعنا عن مواضيعه ولاقصايده
طلعنا أكثر من مره وكل ماقلنا سمعنا قصيده يقول ماكتبت ولاراح اكتب ودمعتها على خدها صح ماكان يقولها قدامك لكن فرحته ناقصه
سلطان الي ملك وبيوم ملكته قالها الفرحه ناقصه لكن الله كريم ..
بدر.. خالد ادري ان عبدالله وسلطان يجاملوني كثير لكن رغد غلطانه بعد يعني مهما كان حاولوا تكونوا بموقفي صعب اني انسى الي صار بسهوله خالد افهم ارجوك
خالد.. على عيني يابدر بس مو كذا ولابها الطريقه انت الرجل والي المفروض تسيطر على نفسك صوتك الكل سمعه ولو عمي مايقدرابوك والا ماكان سكت
وهو يسمع صوتك وعلى مين على بنته الي تسوى عيونه حتى لو كانت غلطانه اسلوبك مع احترامي لك كان خطأ بدر المشاكل الخاصه نناقشها بالبيت مو امام الكل
بدر.....................
خالد.. بدر بيدك حلين مالهم ثالث اما انك ترجع بنت عمك وتحاول تحل الي بينكم بأسلوبك الي نعرفه أو تطلقها

بدر وبعد دقايق صمت ....أنا امس بصراحه قررت اطلق لكن فكرت وتوصلت أن الطلاق صعب هي بنت عمي ولاارضى عليها وغير كذا أنا ماتزجت عشان اطلق والمشكله رجوعنا لبعض اصعب ماارضى على نفسي اعيش مع وحده رافضتني
خالد..لكن رغد موافقه ترجع وبعدها انتم تحددون مصيركم
بدر..وكل الدهشه على وجهه ..موافقه
خالد..موافقه هذا كلام البنات اليوم انها وافقت
بدر وبعد لحظة صمت ..توكلنا على الله وانا موافق
خالد......هههههههههههههههه
بدر..خير ان شاء الله قلت شئ يضحك
خالد.. محضر لك محاضره حتى اقنعك لكن والله انك ولد سالم كفوا ولد العم
ابتسم بدر وقال ولايهمك الحين بروح واكلم عمي

..
دخل بدر وخالد وتعمد خالد يرسم على وجهه الحزن حتى يقنع سلطان وسعود وعبدالله الي ينتظرونهم على جمر
بدر وخالد.. السلام عليكم
الكل.. وعليكم السلام ورحمة الله وبركاته
ابو سالم.. خالد
خالد..سم عمي
ابو سالم..انا ودي مره تمشي معنا ماتوصل بعدنا
الكل..هههههههههههههههه
سعود..بعدين مايصير خالد
بدر..عمي منصور
ابو سلطان ..سمي ياابوك
بدر..سم الله عدوك والله ياعمي انا خجلان منك لكن انا حسبت ولدك وان شاء الله انك بتعذرني
ابو سلطان.. خير ياولدي قل الي بخاطرك
بدر..والله ياعمي انا ادري اني اخطيت بحق رغد لكن بعد اذنك ان شاء الله اني بعوضها اذا سمحت انها ترد لبيتي
الكل تفاجأ وخصوصا ابو سالم الي بكلام بدر حس ان جبل انزاح على صدره
ابو سلطان..والله ياولدي انت غالي ولد اخوي وهي بنت عمك والله يلعن الشيطان لكن انا مابقول كلمتي الا بعد
مااسأل رغد ..
ابو خالد..يااخوي البنت موجوده اسألها
ابو سالم..والله يااخوي فرحنا واسألها
ابو سلطان ..سلطان ناد اختك وانا بطلع لها
سلطان ...... ان شاء الله
راح سلطان ونادا رغد وصادفته نوف وعرفت السالفه وراحت رغد عند ابوها
ابو سلطان..رغوده حبيبتي ولد عمك طلبك ترجعين له
ياابوي انا مابجبرك على شئ ماتبينه لكن يابنتي بدر نعرفه وولد عمك وارجعي يابنتي البنت مالها الا بيت رجلها وبدر
من خيرة الرجال وهذا الشيطان الله يبعدك عن وسوسته
رغد..الي تشوفه ابوي بمصلحتي اعمله
ابو سلطان..كفوا بنتي والله
ابو سلطان ..بدر ..بدر
طلع بدر..سم عمــو سكت لما شاف رغد
ابو سلطان .. هذي زوجتك والله يهديكم ودخل عنهم
بدر وهو يتأمل رغد......شلونك رغد..
رغد تتذكر كلام ريوف ارجعي رغد الي نعرف رغد الحقيقيه
ورفعت راسها واحلى ابتسامه على وجهها ..الحمد لله انت كيفك
بدر ضاع مع ابتسامتها مقعوله هذي رغد الي كانت مكشره والي تبكي وتصرخ بالتليفون
بدر..تمام وظل ساكت ويتأمل وجهها وكانه اول مره يشوفها
استحت رغد وقالت..انا راجعه تامر على شئ
بدر..سلامتك بس بشريهم خليهم يفرحون
رغد وبأحلى ابتسامه ان شاء الله
رجعت رغد وحصلت نوف
نوف..حلووو الحب صح
ابتسمت رغد
ريوف ..شعندكم وسكتت لما شافة ابتسامة رغد
ريوف ..احلفي انك تصالحتي معه؟؟
رغد..والله
ريوف وبأعلى صوتها ريم امل وراحت حضنت رغد
ريم وهي تسرع ........شعندكم ؟؟
ريوف..تصالحوا خلاص
ريم..كلووووووووووووووووووووووووووووووووووووووووووو وووش
طلعوا الحريم كلهم ..شفيكم
ريم..مبروك رغد رجعت لبدر
وراحت رغد وارتمت بحضن امها وبدت تبكي هي وااياها وام سعود وام خالد والحمد لله رجعت الراحه لهم من بعد التعب والخوف


مرت ايام المزرعه بسلام الكل مبسوط ومرتاح ورغد تفكر وتقول لنفسها ليه اضحي ببدر الي حبيته من صغري انا لازم اعمل المستحيل واخليه يحبني ..اما بدر كان يبحث عن الاسلوب الي يعاقب فيه رغد وتوصل لاسلوب تأكد انه بيعاقبها اقسى عقاب شافته بحياتها ..
بوقت الرجعه للبيت الكل توجه لسيارته الارغد ظلت حايره وين تركب مع بدر او مع اهلها وبدر تعمد انه مايقول لها شئ وتركها بحيرتها حاولت تتأخر لحد مايقول بدر شئ لكنه للاسف ولاقال ولاكلمه بكل هدوء كان يركب الاغراض مع سعود اخوه
لكن رغد ابتسمت وقالت من الحين يابدر راح ابدأ انتظر اول مفاجأتي ..
ارسلت مسج له على جواله كتبت فيه
" بدر ارجع مع اهلي حتى اخذ اغراضي او انام عندهم او ..اقولك ياليت تكتب لي شو تحب اوكي انتظرك "
وبسرعه راحت للغرفه المظلله لان الكل طلع لكنها بتشوف رد فعل بدر وهو يقرأ المسج وفعلا وقف بدر وشاف المسج
رغد..ياربيه ولاهزه جامد ولاتغير شئ فيه ..اخيرا شبه ابتسامه وبلحظه خافت رغد لانها سمعت بدر يكلم ريوف ويسأل عنها
ريوف..رغد اعتقد داخل
وبسرعه رغد طلعت وجلست على الكراسي ولفت وجهها على الجهه الثانيه( على بالها سرحانه )
بدر..احم ..احم
رغد وبأبتسامه ......وقفت هلا بدر
بدر..يالله رغد تعالي معي ونروح لبيت عمي تأخذي اغراضك
رغد..اوكي
طلع بدر ورغد طلعت وركبت مع بدر ولاكلمه بينهم صمت ممل فجأه رغد
رغد..بدر معليش اسمع مسجل
بدر..الاشرطه عندك اختاري الي تحبين
وظلت رغد تقلب بالاشرطه لحد ماحصلت شريط ابتسمت وقالت الحمد لله اني متغطيه مايشوفني ضحكت على نفسها وقالت انا كذا اسلوبي وحياتي عشتها عالحب والصدق والحنان ليه اخبي مشاعري
بشوف وشبيعمل وعادت الشريط من الاول وشغلته بدر يحاول يعرف الاغنيه لان رغد ظلت تعيد وتقدم لحد ماحصلتها لكنه عجز وفجأه
شرين ..
بتوحشني...... .وانا وياك
وكل يوم بشوفه معاك بيوحشني
وكل ثانيه مش وياك .......بتذبحني
وكل ليله بعيشها معاك تفرحني تخوفني وتجرحني ....
واخاف بكرا يفوت عمري وانا لسى ...بتوحشني .......
بتوعدني مافيش بكرا مافيش بعده مافيش ولالحظه من غير وترجع ثاني تتأخر وتوحشني ..
واعمل ايه ماليش غيرك....... بيوحشني
بترسم لي حجات اكبر وعود اكثر والقى نفسي من غيرك ..وتوحشني رغد بينها وبين نفسها تقول ياربيه انا مجنونه شو عملت بدر التفت عليها من غير اي تعبير بوجهه
وظل يناظرها وهي لفت وجهها عنه رجع يسوق بدر وفجأه
رن جوال بدر ورفعه
بدر..هلا والله بناعم الصوت
رغد..خلاص كل احساسها عنده تبي تسمع كل كلمه يقولها منو ناعم الصوت عيني عينك
بدر..تمام كل شئ تمام تطمني وطمني الي عندك خلاص عاد مو كل ساعه تتصلون
بدر..ههههههههههههههههههههههههه يالله الله معك عيوني
تعمد بدر يلعب بأعصاب رغد وخصوصا بعد ماتأكد من نوف انها تحبه وبعد صمت خمس دقايق حست رغد انها بتنفجر
بدر..تسلم عليك نوف نسيت اتصلت تتطمن عالوضع
رغد يالله يااعصابك بدري ..الله يسلمها
وصل بدر لبيتهم بعد مااخذ اغراض رغد من بيت عمها وهالمره قررت تأخذ الصنودق معها لكن قبل مايوصل لبيته قال الله يعيني ويعينك يارغد هذا بداية العقاب
بدر..رغد انا بوقف عند الصيدليه الحين
رغد..طيب بس ليه
بدر..بشتري لك حبوب الي كنتي تستخدميها ياليت تقولي لي اسمها
رغد والعالم توقف عندها ..وطلعت الكلمه عفويه رد فعل ماقدرت تتحكم فيه ..ليه
بدر..بينه وبين نفسه انا شو عملت شكل البنت من صوتها بتموت الحين..لازم رغد لحد ماتستقر امورنا
رغد..تقول بخاطرها تستقر او لحد ماتقنع الكل انك ماقدرت تتكيف معي لكن هين يابدر انا لك لاتتوقع أن رغد المستسلمه للحزن الي رجعت لك لا يابدر أنا رجعت لاني برجع حبي ببني حلمي الي انهار جزء كبير منه ولاتتوقع بسهوله بتخلى عن امالي
وقالت له رغد اسم الحبوب واخذها ..واول مادخلت رغد للبيت وقفت تتأمل وتتذكر ونزلت دمعه من عينها حاولت تداريها
لكن بدر حس فيها ولاحب يحرجها ورن تيلفون البيت
بدر..هلا والله ريوف
ريوف..بدر وين رغد
بدر..شسالفتك انتي واختك اليوم توكم تاركين بعض مالكم ساعتين
ريوف..بدر بتطمن عليها يااخي مافيها شئ
بدر..الغاليه قالوا لك متوحش بأكلها
ريوف..ههههههههههههه بدر لاتزعل والله من فرحتنا فيكم
بدر..زين خلاص رغد معك باي
ورغد..كانت تسمع الكلام ومبتسمه اخذت من بدر السماعه وكلمت ريوف
رغد..هلا والله حبيبتي
ريوف..هلا بك عيوني شلونك
رغد..تمام ..وعينها على بدر تشوف شو يعمل لكنه شغل التلفزيون وجلس يعني بيسمع المكالمه
ريوف..مبسوطه رغوده
رغد..وانتي شرايك انتي تعرفيني اكثر قولي
ريوف..اممممممممممم مبسوطه صح
رغد..ههههههههه كثير كثير
ريوف..اوكي اخليك اجل الحين لايذبحني بدر
رغد..حرام عليك مايذبح وبعدين ريوف حبيبتي مافيه احد يقول لها شئ
عرف بدر ان الكلام عنه ويقول بينه وبين نفسه شسالفتها البنت مو طبيعيه اليوم الظاهر بدلوها اهلها بوحده ثانيه
رغد..اوكي حبيبتي سلمي على الكل بااي
سكرت رغد وفجأه قالت ..بدر
بدر وهو يناظر مباراة ..نعم
رغد..بخاطرها عبرني التفت ..بعمل قهوه اعمل لك معي
بدر..التفت عليها ..الحين ؟؟
رغد..تناظر الساعه طيب تونا الساعه عشر
بدر..البيت فاضي لكن بتصل بالسواق يجيب لنا اغراض لكن انتظري اجل تقريبا ساعه لحد ماتوصل
رغد..مو مشكله انا بطلع اتحمم اغير فيما يوصل
وقامت بتمشي والتفتت عليه ..ومن بيطلع شنطتي انا مااقدر
بدر..اول مره يناظر رغد من فوق لتحت وهالنظره احرجت رغد ..ابتسم بعد عناء وقال انا بطلعها الحين
رغد.. ثانكس
وراحت بعد مااختفت ضحك بدر عليها هذي شفيها مو معقوله فرحانه انها رجعت اويمكن ..
مرت الليله على بدر ورغد على خير حاولت رغد تكون طبيعيه مع بدر وفعلا نجحت لان بدر ظل يفكر كثير بهالتغيير عليها
لكنه استسلم لنوم كالعاده لانه جامد ودائما مايهمه ويقول كل شئ بوقته يبان ..

الصبح الساعه سبع طبعا يوم السبت الكل عنده دوامات صحت رغد من بدري واخذت لها شور سريع ونزلت وحضرت فطور بسيط
ورجعت للغرفه تصحي بدر لكنه حصلته صاحي..
رغد..صباح الخير
بدر.. ومستغرب من هالنشاط صباح النور
رغد..توني طلعت اصحيك لكن الظاهر انك تحب شغلك كثير
بدر..وتعمد يحرجها تعودت شهر ولااحد يصحيني
سكتت رغد لكنها رفعت راسها وابتسمت له احلى ابتسامه وقالت ..ولايهمك من بكرا مابيصحيك غيري
ظل يتأملها بدر ويقول بخاطره اما مجنونه او بدلوها ماهي رغد الي عشت معها سبع شهور
رغد..الفطور جاهز انتظرك ..وطلعت من الغرفه
نزلت وجلست تنتظر وفجأه قالت بتصل بريوف اكيد صاحيه الحين
رغد..صباح الورد والياسمين
ريوف..الله الله صباح الحب رغووده شو هالنشاط
رغد..ههههههههه شلونك ريوف
ريوف..وربي انبسطت لما سمعت صوتك
رغد..كل يوم بصبح عليك
ريوف..اخاف يغار بدر ههههههه
رغد..ياليت الله يسمع منك
ريوف..رغوده شفيك اليوم ماانتي صاحيه
ودخل بدر واستغرب من تكلم عالصبح
رغد..وربي صاحيه وبكامل قواي العقليه الحين يالله لو سمحتي قفلي الخط
ريوف..رغيده من المتصل الحين
رغد..ههههههههههه حبيبتي خلاص بنفطر كنت اتسلى فيك لحد ماينزل بدر
ريوف..هههههههه الله يااخذك تلعبين علي لكن يالله روحي الله يهنيكم ..سلمي عليه
رغد..ويهنيك.. باي
رغد..تسلم عليك ريوف
بدر..الله يسلمك ويااها
بدر.رغد انا مابرجع الا عالساعه ثلاث اذا حابه تروحين لاهلي روحي احسن من جلستك لحالك
رغد..اممممممم لامابروح اليوم بجلس عندي كم شغله
بدر..براحتك ..يالله تأمرين بشئ
رغد..سلامتك الله معك

الجزء الثاني عشر



وطلع بدر وبدت مهمه رغد بتحويل بيتها راحت للغرفه ومسكت الصندوق وبدأت تفرغه وتختار كل شئ بمكان مناسب له
..وعالساعه ثنتين كانت رغد خلاص انتهت كل شئ وتحممت وبدلت ملابسها
وجهزت الغداء وكل شئ وتنتظر بدر وفجأه دخلت عليها ريم وريوف..السلام عليكم
رغد..وعليكم السلام
ريم..وااااااااااااااااااااو شو هالريحه شو هالتغيير
رغد وبأبتسامه ..واضح؟؟
ريوف..الأعمى يشوف اكيد بيلاحظ الفرق
ريم..رغوده والله يابخته فيك اخوي
رغد وبصوت واطي ..ويابختي فيه
ريوف..هههههههههههههه سمعنا
رغد ..المهم الحين قولوا لي تتوقعون يزعل لاني غيرت بالبيت كذا
ريم ..لا طبعا لانك ماغيرتي شئ انتي اضفتي عليه وبعدين يحمد ربه وربي كذا البيت احلى
ريوف..مع الورد وريحة الشموع والنور الهادي البيت اريح يحسسك بالهدوء واسترخاء
ريوف..رغد لاتخافين ولاتتوقعين انه يتكلم لكن ان شاء الله
استأذنت ريم وريوف ورجعوا للبيت قبل مايوصل بدر
الساعه ثلاث وعشر وصل بدر رغد ماحست فيه كانت متمدده هالكنبه وبيدها مجله لكنها سرحانه
دخل بدر وااول شئ لفت انتباهه وحس فيه الريحه الرائعه الي امتلئ البيت منها دخل بدر لصاله
ولاحست عليه رغد ..وقف مبهور بالشكل الي مثل ماهو لكن فيه لمسات بسيطه
غيرت البيت كثير والاضافات الحلوه الشموع بكل مكان والورد المجفف
والدببه والتحف الرائعه والاغرب انها كلها عليها كتابات حتى عالصور والنور الهادي أجمل
وغير كذا شكل رغد الي فعلا كانت رائعه بشكلها الهادي ولبسها البسيط
بدر..السلام عليكم
ولاحست رغد..ابتسم بدر وتقدم عندها وحست عليه
رغد..هلا بدر ماحسيت فيك
بدر وبأبتسامه .......شكل الجووو بالبيت اخذك لبعيد
رغد بنفسها للحمد لله لاحظ وابتسمت يالله اخيرا
بدر..يعطيك العافيه رغد كذا البيت اريح بكثير وارتمى عالكنبه وقال ..فعلا يريح بعد التعب
رغد وبتطير من الفرحه ..يعطيك العافيه يارب ..تحب الغداء او تتحمم اول
بدر.. من عمل الغداء ؟؟
رغد.. انا عملته ليه..؟؟
بدر..مجرد سؤال مشاء الله عملتي كل هذا وبعد غداء والله ماقصرتي ..بتحمم اول واتغداء
طلع بدر وبكل مكان يمر من عنده يشوف لمسه لرغد ووصل لغرفة النوم المفاجأه
دخل ..ووقف مبهور
الغرفه ظلام مافيها غير نور شموع بسيطه وريحة الورد ماليه الغرفه وغير كذا برواز يحمل صورتهم بيوم زواجهم
وصوره رائعه خياليه لرغد وهي بلبس البحر لونه احمر شكلها فعلا خيالي كأنها حقيقيه وهي خلفية بحر مو حقيقه
ضحك بدر..وقال الحين انا بنام من هالجمال والله
تحمم بدر ونزل وحصل الاكل جاهز ..وتغداء وطلع ينام والساعه تقريبا ست صحى ونزل ولاحصل رغد توقع انها
في بيت اهله وراح صلى المغرب وراح لهم دخل وحصل امه وخواته ورغد
بدر..السلام عليكم
الكل..وعليكم السلام
ام سعود..شلونك بدر ابوي تعال عندي هنا
ريم..احم احم يمه بدر تزوج خلاص انا حرام عليكم
رغد..ريمووه مافيه احد اخذ الحنان كثرك بالعايله
ريم ..اقول يابنت عبدالله الحين انا الي اخذت الحنان اجل انتي ايش اخذتي
ام سعود..بدت الحرب بينهم
ريوف..ريم رغد فكونا الله يخليكم من هالسالفه
رغد..بشرط
ريوف..قولي
وبدر مبسوط اول مره يشوف رغد طبيعيه وتحكي بحريه
رغد..تقدمين لي اعتذار بالجامعه
ريم وريوف..ليييييييييييييييه
رغد..ماابي ادرس هاترم
بدر..حرام رغد هذا اخر مستوى
رغد..لانه اخر مستوى بعتذر لانه يحتاج تركيز وانا بصراحه مالي خلق
ام سعود..والله يابنتي سوي الي يريحك
رغد..هاريوف شقلتي
ريوف..اوكي
ريم..بدر
بدر..ايوه
ريم وحبت تعرف لان بدر كان واضح انه مرتاح .....شكلك ماشبعت نوم .؟؟
بدروهو مبتسم ..لا والله اليوم نمت نومه كذا ويأشر بيده
ريوف..شمعنى ..؟؟
بدر..اسباب كثيره ..المهم مااحد بيتكرم ويعمل لنا شاهي ؟؟
رغد وبأبتسامه ...من عيوني وقامت
ريوف..رغوده اخوي يشرب الشاهي سكر زياده
رغد..ههههههههههههه اولا احد قال لك اني مالي الا دقيقه متزوجه اخوك
الكل..هههههههههههه
ريم..وثانيا ..؟؟
رغد..لو كان اسكر قليل فيه ناس كلهم على بعضهم سكر ينفعون يحركون البياله ويكون احلى شئ
ريم..ومن هالناس اكيد انا
رغد..اقول ياحلوه الحقوق محفوظه
ريم..طيب عرفنا انك السكر وثالثا ..؟؟
رغد.والله عطيتك وجهه خلاص حلى هو وطلعت للمطبخ
ريم..هههههههههههههههه هين يارغيده تشوفين
ام سعود..الله يسخر لكم يارب الله هذي رغد كني مضيعتها ورجعت هذي رغد الي نعرفها
بدر..يقول بخاطره الكل لاحظ التغيير مو انا يعني رغد هذي شخصيتها الحقيقيه والحزن والنكد والهم قناع كانت لابسته لكن ايش الاسباب
وتذكر كيف حطم فرحتها امس لما طلب اسم الحبوب ومع هذا حافظت على هدوءها وبالعكس غريبه هالانسانه توقعت اني اعاقبها بهالطلب لكن اثر العقاب ماطال الا دقايق بس
بعد مارجعت رغد وجلست دق التيلفون وشال بدر السماعه
بدر..الوووو
المتصله..مساء الخير
بدر..مساء النور
المتصله ..اهلين بدر ..؟؟
بدر..هلا اختي من معي ..؟؟؟؟
المتصله ..يحق لك ماتعرفني لاننا مانشوفكم الا بالاعياد وصوتي لازم تنساه معك لمى بنت خالتك
بدر وكان ناسي لمى لانها ماتعني له شئ.....هلا لمى شلونك وشلون خالتي والعيال
الكل كان يسمع المكالمه ويعتبرونها عاديه الا رغد الي تذكرت لمى بملكت سلطان كيف سلمت على بدر وبعيونها حب واضح
وضح التغير على رغد ولااحد لاحظه
بدر..سلمي على الأهل لمى معك ريم
بدر لاحظ رغد لكن قال انا ماعملت شئ يزعلها ليش كذا تغيرت غريبه ..
بدر..تسلم عليكم لمى
ام سعود..الله يسلمها وياك ابوي والله ودي لعزمهم عندنا هالاسبوع
ريوف...لايمه مالي خلق
ام سعود..مو لازم اختي وبشوفها لك او مالك خلق مو لازم
رغد..طيب خالتي اعزميهم واحنا تحت امرك امري
ام سعود ..ماتقصرين يابنت عبد الله
بدر..الاسعود وينه ماشفته اليوم
ريوف ...صح غريبه ولاحتى نوف
ام سعود..اتصل فيني وقال انه بيروح لبيت عمه الغداء عندهم وقال امل بتجلس لليل وهو عنده كم مشوار
بدر..ريم خلصينا يكفي كلام
ريوف..رغد بطلع للمشغل تروحين معي
رغد..والله اذا اخذنا الموافقه ماعندي مانع
ابتسم بدر وعرف قصدها ..اوكي انا طالع ولاتتأخرون ارسلي لي مسج اذا رجعتي رغد
طلع بدر وقالت رغد بصوت واطي لريوف يعني لاتتصلين لكن هين يابدر بتصل عناد
ريوف..اقول شوي شوي على اخوي
رغد..قومي يالله اخوك بيذبحني ناقصه عمر من بروده

طلعت رغد وريوف وريم للمشغل وبالسياره
ريم..تصدقون لمى مو بالعاده تكلمني غريبه
ريوف..والله حتى انا استغربت
ريم..اتصلت علي قبل هالمره ولاطولت لكن ماادري ماارتاح لها
رغد..وربي ولاانا احس هالانسانه مو قادره اتقبلها
ريوف..اصلا لمى عينها قويه ولاتستحي من احد وخالتي ساكته لها
ريم..الله يهديها
الكل ..امين
بالمشغل ..رغد..بنات عجبني هالفستان شرايكم
ريم..الله جنان بيطلع عليك
ريوف..رغوده بدر مابيوافق
رغد..ليه
ريم..صح بدر مايحب الفستان العاري مره هذي مشكلتنا معه دائما
رغد..والله مالي شغل حلوو الفستان
ريم..رغد بدر عصبي ولاراح يعجبه
رغد..بقوله اليوم
ريوف.مابيوافق لاتفشلين عمرك
رغد..نحاول
ريم..الله يوفقك

رجعوا البنات عالساعه تسع وترددت رغد تتصل او ترسل مسج لكن قالت برسل له مسج لكن مختلف
كتبت فيه ..بدر..انا في بيتنا الحين حبيت اطمنك عمري وترددت تكتب عمري لكن تشجعت وارسلتها
وانصدم بدر من الكلمه عمري من رغد قويه والله وقال برد عليها
" اوكي انا ساعه مع سعود وراجع "
شافتها رغد وقالت ..مالت علي قلت الحين بيكتب شئ يفرحني مو عاده يابدر

رجع بدر عالساعه عشر وزياده وحصل رغد بالصاله رافعه شعرها ونازله خصل على وجهها
وببجامه ابيض بأحمر استغرب وقال اول مره شكلها يكون كذا عفوي صح عاش معها سبع شهور لكن مافيها العفويه الي يشوفها
كانت رغد دائما رسميه معه وهو نفس الشئ وكأنهم يعملون واجبات مطلوبه ماتحركها اي مشاعر صادقه منهم
بدر..مساء الخير
رغد..اهلين مساء النور
بدر..كيف الطلعه اليوم
رغد..ماشي حالها ..تعشيت
بدر..الحمد لله
رغد..باعافيه
بدر..الله يعافيك وانتي
رغد..ماني مشتهيه الحين شئ
رغد..بدر
بدر..وكان مركز عليها لاول مره من رجعت له ..ايوه
رغد..زواج سلطان وريوف بعد شهر ونص تقريبا وابي افصل
بدر..امري الي تبينه انا حاضر
رغد..مو هنا المشكله
بدر..بأهتمام اجل وين ؟؟
رغد..وبأبتسامه ساحره..بصراحه فيك انت
بدر..انا شلون .؟؟
رغد..اليوم شفت فستان حلوووو وربي عجبني وبخاطري
بدر..وين المشكله فصليه
رغد..المشكله انت البنات صدموني قالوا انك مابترضى لانه عاري
بدر..وبيده انسي الموضوع عاري لا
رغد..طيب اسمعني
بدر..ليش اسمع وهو عاري
رغد وبحركه عفويه قامت وقربت عنده قالت ..الله يخليك بقولك
بدر..حركتها خلته يوافق ل يسمعها لأنها اربكته
رغد وقفت قباله وقالت بقولك شلون عاري بس لاتقاطني خلني اكمل اوكي
بدر..اوكي قولي
رغد ..وتأشر وهو يبتسم ويقول بيده لا
رغد..بدر بعمل له شال الله يخليك والله حلوو
بدر..رغد قلت لا
رغد..طيب اقولك شئ لحظه وراحت تركض لدرج وكأنها مو مع بدر الي عاشت معه سبع شهور بشكل
ممل وروتيني ..طلعت الغرفه ولبست فستان سهره لونه اسود تقريبا قريب من ناحيه القصه لللفستان الي بتخيطه
ونزلت بدر لما شافها نازله خلاص تجمد مكانه شو هالحلاوه رغم ان شعرها مرفوع بشكل عشوائي لكن شكلها كانت
يأخذ العقل
رغد..شفت هالفستان بدر تقريبا نفسه
بدر..يعني هذا عادي مو عاري بنظرك..؟؟
رغد..لا مااقصد كذا الحين ظهري نصه طالع لكن بعمل للفستان شال هذا اول شئ
بدر..حتى لو عملتي الشال مايكون على طول الوقت عليك
رغد..صح نسيت ورفعت يده وفكت شعرها ونزل على اكتافها كأنها شلال
بدر..عفوية الحركه اعجبته وشكلها كذا كان رايق
رغد..شوف شعري يغطي ظهري يعني خلاص وافق ماتسوى تعبي ولبسي للفستان الله يخليك
بدر اسلوبها معه الي ماتعود عليه ابدا اجبره ....ز..طيب موافق لكن بشال وشعرك ماترفعيه
رغد..موافقه تسلم ياقلبي وراحت لغرفتها وعالدرج استوعبت الكلمه ياقلبي ..ههههههههههه مسكين بدر بيقول شفيها مو صاحيه

اما ريووف فكانت حياتها بعد الملكه حلووه وهاديه سلطان شخصيته حلووه لانه انسان متفهم والاجمل انه حنون حتى عبدالله
اخوه دائما قريبين من رغد اختهم ويخافون عليها لكذا سلطان تعامله مع ريوف كان يغلب عليه الحنان والحب سلطان كان يزورهم من فتره لفتره ويجلس مع زوجته اما مكالماتهم ماكانت تنتهي ابدا تمتد لساعات وكأنهم عايشين بعالم مافيه غيرهم ..

بعد مارجعت رغد لبدر بثلاث ايام تقريبا بدت تحس بالفراغ البنات الدراسه فرضت عليهم نظام معين وخالتهم بالوقت الي تكون
رغد فاضيه تكون عند امها او عند بيت عمها ناصر وامل مشغوله مع ولدها وبيتها قالت بتصل بنوف اشوف اخبارها
رغد..السلام عليكم
نوف ..وعليكم السلام هلا والله رغود
رغد..هلا حبيبتي شلونك وشلون احمد وابو احمد
نوف..بخير الحمد لله انتم شلونكم
رغد..الحمد لله تمام
نوف..طمنيني كيف الحبيب معك
رغد...الحبيب ساعه يبتسم وبعدين يندم ويرجع يعصب
نوف....ههههههههههههههه لا والله اخوي حبيب وطيب
رغد....ههههههههههههه اكيد اخوك
نوف..لا والله طيب انتي قولي مو حبيب وطيب ..؟؟
رغد.....لا والله الكذب خيبه
نوف.....ههههههههههههههه وينه الحين
رغد..نايم
نوف..وانتي ليه ماتنامين
رغد..مالي خلق بعدين اسهر بالليل لحالي
نوف...اقول لك شئ ..
رغد..قولي
نوف...بدر يموت على شئ اسمه افلام رعب هاتي لك من عند بيت سعود وربي يسهر معك هههههه
رغد..والله ذكرتيني بس المشكله انا اخاف
نوف..ياشيخه تمثيل تخافين من ايش
رغد..بشوف بعملها يالله اروح اخطط باي
نوف......ههههههههههههه لاتسهرين اخوي كثير بااي
وفعلا اتصلت بأمل وطلبت منها فلم لكن امل قالت ماعندي شئ الا فلم واحد وقديم شوي حاولت اشوفه ماقدر
الافلام كلها بالخيمه وتحطمت رغد لكن امل اقنعتها واخذت الفلم منها وبالليل عالساعه 12 دخل بدر وهي توها
مشغله الفلم ..
بدر..هلا رغد
رغد..اهلين
بدر..وعينه على الشاشه ..رغد ماشفتي هالفلم من قبل
رغد..لا
بدر ..غريبه
رغد ..لانه رعب وانا اخاف
بدر وبأبتسامه ..تخافين ..؟؟
رغد..ايه
بدر..بس الفلم مايخوف
رغد..نشوف بتنام ...؟؟
بدر ويقول خليني اشوف شلون تخاف.. لابشوف الفلم معك لكن بشرط ..؟؟
رغد تقول بخاطرها والله نوف تعرف اخوانها اكثر من غيرها...آمر
بدر..انا مااحب اشوف الافلام الا بالظلام
برغد..طيب بس الابجوره بخليها
بدر ..اوكي
وجلس بدر مع رغد وانسجم مع الفلم مع انه شافه قبل اما رغد كانت خايفه فعلا من الفلم والتفت بدر فجأه عليها
وحصلها منزله راسها لان الفلم فيه صوره تخوف كثير
بدر..هههههههههههههههههههههههههههههههه
رغد انتبهت على ضحكته صح سمعتها كثير لكن هنا في بيتها ولافيه غيرها كانت صدمه لرغد
رغد ومن فرحتها بضحكته ولانها عصبت من الفلم قامت وشغلت النور وبدر مازال مبتسم ووقف الفلم
بدر..شفيك
رغد..ماابي اشوفه يخووف
بدر..روحي نامي ههههههههه
رغد..لا والله مابنام لحالي اخاف
بدر..بكمل الفلم
رغد..طيب بروح عند البنات
بدر..رغد شوفي الساعه كم وين تروحين
رغد ..طيب خلاص بروح اشوف لي شئ اعمله
بدر..لا تعالي خلاص اجلسي جنبي هنا ولاتطفين النور
رغد..لا ماابي خلاص والله مابنام اسبوع من الخوف
بدر ومازال مبتسم ....تعالي رغد واسمعي الكلام
رغد..وبصوت واطي..استاهل
بدر.. ههههههههههه طيب خلاص مابشوف الفلم لكن ابي عصير بعدين ننام
رغد...من عيوني وطلعت
وظل بدر يفكر برغد احلى بنتفويتها الرائعه الي غيرت البيت كله لانها اعطته حياة جديده ومختلفه ..

مر الاسبوع بشكل محير جدا لبدر ومتعب كثير لرغد رغد تحاول وبدر يكابر احساسه ويوم الاربعاء يوم زيارة الخاله عندهم والكل يتجهز واولهم رغد
الي حاسه ان هالزياره تحمل كثير لها ..