السلام عليكم
اليوم جبت لكم تكملة القصه مالي
أتمنى تعجبكم
وصلت ريم وفيصل بيتهم وكان في استقبالهم ام فيصل ريم كان شكلها وااايد تعبان سلمت على عمتها واخذها فيصل على غرفتهم اول ما دخلت الغرفة
انا:هذي بتكون غرفتنا
فيصل:هيه حبيبتي عجبتج
انا:هيه عجبتني ابا اروح اتسبح
فيصل:طيب حبيبتي هذا الحمام والملابس في الكبت
طلع فيصل وخلاني لوحدي جلست ع السرير يعني خلاص انا تزوجت يعني ما راح اشوف امي بعد اليوم ضميت وجهي وانا اصيح اتخرعت يوم انفتح الباب بقوة كانت فاطمة جاية تشوفني اول ما شفتها خزت الدموع من عيني
انا(ببتسامة):هلا فطامي
فاطمة:شو فيج ليش تصيحين؟
انا:لا ما اصيح
فاطمة:عليي هالكلام ياي وجهج وايد تعبان
انا:لان راسي وايد يعورني
يلست اسولف مع فاطمة وايد ارتحت وانا اكلمها وشوي ودخل علينا فيصل
فيصل:شو تسون؟؟؟؟
فاطمة:ما ليك خص هذي سوالف بنات
فيصل:ما عليج مسودة الويه الحين ما يخصنا صدق الي يقول من لقى احبابة نسى اصحابه
كنت ساكته واسمعهم يتضاربو يالله لو كان تركي يعاملني كذا .قمت عنهم عشان اروح اتسبح
فيصل:على وين؟؟
انا:بروح اسبح
دخلت الحمام(اكرمكم الله)وجلست فيه اكثر الوقت اصيح مع اني ما اعرف ليش اصيح حاسه شئ راح يصير فيني بعدت عني هذي الافكار وتسبحت وخلصت وااايد ارتحت وطلعت شفت فيصل جالس ع الكرسي يقراء كتاب يوم شافني ابتسم
فيصل:هااه كيف الحين النفسية
رحت عند التسريحة عشان انشف شعري
انا:زينة الحمد لله
فيصل:عيل خلينا ننزل تحت عند امي
انا:يا ريت بس انا تعبانه ابا ارقد
ما رد عليي ورد يقراء رحت عداله وجلست اطالعه وهو يخلي عمره ما يشوفني
انا:زعلت
ما رد عليي مسكته من ايده وخزت الكتاب عنه وخليت راسي في حضنه
انا:طيب يا الله نروح عند عمتي
فيصل:توج ما تبي تروحي
مع انه راسي بعورني والوجع يزيد فيني غلقة عيني لانه الوجع بدا يزيد أكثر مع كذا حاولت امسك عمري بس ما قدرت الالم يزيد جلست اصيح
فيصل:حبيبتي شو فيج خلاص انا ما زعلت
انا:راسي بينفجر
فيصل(ضمني بقوو):خليني اوديج المستشفى حبيبتي حالتج ما اطمن
بعدها انا في عالم الموتى ما حسيت غير انا بالمستشفى مرة ثانية والدكتور يقول لازم نسويلها عملية بسرعة عن ينتشر المرض هذا بس الي كنت اسمعه احاول افتح عيني بس ما اقدر الالم يزيد فيني حسيت للحظة اني راح اموت ابغا اصرخ من الالم بس ما فيني اصرخ اخر شئ استجمعت كل القوة الي فيني
انا:ففففيييييصصصصلللللل
انتبهلي الكل
فيصل:حبيبتي ردي عليي شو فيج امري
انا:رااااااااااسييييييي
فيصل كان شوي وبيصيح ما كان متحمل يشوفني في هذي الحالة ويصارخ على الدكتور
فيصل:سووووووووووووووووووووووووووووووووووووووووووووووووووووووو شئ رااااااااااااااااااااااااااااااااااااااااااااااااااااااااااااااااااااااااااااااااااااااح تموت
الدكتور:طيب اخوي وقع على العملية
فيصل:كم نسبة نجاحها
الدكتور:للاسف اخوي النسبة جدا قليلة
فيصل(عصب أكثر):انا ما اعرف ليش مسمينكم دكاتره ما تفهمو شئ انا رااح اسفرها حتى لو اخر الدنيا
الدكتور:طيب اخوي احسن شئ تسفرها
فيصل :وهذا الي بيصير
وطلع الدكتور
انا:فيصل شوو فيني
فيصل:ارتاحي حبيبتي انتي الحين
انا:ما خبرت امي
فيصل:لا حبيبتي ما ابغى اخوفها
انا:خليني اشوف امي قبل ما امووت
كانت الدموع في عين فيصل تكسرني
فيصل:ما رااح تموتي باذن الله
انا:ما حب اشوف عيونك تدمع
يا عدالي ويلس وحضني تمسكت فيه بقوه ما ابغاه يتركني وبعدها ما حسيت بالدنيا والمغرب كان فيصل عندي هو وتركي يلست اطالعهم كان شكلهم يتكلمو عن سفر يا ربي شو المرض الي فيني ومحد راضي يخبرني
انا:وووييين امي؟؟
تركي:قمتي الحمد لله على السلامة
انا:الله يسلمك وين امي ليش ما جبتها
تركي:ما خبرتها
عصبت
انا:متى ان شاء الله بتجيبوها يوم بمووووت
فيصل:هدي حبيبتي شو هالكلام
انا:ليش تعاملوني كاني غبية يعني على بالكم ما اعرف شو السالفة لا حبيبي اعرف واعرف اني مريضة بمرض خطير ليش ما تخبروني شو هو
فيصل:حبيبتي ما فيج الا العافيه بكرا ان شاء الله راح نسافر ونسوي العملية وترجعي مثل اول واحسن
انا:سفر ماني مسافرة خلووو هذا ببالكم انته وهو
وجلست اصيح
انا:اريد امي الحين يعني الحين
تركي:انزين الحين بروح اييبها بس انتي هدي
سكتت وصديت عنهم ذاك الجانب طلعوو عني ورجعت اصيح اسفة معذبتنكم معي اسفة وبعدها نمت وبالباكر كلهم عندي امي وتركي وفيصل وامه وفاطمة جلست اطالعهم والدموع تارسة عيوني راح افارقكم للابد
فاطمة:هلا والله قمتي الحمد لله على السلامة
كلهم صدو عليي وانا ساكتة ما ارد عليهم جاتني امي وحضنتني
امي:كيفج الحين يا بعد نظري
انا:سامحيني يا يمى عذبتج معي
امي:لا تقولي هالكلام يا بنتي
ام فيصل:افا يا ام تركي الحين احنا نباج تخففي عنها وانتي تزيديها
خازت امي عني جلست اطالع فيصل كان شكله واااايد تعبان مسكين يا فيصل ما رتحت معي ولا يوم كان يطالعني ويبتسم حسيت بالذنب اتجاهه حسيته يبا يضحكني
فيصل:لا اطالعيني كذا تراني استحي
كلهم ضحكوو عليه
فاطمة:اول مرة اعرف انك تستحي احيدك لوح
فيصل:انا استحي بس من نظرات ريم
تركي:اه يا مسود الويه يعني الحين احنا ما عاجبينك
فيصل:شو صارلكم هجمتو عليي ريم حيزي عن رجلج
انا:هيه انته وهيه ما اسمحلكم كله ولا فيصل حدكم عاد
فيصل:شكرا حبيبتي
ام فيصل:اليوم ان شاء الله بتسافرو
انا:من بيسافر
فيصل:انا وانتي حبيبتي
انا:ليش
فيصل:عشان العلاج
انا:اهاا روح بروحك انا ما رايحة
كلهم اعتفست ويهم
امي:شو هالكلام بنتي جزاه الرجال بيترك اشغاله وبروح يعالجج
انا:انا ما طلبت من احد
فيصل:ما بكيفج بتروحي غصبن عنج
انا:لا والله مين انته علشان تامرني
فيصل:انا قلت كلمة وما راح اعيدها
انا:وانا بعد قلت وما راح اعيدها سفر ما راح اسافر
عصب فيصل وطلع
تركي:شو هذا الكلام كانج ياهله
انا:لا تجلسو تحنوو
امي:وصلني البيت ولدي
انا:يمى وين رايحة
امي:لا تناديني امي
وطلعت امي مع تركي وبعدهم دق فيصل حق فاطمة وقالها طلعوو ضليت بروحي اقاسي الالم والسستر تجي تعطيني ابرة تخفف الوجع ونمت والعصر قمت ما كان محد عندي كلهم زعلانين مني يا الله الموووت قريب مني وما في احد عندي كنت انتظر حد يدخل علي بس ما في احد غير السستر اتصلت بفيصل بس ما يرد زااااد الم الراس وبعدها ما حسيت بالدنيا ظليت حوالي اسبوع في العناية متعذبه من الوجع كنت أقاسي الموت حتى لو نظره من أحد من أهلي تريحني ما حسيت في يوم حد من اهلي زارني وهذا الي يزيدني طلعوني بعدها من غرفة العناية وخلوني في غرفة تحت المراقبة مرت ايام وانا ما في احد يجيني معقوله نسوني قمت اطلع اتمشى في الممرات عشان ما احس بالملل واروح اتكلم مع الصغار كان شعري نصفه طاح عرفت بعدين اني مصابة بالسرطان رسلت حق فيصل(سامحني يا فيصل ما يوم عشته من عرفتني حلوو وصيتي تخبرها حق كل اهلي عرفت اني مريضة بالسرطان سامحني واوصيك بعد موتي تزوج وحده احسن مني وتعيش حياه حلوه معها وامي قوللها تسامحني ما كنت ابغا اموت غير في بلادي وتكون هيه قريبه مني والجميع بعد يسامحوني)كنت اكتب والدموع تسبقني والعصر كنت نايمه حسيت حد يدخل الغرفة كان المرض خلاص قضى على مناعتي يعني موووتي قريب لا محال كان فيصل سلمت عمري للدموع من شفته
انا:فيصل
فيصل:عيونه
انا:وينكم عني محد يسال عني كنت بموت ومحد كان منكم عندي
فيصل:ومن قال انا كل يوم عندج بس ما خليج تشوفيني
انا:ليش طيب تعرف انا لما ما اشوفك يزيد تعبي
فيصل:اسف حبيبتي ما راح اتركج بعد اليوم لوحدج
انا:تسلم تعبتك معي شوف حالتي صرت اخوف هههههه
فيصل:لا ما تخوفي بعدج أحلى بنت في العلم
أستحيت من كلامه
فيصل:ريم سافري معي أرجوج ما أبغى أخسرج
انا:شو راح يفيد السفر خلاص ما عاد في امل من شفائي
فيصل:كل شئ بايمان وثقه بالله بصير بس انتي خلي عندج شوية امل
انا:ان شاء الله
فيصل:يعني بتسافري معي
انا:نعم بسافر بس وين
فيصل:ألمانيا
كان فيصل طول الوقت يصيح وحاضنني وحانة السفره لألمانيا ما كنت حاسه بشئ لان فيصل قال رااح يأخذوني للمطار بالاسعاف سافرنا المانيا عشان العلاج والدكاترة ما قصرو كانت حالتي هناك وااايد تعبانة ويوم العملية كنت الصبح ماسكه ورقة واكتب فيها وصيتي دخل عليي فيصل ومن شفته خشيت الورقة
فيصل:شو وراج
انا:ماشي وصيتي
اختفت الابيسامه من ويه فيصل دخلت السستر عشان تجهزني حق العملية كنت اتجاهل اني انظر لفيصل عشان ما اضعف حتى هو لاحظ وخلوني على السرير وكنت امشي لغرفة العمليات وفيصل ماسك ايدي بقووة وانا اطالعه وأقول لا تتركني كنت واايد خايفه بس كان إيماني أكبر من خوفي ودخلوني غرفة العمليات ضلت العملية 7ساعات وانا كنت اقاسي الموت ما كنت أعرف شو يسوو فيني وصرت واتذكر عايلتي كل لحضة وبعدها ما حسيت الا بعد اسبوع وانا في غرفة وكان عدالي فيصل كان البنج مخلني مثل المجنونة ما اعرف شو اقول
فيصل:الحمد لله على السلامة حبي
انا:وين انا؟؟
فيصل:هههههههه في المانيا
انا:لا تتمصخر اعرف اني في المانيا بس ما خلصت العملية ليش انا هنا بعد
فيصل:ليش بعد شو تبيهم بمرة يطلعوج هنا ما مثل مستشفياتنا اليوم مسويه عملية وباكر يطلعوج
انا:والله مستشفيانتا احسن.انا يوعانة
فيصل:ههههه الحين بخليهم يحظرولج اكل يا مرتي العزيزة
انا:ههههههههههههههههههه والله انك ما صاحي
فيصل:انتي خليتي فيني عقل
انا:اهاا يعني انا السبب
فيصل:هيه حبج ما خلا فيني عقل
انا:اونك تغازل
فيصل:ما اعرف ليش كله تخليني انحرج مالت عليج ما منج من الي يغازلج
انا:هههههههههههههههههههههه فديته والله انا
فيصل:يلا مناك منافقه
طلع ويلست اضحك عليه.انا الحين صرت بخير ما مصدقه اني طلعت من العمليه بسلام بس شعري كله راح صرت صلعه ههههههههههههههههه بس الحمد لله اني عايشة دخل فيصل وشافني سرحانه اجا وجلس عدالي ومسك ايدي
فيصل:في شو سرحانه حبيبتي
انا:بس مستغربه من شئ
فيصل:من شو
انا:ليش محد اتصل من اهلي
فيصل:ما خبرت حد انا
عصبت منه
انا:وليش ما خبرتهم اكيد الحين امي تحاتي
فيصل:ابا اسويلهم مفاجئه
انا:روح لاه انته ومفاجئاتك ما عندك سالفة
فيصل:هههههههه تصيري حلوه يوم تعصبي احبج انا
مطني من غنوزي
انا:اااااي يعور شو فيك
فيصل: أحبج شو أسوي.شو رايج نطلع نتمشى؟؟
انا:صدق يلا قوم
وطلعنا انا وفيصل وصرنا نتمشى في الشوارع كنت امشى ومستحيه من شكلي بس عدهم عادي ما احد يهتم ريحني هذا الشئ بس لو عدنا نحنا العرب بيطيح التعليق مناظرهم مررررررررررررة رووووووووووووووعة دخلنا الاسواق وتشريت وااايد اغراض حلوه الاشياء عدهم
فيصل:ما بسج خلصتي كل الاغراض
انا:ههههههه شو اسوي اغراضهم حلوة
طلعنا من السوق ورحنا على البحر واااايد حلو بحرهم ذكرني باهلي يالله لو تعرفو شكثر مشتاقتلكم كان هناك الناس حد يرسم وحد يبيع كلن يحاول يكسب رزقه وااااااايد حلو المنظر جلسنا انا وفيصل نطالع البحر
فيصل:حلو البحر صح
انا:واااااايد يذكرني باهلي
فيصل:لا تخافي كله كم يوم وينرجع وبعدين اعتبريه شهر عسل
انا:هههههههه ان شاء الله
فيصل:انا بروح وبرجع
انا:وين انا اخاف وحدي
فيصل:لا تخافي ولا تتحركي من مكانج
راح فيصل وانا قلبي يرقص من الخوف مر الوقت واايد وفيصل ما جا كنت بصيح بس قلت بصبر شوي وبعدين اجا من شفته ركضت وحضنته من الخوف قمت اصيح
فيصل(بخوف):شو فيج حبيبتي؟؟
انا:ليش اتاخرت والله كنت خايفه عليك
فيصل:هههه كاني يمج عثرني طلعت غالي وانا ما ادري
انا:ما احبك
فيصل:هاج هذي الورد يا احلى ورده في حياتي
استحيت وصحت زيادة
انا:احببببببببببببببببببببببببببببك موووووووووووووووووووووووووت
فيصل:وانا بعد امووووووووووووووووووووووت فيج
انا:ما اعرف شو بتكون حياتي لو ما انته فيها شكرا فيصل
فيصل:شو هذا الكلام تراني بزعل
انا:اسفه ما قدمتلك غير الهم والتعب سامحني
فيصل:خلاص انا زعلت
وراح وجلس بعيد تميت اطالعه وحسيت اني خلاص تعبت ما حسيت الا وانا في المستشفى واسمع الدكتور يكلم فيصل فتحت عيني ويلست اطالعهم
فيصل(بخوف):كيفج حبيبتي حاسه بتعب
انا:لا حبيبي
وطلع الدكتور
فيصل:والله خوفتيني عليج لا تعيديها مرة ثانيه
انا:ليش شو صار
فيصل:من بعد ما رحت اوني زعلان وما صديت عليج بعدين شفتج تاخرتي وما صديت الا والقى الناس متجمعه حسيت انها انتي ركضت وشفتج مغمى عليج وكان شكلج وااايد يخوف جلست اصارخ الين ما جات الاسعاف وشلوج المستشفى والله كنت بموووت من خوفي بس الحمد لله انتي الحين بخير
انا:صدق كل هذا استوو وانزين شو قال الدكتور حسيته كان يتنازع
فيصل:هيه كان ينازعني يقول من سمحلي اطلعج
انا:ما عليه صار خير
فيصل:ايه والله خلاص حرمت اطلعج
انا:كيه هو ما بكيفك
فيصل:هههههههه قولي حق الدكتور هذا الكلام
انا:لا حشى هذا شكله فلفل وااايد يعصب
فيصل:ههههههههههههههههههههه
مرت الايام وتحسنت حالتي وكانت طايرة العودة للبلاد بعد يومين كنا بالفندق طبعا انا طلعت من المستشفى كنت جالسه بالصاله وفيصل راقد في الغرفة جالسه اطالع TVوبعدين مليت ودخلت الغرفة انام وبالباكر كان يوم باقلنا عن الرجعه كنا نلملم الاغراض والله وايد اضني بخلونا طايرة خاصه ههههههه
فيصل:يا الله تعبت انتي شو شاريه هالكثر لو وزعناه على الخليج بكبره بيسدهم وبزيد بعد
انا:ههههههههه انا جعت روح جيب اكل
فيصل:سوري ما اروم اتحرك انا وااايد تعبان
انا:فاااااااااااسد واااااااااااااحد
رحت ودخلت عشان احظر لي شئ وايد يوعانه وجلست اعابل لين اخر شئ طلعت باكل محترم طلعت ويلست اكل في الصاله
فيصل:يم يم يم ممكن اتذوق
انا:لا حبيبي الا يبا يروح يسويله بروحه
فيصل:افاا وهذا انا زوجج اذا ما سويتيلي إنتي من بيسويلي
انا:الشغاله
فيصل:سوري انا ما اكل من ايد الشغالات اقزهم
انا:عشتو وانت قبل من يطبخلك
فيصل:امي
انا:قول والله يعني صدق ما تمزح
فيصل:لا والله ما امزح
انا:يا سلام يعني بظل طول عمري اطبخلك
فيصل:هيه
انا:لا عمي ارتاح
فيصل:غصبن عنج يكفي امي كل ذاك الوقت كانت تتطبخلي عيل انا ليش ماخذنج
بصراحه زعلت من كلامه انسدت نفسي عن الاكل وقمت وودرت الاكل ودخلت الغرفة ورحت اتسبح وبعدها طلعت كنت تعبانه ابغى انام شفته جالس على السرير سفهته ورحت اعدل شعري واااايد ضايقني بكلامه حسيت انه ما في فرق بيني وبين الشغاله شفته دخل الحمام ورحت انا ارقد من التعب ابسرعة رقدت والصبح كان موعد الرجعه على البلد ياااي وااايد فرحانه رحت اسوي ريوق وبعد ما خلصت دخلت وشقته جالس يتريا الريوق
فيصل:جهز الريوق
انا:هيه
خليته على الطاوله وجلست اكل وهو بعد اجا وجلس ياكل وكان يطلعني
فيصل:انتي شو فيج
انا:ماشي
فيصل:لا فيج شئ قولي بسرعه
انا:قلت ما فيني شئ
فيصل:لا يكون زعلانه من كلام امس
سكتت وما رديت عليه
فيصل:يعني تو انتي شو مزعلج تراني ما احب اكل من ايد الشغالات بعد شو اسوي
انا:ما هذي المشكله راجع كلام مال امس وبعدين بتعرف
شليت الاكل ودخلت المطبخ لحقني
فيصل:حبيبتي والله ما اتذكر شو قلت لا تزعلي عاد
انا:لا حبيبي بزعل تعرف شو قلت يا شيخ قلت انا ليش متزوجنج بس عشان تتطبخيلي خليتني احس اني قدري عندك من قدر الشغالات في بيتكم لا حبيبي ما احب حد يقارني بيهم انا بنت ابوي انولدت رافعة راسي وما احد نزل قدري بس انته خليتني ما اسوى شئ
فيصل:لا حبيبتي والله ما كذا قصدي انتي قدرج ما حد يساويه عندي بالدنيا كبرها واذا كان على الاكل ما عليه بكل من ايد الشغالات بس انتي لا تزعلي والله ما فكرت انج بتزعلي ولا كان ما خليتج تنامي الا وانتي رضيانه
حسيت عمري اني غبيه بالحركه الي سويتها وطيت راسي من الخجل فيصل رفع راسي وضم وجهي بيده
فيصل:خلي عينج بعيني
انا كنت مستحيه من الحركه الي سويتها
فيصل:خليني اشوف عيونج
جلست اطالع عيونه وهو يطالعني
فيصل:خاطري اعرف لمعة الحزن الي بعيونج مال شنو
انا:ما عشت الحياه الي عشتها انا
فيصل:لو اقدر كان ما خليت شئ يزعلج في الدنيا
حبيته على خده
انا:وجودك يمي احسن شئ في الدنيا
فيصل:يالله بموت من هالبوسه
انا:ماااصخ قوم خلنا نتجهز عن تودرنا الطيارة
رحنا اتجهزنا وطلعنا من الفندق ورحنا المطار وجلسنا نتريا الطيارة جلست اطالع الناس كلهم مستغربين من لبسي انا الوحيدة الي لابسه عباه ومتغشيه كان شكلي مميز وجات وقت طايرتنا وايد اخاف من الطياره يوم كنت جايه حق العلاج كان عن طريق المستشفى وكنت نايمه طوال الوقت حتى ما حسيت غير انا في مستشفاهم كنت ماسكه ايد فيصل خايفه من الزحمه ركبنا الطياره وجلسنا وانا بعدني خايفة وفيصل يضحك عليي
انا:شو يضحكك
فيصل:هههههه شكلج وااايد حلو وانتي خايفة
انا:ما برد علييك
وبدت الطياره تتحرك وانا ماسكه فيصل بقووووه
انا:فيصل بموووت
فيصل:اسم الله عليج شو هذا الكلام
وخف الخوف وطول الوقت نايمه في الطياره
انتهى الجزء الثاني
ألقاكم ان شاء الله في الجزء الثالث
شو راح يصير بعد ما ترجع ريم الى البلاد
تابعوني مع قصة"متى تنتهي معاناتي"
الجمعة مارس 25, 2011 1:13 am
