متى تنتهي معاناتي..من تأليفي..الجزء الاول

السلام عليكم

حبيت تكون اول كتابة قصة من تاليفي في منتدى رغوووووووووده

أتمنى تعجبكم

انا ريم عمري 22 اول ما قمت الصبح نزلت افطر مع اخوي وامي ابوي متوفي الله يرحمة اول ما دشيت الصالة
انا:السلام عليكم.
امي+اخوي: وعليكم السلام.
امي:تعالي بنتي فطري.
انا:ان شاء الله يمه.
رحت وجلست على الكرسي وأفطرت وخرعني اخوي تركي يوم قال
تركي:ريم ابغاج في موضوع بعد ما تخلصي فطور.
انا :ان شاء الله.
خلصت وطلعت غرفة تركي دقيت الباب.
تركي:تعالي دخلي.
دخلت وانا خايفة حاسة شئ بيصير بس الله يستر.
انا:نعم ليش تريدني.
تركي:ريم انتي الحين كبرتي وصرتي عروس (يوم قال هذي الكلمة متت من الخوف)وتعرفي البنت ما الها غير بيت زوجها وانا اليوم جاي واقولج ان واحد طلب ايدج مني شو رايج؟؟.
انا(قربت نهايتي): رأيي!!في شو؟؟.
تركي:رايج في الرجال بعد في شو.
انا:بس انا ما اعرفة!!.
تركي:الريال صديقي من زمان وانا اصلا ياي أقولج تزهبي لاني عطيت الرجال كلمة.
انا(بدهشة):شوووووووووووووو وليش انا ما الي راي؟؟.
تركي:انا ما عليي من هالكلام المهم الخميس القادم ملكتج إستعدي.
طلع تركي من الغرفة وتركني حايرة انا اعرس بس بعدني صغيرة طلعت من غرفتة ورحت غرفتي والدموع تسبقني وطحت على السرير وانا اصيح ليش كذا يصير فيني جامعة ما تركوني ادخل والحين بزوجوني يارب تعيني ونمت وانا اصيح. وطشيت ع دق الباب.
انا:من؟؟.
امي:ريم يما قومي تغدي .
انا:ما ابغى يمى ما مشتهية.
امي:يا بنتي ما يصير لازم تاكلي.
رحمت امي مسكينة متعذبة بسبتنا قمت وفتحت الباب ومن دون ما اشعر طحت في حضنها وانا اصيح مالي غير حضنج يا امي يجسسني بالامان .كانت امي تصيح معي وتمسح ع راسي ودخلتني الغرفة وجلستني ع السرير ورفعت راسي ومسحت دموعي.
امي: لا تصيحي يا نظر عيني.
انا(اشاهق): يمى ما ابغى اعرس بعدني صغيرة.
امي: يا بنتي اولها واخرها راح تعرسي ليش هالمناحة؟؟.
انا:بس انا ما انغى اعرس من الحين وبعدين المعرس لا اعرف شرقة من غربة كيف تبيني اخدة؟يمكن شري وامة يمكن ما تحنبي ترا اكثرهن شريات.
امي: يا بنتي لا تخلي هالوساويس في راسج واستهدي بالله وبعدين اذا كنتي حنونة وطيبة محد بضرج بشئ ويا بنتي تراني اعرفج واعرف اخلاقج راح تكوني زوجة صالحة وام ريلج راح تحبج وبعدين ما كل الحمايات نفس بعض.
ارتحت من كلام امي بس بعدني اصيح ما عشان المعرس وامة عشان راح افارق امي نظر عيني.
امي: يلا يا بنتي عشان خاطري قومي تغدي.
انا: ان شاء الله روحي انتي وانا بلحقج.
طلعت امي وقمت وغسلت وجهي وطلعت من الغرفة ونزلت وشفت امي وتركي زاغ فوادي يوم شفت تركي اكيد الحين راح اغيب منه جلست على الكرسي.
تركي:السلام لله.
انا: السلام عليكم.
تركي: وعليكم السلام ليش كل هالمناحة الي مسوتنها بس عشانج بتعرسي صدق دلع بنات.
سكتت وما رديني لاني وايد اخاف من تركي.
تركي: ليش ما تردي صرتي لسانج.
امي: تركي خلها تتغدي واجل مواضيعك بعدين.
سكت وعطاني تركي نظرة خلتني اتمنى يجي المعرس اليوم يخطبني ههههههههههه والله عيبتني الشغلة بس خايفة من هالزواج الله يستر لا يطلع نفس تركي كان بطلع من سجن وبدخل سجن ثاني والله حتى تلفون ما عندي وين احنا عايشين زاغ فوادي يوم سمعت صوت امي.
امي: شو فيج ليش ما تاكلي.
انا:خلاص شبعت
امي:شو شبعتي اصلن انتي ما مسيتي الغدا.
انا:يمى بس شبعت.
قمت وطلعت غرفتي وجلست اقراء كتاب وايد احب اقرى اندق باب غرفتي قمت وفتحت الباب وشفت تركي اكيد الحين بغيب.
انا:نعععععم.
دزني ودخل الغرفة حسيت صدري انشل من مكانة صكيت الباب ووقفت عنده جلس هو ع السرير يطالعني بنظرة شيطانية اليوم يومج ياريم.
تركي:تعالي جلسي بكلمج.
رحت وجلست .
تركي:سمعي الريال مستعجل بيخطب يوم الخميس وبياخذج بيتة لا بيسوي عرس ولا بيدفعلج مهر هو بغى بس انا قلتلة ما لازم(وا فضيحتج يا ريم اكيد الحين الرجال يقول بايعين بنتهم)وسمعي ترا فيصل(اوه اسمة فيصل خطير بعد)صديق عمري ولا ارضى علية والله يا ريم وان سمعت مرة انج خليتية يعصب او زعلتية بقتلج فاهمة.
انا: فاهمة.
طلع تركي وانا رجعت اصيح مرة ثانية واجا يوم الخميس الي مانمت بسبتة يا الله تعيني جاتني امي الساعة 11توعيني فديتج يا امي عبالج نايمة قمت وفتحت الباب وطحت في حضن امي راح اودعج اليوم يا دنيتي راح اودع صدرج الدافي راح اودع صوتج الي يوعيني.
امي(الدموع تارسة عينها): خلاص يا بتني خلاص.
انا: راح اودعج اليوم يمى اخر يوم اتصبح بويهج اخر يوم اصحى على صوتج خليني يا يمى اصيح خليني محد لي في دنياي غيرج محد يواسيني غيرج محد يخفف معاناتي ووحدتي غيرج خليني يا يمى خليني.
دخلتني امي الغرفة لاني خلاص انهرت وما قدرت اوقف على رجلي جلست امي ع السرير وانا في حضنها اصيح خلتني امي اصيح وانا اشاهق بصوت عالي الين ما نمت وعالعصر دخلت امي تصحيني.
امي:ريم ريم يا يمى قومي.
انا(بكسل): خليني انام يمى.
امي: قومي يا يمى اتجهزي اليوم عرسج.
وقفت ع السرير مثل المجنونه
انا: شووووووووووووووووووووووووو اليوم!!!!!!.
امي:لا باكر اكيد اليوم يلا يا بنتي قومي تجهزي .
وطلعت امي وانا بعدني واقفة على السرير ما مصدقة وانفتح الباب مرة ع بالي انها امي بس طلع اخوي تركي متت من الخوف اكيد الحين بيعطيني نصايح وتهديدات انا بروحي يكفيني الي فيني نزلت من ع السرير وانا اتنافض من الخوف شفتة واقف وما يتكلم تقدم مني وحضني ما عرفت شو اسوي هذا تركي تركي يحضني انا استسلمت لدموعي ذكرني بابوي وصحت بصوت عالي خليتة يصيح معي.
انا: ارجوك تركي لا تزيد معاناتي ارجوك يا اخوي.
تركي:سامحيني يا ريم سامحيني.
انا:مسموح يا اخوي وانته بعد سامحني عذبتك معي .
خاز عني وضم وجهي بيدة ومسح دموعي.
تركي:لا توطي راسي خلية مرفوع دوم
انا:ما عاش الي يوطي راسك
تركي:وهذا عشمي فيج يلا الحين تجهزي خليني اشوف اختي القمر
انا:ههههههههه ان شاء الله
راح ويوم وصل عند الباب صد عليي
تركي:ريم
انا:لبية
تركي:ترا المهر عند امي.وطلع
انا الدهشة ما فارقة عيني من دخل تركي الين طلع اول حضني ما اني كنت من سابع المستحيلات اني اتصور ان تركي في يوم يحضني والثانية يطلب مني اسامحة يالله يا تركي لو تعرف شكثر ريحتني .دخلت الحمام(اكرمكم الله) عشان اسبح خلصت وطلعت شفت فستان ع الكرفاية كان شكلة مرة رقيق ولونة وردي فاااااتح بس شكلة رهيييييييييييييب شفت ورقة على الفستان شليتها وقريتها( هذي هدية عرسج اتمنى تعجبج تركي)طاحت دمعة من عيني عصب عني وين حنانك كان عني قبل يا تركي الحين يوم بروح صرت حنون بس ما علية شئ احسن ما لا شئ شفت الساعة لقيتها 6يمى وايد تاخرت شوي ودخلت امي ومعاها حرمة شكلها الكوافيرة
امي:يمى هذي بتعدلج
انا:ههههههههههه ما يحتاج يمى
امي:شو ما يحتاي اليوم احلى يوم عندي خليني اشوفج قمر
انا(مبوزة):يعني انا ما قمر من دون المكياج
جاتني امي وزختني من غنوزي
امي:فديت الي مبوزين انتي قمر من يوم ما طلعتي على الدنيا
انا:احسب بعد
امي:يلا خلي الحرمة تعدلج عن تتاخري
انا:ان شاء الله
طلعت امي وخلتني عند الكوافيرة
الكوافيرة:الحين انا من فين بدي ابدي اصلن انتي قمر من دون مكياج اسم الله عليج
انا:هههههههههههه مشكورة
جلست الحرمة تعابل فيني مرة شعري ومرة وجهي وخلصت على الساعة7 لاني قلتلها لا تسوي وايد اخر شئ خلتني البس الفستان ويلست اتمخطر
انا:شو رايج؟؟
الكوافيرة:ما شاء الله ما شاء الله اسم الله علييكي ما عم بئدر اوصف جمالك
انا:هههههههههههههههههههه تسلميلي فديتج بروح اخلي ماماتي تشوف جمالي
طلعت من الغرفة ورحت غرفة امي ودخلت وشفتها جالسة على السرير شكلها كانت تصيح من شافتني مسحت دموعها رحت عدالها
انا(بخوف):يمى شو فيج
امي(تغير السالفة):ما شاء الله من هذا القمر انتي ريم
انا:ههههههههههههههه شو رايج
امي(مسكتني من ايدي):تعالي بقري عليج عن تصيبج عين
انا:ههههههههههههههههههههه والله انتو مال قبل سوالف
امي:تراج ما تفهمي بهذي الاشياء
انا:هيه صح يمى تراني ودرت الكوافيرة بروحها
امي:شو هذا المهذب يالله منج تعالي نروح عندها
طلعنا من الغرفة ورحنا غرفتي دخلنا شفنا الكوافيرة تلملم الاغراض
امي:ها بنتي بتروحي
الكوافيرة:نعم شو عجبج مكياج ريم
امي:هيه مشكورة بنتي جلسي تعشي عدنا
الكوافيرة:مشكورة مدام بس لازم اروح تاخرت وايد
امي:ما دام كذا السالفة عيل ما بغصبج تعالي بوصلج عند الباب
طلعت امي والكوافيرة ويلست انا اطالع عمري في الجامة واتكشخ
انا:عثرني حلوة وانا ما ادري يالله ابغى ارقد بس عن يضيع المكياج
دخلت امي عليي
انا:يمى عادي ارقد وايد نعسانة
امي:شو تنامي الحين العرب بيو
انا:يعني صدق اليوم انا بعرس
حسيت الصيحة جاتني جاتني امي وحضنتني
انا:ارجوج يمى قولي هذا حلم ارجوج
امي:خلاص يا بنتي خلاص لا تعذبي عمرج
انا:بس يمى انا ما ابغى اعرس شو اسوي الله يخليج يمى قولي حق تركي اني ما ابغى
امي(عصبت):بس عاد شو هالكلام شو احنا جالسين نلعب
وطلعت امي وانا واقفة ما مصدقة امي اول مرة تنازعني عصبت وجلست ع السرير وانا اكلم عمري
انا:حتى امي ما عادت تباني هين حتى انا ما ابغاكم والي ما يباني انا بعد ما اباه
ودخلت امي مرة ثانية ما صديت عليها
امي:قومي يمى حماتج وبنتها عدنا
وقفت وانا مسبهه
انا:شووووووووووووووووووووو يعني اجو
امي:هيه يا بنتي قومي سلمي عليهم
انا:ان شاء الله
طلعت امي ولبست الشيلة ونزلت تحت دخلت الصالة
انا:السلام عليكم
الجميع:وعليكم السلام
وقفت البنت والحرمة صراحة كرهتهم لانهم وافقو عليي لو ما وافقو كنت بحبهم
الحرمة:هلا والله بمرت ولدي
رحت عدالها وخليت عمري اوني مستحية وحبيتها على راسها
انا:شحالج عموة عساج بخير
الحرمة:بخير بنتي والحمد لله انتي كيف حالج؟
انا:دووووم ان شاء الله والله انا بخير والحمد لله(وصديت ع البنت)وانتي اخبارج
البنت(اونها مبوزة):زين شوفتوني
انا:هههههههههه ولو انتي الخير والبركة
البنت:عبالي انا بخير يالله بتصير عندي مرة اخو وناسة
انا(استحيت من كلامها وصار ويهي احمر):هههههههه ليج انتي وحيدة؟؟
البنت:هية بروحي من بين الاولاد ما علينا ما عرفتينا عليج انا اعرف اسمج بس ابغى اسمعة منج
انا:هههههههههه انا ريم وانتي؟؟
البنت:والله عاشت الاسامي يالريم وانا محسوبتج فاطمة
انا:هلا والله بفطوم
فاطمة:لا حول ولا قوة الا بالله كلة فطوم ما في دلع ثاني ما يسدني فيصل كلة فطوم قولي قولي غيرة
انا:هههههههه ان شاء الله شو تبيني ادلعج؟؟
فاطمة:احم احم مثل فوفو فطيم فطامي يعني تغيير
انا:عيل انا بناديج فطامي
فاطمة:تو انتي حبيبتي
بصراحة دخلو قلبي وجابت الشغالة القهوة وجلسو يتقهوو وانا الخوف يعصر قلبي يا رب اموت وما تصير هذي الملكة اندق باب الصالة وطلعت امي تشوف من ودخلت ومعاها كتاب وانا دقات قلبي بدت تزيد
امي:يمى ريم قومي وقعي عشان الملكة
تمنيت ان الارض تنشج وتبلعني ولا اوقع على الورقة وقفت وخذيت القلم ووقعت بس عشان ما افشل تركي حيست اذني ما عادت تسمع بس اشوف الي عدالي يزغرطو ويسلمو عليي ويباركولي كاني بعدني ما مستوعبة بالي يصير عدالي بس ابتسملهم شوي وجاتني امي
امي:يا الله بنتي قومي معي الرجال يريد يشوفج
انا كنت اسمع كلام امي وامشي وراها طلعنا من الصالة وشفت تركي قدامي
تركي:يا الله من هالقمر
انا(ببتسامة باهتة):هههههه اونك ما عرفتني
تركي:يا الله امشي الرجال ينتظر
مشيت معاه الين ما وصلت عند الباب دخلت مع تركي وكنت موطية راسي
انا:السلام عليكم
فيصل:وعليكم السلام تفضلي
رحت ويلست
تركي:انا بخليكم روحكم
طلع تركي وانا شوي وبصيح خايفة لدرجة اني كنت شوي بوقف قلبي
فيصل:اخبارج؟؟
انا:بخير وانته؟
فيصل:من شفتج صرت بخير
صار ويهي مثل الطماطة بعد اكثر شوي شفتة اجا وجلس عدالي
فيصل:فديت الي يستحي انا انزين رفعي راسج ابا اشوف وجهج
انا ما رديت علية
فيصل:شكلج عنيدة بس ما علية بستحمل
مسك ايدي بس حسيت كهرباء استوت في جسمي ومطيت ايدي بسرعة
فيصل:لا تخافي ما بكلج بس بلبسج الخاتم
مسك ايدي مرة ثانية ولبسني الخاتم وحبني على اليدين
فيصل:فديت هذي الصبوع انا
سكتت انا وهوشكلة بدا يمل
فيصل:انتي ليش ما تتكلمي طيب انا بتكلم بعرفج بنفسي انا عمري 27يعني كبر تركي واشتغل في شركت ابوي الله يرحمة يعني انا اديرها
انا:ممكن سؤال؟؟
فيصل:طبعا سألي
انا:انته ليش خطبتني مع انك ما شفتني ؟؟
فيصل:هههههههه ومن قال اني ما شفتج
انا(مبججة عيوني):يعني انتة شفتني متى
فيصل:هوه موقف يضحك بس ما علية مرة انا جيت بيتكم وتركي قالي انته ادخل المجلس وانا الحين بجي المهم دخلت المجلس وشفت حد مشغل التلفزيون ونايم كانت انتي كان شكلج واايد حلو وجهج ملاكي جلست اطالعج ومن ذاك اليوم وانا حبيتج كنت اجي بيتكم بس عشان اشوفج بس من ذاك اليوم ما شفتج
انا:انزين شو سوا تركي يوم دخل وشافني
فيصل:هههههههههه مسكين تفشل قال هذي وش جالسة تسو هنيه عبالة انج ما نايمة بس بعدين شلج ووداج داخل
انا:ههههههههههههههه عن جد فشلة انزين ممكن سؤال ثاني
فيصل:ولو تفضلي حبي
انا:ليش مستعجل على العرس يعني ما سويت عرس نفس باقي الشباب
فيصل:انا ما بكذب علييج بخبرج السالفة من بعد ما فقدت الامل بشوفتج صرت وايد اجلس على الشات وتعرفت على وحدة وحبينا بعض وااااااااااايد وكنت اتقابل معاها في المطاعم تقريبا كل يوم وبعدين ما قمت ترد على اتصالاتي ومرة رسلتلي انها خلاص حصلت واحد احسن مني وااايد تعبت بسبب فرقاها حتى قمت الاكل ما اكلة
سكتت انا وما عرفت شو ارد حسيت اني اكره كل الي عدالي بدت دموعي تنزل دون سابق انذار ما قدرت اتحمل كل الي يصير فيني اولها وفات ابوي ومعاناتي من بعدة وبعدها وحدتي وبعدها زواجي المفاجئ اليوم اشياء عن زوجي ومغامراته مع حبيته ويقولي يا ها بكل برود كاني ما عندي قلب
فيصل:انا اسف بس والله حبيتج تعرفي عشان ما تعرفي بعدين وتقولي خاني
انا(والدموع تارسة عيني):يعني انته تزوجتني بس عشان تنسا جرحك وانا الجروح الي صارت بحياتي من بداويها كل يوم اتمنى اني متت ولا ابويي الي مات بس شو اقول ما دام حياتي كلها معانات
خذاني فيصل وضمني لصدره وانا ما قادره اوقف عن الصياح وايد تاثرت من كلامة يريدوني ادوي جروحهم وانا من بداوي جروحي
فيصل:خلاص لا تصيحي عورتي قلبي
انا:فرحت يوم قلت انك تحبني وقلت اخيرا بعيش حياة حلوة بس بعدين كل احلامي تبخرت
فيصل:شو هذا الكلام لازم تعرفي شي ما دامني حي واشم الهوا ما في شي بزعلج في الدنيا
قمت من حضنة ومسحت دموعي
انا:تأخرت لازم اروح شوي عدهم
فيصل:انا اسف
ابتسمتلة ابتسامة من بين دموعي
انا:لا تتاسف انا حياتي كلها دموع في دموع يعني الحين بتصير احسن
قميت عشان اطلع زخني من ايدي وخلاني اصد صوبة
فيصل:والله والي اسمة الله ما دامني حي على هذي الدنيا واذا قدرني الله بخليج تعيشي حياة يتمناها الملوك
ما ادري شوصارلي رميت بعمري في حضنة وما حسيت بعمري الا وانا افتح عيوني وانا بالمستشفى والكل حوليي ما كنت قادرة اشوف شي بس سمعت صوت امي وهيه تصيح على راسي ستجمعت كل قوايا
انا:يمى
امي:لبيه يا روح امج انتي
انا:وين سار؟؟
امي:من يمى؟
انا:فيصل
امي:الحين بجي عند الدكتور
انا:انزين انا ليش هنا
امي:لا تعبي روحج يمى ارتاحي
وشوي ودخل تركي وفيصل وكل علامات الحزن على وجهم
امي:هاه يمى شو قال الدكتور
تركي:ما فيها شي يمى بس ارهاق
يا عدالي فيصل ومسك ايدي وجلس عدالي
انا:فيصل راسي واايد يعورني خلهم يعطوني حبوب
فيصل:انتي نامي وهو بخف من عمرة
انا:بس انا ابغى اروح البيت ما احب ريحة المستشفى
فيصل:طيب حبيبتي الحين بمر الدكتور بشوف اذا برخصج ولا
بصراحة وااايد خايفة ان يكون فيني شئ اشكال فيصل وتركي ما طمن جلست بس اطالعهم واشوفهم كل وااحد يطالع الثاني بخوووووف
انا:انته وياه قولولي شو صاير
تركي(متوتر):ما صاير شئ ليش السؤال
انا:إمبلا شئ صاير لان شكلكم يقول كذا
وفي ذيك الساعة دخل الدكتور وجلس يكلم تركي وفيصل وانا اطالعهم بتمعن بس عشان اعرف شو السالفة
الدكتور:هاه يا مريضتنا كيف حالك اليوم؟؟
شو هذا شايفني ياهل عشان يكلمني كذا سفهته وما رديت عليه
الدكتور:شكلج مزاجج صعب طيب انا بسألج اسئلة وجاوبيني بصدق
شو يعني قصده هذا البقره يعني بكذب علية هزيت راسي لاني ما بلعتة
الدكتور:طيب ما تحسي احيانا بدوخات تجيكي؟؟
من هذا السؤال بدا الشك يدخل راسي ان انا فيني شئ
انا:من زمان ما اعرف متى بالضبط
الدكتور:طيب اتنامي واايد
انا(بخوف):هيه وااايد انام حتى لو كنت واعيه ذيك الساعة بعدني ابا ارقد
الدكتور:ما شكيتي في حالتج يعني كثرة النوم والدوخات المتكررة
الان تاكدت ان شئ فيني فجلست اطالع امي وتركي وفيصل بخوف كنت شوي وبصيح
انا:ممكن تقولي شو فيني
الدكتور:ما اقدر اقولك الحين لانا ما متاكدين راح نعملك فحوصات ثانية وبنشوف
انا:وانا متى بطلع
الدكتور:والله للاسف ما تقدري تطلعي الحين لين نعرف شو فيكي
انا:لا دكتور لو سمحت انا قعده هنا ما قاعدة اكتبلي خروج ووقت ما تريد تعمل الفحوصات اتصل فاهلي وانا بجي
تركي:ريم شو هذا الكلام الدكتور قال تجلسي يعني تجلسي يالله عن كلام اليهال
انا(عصبت):انا قلت اليوم اطلع يعني اليوم اطلع ولا ما بسال عن حد بطلع بروحي
الدكتور:ههههههه يعني تهديد ماشي انا بطلعك بس يوم بنتصل فيكي تجي على طوول ماشي
سفهتة وما رديت علية طلع هو وطلع معاه تركي
امي:يا بنتي ما عيب تكلمي الرجال بهذي الطريقة
انا:يعني انتي ما شفتيه كيف يتكلم كأنه يكلم ياهل خله يتأدب
فيصل كان طول الوقت ساكت وهذا خلاني اخاف اكثر طلعنا من المستشفى وبغيت اروح بيتنا بس فيصل ما رضى قال لازم اروح معه المهم رحت مع فيصل في السيارة فيصل كان ساكت بعد
انا:فيصل
فيصل:نعم
انا:فيك شئ؟؟
فيصل:ليش السؤال؟؟
انا:صراحة قلبي يعولاني من وقت ما جيت من عند الدكتور وانته ساكت
فيصل:ماشي بس لازم تعرفي شئ اني ما احب احكي واااايد
سكتني كأنه يقول سكتي صراحه زعلت بس ما بينت صديت الصوب الثاني
فيصل:زعلتي
انا كنت شوي وبصيح فما رديت عليه
فيصل:حبيبتي والله اسف ما قصدي شئ لا تزعلي
انا(ببتسامة مصطنعة):لا حبيبي ما زعلانه بس احس راسي رجع يعورني
فيصل(بخوف):صدق تريديني اوصلج الطبيب
انا:لا لا الحين بنام وبيخف
فيصل:صدق
انا:هيه لا تخاف
هذا الجزء الاول اتمنى يعجبكم
يا ترى شو في ريم وشو الاحداث الي بتصير في بيت فيصل
كل هذا في الجزء الثاني

حلوووووووووووووووووو
أنتظر الجزء الثاني

تسلميين بس لو تحطينها في قسم الروايات والقصص

تقبلي مروري

تسلمووو على المرور

تسلم اخوي بس ما اعرف كيف اوصلها قسم الروايات

غلا الروح...
ويييييييييييييييييييييين الجزء الثاني




شوقتينا :ازرق:

حلو انتظر الجزء الثاني

قلبي رغودة:ان شاء الله الخميس فديتج
أميرة بس فقيرة:تسلمي حبيبتي
ليت حزني:تسلمي

يلا اليوم المنتظر
اليوم الخميس يلا وين الجزء 2

ان شاء الله اليوم بالليل استني شوي حبي

يسلموو على اعجابج

اروايةةةةةةةةةةةةةةةةة مرررررررررررررررررة حلوةةةةةةةةةةةةةة يسلمو يا الغلاااااااااااااااااااااااااااااااااااااااااااااااااااا

بانتظار الجزء الثاتي

تسلمي حبي من ذوقج

ان شاء الله