وشفيه بالـك بعيـد وجالـس تفكـر
بدري على الحزن توك في بداياتـك
لاتحسب الوقت لي فاتـك وتتحسـر
عمر الندم مايرد الوقـت لـي فاتـك
لا تترك الدمع فـوق الخـد يتحـدر
حاسب ترى كل عمري فوق وجناتك
يانور عيني مادامك عيني بك تنظـر
حرام تبخل علـى خلـك بنظراتـك
ماشفت كيف القمر عقب الظلام انور
بالضبط نفس الشعور ان شفت بسماتك
ان كان في خاطرك حاجه علي ابشر
والله لاسوق العمر كلـه لمرضاتـك
ماتدري انك اذا تكدرت انـا اتكـدر
وافرح لجل فرحتك واشره لشرهاتـك
عودتني ع السهر وامسيـت ماتسهـر
ماغير طيفـك يعوضنـي بسهراتـك
احلى سنيـن العمـر بلقـاك تتعطـر
يادنيتي وابـرك الساعـات ساعاتـك
يمر طيفك واضمك وارجـع استغفـر
وارد اشوفـك واقـول الله محلاتـك
الثلاثاء أغسطس 03, 2010 3:19 pm
