أفكار لمنع رائحة القلي والطبخ

السلام عليكم
فيه حاجة جديدة تعلمتها من فترة وصارت جد تمنع انتشار ريحة القلي , الحمسه , الطبخ بشكل عام في كل البيت !!
وصرت اعتمدها من أول ما أدخل المطبخ الين اخلص من الطبخ وتنظيف المطبخ !

هي حاجة سهله و اشيائها موجودة في كل بيت وغير مكلفه ابدا ..

أول حاجة :

تأكدي أنك فتحتي مروحة الشفط + جزء من نافذة المطبخ لأن هالشيء راح يساعد ان الهواء يتحرك وللمطبخ انه يتهوى ..

ثانيا :
جهزي ماء مغلي وحطي في قدر صغير على النار و حطي فيه كسرة قرفة , ريحة القرفة الحلوة بتنتشر في كل المطبخ وبتمنع ريحة الطبخ من انها تنتشر في البيت , اتركي القرفة تغلي واذا نقصت المويه زيديها أهم حاجة ما توقف عن الغليان الين تنتهين من الطبخ ..

وفيه كمان حركة ثانيه : اجهز الماء المغلي وأحط فيه مسمار أو البعض يسميه ( عويدي) وهو بهار يستخدم بالطبخ وله ريحة مميزة ونفس الشيء اتركيها تغلي الين تنتهين من الطبخ تمامااا , بتكون ريحة المطبخ بهار وشيء جميل بدل ريحة الطبخ المزعجة.. والمسمار بيمنع ريحة الأكل انها ترووح للبيت ..

الحركة الأخيرة : هي انك تحطين كسرة قرفة مع شوي من المسمار وشريحة ليمون وتتركينها تغلي على النار الين تخلصين طبخ ..


واذا انتهيتي من الطبخ , حطي فحم على النار ودخني البيت بعود ( انا استخدم عود البيت من الماجد ) وأحيانا استخدم بخور وادخن كل البيت مع معطر ( استخدم عطر دانتيل للمفارش والأثاث من الشايع ) ..

وبكذا بتكون ريحة المطبخ جميلة , وبيتك ما فيه ريحه الطبخ وكمان ريحة عود وبخور !


منقول