39 ضــحـــكـــة

1-واحد أحول حس بالبرد و هو نايم , قام غطى أخوه...

2-مرة اتنين راحوا السينما واحد ومراتو لقى النور مطفى قال لمراته يلا ياولية شكلهم هيناموا

3-مرة واحد محشش لقي كنز قال: كويس فاضل الخريطة!!

4-واحد غبي رجع من السفر لقى الشقة مليانه صراصير.. غير قفل الباب

5- اتنين مساطيل طالعين في الأسانسير واحد بيقول التانى "هو الاسانسير بطىء كده ليه؟" قاله "يمكن طالع على السلم"

6-مسطول بيسأل واحدة اسمك إيه قالت له أسماء قالها ما فيش اسم محدد

7-مسطول ماسك ثلجه بيقول أموت و أعرف بتنقط منين الميه ديه

8-اتنين مساطيل ماشين في الشارع واحد وقع في البلاعة التاني راح إستناه عند الحنفية

9-محشش قالو له ايه رأيك في الزواج المبكر قال يعني الساعه كم

10-واحد محشش كان حيخبط واحدة بالعربية . قالتله انت ماشفتنيش . قالها أيوه شفتك بس مش فاكر فين؟؟

11-واحد بخيل دخل على ولاده وقعد يزعق بصوت عالى علشان مشغلين المروحه على 3 وهما 2 بس

12-مرة اتنين بخلاء خلفوا عيل حطوة فى البنك

13-واحد بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها

14-مرة واحد بخيل شقتة ولعت ادى للمطافى رنة

15-مرة واحد بخيل حلم انه اشترى فاكهة ولحمة لبيته ولما صحى حكى لمراتة قالتله ايه البعزقة دى

16-واحد بخيل قال لابنه : إنجح السنة دي وانا أجبلك كورة .. الولد شد حيله ونجح .. أبوه إشترى له كورة .. وقال له : طب لو نجحت السنة الجاية أنفخها لك

17-مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحه

18-مرة واحد غبي ابنه قاله انا عاوز موبايل ابوه قاله موافق بس بشرط تركب اخواتك معاك

19-واحد ندل قعد يتحايل على حبيبته علشان تخرج معاه لمده سنه ولما وافقت راح قال لابوها

20-أذكيه راحو يلعبو بلياردو، واحد منهم وقف فوق الطرابيزة وقال لهم انا الجوووون

21-مره واحد ندل فتح مصنع بيبسى وكتب على كل ازازه (رج جيدا قبل الفتح)

22-غبي حب يغرق ابنه خرم له المايوه

23-مرة واحد أحول عنده حمامة حولة حب يدخلها القفص حطها برة القفص جت هى تهرب راحت داخلة جوة القفص

24-واحد ركب مترو الانفاق.. جاله الكمسرى بيقول له تذاكر ... قال له امين شرطه..... سابه وراح للجانبه قال له: تذاكر ... قال له: امين عبد الجواد

25-اربعة أغبياء عملوا عملية اختطاف فخطفوا فتاه واوقفوا تاكسى فسائق التاكسى قال:التاكسى ده اربعه راكب بس قاموا سابوا الفتاه وركبوا هم

26-واحد بلدياتنا وقع من الدور العاشر .. جاله صداع

27-واحد قال لأبوه بابا عاوز أكمل دراستي بره قال وايه المشكلة، قول لأمك تفرشلك في الحوش بس خد بالك لتبرد

28-حمار بيقول لخطيبته امتى هنتجوز ياحمارة قالت له لما تحسن الفاظك ياحيوان

29-مرة واحد رخم اوى وقع في حفرة ، قال احسن

30-مره واحد أهبل قال والله العظيم ما هنام الا اما اخلص اللبانه

31-واحد ماشى ورا وحدة قالها الحلوة وراها مشوار قالتلة لا وراها حمار

32-مرة ترزى ماشى فى حتة مقطوعة خيطها

33-مرة حكم قاعد علي قهوه الصبى بيقولو عايز اية قالوا عايز واحد صفر

34-مره واحد فتح الباب وقعد يصرخ بيقول حماتى هترمى نفسها من الش قالولو وانت زعلان ليه قالهم الش مش راضى يتفتح

35-مره واحد شرب قهوه الكراسى وقفت فى زوره

36-مرة ظابط طلع على المعاش فتح محل حلويات سماه التورتة في خدمة الشعب

37-مره نكته ماشية بتعيط ليه؟؟ عشان واحد ضحك عليها

38-مدرس رياضه اتجوز مدرسة رياضه خلفو ولد شبه منحرف وبنت دايره على حل شعرها

39-مرة مجموعة مساطيل بيكتبوا محاضرة مع دكتور كل مايمسح السبورة يقطعوا الورقة

ههههههههههههههههههههههههههههههه الله الله ع النككت المممصريهه

مممشككورهه يا ععسل
ما ننححرم

السلام عليكم ورحمة الله وبركاته

هههههههههههههههههههههههههههههههههههههههههههههههههه
توححححححففهه بطنىىىىىىىىىىى

مششكوراا حبي
تـ+ـم لك