قصتي في الدوام.. اللي متفيجه تقرا

المهم.. انا اشتغل في مكان فيه شفتات.. و كنا 6.. ثلاث الصبح و ثلاث المسا

و السيستم إنه نحن اسبوع الصبح و اسبوع المسا

بس عقب صار نقص في عيادة ثانية و اضطروا يشلون ربيعتي و يودونها

و واحد حليله طيب وياي بعد شلوه و ودوه عيادة ثانية

فصرنا كم؟ صرنا 4

المهم.. المسؤولة عني كانت ظاهره اجازة فكنا 3 بس.. و يابوا واحد مكانها وااااايد طيب و حبوب و ماله خص في الدنيا.. و انا اعرفه من عيادات ثانية

ما شا الله يساعد و يعلم و موول ما يخصه لو انا سرت و لا ييت.. مع انه سينيور عليه

المهم.. شفتي كان ويا هالشخص و الشفت الثاني كان فيه واحد من جنسية عربية و مواطنه

كان يوم الخميس و كان دوامي المسا مع هالهندي الطيب

شفت حد متصل على تحويلتي و ظهر الشخص الثاني اللي يداوم ويايه

و قالي يا فلانه الله يخليج عندي شغله و ابا اخلصها.. فابا اغير وياج يوم الاحد و الاثنين.. *يعني بيستوي دوامي مسا لانه يوم الخميس كان دوامي مسا فالأسبوع اللي عقبه يكون دوامي صبح*

قلتله يا فلان.. انا مابا دوام مسا.. و دوام الصبح اريحلي.. تم يقولي الله يخليج.. و بحاول اخلص شغلي في يوم واحد فمب لازم تغيرين يومين

*و للعلم.. مش نحاسه مني مابا اغير.. بس دوام المسا يخلص الساعة 10:30 و متعب و لو غيرت يومين.. عقب اليوم اللي عقبه لازم ايي الصبح.. يعني كلها كم ساعة اللي اروم ارقدهم شرات الناس فاسير الدوام هلكاااانه بمعنى الكلمة*

قلتله اوكي خلاص مب مشكله

يا يوم الاحد و داومنا و قلتله خلصت شغلك؟ قالي لا و ماعرف شو.. سوالي فيلم هندي.. قلتله اوكي.. انا قلتلك بعطيك يومين و انا عند رمستي

المهم يا يوم الاثنين.. و انا كنت متضاااايجه.. لانه جدولي كله تخربط و انا احب اداوم ويا الهندي اللي وياي لانه طيب و فنان

اول ما دشيت من الباب.. قالي فلانه.. انا ابا باجر بعد.. قلتله نعم؟ قالي هيه.. و انا ما خلصت اشغالي.. *يعني تبا تخلص اشغالك ع حسابي* سوري يعني.. هذا مش منطق

قلتله لا.. و انا ما كنت ابا ابدل وياك من البداية

قالي افاااا.. اونه اهون عليج؟ قلتله هيه تهون عليه.. ليش انت منو عسب ما تهون عليه؟ يعني انا اتعب برايه.. و انت تبا تريح.. قالي و الله زوجتي مريضة.. قلتله مريضة.. الله يشفيها.. انت شو بتسويلها يعني؟ بتعالجها؟ و هو في البداية اصلا قالي يبا هاليومين عسب شي ثاني

عقب الحنه و الرنه.. قالي انا خلاص حجزتلي موعد حق باجر.. و ماروم اغير.. قلتله يا فلان.. انت كل مرة يالس تقولي رمسه.. يعني شو المعنى؟ *هو يالس يستغفلني و يجذب.. يتحراني خبله و ماعرف* لاني واااايد سوالف و ضحك و جيه.. يتحروني هبله

قالي لا و انا ابا هاليوم و ماعرف شو.. قلتله الشفت شفتي.. و مافي شي بالغصب.. انا ما بغير شفتي من اليوم و ساير.. قالي ما امون عليج؟ قلتله لا.. ليش تمون عليه ان شا الله؟ عقب الجذب تمون عليه؟

و اقولكم يا بنات.. حتى و انا عندي المرضى حاشرني و يقولي خلاص باجر ايي الصبح.. قلتله تحلم اتي الصبح و سكر ع الموضوع لانه ما عندي رمسة غيرها

جان يقولي *مشكورة و ما قصرتي* من ورا خاطره *عارفين هالمشكورة اللي معناتها شكرا على ولا شي.. مع اني معطتنه يومين و انا اللي يالسه اتعب في الشفت لانه التغيير من المسا للصبح صدق صدق صدق صعب*

قلتله العفو و ادري اني ما قصرت.. نغزته بالرمسه

و عندي ربيعتي.. يعني اداوم في نفس المكان بس مب نفس القسم

ساير عندها اونه شفتي ربيعتج ما تبا تعطيني الشفت.. احين هي اشلها؟! يايه تقولي فلاانة.. هذا شو مشكلته؟ قلتلها مب صاحي

تم يومين ما يرمسني.. يتحراني ميتة ابا ارمسه.. بس اسلم لانه السلام لله.. و خله ينقع.. مب متكلفه فيه انا و رديت ع شفتي العادي

عقب تم يرمسني عادي.. المهم.. الاسبوع هذا.. كان دوامي المسا.. و طبعا الصبح انا باختنها رقاد.. المهم.. عقب سرت الدوام.. اونه يا فلااانه ترا وااايد زحممممة.. و لازم نكون ثلاث الصبح

قلتلهم الزبدة يعني؟ قالولي غيري الشفت و تعالي الصبح *كانت هني مسؤولتي خلاص راده*.. قلتلهم انا مابا اغير.. قالوا و الله نحن رمسنا فلان *بعد مسؤولي* و خلاص

و انا اتصلت فيه.. قالي يا فلانه هم قالولي زحمه و انا ماروم اقولهم ما بعطيكم ستاف لاني مش عارف الوضع هناك.. عقب نقاش طويل قلتله اوكي.. و قالي غيري يومين و عقب خلاص

تخيلوا بعد مرة شفتي مسا.. و اليوم الثاني لازم ايي الصبح.. المهم.. سكت و قلت بشتغل و بسوي اللي عليه

مر اليوم الاول ارف في ارف.. و لاعت جبدي..

اتصلت في مسؤولي اللي مسؤول عنا كلنا و قلتله السالفة كاملة.. قلتله انا مابا اغير شفتي.. و اصلا اللي حاط الجدول بالعمد حاطني ويا مسؤولتي مب ويا الشفت الثاني لانه بدينا الاونلاين سيستم و انا اعرفله عدل و مسؤولتي حليلها ما تعرف *و للعلم مسؤولتي من نفس جنسية اللي يبا يبدل وياي الشفت بس واااايد طيبة*

يعني هم يبون يرتاحون و يشغلوني انا ع حسابي.. لا سوري.. قالي خلاص مرة ثانية لا تغيرين الشفت و لا تعصبين و خليج رايقه.. و انتي الصح.. و مب مفروض كل ما شافوا زحمة قالوا تعالي و إذا قالولج غيري.. قوليلهم ما بغير و لو عندكم رمسه سيروا عند فلان *يعني هو*

قلتله انا عندي حياة برع الدوام.. مب كل ما صار شي.. قالولي تعالي جنه ما ورايه شي

صح اني مب معرسه بس مش معناته انه ما عندي اشيا ثانيه في حياتي..!

فالمهم عقب رديت لشفتي الاصلي.. و المواطنه سارت اجازة.. فاستوى الهندي ويا النحس و انا ويا مسؤولتي

حليله هالهندي يقول ماااحب اكون في الشفت ويا هذا.. كله يتمشكل ويا كل حد.. سواء مرضى او دكاترة او ممرضات

غمضني و الله

.
.
.

الزبدة من الموضوع فديتكم.. هالسالفة الطويلة العريضة.. لا تسكتون عن حقكم و تخلون اللي ما يتسمون يمشونكم ع كيفكم و لا تقولون مافيني ع الصدعة.. لانج بتنظلمين و بيحسون انه ما وراج ظهر

انا لا عندي واسطه و لا غيره.. لكن اروم آخذ حقي بايدي.. و وااايد عادي عندي اسير اشتكي عند المسؤولين لاني على حق و سويتها مرتين

خل عندكم راي و شخصية.. لانه آخرتها تراهم ما يرومون يسوون شي.. و لا يرومون يفنشونج.. و اعلى ما في خيلهم يركبونه

فخلكم جيه و لا تكونون جيه

ما اقولكم سووا مشاكل.. بس يوم الحق حق

.
.
.

احم و باجر بعد ورايه دوام و لين احينه ما رقدت

شكرا كتييييييييييييييييييييييييييييير

نآيسؤؤؤ
رؤؤححي نآممي

ناايس

ناااااااايس

ناااااااااااااااااايس وايد

روووووووووعة

يسلمو

روووووووعة

رووووووووعة

يسلمو

روووووووووعة

نايس

» بعد ما تقرا الموضوع ... هل سوف تخجل من نفسك ...!!!!!!
» لا تقرا هذه القصة المحزنة لكي لا تبكي...!!!!!
» رغود بملابس المدرسه تقرا قرآن
» لا تقرا سوره الفاتحه بسرعه لمااااذا؟؟؟!!
» ابيك توكن لوحدك و انت تقرا الرسالة ......