قصتي مع الدعاء وانا في البيت

السلام عليكم ورحمة الله وبركاته ...

بنات انا واييييييييييييييد مستانسة وانصحكم تدعون وانتو موقنين بالاجابة لاتقولين انا احس اني برسب احس اني .... الخ
بقولكم تجربتي الي صارتلي امس ..
مممم فكليتنا طبقو قرار ان لازم ناخذ شهادة الايلس هاي السنة عشان اتخصص لان بدونها مابقدر اتخصص .. ..!

عاد انا انحبطت @_@ ووايد تضايجت وفكرت اطلع من الكلية ..! وقلت مستحيييل انجح وسمعت ان وايد بنات امتحنو الايلس كم مره لين مايابو الشهادة وبعد انا مب شاطرة فالانجليزي ..هع

ويوم بديت اقرى قصصكم مع الدعاء .. انتبهت لنفسي و قلت لا يافلانة
ربج كريم سميع مجيب قادر على كــــل شـــــــي ... !
وشليت هاي الافكار عن بالي ويلست استغفر واقرى سورة البقره واخلصها يوميا
وكل ماحد يقولي ها امتحانج جريب اقولهم عادي ان شاءالله ناجحه خلاص
ذاكرت وتوكلت ع الله ودعيت وان شاءالله بنجح ^^

بـــــــأختصار طبقت هاي الاية الكريمة :

{وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِي إِذَا دَعَانِي فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ }

وادعي بين الاذان والاقامة ونص الليل وكنت ادعي وانا موقنه بالاجابة وادعي حق البنات انهم ينجحون ويفتكون ... وشليت الفكرة اني مابييبها قلت لا بييبها دام دعيت ربي .. الله مابيخذلني ..
ويوم الامتحان يلست استغفر واستغفر احل وانا مب عارفة شي @_@ احس مب فاهمة شي
خاصتن الريدنق عرفت كم سؤال والباجي قلت بحط اي شي وان شاءالله بيكون صح
حليت وخلصت ... ويوم سألوني ها شو سويتي اقولهم ماعرف بس ناجحة ان شاءالله
ونصهم قالو لااا صعب مستحيييييل انجح ماعرف شوحليت شوماحليت قلتلهم توكلو ع ربكم يمكن صح الي حليتوه ..
المووووووووهيم طول هاي الفتره انا ادعي وسرت العمرة الحمدلله ودعيت هناك
واليوووووووم ظهرن النتاااااااايج
والحمدلله الحمدلله
اللهم لك الحمد حمدا طيبا مباركا ^_^
نجحت ويبت الباند المطلوووب
وللعلم انا مب شاطرة فالانجليييييييزي @_@

وطبعاااااا واييييييد استانست ^____^
ووايد قالووولي هذا بفضل الدعاء والبقره والاستغفار ..
لان سورة البقره تيسر امورج بدون ماتحسين
والحمدلله على كل حــال ^_^

ممم سوري بنات ادري الموضوع مخربط
بس والله من الفرحة ماعرفت كيف ارتب الموضوع هــع ّ..
بس نيتني اني اشجعكم ع الدعاء والالحاح والاستمرار
مم هيه وكنت دوم اكون ع وضوئي واقول
(( لاإله إلا انت وحدك لاشريك لك
لك الملك ولك الحمدلله وانت على كل شي قدير))ويارب تتحقق احلامكمواحلامي عاجلا غير اجل ^