الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
تحية إكبار و بوسة على جبينك يا أم الأحرار
تحية إكبار يا أرض اللي سنينك مزروعة بالنار
ياشعب اللي ماسي و صابح
على قتل وتشريد و مذابح
يا صامد مهما صار
تعجز كلمات التقدير
طفلك الصغير كبير
والعالم قدامه صغار
للشيخ اللي ماسك فاسه
رافع راسه
رافض ينحني الا لرب السماء
لرجال بمعنى الكلمة
رجال بهمة بروح و دم
و عزم و هم
يحموا الحمى
لطفلة تركض بالحارة
تهرب من صوت الغارة
تحية لكل ختيارة
جابت و ربت هالثوار
بكرة بيكتب هالتاريخ
وتعرف كل الأجيال
شو كنتوا؟ و شو كانوا؟
وانتوا بوجه الصواريخ
وقفوا بحجارة الأبطال
لا خافوا ولا هانوا
الثلاثاء يونيو 29, 2010 2:33 pm
