ودي اموت اليوم واعيش باكر

ودي اموت اليوم واعيش باكر
واشوف منهو بعد موتي فقدني

ومنهو حملني لين ذيك المقابر
واشكر أنا كل من كرمني ودفني

وبشوف يرثيني انا كم شاعر ؟
ومنهو تركني وماكتب شي عني

شخص ٍ تعنى لي مع انه مسافر
وشخصٍ قريبٍ وأنا ميت طعني

وشخص يمثل دمعته ماهو قادر
وشخص تطيح دموعه كل ماذكرني

ومنهو من أهلي في العزا كان حاضر
ومنهو دعا لي في صلاته ورحمني

ومنهو بنى باسمي سبيل ومنابر
ومنهو يفز قلبه إلا من لمحني

ومنهو عشاني طول الأيام ساهر
ومنهو ثلاث أيام راح وتركني

ومنهو يرتب غرفتي والدفاتر
وإن شاف صورة لي مات وحضني

يالله عسى ماتغفى كل المشاعر
ويالله عسى ماينصدم يوم ظني

خايف يروح العمر وأكون خاسر
وإن طار طيري مايفيد التمني

وخايف يجيني وقت أكسر خواطر
إن دارت الدنيا وزماني كسرني

ومدام هذي الدنيا صارت مظاهر
وكل من على كيفه وجوّه يغني

صحيح مسلم لكن الهم كافر
كل مابغيت اضحك يهددني حزني

الضيف وافي والحزن حيل وافر
والجرح اكثر شي شفته يحبني

عايش وميت بين ماضي وحاضر
والصبر مفتاح الفرج ضاع مني

قل وش تبي وتتركني ياحزني آمر
مسكين فرحي تصدق أنه وحشني

شاعر ولكني ماني بشاعر
ودي أموت اليوم وارتاح مني

للأمانه القصيدة مشحوته

يممما تههبببل :'(

مشكور!

العفو

يسلمووووو

الله يسلمك

يسلمووو قلبؤ

ماااننحرم واصلي

لاهنتي

ودي

سوماا

روعااااااااااااا
يا غلال ما قصرتي

روعاااااااااااا جميل

تقبلي طلتي
تم لعيونك