السلام عليكم ورحمة الله وبركاته
نصائح عربجي
خطأ : عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...
الصحيح : تمسكه مع ثيابه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...
ثم ..
تقوله شيل الكتب .. ومرة ثانية فتح عيونك يالوح ..
.................................................. .........
خطأ : تفتح الإشارة .. ثم يعلق يزمّر لك االي وراك ... ثم تطالع في المراية ... وتلقاه يهاوش ومعصب .. ثم تلوح بيدك تتأسف ...
الصحيح : تنزل له بمفتاح العجل .. أو عجراء ... وتطق الدريشة عليه ... وأول مايفتحها ... جرّه مع شعره ... وإجلده لين يقول العيد بكره ...
ثم ..
قله مرة ثانية تصير الاشارة خضراء .. تصير حمراء .. تصير زرقاء ... تاكل تبن وتسكت ..
.................................................. ...........................................
خطأ : تدخل المحاضرة متأخر ... يقولك الدكتور إطلع برا يامهمل .. ياللي فيك ومافيك ... ويصك الباب بوجهك .. ثم تروح وإنت متضايق ...
الصحيح : إنك تمسكه من كرفتته وبعدين تلفه وتلفه وتلفه وتلفه وتلفه وبعدين تريح شوي وبعدين تلفه وتلفه وتلفه وتضربه بالصبوره وبعدين تقومه وتمسكه من الجاكيت وتمسح فيه الصبوره وتطلع ..
ثم ..
قبل لاتطلع تقوله لاصارت جامعة أبوك أطرد الطلبه ..
.................................................. .....................
خطأ : جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم صديقك ويرج العلبه ... ثم تجي تبي تفتحها .. ثم تطيش بوجهك ... ويضحكون عليك .. فتقول ... الله يرجك والله لأرد لك المقلب ..
الصحيح : تمسكه ... مع رجليه ... وتصبخه بالإرض صبخ ... وتجيب قوطي ببسي .. وترجه رجاً مبرحاً ... ثم تفتحه بوجهه ...
ثم ..
تقوله لاصرت أخوك الصغير ... والإ تمون علي .. إمزح معي هالمزح ... وهالمرة بسمح لك عشان خاطر الموجودين .. والا تدري !! ...
ثم عفط العلبه... وحطّها بمخباته ... وقله لاتطلعها من مخباتك الا إذا رحنا ...
.................................................. .................
خطأ : تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس أرتاح ...
وتتركه ... وتلقاه حالقن نص شنبك ... ثم تهاوشه هوشه ... وتحاسب وتطلع ... وتقول بنفسك والله ماعمري أحلق عنده ...
الصحيح : تاخذ الموس ... وتخربط براسه ... وشنبه ولحيته ... وإن حصل تحلق راسه عكس مب شينه ...
ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) ..
ثم ..
قل بينك وبين نفسك ... ماعمري أحلّق عنده ...
......................................
خطأ : تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة .. ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ...
الصحيح : تاخذ لك بلكّه ... وترميها عليه ... إن ضربته ... فهو خير ونعمة ...
وإن ماضربته ... خذ عصا .. وأمسكه وأجلده ...
إن صاح خير ونعمة ...
وإن ماصاح .. فاتركه ... ورح صل وخلص مشاويرك... وهم إرجع له .. وتفرّغ له ...
أكيد مب متحمل لين وقت الصلاة الثانية ... وعلى مسؤوليتي بيصيح ..
.................................................. ...
خطأ : راكب سيارتك مستعجل ... وكل إشارة توقف عندها ... حتى الإشارات اللي مافيها أحد ..
الصحيح : حتى لو إنت مو مستعجل ... أقطع الإشارة ... الأشارة حطوها للي مايعرفون يسوقون
.................................................. .................................................. ........
خطأ :متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟
الصحيح : صكه بالصينية ... ولحقه ببياله والإ طفاية الدخان ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...
.................................................. ..
خطأ:تكتب بعد نهاية إي موضوع في االمنتدى إن شاء الله ما طولت عليكم وتجلس تتأسف وكأنك مسوي جريمه
الصحيح :المفروض تكتب إقرؤا وإنتم ساكتين وإذا طولت موضوعي كيفي واللي مو عاجبه لايقرأ...
,,,,,,,,,,,,,,,,,,,,,,,,,,,,,,,,,,,,,,,
اتبهوووووو لاحد ياخذ بالنصائح والله لغير نص الشعب يروووح فيهاااااا هههههههههههه
الإثنين فبراير 13, 2012 4:37 am
