السلام عليكم
جبتلكم بعض الاسماء واعتذر عن البقيه
عطشت اني ورشيق الطول ماروه
وعن قصص حبنه حبيبي ماروه
يسألوني عن اسم الاحبها كتلهم مروه
اذا مرت تعذب الروح وماتعطف عليه
وحق الي خلق بالكونين الاء
مثل عيون الغزاله عيون الاء
امد ايدي عليها تكلي او لاء
تأدب لاتمد ايدك عليه
مشيت وكلبي ويه ممشاها ساره
وكلبي مافضح فد يوم سره
شفت شمس وكمر بخدود ساره
عجيب شلون اكضنهن بديه
وهذا زنجيل على اسماء البنات
شوف الزمن بيه شعمل لايساره
النذل لاتنفع يمينه ولايساره
خبر يفرحنا ماشفنه منها لايساره
بس اهات وقهر ودموع منه اسيل
مجبور غصبن علي اترك هوى اسيل
اسأل عنها ابد مايوم عني اسيل
اسيل راحت ولك هسه اجت مروه
لاخوه ضلت بعد لاصحبه لامروه
وحق حرمت صفا وتراب مروه
الواحد لو مايحب لو يحب نوره
سبحان رب العرش في خلقه ونوره
غلطان هذا الذي يترك عشك نوره
نوره الصبح والظهر جماله وهم ليلى
ومعذور تره كاظم من غنه على ليلى
وجهك نور الشمس وشعرك نصف ليله
يل شعرك ليل فوق الجتف فله
وعن عيني ماغبت ابد فله
ناس اتبيع جمله وناس اتبيع فله
فليت كلبي انا وانطيته لبيداء
دنياي بس اه وقهر صارت مثل بيداء
لاحي بيها سكن كله بسبب بيداء
للناس اشكي الحصل من قله الايمان
المفروض اسمج كفر مالازم ايمان
من جور وكتي علي ماضل بعد ايمان
من حيث حته الدمع فوق الوجن ندى
خاب انتي ضد الكلب صرت ولج ندى
ناديت كل الخلك محد عرف ندى
العمر راح انتهى وماضلت بعد اثار
جم طكه بيك ولك جم وجعه جم اثار
يادنيا بسج علي كافي قهر اثار
طير جنه انكتل بطل بعد تغريد
جذاب ذاك الكدر يوصف وصف تغريد
لاصوت الج ينسمع لاهمسه لاتغريد
ودموعي سالت ترى وصارت شكل وديان
كفرتني المراجع كلها والحكم والاديان
لاجن يضل للابد حبج غضب ساره
الثلاثاء يونيو 22, 2010 11:44 pm
