لا تأخذ الحكمة من أفواه العقلاء
السلام عليكم ورحمة الله وبركاته
.
.
.
.
* عزيزي القارئ : إن كنت من أصحاب تشكيل الوقت بجداول اطلع برا لا ينحاس جدولك على الفاضي ترى الموضوع سواليف
حكمة نمبر (1)
يقول "بيار غرانغور" : خيراً لك أن تكون جبان من أن تكون متهور ..
وتقول "سجنجل" : لا يهمكم أبو غرغور واسمعوا كلام كلير هيلين اللي تقول : (الحياة إما أن تكون مغامرة جريئة أو لا شيء)
أحياناً الواحد يجيه نزعة تهور ومغامرة ويعرم شعر أخته الصغيرة
ومن باب توثيق الذكريات قبل يقص الشعر يخليه على شكل جديلة عشان تحنطها وتحطها بدولابها
لحد يقول حرااام عليتس :ا66: وإلا ليش كذا :ترآوااا: وإلا يا مجنووونة :ا66:
خلاص ترى كلن قالها لي لين بغيت أروح أجيب غرا أبو جني وأصمغ الجديلة براسها ههههه ض1
كيف تقصيصي ؟ ميرسي اطلعي برى لو سمحتي طاح كرتك :5وععع: <<< تكلم الكوفيرا الفلبينية
خلوا عنكم والله إن البنيّة اسفهلت وأسفر وجهها يوم قصيت شوشتها ..
منوّل إذا جيت أكلمها لازم أحفر أحفر أحفر لين ألقى وجهها همن أقول لها اللي أبيه :فرحآن الأخ ..
وإذا ناديتها ما ترد عليّ إلا عقب يومين بسبب شعرها اللي حاجب عنها السماع والرؤية <<< يا حبها للمبالغات :suspect:
حكمة نمبر (2)
^
على كلام التقويم اليوم هو أول أيام المربعانية :suspect:
يقول "أخصائي غربي" : إن الماء البارد في الشتاء يزيد مناعة الجسم ويقلل الأمراض
وتقول "سجنجل" : لا يهمكم النصاب :ترآوااا: تخيل بس تدخل تحت دش بارد بعز البرد والله إن يتجمد الدم بعروقك وتجيك جلطة وتزلق بالحمام وتسمع بالشارع وييييييييوووو وييييييوووو وييييييييوووو <<< صوت الإسعاف جايين يشقلونك :تخآس:
وحتى لو طلعت جدار وما جاك جلطة .. بأقل الأحوال بتخمك صخنة تطرحك بفراشك أسبوع ويومين ! عظامك متفتتة وخشمك يصبصب وراسك قابل للاشتعال :044:
مير على طاري البرد قبل كم سنة خيمنا بالبر لمدة أسبوع
وكانت درجة الحرارة صفر :suspect: وباليوم الثاني صارت 2 تحت الصفر وحنا صامدين :suspect: وباليوم الثالث مدري الرابع وصلت 6 تحت الصفر وحنا يا جبل ما يهزك ريح
صور من ذيك الرحلة :
أتذكر من قوة البرد الشغالة تعكفت أصابعها وشصبت وبلشنا بها رحنا حمّينا زيت وقمنا ندهنها لين انفلـّت :suspect:
11 عائلة تقريباً .. بـ 5 خيام .. سقى الله ذيك الأيام :ترآوااا: اللي ما يحبون التخييم شلون ما تحبونه :بكاء+خجل: ؟
المطبخ
وش أنت يامطعم الرومانسية خخخخخ
ألعاب آخر الليل
الجمس يوم جلسنا نسوقه يالبنات غرّز .. نزلنا وسحبنا على خالي جلس يحفر لحاله ياحياتي <<< البنات مالهن خاتمة :هعلا7:
والباث فندر سقناه واحترق الكلتش والظاهر انهم رجعوه للرياض بسطحة <<< البنات نكبة :وآثق ^^$ص:
السيارتين الباقيات قالوا لنا سوقوهن بس حنا رفضنا :ا7ا7ا: <<< هها بس والله ان تبطون عظم تسوقون اللكزس :وآثق ^^$ص:
بقالة خالتي
عدة البنات للكابتشينو والشاهي
حكمة نمبر (3)
يقول "هنري فابول" : جوهرة الإدارة هو قوة التنبؤ قبل حدوث الأشياء
وتقول "سجنجل" : ايس هزا كلام صديق ؟ يعني نصير سحرة يا هنري ؟ :ر66:
على طاري السحر اليوم خواتي ثلاث جالسين قدام MBC3 وفيها أفلام كرتون فيها سحر وخرابيط .. قالت أختي عليا لأختي سكيا : إقلبي القناة استغفر الله وش ذا خنزير ينقلب كلب
سكيا : وش خنزيره ؟
عليا : وشو اللي متى قلتيه ؟
لميا : ما قالت متى قلتيه ! تقول أنتي اقلبيه
<<< عائلة صقهان :ا66:
وأردى منهم أختهم العمياء (مهيب أنا ض1 ) الظهر وأنا راجعة من الجامعة جوعانة وافتح التويتر وألقى واحد كاتب : أهيم في بحر النوى ناشف الريق
عاد أنا لمحتها وحسبته مكتوب : أبي النواشف وشاهي بريق خخخخخ
حكمة نمبر (4)
يقول "بروانبخ" : الرجل الناجح هو الذي يظل يبحث عن عمل ، بعد أن يجد وظيفة
وتقول "سجنجل" : بلاك والله ما عشت عندنا يابو بخ .. امش وعساك تلقى وظيفة وحدة عشان تدور ثانية .. إلا إن كانك بتبيع ملفات خضر أضمن لك نجاح تجارتك
مير تعالوا .. مرت عليكم وظيفة زي هذي بهالراتب ؟
( الذهب _ احمد الشاطري نشر في أحد المواقع الخاصة بالتوظيف, إعلانا يطلب سعودي للعمل في وظيفة "قهوجي" لأحد الشخصيات الكبرى, دون ذكر الاسم, والإعلان الذي حظي بأكثر من 147334 زيارة عرض راتب 15 ألف ريال قابلة للزيادة.
وكتب في الإعلان أن هناك تأمين صحي وسكن وتوفير المأكل والملبس للموظف بالإضافة إلى العلاوات, وأكد الإعلان على أهمية أن يكون المتقدم سعودي "ألأصل والمنشأ" ولا يتدخل فيما لا يعنيه خلال فترة عمله, وفتح المجال لكل الأعمار بين 18 إلى 50 عاما, مضيفا أن الأولوية للسعوديين العاطلين أو ذوي الدخل المحدود, وأن ساعات العمل يوميا 12 ساعة.
وقد تدوال الإعلان بشكل كبير على صفحات مواقع التواصل الاجتماعي, معتبرين بأنه عرض مغري بوجود التأمين الطبي الشامل , الأمر الذي لا يوجد بوظائف أخرى. )
^
أهم شيء جملة (ولا يتدخل فيما لا يعنيه خلال فترة عمله) واضح إن السالفة فيها إنّ ياقماعة ! :ر95:
حكمة نمبر (5)
يقول "مدري منهو" : إن ما تحصل عليه من دون جهد أو ثمن ليس له قيمة
وتقول "سجنجل" : اقطع واخس .. والله لو يجيك هدية 15 مليون بدون مجهود والله إن ما تردهن خخخخخخ
يجيكم أحلام يقظة مثلنا ؟ وإلا أنتم أحلامكم تقتصر على النوم بس يالطبقة المخملية ؟ (أيقونة تناظر بادل)
من أحلامي في اليقظة أيام المتوسط يوم أخذنا درس عن الركاز :ر66: إني إذا خيمنا بالبر أجلس أحفر وأحفر وأحفر وألقى ركاز ومكتوب عليه (من غضبي على أولادي دفنت أموالي في هذا المكان حتى لا يرثوني وهي حلال على من يجدها) :احمراني:
أمي يختلف شوي سيناريو حلمها .. حلمها إنه يطق الباب واحد وإذا فتحت له يذب عليها خيشة فلوس ويقول : والله إن تاخذينهن وينحاش .. <<< تقول ابيه يحلف عشان ما أقدر أرجعهن واقطع حلفه
<<< ينرحمون :ؤؤ3:
حكمة نمبر (6)
تقول لكم "حكمة روسية" : يطرق بابك بشده من يحمل لك خبرا سعيدا
وتقول سجنجل : ههههههههههههههههههههههههههه
حنا للأسف يقرقع بابنا وإذا رحنا نفتح لقيناه الجيران يبون كورتهم اللي تسطحت على بيتنا :ترآوااا:
همن يقرقع ثانية ونروح نركض اثره أبو الجيران : خلوا الوالد يجي يوخر سيارته تراه صاكّ على سيارتي .. وتلقون الوالد متعني يصكّ عليه من قال له يسد باب بيتنا ؟
همن يقرقع مرة ثالثة ونروح طايرين مين ؟؟
- بقالة حساب 18
- غلطان ما طلبنا
همن يقرقع مرة رابعة اثره ولدنا مكفخ ولد الجيران عشانه امس متسلف منه ريال ولا رجعه ومنحاش يقرقع الباب بيدخل قبل ينرد له الدبغ
همن يقرقع مرة خامسه بس هالمرة محد يروح يفتح كل واحد يقول مهب دوري أنا فتحت قبل شوي ! :765432:
شكراً لتضييع وقتكم بخنبقاتي
وأصلاً لو ما ضيعتوه هنا إيقالكم بتضيعونه بشيء مفيد ؟ :77لل:
الجمعة ديسمبر 09, 2011 2:45 am
