قصيدة شهداء سوريا الابطال

قصيدة لشهداء سوريا الابطال
<BLOCKQUOTE>وَصيّةُ شَهِيْدٍ
زفّي الخبر ....... يُمَّه
والبسي ثوبَ الفرح
زفّي الخبر ........يُمَّه
صدر العدو بأيدي انجرح
زغردي وزيني القبر
بصوتك زلزلي نجوم السِّما
وخلّي بركان الغضبْ ....يطلع من وسْط البحر....
خلّي الجبل يرجف غضبْ......
خلي الأسد ابن الأسد ...يزأر ويهدر رعد.....
ابني شهيد......ابني شهيد..... وكلّي فخر...
***** ***** *****
واصرخي يُمَّه بكل المدى......
الأرض عطشى ........ والورد ذبلان
والنبع مرصود ينتظر قربان......
وابني .....وابني ..... كرمال الوطن
بقلب الأرض............. شريان
لملمي يُمَّه أوراق الشجر...وانثريها عالغصن
لا تعجبي إن شفت الثمر وازهارو صارت حمر
***** ***** *****
يُمَّــــــــــه...........يُمَّـــــــــه
أنا ابنك ....أنا سندك
أنا الصخر بالأرض مزروع
أنا التراب تحت قدمك
أنا قلبك وسط الضلوع
تدري يُمَّه شو شفت؟
تدري يُمَّه شو شفت؟ لمّا عالقبر انزلت؟
شفت فوقي العلم مرفوع
سواعد ترفعوا وجموع
زغردت روحي وسط الكفن.....
وشفت الوطن جنة عدن...........
**** **** ****
وبالآخر:
اعذريني إن طوّلت الغياب
ولو مرَّة هزَّك شوق تشوفيني أنا موجود....
على قمة جبل عالي أنا موجود
على غصن الشجر الأخضر أنا موجود
بالخندق تلاقيني على الحدود
بأيدي شايل رمانة وجسمي عالعدا بارود
و إن ردت بعد أكثر.....
زوري صحرة بلادي....أنا فيها زرعت ورود
زوري كل مرة حامل .....أنا فيها طفل مولود
زوري بيرق النخوة...... بأرض الشام مهد الجدود
تلاقيني أنا فيها أبد مخلود
ضياء الأطرش </BLOCKQUOTE>

مشكوووووووورهه حبيبتي

ربي ينننننننصرنــأآ

وتــ+ــم لكك

العفووو لغلا

» طيف الزههراني تهدي سوريا انشودة رح ترجعي سوريا بصصوتها ححصري *
» حدااااااديا مصريين على ارواح اخواننا(شهداء رفح)
» صور رغودة في نادي الابطال
» رغودة وديومة في نادي الابطال
» نادي الابطال طيور الجنهـــ