ظوآهر تحت مسمى الأنوثةة ><

في هذا الوقت..بدت تطلع لنا ظواهر جديدة وكلها تحت مسمى الأنوثة والدلع والغنج..

وبعضها بدت تؤثر سلباً على حياتنا الإجتماعية..

لما الوحدة “تتفاخر” بأنها ما تعرف تطبخ , وتلقاها تعيد هالموضوع في
الرايحة والجاية وكأنه فخر , ترى هالشئ أبد ما له دخل بالأنوثة
والدلع..وهذا يسمونه رفااااااله..

لما الوحدة تنشر صورة لغرض معين على الفيس بوك, وتصور جزء من جسمها بالغلط
(ولاحظوا بالغلط) سواء كان الشفة وإلا السيقان وإلا اليد والأصابع اللي
غاطتها بالمناكير وإلا رموشها, وكل هذا تحت مسمى الصدفة..هالشئ ما له دخل
بالأنوثة أبد..وهذا الشئ يسمونه مصاخة والبعض يسميه دلع ..!

مو لازم كل البنات يخافون من الحشرات لأن الشئ هذا مو مرتبط بالأنوثة..وما
يذبحني إلا اللي كانوا يطلعون القمل من شعرها وهي صغيرة ويوم كبرت صارت
تصارخ كل ما شافت لها حشرة..

التوفير في قماش العباية , وتفصيل عباية على المقاس , هذا يسمونه مشاركة ما
لا يجب مشاركته مع الغير…وفيها من الصياعة وقلة الأدب الشئ الكثير ولا لها
دخل بالأنوثة أبد أبد..

التفاخر بعدم المقدرة على القيام بمسؤوليات البيت ما له أي دخل بالأنوثة والدلع…إلا له علاقة مباشرة بالخماااااله وقلت الدبرة..

ما هو لازم الوحدة اذا شافت لها مشهور إنها تصارخ وتحط يدها على فمها
وترتمي بحضنه وإلا تدمع عيونها …لأن هذا الشئ له اسم ثاني ما أقدر أقوله :x
 ◦°˚˚

ما هو لازم الوحدة تشرب عصير فراولة..تراه ما يزيد هرمون الأنوثة ولا ينقصه >:/

بقدرة قادر كل البنات كان عندهم باربي وهم صغار..يعني وش فيها إذا قلتي
لخوياتك أنك كنتي تلعبين مع ”سخلة” وأنتي صغيرة…أبد ما شفنا هايدي تنكرت من
عنزها B)

لما الوحدة تقول بابي ومامي , خلاص بتصير شقراء وعيونها بتصير زرق مثلاً ؟ وش فيها لما الوحدة تقول يبه ويمه !


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

>>>>>>>>>>>>>>>>>>>>>


سؤالي هو ايش رأيك يا حواء بهذي الضواهر ؟ وهل انتي فيك وحده منهم ؟ وهل تفتخري فيها اذا كانت فيك ؟

بليز بدون زعل ونبي اجوبة بصراحة