انا ادري انـج من اعـمـاقج تـحبيني
................... وانا ادري اني غلاج اللي تـمنينه
هذا مكانـج مسيطر مثرن فيـنـي
................... في وسط قلبن لـج الله ما تـخونينه
شوفي . غلاتـج على دربي تـخاويني
................... وسـلـمـان لـولا غلاتـج ما دمعة عينه
من يـوم رحـتي وطيـفـج ما يـخليني
................... فـي كـل يـوم يـجي و يروح من حيـنه
في قربـج العام كانت تضحك سنيني
................... ولـيـل الشـتا كـم يـسـريـج و تسـريـنـه
والـيوم حالـت مسـافـه بينـج و بـيني
................... مـالـي جـدا غـير حـلـمٍ ولا تــزوريــنــه
واصبـحت متغرب و ضـايع و مسكيني
................... وانـتي بـعـد مـن ظــروف الوقت مسكينه
يـ روح روحي يـ عـمري يـ نظر عيني
................... يـــ زارع قــلــبــي وجــنـــتـــه و بــســاتــيــنــه
تكفـين عندي طلب وابيـج ترضيني
................... لا يــنــكــسر خـاطــرج لا شفـتي أزيـنـه
وابـي بعد منـج لامنـج ذكـرتيـنـي
................... مـا تنـزف أجـروح قـلبـج مـن شـرايـينه
وأخـر طـلب كل ماقولـه يبكيـني
................... ( اكبـر عيـالـج عـلـى أسـمي لا تسـميـنه )
يـمكن مـع الـوقت والأيام تنسيني
................... و يـمـكـن ( حليلج ) من أظروفه تـحبينه
مـاني مـعزيـج وانتي لا تـعزيـنـي
................... و الــحــب لا صــار مــيــت لا تــعــزيــنـــه
عـقـبـج ترا مالقيت اللي يسليني
................... و انـتـي بـعـد مـن يـســليــج و تـسـلـيـنـه
وان مـا قويتي فراقي ربـج يـعيني
................... و أن ساء وقـتـج فـ سـوي مـا تسـوينـه
يـ وقت لا نـمت تكفى لا تصـحيني
................... خـلـنـي علـى نـومـتـي و الـنوم يـ زيـنــه
مـدام صرتي من اعـمـاقج تـحبيني
................... سـلـمـان و شـلون يـصـبر بـاقـي أسـنينه
الأربعاء نوفمبر 16, 2011 12:12 am
![٭ ﻓ̲ﻟ̲̌ﺳ̶̶̭̲͠ﻓ̲ﮬ̲̌ﮧ̲ ٭ ]«](https://2img.net/u/2515/47/93/97/avatars/14181-21.jpg)
