قصة سندريلا بالحضرمي
سندريلا بنيه جويده ما احد كماها ومرت ابوها مسعده لها شله
وخواتها علويه وخديجه
كل شي فوق كور سندريلا
تحش تحت الغنم وتلقي الضحى وتخبز في التنور وتلقي القضوض
ذيك الليله ام الامير لقت معقد اخبرت فيه كل اهل حضرموت
حتى يجيبون عروس زينه لولدها
فرحت سندريلا وقالت اني بغيت اهب معاكم لما المعقد
قالت خالتها: كذا بتيج هناك عاد الا الخدم بايسرن المقاعد
وسرت هي وبناتها وخلت سندريلا تبكي
يات لها ام يسلم وقالت تعالي يابتي اني بعطيش ذا الدرع وذا المقنع
وبتقعين الا حياة الحيييه
كنش ذهني الساعه 12 تريعين لما الدار حتى مرت ابوش وبناتها
مايشوفونش وينقرن اذونش
هبت سندريلا وشافت الخلق واشترحت هي والامير
وغرمت به
وقالت امه هومن ذي البنيه الزينه
ودقت الساعه 12
وفزعت سندريلا وخبت خبت
والامير قفاها يسعى ويخب
وسقطت حذيتها من رجلها وتعب الامير وهو يخب قفاها
وما عرف من هي ولا بنت من
ماشي الا الحذيه وريع وهو مشتحن وزعلان
قالت امه وذحين ايه بانلقى
قال ماشي بانشوف هومن تجىء في رجلها الحذيه باعرس عليها
وسمعت سندريلا بالخبر
وسرت لما دار الامير وقالت ذي حذيتي وماحد بايقيسها الا انا
ويوم قاستها مادخلت الحذيه يوم رجلها مورمه من الشرح والخبة اللي لاقته في الحفل
قال الامير هاتي الحذيه كان وجهش ذا هو الويه الزين اللي شفته
غرمت سندريلا وشلت الحذيه من الامير وصقعته في كوره
وقال الدم طريز طريز
ورجعت سندريلا عند غنمها والامير سافر اندونيسيا وعرس على بنت عمه
ولقت له القدو قادو والكرمبو
وجاب له دغش عويلة مغاريم
وسندريلا عرست على يسلم
ونزلت السعوديه وماحد كماها
تلقي باخمري وتبيعه في سوق الكندره
وابي ردود وتقاييم++
الأحد أكتوبر 16, 2011 6:15 am
