مش رجولة منــــــــــــــــك!!!!
مش رجولة منك تعاكس واحدة ف الشارع (أياً كان لبسها) لمجرد أنها لوحدها
مش رجولة منك انك تبتسم ف وش زميلتك لحد ما يجيلك شد عضلي ف وشك وترجع البيت متحاولش تبص ف وش أمك أو أبوك أو حتى تكلمهم
رجولة منك تسقّط البنطلون . مش
مش رجولة منك انك تفضل ماسك السجاره طول اليوم وأنت لسه بتاخد مصروف من أبوك.
مش رجوله لما تبقي عارف انك غلطان وبتكابر لمجرد انك مش عايز تقول اني غلطان
مش رجوله انك تكدب علي حد لمجرد انك تضحك او تتريق وتستخف بعقل الناس ع الفاضى
- مش رجوله لما تضرب واحد اصغر منك في الجسم مع انك هتبقي كتكوت لو هو اكبر منك حبتين
-مش رجولة منك لما تكون قاعد ف مواصلة وتلاقي راجل كبير مش قادر يقف ومتقوملوش.... وتكبر
-ومش رجولة خالص انك تكون ف نفس المواصلة وتشوف بنت أو ست كبيرة الناس عمالة تعدي من جنبها وتخبط فيها وأنت قاعد
مش رجولة أبدا انك توعد و تلعب بقلب دى و دى تحت شعار الحب وأنت أصلا
بتتسلى وناسي ان بنات الناس مش لعبه حتى لو هم اللى غلاطنين ...
الرجولة كلمة ومعنى وأساس شخصيه ف كل فعل أو عمل ف الدنيا مش مجرد كلمـــــــــة
الجمعة سبتمبر 09, 2011 3:42 pm
