روايتي الي كنتوا منتظرينها : سأبتعد عنك..

"الباب الأول "
"الفصل الثالث "
كانت مريم تطلع الدرج بسرعه وراها العيال وورا العيال البنات
" عند سمر "
سمر مايعلم بحالها غير الله كانت في اشد حالات خوفها اما اللي قدامها ماغير واقف ومبتسم .... الغرفة كانت صمت مافي غير
صوت شهقات سمر
قالت سمر وهي منحشرة في الزاوية وميته خوف : أنت مين ؟ وأيش تبي مني ؟
.....: ...... ( ساكت ماتكلم ) بس كان كل ما تكلمت سمر كلمة قدم هو خطوة لين وصل عندها
هينا صارخت سمر بأعلى صوتها لدرجة أن اللي قدامها تفاجأ منها وهي بدون وعي منها ركضت بأسرع ما عندها لباب وطلعت من الغرفة وراحت تركض في الممر الكبير
اللي يوصل لدرج ... نزلت الدرج بسرعه وهي نازله صقعت بحمد اللي كان طالع لفوق وتمسكت فيه وهي مغمضه ومو داريه ان اللي تمسسكت فيه هو حمد وقالت :
الله يخليك الله يخليك خله يرووح عني قسم بالله ميته خووف
حمد استغرب مين هذي الأخت
فتحت سمر عيونها واستوعبت انها متمسكة بواحد غريب ، وخرت عنه بسرعه من الخوف مانتبهت لوجهه انه حمد وحاولت تدور كلمات تقطع فيها الصمت بس من الفشيلة
ما قدرت قالت : أأأأ... أأ ( قالت بينها وبين نفسها أنا ايش اللي خلاني اطلع من الغرفة ابو عيون حمر كان اهون لي من هالفشيلة )
قطع عليهم الصمت صوت مريم وهي تقول وششكلها خايفه ع سمر: سمر
سمر بغباء : نعم
مريم بخووف: وش السالفة
سكتت سمر ولا قالت ولا كلمة بس كانت تطالع في مريم يعني خلينا نطلع من هينا
مسكت مريم يد سمر ومشن طالعات برا للحديقة ووراهن البنات
" في الحديقة الساعة 2 ونص "
كانت سمر قاعدة تقول للبنات وش صار معها وهي متحمسسه مو كأنها اللي كانت توها تبكي وتترجى حمد
سمر : يمه يمه منه يخوف هو وعيونه الحمر لا ويبتسم حضرته
غادة : هههههههه ياليتني شفت شكلك اكيد كان تحفه
سمر : بس والله عندي اقعد عنده ولا انحط بموقف مثل هذاك
سهى : لا تقولي يوم انك متمسكة بحمد
غطت سمر وجهها بيدينها وقالت : لالا لا تذكريني ياويلي يالفشيلة
شيخة : مريم والله اعجبتني نضرتك لتركي يوم كسرتي قفل الباب
مريم وهي نافخه ريشها ع المديح : احسن خليه يتأدب لما يتكلم مع وحدة تلعب كاراتيه
غادة مسويه انها معصبه بس تتكلم جد : وجع لا تتكلمي على اخوي زي كذا ترا ما ارضى
مريم : لا يا شيخة
ندى وكأنها توها تذكرت شي: بنات ..
الكل سكت يبي يسمع وش تقول ندى
اشواق : ايش
ندى وهي تعدل جلستها وتقول بصوت واطي يخووف: ابقول لكم شيء
نورة وهي خايفه من سالفة هذا اللي طلع لسمر : وشو ترا خرعتينا وأنا خلقه منخرعه
ندى وهي ترفع يدها لشعرها تعدله زين : اسمعوا جدتي الله يرحمها قالت لي قبل ما تموت ان القصر مسسكون بسم الله علينا
البنات كلهن مع بعض : مسسسسسسكووووووون
ندى بجديه وهدوء مو غريب عليها : ايووه مسكون بس هم يطلعوا بعد الساعة وحده يعني اللي طلع لسمر ...
وتكمل بصوت يخووف جني
مريم انخرعت : ايششش .. طب طيب ليه الخدم وجدي ما لاحظوا
وتبلع ريقها وتكمل : يعني مالاحظوا
ندى بهدوء : حتى انا لما قالت لي جدتي سألتها السؤال نفسه فقالت لي ان جدي كان ينام بدري وما كان فيه غير شغاله وحده وإذا خلصت شغل نامت أما جدتي وقتها ماتحب النوم بدري فكانت
تسمع اصوات تكسر مواعين و أحد يمشي عندهم في الغرفه
مريم بخووف: طيب ما قالت لجدي ؟
ندى : إلا قالت له بس جدي كان يقول لها انها تتوهم فعشان كذا ما انصحكم تدخلوا القصر وخلونا ننام هينا لأني بصراحه خوافة
شيخة وتمسك جوالها بقووه من الخووف: وبلاش سهرات بعد اليوم
سهى : وكيف ننام بدون غطا والدنيا داخله على شتاء
اشواق وكأنها حلت قضيه صعبه : أنا عندي فكرة احسن خلونا نكمل السهر لين يأذن الفجر وبعدين نصلي وإذا اشرقت الشمس نروح ننام
نورة : طيب شلون نوضي يالفالحة
اشواق وهي تبتسم : من الملحق اللي برا بعد ما يروحوا العيال للمسجد
غادة بعد ما ارتحات من الخووف: والله أنها فكرة حلوة
قعدوا البنات سوالف وضحك ولا كأن شيء صار أما العيال الباقيين رجعوا من البر وحطوا روسهم وناموا من التعب
"على صلاة الفجر "
غادة قامت توقف : اذن الفجر
شيخة : ايوه خلونا نستنى لما يطلعوا
وجلسوا البنات يستنوا ويستنوا .. اقاموا الصلاة وهم لسع ما طلعوا
غاده وهي تعبت من الوقوف : وجع تعبت وأنا واقفه استناهم يطلعوا
اشواق وهي طفشانه : حشى يا خي كله وضي والبس ثوب واطلع ما هو اختراع ذره ترا
سمر : على طاري الثوب احنا وش نصلي فيه
غادة : اي والله شلون نصلي بدون شرشف صلاة
شيخة : في المخزن اللي ورا الملحق فيه شراشف
مريم : بس مو مسكر ؟
شيخة : لا ما اتوقع انه مقفل بعدين حتى لو مقفل اكسريه لنا الله لا يهينك
مريم : لا والله رجلي توجعني اصلاً واحسها تكسرت
نورة قامت : خلونا نروح نشوف احسن
روان : يله
مشن البنات بهدوء اللي يشوفهن يقول هذولي حرميه .. لما وصلن عند الملحق شافن لمباته مولعه
منى : بنات شكلهم بيطلعوا الحين
روان : الله يستر
كملن بس هذي المره ركض لين وصلوا للمخزن فتحوه ودخلوا
شيخة تخبط في الجدران : بنات ايش الظلما هذي
روان : ولعوا ولعوا النور
غادة : لا لحد يولع النور بعدين يجوا يحسبوا فيه شيء خلونا نور بجوالاتنا احسن
سهى مولعه جوالها عشان تشوف : لقيت شراشف هينا
روان : كم واحد؟
سهى قامت تعد : فيه اربع
قالت روان وهي تطالع من الشباك : بنات بنات العيال طلعوا
ندى : يله اجل امشوا نروح نوضي قبل ما يخلصوا صلاة
كانن البنات واقفات عند الشباك يستنن االسيارات تحرك ولما حركت السيارات انطلقن بسرعة للملحق
دخلن الملحق وانخرعن من الحوسة اللي فيه
شيخة منقرفه : وع وش ذا القرف
مريم وماسكه شعرها كأنها منصدمه : يمه منهم ما سار لهم يوم قاعدين وشوفي الحوسة اللي مسوينها
ندى : ضميري راح يؤنبني إذا طلعنا من هينا وما رتبنا الحوسه
اشواق تلف بسرعه لندى وكأن ندى قالت مصيبه : صاحيه انتِ هذي الحوسة يبي لها يوم كامل مو عشر دقايق
غادة بعجله : اقول انتِ وياها بيخلصوا صلاة واحنا ما صلينا
وراحن وضن واول اربعة صلن هم غادة وسهى ومنى وروان واللي بعدهم ندى وسمر ونورة ومريم ... بعد ما خلصوا باقي بس اشواق وشيخة اخذت كل وحده فيهن شرشف وجلست تصلي
اما الباقي قعدوا يرتبوا الملحق
مريم ماسكه انفه : بنات وش الريحة هذي
غادة خلاص بصلتها احترقت مستعجله : اقول بس رتبي وانتِ ساكته أنا ما اشم شيء
روان : صدق انف مريم حساس يلقط الريحة عن بعد
بعد ما خلصت روان جملتها سمعت صوت الامام يسلم
قالت بسرعة : سلموا سلموا بسرعة خلونا نطلع
( طبعا هذا كله صار واشواق وشيخة يصلن )
خلصت شيخة الصلاة قبل اشواق فقررت انها تستناها عشان ما تدعي عليها المسكينه وهي تصلي .. لما خلصت اشواق صلاة في نفس الوقت جو
العيال لأن المسجد مو بعيد
اما شيخة من شافت اشواق سلمت راحت تركض بسرعة ولحقتها اشواق
وكلهن يركضن وعليهن شرشف الصلاة اللي يشوفهن يقول هذولي اشباح طالعة من المقابر حقتها
شيخة كانت متقدمة على اشواق واشواق تقول لها :
يا ملاك استنيني شوي
شيخة : لا والله بايعة عمري أنـ ...
ما امداها تكمل الكلمة إلا هي داعسه على طرف شرشرفها وطايحه على وجهها عند رجول واحد من الشباب او بالمعنى الصحيح عند رجول الشباب مو بس واحد منهم
اما اشواق من شافت المنظر تصرعت ضحك على شيخة المنسدحة عندهم .. المسكينة شيخة مالقت لها صرفة من الفشيلة فقامت
وقعدت تنفض الشرشف ومشت بكل هدوء ووقار ولا كأن شيء صار لها واشواق يا حرام ميتة ضحك عليها هي وتصريفتها المحترمه
جت شيخه عند اشواق ومسكتها من يدها وسحبتها وهي تسب وتلعن بصووت واطي واشواق مسكينه باقي تضحك
" نهاية الفصل الثالث من الباب الاول "