ياسلام موت ضحك

لسلام عليكم ورحمة اللو وبركاتة
كيفكم
انا ناقل قصص مضحكة اخليكم
يامن سأل عن حالي
الحب غربلني و غير أحوالي
من شفتٌها و نيّت وقلبي نادني
يا مدمن..يا هو.. تعال على شاني؟
أرخيت له أذني وقلت هاه(عاني)
قال العذاب اليوم وبكره تنساني
هلأبيات كتبتها و إنا جالس(ن) على طرف دريشتي المتكسمرة واللي جالس كل يوم أطّل منها على بيضتين لحمامة تروح و تجي في اليوم ثلاث مرات عشان تطمن على حال أطفالها..!
و كل ما شفت هالبيضتين.. تذكرت أمي يوم أنها تحمل بأخوي الصغير وكل يوم تطق على رأس بطنها وتقول"بكرة تطلع على وشّ الدنيا و تشوف أخوك المملوح!"
يا ليتني بيضة و أشوف بابه.. و ياليتني حزمة في ظهر عوده!
دريشتنا مطلة مباشرة على باب "دحيم" .. ودحيم هذا مرته"سوير" وسوير هذي تعلق قلبي فيها من يومي صغير و أنا أردد (سلامات يا نعذب قلوب الأحبة.. أنت الهوى البارح و أنا صديق اليوم!)
على طاري خربشاتي هذي.. أحس أني اليوم مستلج حبتين و نص.. وكل هالكلام المذكور "آنفا" و الداشر"مستقبلاً" و المستحيل"حالياً" كتبته في غمضة عين يوم اني شفت سوير تنزل من سيارة دحيم العراوي.. كانت راكبة ورى لأنه عيب عندنا في الديرة أن الحرمة تركب قدام .. لزوم تركب ورى.. وزوجها يتلطم.. عادات ما أنزل الله بها من سلطان!!
المهم يوم أنها نزلت إلا وتنزل معها كيســ(ن) كبير و غرشتين "تيم" .. وهو عاد شايلن معه شبك حمام لأنه رايح للسوق العصر..!
ويوم إني شفت ذاك المنظر....(نكمل بعد الردود)(لزوم 15 رد يجوز من عضوا واحد بس الردود تكون مختلفة)

ض1 شششششششكرااااااااااااا

<<<مافهمت شي :اضحكـ:

العفو حياك
طبعا هاذي منقولا وهو لمدمن شاهي وانشاء اللة انزل من كتابات الاخ مدمن شاهي ترى القصصة حققية

اههها يعطييييييتس الف عااافيه يااارب

م‘ــآآآ فهممــت ششـي

يعططططيك العافييية

ادري مافهمتم شي اللة يعافكم
هاذي وحده من كتاباته
حيّاكم ياهل المنتدى .. أعضاء وعضوات .. عاطلين وعاطلات << تفكيري كذا .. لأن مستقبلي رايح فيها !

كل عام وانتم بخــير .. ويارب يقبل منّا ومنكم أجمعين

العيد .. عباده .. فرحه .. أُنس .. استبشار .. أُلفه .. إخاء .. مجال واسع لأن الواحد يصير مقرش من هالعطايا من الشياب والعجز - الله لايخلينا - !

سبحان الله .. البارح كنّا نقول ( الشهر عليكم مبارك ) واليوم صرنا نقول ( العيد عليكم مبارك ) .. الفرق بين الكلمتين بسيط [ الشهر - العيد ] .. وفي غمضة عين طلعنا من الشهر للعيد .. نقولها بِسُرعة كسُرعة تصرُّم أيامِها ..

آآآآآه .. يازين رمضان .. مرّ مرور الكِرام .. ويارب نصير على قدر " ردّ " تِلك المكرُمات الإلهيه ؟

عندنا في الديــــــــــره .. العيد " غير " .. ابتدأناه برسايل الجوّال والمعايده السريعه ... ومازلنا نسير في " مسيرة " الفرحه بِه والإبتهاج بِأُنسِه !

أحنا في الديــره .. مانعرف من العيد إلا " صفاء القلوب " .. يعني حركات ( فعاليات العيد ) مانعرفها إلا عن طريق " حتسي هالعالم " ... الناس كلّها تتكلم عن ( الفعاليات ) .. واحنا فعاليتنا ( زيارة الأرحام والأقارب ) و ( تفقيع الشروخه تحت نخل بن هبّاس الكفيف ) !

خلوني أقولكم على عُجاله وبشكل سريع .. مثل سرعة " دقايق الإتصال عن طريق الجوّال " بعض ( الهبشات ) في يوم عيدي الأوّل ...

كل سنه أسوي طريقه وهي أني أقوم صباح اليوم اللي يسبق يوم العيد <<< حلوّها ياجماعه ؟ .. المهم أني أقوم الصباح عشان يجي الليل وارقد بدري .. سويتها السنه هذي .. وكل " أحلامي " كانت عن الغترة البيضا والعقال المايل .. حتى أني أرتعت لأني حلّمت أني " كبيّت " دلّة القهوه على رجل واحدن من الضيوف وقام وشوّتني في زاوية المجلس !

المهم .. ويوم أذّن الفجر .. قمت واغتسلت واستعديت للصلاة .. لبست الثوب المتنيّل بسبعين نيله ، وخرمت " الكبك " ولبست الغتره ثم الطاقيه - قصدي الطاقيه ثم الغتره - وطقيّت العقال وميّلته - تماشياً مع الموضه التاليه - ولبست " نعول " جايتني هديه من واحدن عزيز وغالي وأحبه موت أكثر من سالم ... بعدها صار شكلي " شي خطير " .. ماينقصني إلا برنامج " أكشن " عشان ياخذ لي أحلى لقطة لأكشخ شاب بالعيد السعيد !

تقهويت مع الوالده وطقم أخواني وخواتي .. واخذنا لنا كم تمره - وِتراً - ثم زرقنا للمُصلى ( للعلم أنا من الناس اللي ما أحسّ بطعم العيد إلا في مصليات العيد ذات السرحة .. يعني الجوامع المُغلقه ماتمشي مع ذوقي القروي ) !

صليّنا .. وخطب بنا الخطيب خُطبه عصماء .. وَجِلت مِنها القلوب ودمعت لها الأعيُنْ .. تقطّع قلبي وبتسيت لين قلت " بس " .. حرام عليك ياخطينا .. خليتني أهلّ الدمعه غصب !

يوم صليّت سلمت على كم واحد من الجماعه .. وبالصدفه شفت " دحيّم " حاولت أصدّ عنه واخرفش في جوّالي ... لكنه " نصاني " .. وقال ( كل عام وانت بخير مُدمن .. بشّرني عساك تزوّجت ! ) .. عطيته نصف عين - حسوفه أعطيه عين كامله - ورديت عليه ( اللهم أني صائم ) ! .. ماصمت .. بس من زود القهر ماعرفت أحتسي !

يوم بغيت أركب السياره إلا واشوف ( شَلَبي ) عامل مزرعة ( أبو عبيله المرتبش ) .. سلّم علي .. وضحك في وجهي .. وقال أبشرك مُدمن : دنا اليوم مبسوط .. قوزتي فتحيه اليوم وِلدت .. وسميت وِلدي" عيـد " ويارب يكون طول عمرو سعيد وشاب كويس وفلّاح أدّ الدُنيا !

فرحت لفرحه وبشّرته بالخير أدامه مولود في هاليوم المبارك .. ودعيت لولده أنه يكون أحلى صعيدي بالدنيا ويدخل " موسوعة جنيس " في أفضل فلّاحه قرويه ويقدر " يخَرِفْ " ثلاث نخلات بسبع دقايق !

بعدها توجّهت مُباشرة لبيتنا " المكركب " وبدينا باستقبال الوفود << أمش ياخادم الحرمين !

حالياً أنا أكتب لكم هالموضوع .. وقدّامي " قحشة " حلويات العيد .. الكل مشارك في عطايا العيد الحلوه .. حلويات .. دراهم .. شروخه وألعاب ناريه .. الأشكال مُتفرّقه .. ولكن الجامع لها ( فرحة عيد ) أمرنا المصطفى عليه الصلاة والسلام بالفرح في يومه والإبتهاج به بالشكل المعقول والمُحترم من دون إيذاء أو انتهاك لحقوق الغير .. !

أكيد بتسألوني وش قصّتك اليوم .. عيدك عيدين .. ليه يابوي ؟

وراح أقول لكم .. أن عيدي الأول ( عيد الفطر ) .. وعيدي الثاني راح يكون ذاك ( المولود الصغير : عيد المصري ) .. فَبِفَرح الأب ( شَلَبي ) سأفرح .. وبِغُربتِهِ سأُحِسّ .. وبابتسامته سأبتسم .. وربي يردّك ياشلبي لأهلك وزوجك وطفلك الجميل وأنت في أتمّ صحّة وعافيه .. آمين

:: مدمن شاهي ::

السلام عليكم هاذي احد القصص نونة احلى بنوتة قالت احطها ليكم اتمنى تعجبكم

حيّالله الغالين كلّهم .. وكل عام وانتم بخير وصحّه وعافيه

أخباركم .. وأخبار رمضان معكم .. ؟
الله يتقبّل من الجميع !

الثلاثة الأيام الماضيه انقطعت " جبراً " عن النت .. لسفري للخارج .. رحت للإمارات الحبيبه وجلست فيها ثلاثة أيام بلياليها .. وكلمة حق أقولها .. أهلها رجال ويبيّضون الوجه .. !

عدّة نقاط أحب أبينها على غِرارهالموضوع المتفركش ... !

أولاً : هالموضوع خاص بالحريم والبنات فقط .. يعني أي شنب أو تمساح يدخل .. يحاول يشرفنا آلحين بطلوعه مع الباب .. لأن " الطبخ والنفخ " مهوب له .. التمساح والشنب حدّه موتر يزبرقه ويلمّع كفراته ليل ونهار ... أنا داري أن كلامي هذا آلحين قاعد يقراه " شاب " يبي يشوف وش ورى المُدمن ومطبخه الزهري .. بس أنا أكرر له مره ثانيه وأقول ( يا أخ .. يا أنت ... يابو ... أطلع الله لايهينك .. رح أمسك لك مصحف واقرا لك كم آيه أبرك لك .. مالك ومال " البرياني " و " السمك المحشي بالخلطه " .. شرّفنا برّا ياحلو ) !

سادساً : الموضوع " هاد " يصلح لجميع فئات الحريم .. بنات .. عزبات .. متزوّجات .. عانسات ... مُطلّقات .. حتى المُعقات .. من باب الفرح بجهودهم في المطبخ !

رابعاً : أنصح أختي اللي تبي تطبخ أنها تستغل وقتها " وتشتري " لها مسجّل أبو سماعات كبار ( كبر أذاني دحيّم ) تشتريه لها وتركزه في المطبخ وتشغّل المسجّل على محاضرة حلوه ومفيدة .. وتجمع مابين الفائدة .. وفي نفس الوقت " تحرق طبختها " !

أختي الكريمه .. يالله آلحين شديّ حيلك .. أدخلي المطبخ .. جمّعي أغراضك .. سكاكين .. ملاعق .. قدور .. صياني .. شغّلي الفرن .. شغّلي الهواية عشان ماتنكتمين .. أستعيني بالله ..

اليوم طبختنا بتكون من الأطباق الرئيسيه ..

يعني طبخة دسمه وماتُخرّش " الميّه " ..

اليوم بتكون الطبخه عباره عن ( مكرونه بقشطة الخفق )

المقادير /

علبة مكرونه + علبة ذره + قشطة الخفق + 3 حبّــــــات جزر مبشور+ كيس جبن موزريلا + 3 ملاعق زيت زيتون + دجاج مقطع مكعبات صغيره + بصل مفروم + ملح ( على كيفكم مهوب إجباري ) .

طريق تصيلح الطبخه المتفركشه تفركش أنما إيه /

أوّل شي نسلق المكرونه مضبوط ، ثم نحط عليها زيت الزيتون ، نخليّها شوي .. ثم نحط البصل والدجاج .. وتقعدين تقلبين فيه شوي وتحركين بهدوء ( أركدي يابنت .. شوي شوي عشان تطلع الطبخه مضبوطه ) .. ثم تحطين بعدها الذُره والجزر والملح .. وتتركينها لين تشوفينها بدت تنضج وتزين .. بعدها تحطين خليط الدجاج على المكرونه وتضيفين عليها قشطة الخفق .. وتخلطينها مضبوط .. وتحطينها في صينية وترشين فوقها " جبنة الموزريلا " .. ثم تدخّلينها في الفرن لين تذوووووب الجبنه ..

ثم عاد تطلّعين الطبخه من الفرن .. وتقدمينها للاهل أو الزوج أو العيال أو الزميلات والصديقات .. أو تبيعينها كطبق خيري في دار تحفيظ .. ولاتنسين النص بالنص !
اليوم طبختنا كانت رئيسية والحلقه الثانيه بتكون صنف " حلى " .. والحلقه الأخيره بتكون صنف " عصير ومشروب بارد " ..

أجل أذكر أختي راعية الطبخ أنه تحتسب الأجر عند الله في طبخها .. لأنها تقوم على شؤون الغير وتؤدي خِدمه جليله مُباركه ...

بالنسبة لاخواننا التماسيح والشنبات بشتى أشكالهم وأصنافهم ومؤهلاتهم " الجامعيه " .. تراي مانسيتكم .. بيجي اليوم اللي أعلّمكم وش لون تطبخون في البر .. من أوّل طبخه لآخر طبخه .. بس فكوّني من شرّكم وخلوني أكتب مواضيع هالشبّاصات الزهريه اللي يزدهر سوقهم في رمضان وترتفع نسبة الطلب عليهم !

أسعد الله مسائكم .. وبالهنا والشفا .. وجعلكم ماتغصّون

أخوكم الشيف " مدمن شاهي"

انشاء اللة كل يوم قصة

يسلموؤ
اللهـ يعطيكيـ العافيهـ

اللهـ يعطيكيـ العافيهـ
شكرا حياك باكر فيها يانا انزله يا ملكة الوداع