<BLOCKQUOTE class="postcontent restore ">
وعجبي
تعبت من طول السفر وم الترحال
وكل يوم بيمر تتغير بليله أحوال
ولما جيت حيكم نام الجسد في الحال
ومشيت علي دارك رميت عليه الأحمال
ومن ضفاير شعرك غزلت أنا الموال
وقلت فيكِ الشعر وأجمل كلام يتقال
يام العيون السود والخصر لما مال
التقل فيكِ خفه ولا دلع ودلال
وعجبي
الحلو ليه تقلان وزعلان كده مني
لا رد عليه سلام ولا عايز يكلمني
خايف يكون الحلو يا ناس مخاصمني
أو سايق عليا الدلال وعايز يجنني
يابت كفايه دلع دلعك هيقتلني
وعجبي
يابت يام الخصله نازله علي خدك
وماشيه تتدلعي محلا جمال قدك
خصرك ده ولا عود مال ومين ادك
تسلم ايدين العسل اللي روا شهدك
كنت بحب الحلو وكرهته من بعدك
بعد حلاوتك انتي في حلو غير عندك
وعجبي
شعرك ده ولا ليل نايم علي ضهرك
والخطوه زي غزاله ماشيه علي مهلك
وكل خطوه تدوسي الأرض تشتاقلك
يتمايل معاكِ الخصر والقلب يندهلك
ممكن يا حلوه تقولي منين طريق أهلك
وعجبي
منقووووووول</BLOCKQUOTE>
الثلاثاء يوليو 26, 2011 1:49 pm
