من وأقـــ‘َعـع آلح ــيأإـةة .!

السلام عليكم ورحمة الله وبركاته

اخواني اسمحوا لي ان اقص عليكم قصه او موقف صار مع احدى الاخوات

قبل يومين اتصلت علي وحده ماعرفها وقالت لي انتي ----قلت اي نعم امري
قالت انا تعبانه حدي وجلست تبكي ووالله انها حزنتني لدرجة اني مو قادرة وش اقول لها
سكتت شوي وخليتها تفيض اللي بنفسها من البكا
قلت تعوذي من الشيطان وسم بالله وقولي لي من انتي
قالت انا---من طرف الاستاذه-----بمدرسة ----

قلت هلا وغلا حياكـ الله خير عسى ماشر شفيك وليش كل هالبكا

قالت تخيلي اني ماصلي الانا در جدا مع اني من عايله حريصه ومحافظه جدا

ربي عطاني الصحه والخير والاستقرار وفوق هذا لاهيه
اسمع ابوي يصحى اخواني وزوجاتهم الفجر ولاكاني مسلمه ولامنهم

احس اني ناقصه ومع هذا ماجاهد نفسي مع اني افكر كثير بحالي

واحاول بس ماقدرة

وتخيلي اليوم سمعت جدي يكلم اخوي وكلامه اثر فيني لدرجة اني اختنقة وبكيت وكان لي سنين مابكيت
وبعد البكا حسيت براحه

قلت طيب وش قال جدك الله يحفظه
قالت

يقول لاخوي

يا ---قوم صل لايطيح البيت علينا بسببك
خاف ربك
لاتموت على فراشك

والله لو يجيك الموت ويغولك لتقول ربي ارجعوني
قم صل قبل يصلى عليك

موت الغفله كثر
والموت مايعرف لاكبير ولاصغير ولايستاذنك

قم خاف ربك والا اطلع لاشوفك بالبيت يالفاجر

انا اسمعه وخفت خوف عمري ماحسيته

جتني رجفه واختنقة حسيت الهوى مايطلع لاشهيق ولازفير

مت الف مره طار النوم

توضيت وصليت واحسني ماسويت شي
لان عمري ضاع نصفه وانا بعيده عن ربي
قلت الله يتتملك الهدايه
طيب امري وش بغيتي اساعدك فيه وانا من عيوني

قالت تكفين كل وقت صلاة دقي على وقولي صلي

ابي احد يحثني ويرشدني

ابي احد يقف جنبي ويكون معي في الطريق الصح

استمرت بالحديث حتى حسيت انها ارتاحت وطمنتها وقلت انا معك ان شالله

القصه كلها عشان اقول
شوفو كيف خرجت تلك الكلمات من قلب ذلك الجد لتصل الى ان تهدي انسان
سبحان الله

كلمات صداها يصل عنان السما حتى يستوطن القلوب الحيه

حفظ الله ذلك الجد وثبت تلك الفتاة ويسر لي امر الوقوف بجوارها
يااارب

فقط دعواتكم لي بان يحفظني الله وييسر امر مساعدتي لاخواتي

=ان اصبت فمن الله وان اخطات فمن نفسي والشيطان

منواقع حياتي وبقلمي

تقبلــو تحيأتي : آلزعـيمهـه ... غـدو

يسلمووووو
اللهـ يعطيكيـ العافيهـ