مواقف رماضنية

آهلين شباب وصبايا
كيفكووووون
و شو أخباركون

أولا أحب أقول لكم

مبروك الشهر تعبت
وكل سنة وانتم طيبين
والله يعيده علينا وعليكم بالخير والمسرات
والله يعيننا فيه على الطاعة انشالله

وبها المناسبة أحب أشكر كل اللي سألو عني في الفترة الماضية سواء
أيميلياً
أو
ماسنجرياً
أو
تلفونياً
أو
بيجرياً >>> قدييم كح كح كح كح غباااااار


وأقول لهم ألف شكر على اهتمامكم

وبمناسبة دخول الشهر الفضيل
أحب أذكر بعض قصص الشباب اللي حصلت لهم في صغرهم
في شهر رمضان
واحد من الشباب اسمه سعود ويدلعونه مصطفى كان عمره 9 سنين وكان أبوه من النوع الشديد
وكان يغصبه يروح يصلي معه صلاة القيام
وتعرفون إن السنة في صلاة القيام إن الإمام يطول في الركوع والسجود
المهم حبيبنا سعود اللي يدلعونه مصطفى
كان في طرف الصف وأبوه جنبه
وسعود دايخ ومليان نوم
وكل شوي يغفي وهو واقف وأبوه يقبصه
(يمهصه عند أهل شقراء)0
( يقرصه عند أهل الحجاز)0
المهم سجد الإمام السجدة الأولى
وأبو سعود الله العالم انه أحدث وسحب نفسه من الصف
وسعود سجد وهي السجدة
سحبها نومه وهو ساجد
فتخيلو الموقف
الولد نايم وهو ساجد ولا جنبه احد يصحيه
خلصت الركعة الأولى وبدو بالثانية والحبيب في سابع نومه ساجد
هنا رجع أبو سعود للمسجد ويلقى ولده سعود للحين ساجد والإمام راكع الركعة الثانية
وهنا أستل أبا سعود عقاله
وأخذ يلوح به
ويوموسط به ظهر سعود ( كلمة يوموسط من مسط ، يمسط، مسطاً ومعناها يهوي من فوق على ضهره لين يوسم)0
ومع أول ضربة عقال نقز الولد من نومته
وقال
آمين


خخخخخخخخخخخخخخخخخخخخخخخخخخخخخخخخخخخخخخ


وهذي قصة واحد من الشباب لما كان صغير
اسمه بدر الدب وكانو يلقبون بالدب لأنه متين ويموت بشيء اسمه عسكريم
كان عمره ذيك الأيام 14 يعني واجب عليه الصيام
ومره من المراريييت
كان مشتري له علبة عسكريم من باسكن روبنز
وناوي ياكله مع السحور
الولد نام وسحب في النوم وما صحى الا االساعة 12 الظهر
واول ما فكر فيه العسكريم
كان موزي العسكريم في الفريزر
وينزل ويدخل المطبخ ويلقى الشغالة محجرة له
ويضيق صدره وشلون يصرفها
ويروح ويقبص اخته الصغيرة لين بدت تصيح
وينادي الشغالة تسكتها
ويركض للمطبخ ويخطف العسكريم
الولد بايعها
ومعزم يفطر
ويزبن في مقلط بيتهم
ويبدى ياكل في هالعسكريم
وسبحان الله نزل على الولد النوم فجأة
ويوم جت امه ترتب السفرة للفطور وتدخل المقلط
وتلقى بدر نايم على وجهه
وملعقة العسكريم لازقة بخشته
والعسكريم سايح على الأرض
هنا صرخت امه عليه صرخة وبدت تمارس عليه فنون الكاراتية
من رفس وركل وسفلكسات خلفيه
ومن بعدها بدر عسكريم صار ما يحب باسكن روبنز وصار يشتري عسكريم ابونص ليخفي آثار الجريمة بسرعة

آخر قصة من القصص
هذا واحد كان عازم مجموعة من ربعه على الفطور
وتعرفون بعض الناس الله يهديهم يتكلفون كثير في العزايم وخصوصا في رمضان
المهم الرجال يوم قلط الرجاجيل على الأكل
قفل الباب عشان لا يزعجونهم البزارين
وشوي وهو يقول لهم سمو
الا وبنته الصغيره
تزاعق من تحت الباب
وتقول
بقو لنااا شوي لحم
لا تاكلونه كله
الرجال من جد وجهه صفر وحمر من بجاحة بنته

اتمنى ان القصص اضفت على خششكم شيئا من المرح
واتمنى لكم شهر مبارك انشالله

هههههههه
مولقف رائعة
شكرا لك
وسلم يمناك تختى نبراس

شكرا على مروك اختى رؤية

إن شاء الله نتبع المواقف

راااااااائع

جزاك الله خيراااااا
نبراس الجنة

بارك الله بك

شكرا على مروركم اخواتى الكريمات

تسلمى على الطرح المميز

جزاك الله خيرا

يسلموووووووو
اللهـ يعطيكيـ العافيهـ