الســــلام عليــكـم ورحمــة اللـه وبــركــاتـــه
يسعــد لــي مســاكــم بـــالخيــر والمســـرررات
هذا موضوع قريته في احد المنتديات وهو موضوع حلو
خصوصا انه في وقته يعني بداية العام الدراسي وحبيت انقله لكم
" احلى مافي عودة العام الدراسي ( هذا اذا كان فيه شي حلو )
هو طرائف الاطفال المستجدين.... في الروضه والتمهيدي والصف الاول الابتدائي
بل ان حتى مجرد النضر اليهم يجلب الابتسامه.... واظنهم فاكهة المدرسه بالنسبه للمعلمين
وقد سمعت بعض الطرائف الحقيقيه والطازجه حقت هذا الاسبوع سارويها ....وانتظر منكم المزيد
*****
طفل قعد يبكي في اليوم الثاني من الدراسه وسأله المدرس ليه تبكي ؟....قال مالقيت فصلي ..
قال له المدرس انت في اي صف ياشاطر ؟ ...قال الطفل انا في صف ثاني
اخذه المدرس لفصل ثاني ودور اسمه ومالقاه فقال له اسمك ماهو في ثاني انت امس وين كنت ؟
قال الطفل انا امس كنت في " اولى " بس اليوم اصير في ثاني ..!!!
******
الثاني مسكين احتاج الحمام وراح له وبالصدفه مر احد المدرسين جنب الحمام وتفاجأ ان فيه ملابس كامله مكومه خارج الحمام من ثوب وفنيله وسروال وجزمه وشراب ....المسكين الطفل بعد ماخرج من الحمام قالو له ليه كذا ؟ ....قال انا كذا اروح للحمام في بيتنا
******
طفل داوم معاه ابوه اول يومين وفي اليوم الثالث قال له انا ابروح للعمل واذا احتجت اي شي رح لم هالرجال واللي هو مدير المدرسه....والمدير يلبس نظاره وله لحيه واللي تسمى *********وكه وبعد ماراح الوالد بفتره قعد الطفل يبكي وراحو به للمدير والمدير اتصل على الوالد واعطى التلفون للطفل يكلم ابوه فسـأله ابوه انت من وين تكلم ؟....قال الطفل انا اكلمك من عند الملك عبدالله..
******
طفل آخر من المستجدين ذهب في وسط الدراسه لفصل اخوه وقال للاستاذ ممكن اخوي....ضحك المدرس وقال ظروري ؟ قال الطفل ايه ضروري مره....المدرس توقع انه محتاجه يوديه لدورة المياه فقال لاخوه اطلع معاه....ولما طلع قال الطفل لاخوه تعال نبغاك تلعب معنا
***** وهذي طرفه قديمه حتى نفتح المجال حتى للقديم
وهي لطالب قال له المدرس شف هذاك كرسيك روح اجلس عليه....الطالب ما اكتفى فقط بالجلوس ولكنه عند نهاية الدوام اخذ معه الكرسي يجره الى بيتهم "
الأحد فبراير 06, 2011 11:20 pm
