يا شطار يا شطار
الأدب فن و أسرار
بدنا نحكي قصة بتحكي
عن ولد اسمو قرقار
سرحان و خيّو فرحان
كانو أحلى و أغلى اخوان
قرقار مصاحب سرحان
وبرضو مصاحب خيّو كمان
يحكي مع واحد ع التاني
ويقرقر غيبة و بهتاني
كرّه كل واحد بالتاني
حسد و كره اشكال الوان
قرقار بمدرسته كان
و جنبه ولد إسمه فهمان
شو شاطر في دروسه كان
و قرقار الهامل حيران
بالصف يخرب و يشاغب
لو كان مدرسهم غايب
وان سألو مين اللي شاغب
بكذب و بيحكي : فهمان
سرحان و فرحان التمو
مع فهمان و سمعو و فهمو
و قالو ع الأستاذ نكلمو
و نحكي عن قرقار و همو
والأستاذ بصفه جابو
وخلاه يتأسف لصحابو
و قالو سامحناه بعقابو
وصار من افعاله خجلان
حتكونو زيّو؟ لا لا
عفية عفية ع الشطار
يا شطار .. يا شطار
لا لا تكونو متل قرقار
الأحد يناير 23, 2011 1:54 am
