1.مرة واحد عجلاتى قعد على قهوة طلب كاوتشينو
2.حكم كرة قدم راح المطعم قال للجرسون:اديني واحد صفر
3.الزبون للبائع : هل هذه المظلة من نوع جيد ؟ البائع : نعم .. بشرط ألا تعرضها للشمس ولا للمطر !!!
4.مزارع في الخامسة و العشرين من عمره ، يرغب في الزواج من فتاة في العشرين من عمرها، تملك جراراً زراعيا، الرجاء عند الرد ارفاق صورة الجرار.
5.احول عايز يهرب من المدرسة راح اوضة الناظر
6.مرة 5 دخلوا كلية الهندسة اثنين طلعوا مهندسين وثلاثة مدينة نصر
7.واحد سنانه كلها طايرة ما عدا الانياب... قدم علي وظيفة عينوه خرامة
8.عجلاتي جاتله عجلة نايمة صعب عليه يصحيها
9. واحد كهربائى ابنه سخن, ركبله ترنس
10.مرة واحد فكهاني ماشي في الشارع جالو صداع موز
11. مرة واحد ميكانيكى دخل فرح نقط زيت
12.مرة واحد باكستانى اتجوز جاب واح باكستالت
13.مره استاذ تربيه فنيه حب يختبر التلاميذ فقل لهم انا عيزكم ترسموا حمار غيبا فاوقف تلميذ وقال طيب لو سمحت يا استاذ اخرج بره علاشان محدش يغش
14.واحد قال لأبنه نابليون وهو أدك كان أول واحد في الفصل رد الواد على والده نابليون وهو أدك يا بابا كان إمبراطور
15.واحد: بيقول لخطيبته انا مش غني ولا عندي مرسيدس ويخت زى محمود بس انا بحبك
خطيبته: وانا كمان بحبك لكن احكي لي اكتر عن محمود
16.ظابط مرور لقى شقته ضيقه عملها إتجاه واحد
17.مرة واحد راح السودان بالليل ملاش حد
18.مرة واحد بيبنى مستقبله وقع عليه
19.عربجى كارو دخل فرح قال رفصنى ياجدع
20.ندل عينوه مدير الأمن العام غير رقم الشرطة من 122 إلى2594638547592565
21.واحد سباك سايب رسالة على التليفون يقول
اترك اسمك وعنوانك بعد سماع صوت السيفون
22. مره واحد عنده هدف في الحياه .. حسبوه تسلل
23.قمة الهدوء انك تسمع شريط فاضى وقمة الرخامة انك تقلب الشريط وقمة التناحة انك تعيد حتة عجبتك
24.مرة واحدة اتجوزت من ورا ابوها .. لف وراها شافها
25.برميل بيقول لبرميل: محدش بيشوفك ليه؟
قاله: هو حد فاضي
26.ما هو الفرق بين الأسبوع والموس والصحراء؟ الأسبوع فيه حد والموس فيه حدين والصحراء ما فيهاش حد
27.واحد خبيث وزع كروت الفرح بتاعه فيها الجمرة الخبيثه
28.مدير مدرسة عمل فرح وزع علي المعازيم ارقام جلوس
29.دكتور سنان كان مصاحب شله و خلع منهم
30.مرة واحد كهربائي أبوه مات دفنه في الحيطة
31.واحد داسته عربية سيات مات م الضحك
32.مرة واحد فك مفترس معرفش يربطه
33.مره واحد بخيل اوى بعت ابنه يشترى له بعشره صاغ جبنة .. راح الواد ورجع بعد شويه
وقاله بابا البقال بيقولك تعال الحس السكينة
34.مدرس رياضيات تزوج وحدة صايعة خلفوا ولد شبه منحرف
35.رخة اتجوزت فيل ..جابوا تـشكـِن فيليه
36.بدوي تزوج بدوية كتب الخيمة بإسمها
37.أقرع حب واحده معرفش يعبرلها عن شعوره
38.مرة في دكتور عظام خرج في الشارع بالليل
جريت ورائه الكلاب
39.موظف ارصاد جوية عنده بنتين
الصغرى 18
والكبرى 23
40.القمر طلب ايد الشمس للزواج
قالت له: ما باخدش واحد صايع طول الليل
41.صيدلانى تزوج صيدلانية، خلفو تركيبة
42. مهندس كمبيوتر، حلل دمه، طلعت فصيلته
HP
43.مرة ميكانيكى اشترى سرير نام تحته
44.عفريت دخل في صومالي مات من الجوع
45.لية الفراعنة بنو الاهرامات فى وقت كتير؟
علشان كل ما يرصو حجرين البوليس يقبض عليهم
46.محامي رفع قضية .. وقعت عليه
47.المدرس: من اين نستورد الشاي؟ الطالب: من عند الجيران.
48.- اذيك يا وائل؟ - انت عرفتني اذاي مع انك مشفتنيش من عشر سنين؟ - صحيح شكلك اتغير كتير، بس هدومك هي هي
49.واحد بيحب يجري بس يجري مبيحبوش
50.واحد بخيل ابوه مات عيط عليه بعين واحده
51.واحد دخل مطعم ... وطلب واحد مشوي .... وواحد عصير ... وواحد رز .... وواحد يدفع الحساب
52. واحد بخيل اوي اتجوز راح شهر العسل لوحده
53.مدرس كيمياء جاله ولد سماه سامي اكسيد
الكربون
54.واحد راح ينقذ واحدة من الغرق بقولها ادينى ايدك، قلتله اطلبها من بابا
55.واحد خلقه ضاق اداه لأخوه الصغير
56.مرة واحد نساى قوى راح يحج و بعد ما طاف قال يا ترى انا لفيت 6مرات ولا 7 وراح عايد الطواف تانى و بعدين راح يسعى و بعد ما خلص قال هو انا عملت 6 اشواط ولا 7 و بعدين بعد ما خلص حج و هو نازل من الطيارة قال يا ترى انت نسيت ايه يا جورج
57.خواف قالت له حبيبته نفسي اموت بين احضانك قال موتي عند اهلك مش عايز مشاكل
58.واحد دخل مطعم وطلب طبق فول، وبعدما أنتهي من آكله سأل الجرسون الحســــاب كام, فرد الجرسون 13 قرش، مد الرجل يده في جيبه وأخرج الـ 13 قرش ورماها على الارض، وتكرر المشهد 3 ايام متتالية، وفي اليوم الرابع دخل المطعم وكنش معاه فكه فاعطى الجرسون ربع جنيه وقال له واحد فول، طبعا الجرسون حب ينتقم منه فاحضر الباقي 12 قرش ورماهم على الارض وقال له خذ الباقي، فاخرج الرجل قرش من جيبه ورماه فوق الـ 12قرش وقال للجرسون وحياتك طبق فول تاني.
59.واحد حانوتي فتح محل فاكهة قام كتب يافطة المـوز علينا حـق
60.مدرسة رياضيات اتجوزت حرامى خلفو شبه منحرف
61.دكتور عظام ماشى فى الشارع الكلاب جريت وراه
62.الزوجة : بتحب الست الذكية والا الست الجميلة؟
الزوج : ولا دي ولا دي انا بحبك انت
63.طلب المدرس من التلاميذ يكتبوا موضوع تعبير عن وصف مباراة كرة قدم ، فكتب التلميذ الكسول " وصلت الى الملعب وكانت الدنيا بتمطر فألغيت المباراة".
64.واحد بلدياتنتا حب يموت سمكة غرقها ف الميه
65.واحد صعيدي حب يسم مراته حطلها مسدس فى الأكل
66.واحد نزل بلد في الصعيد و سأل : هي دي البلد اللي بتنطق الجيم دال ؟ !!! ردوا عليه : لع , دي البلد اللي دنبنا
67.اذا كنت عايز تغرق غواصة مليانه صعايدة تعمل أيه تخبط على الباب
68.مره واحد كتب علي الحيطه ما عرفش يطلقها
69.واحد اتجوز واحده اسمها نعمه باسها وش و دهر
70.مره واحد عداه العيب اخد الي بعده
71.واحد دمة فار جريت وراة قطة
72.مرة واحد مات وهو نايم لحد دلوقت ميعرفش انة مات
73.الشحات :اديني حاجه لله يا بيه ؟
عمرك اطول من عمري كنت لسه حا قولها لك
74.واحد بيسأل التانى
انت مولود في برج ايه .
رد قال برج الدلو . باين عليك
75.مدرس بيقول للتلميذ اضرب 5*6
قاله عيب يا استاذ بابا قالي ما تضربش حد
76.سمع واحد مغفل ان صيام يوم عرفات يعد بصوم سنه كامله فصام لحد الظهر و قال كفايه نصف السنه
77.اثنين صلع خبطوا في بعض طلعوا شراره
78.اصلع وقف جنب عربيه بطيخ عداها
79.مغني بيقول حيعمل ايه العزول لو يبعد عني حبيبي ,
المستمع حاينوبه ثواب
80.سكرتاريه جميله بتقول للزائر 5 دقائق و المدير يقابلك
قالها 5 دقائق بس
81.مرة واحد طلع على المعاش ماعرفش ينزل
82.مره ولد بيطلب 50 قرش من ابوه البخيل فرد عليه ابوه 40 قرش اجيبلك منين 30 قرش معايا 20 قرش تاخد 10
83.مرة تاجر عمله صاحبه بينادي عليه بيقوله يا جن
قاله قوللي يا ين
84.مرة واحد جزار مات طلع ورا جنازته الكلاب
85.واحد رزل قابل واحد رزل قال له
تيجى نرزل
قاله لا
قاله ليه قاله رزاله.
86.واحد احول دخل الجيش عينوه فى القصف العشوائي
87.مره واحد خان الخليلى قام الخليلى قتله.
88.واحد بلدياتنا بلع سكينة جرحت مشاعره
89.واحد حانوتى فتح محل فكهانى كتب على المحل
الموووووز علينا حق
90.مرة واحد بيقول للتانى اقولك نكتة بالشقلوب
قالة ايوة
قالة طيب اضحك الاول
91.مرة دكتور سنان اشترى عود قصب لقاة مسوس حشاة
92.سأل الطبيب مريضه ، وقدأطال الثرثرة معه :
_ هل ذهبت إلى طبيب آخر قبل أن تحضر إلى عيادتي ؟
المريض : كلآ ولكنني ذهبت إلى صيدلي .
الطبيب : وماهو الرآي السخيف الذي أشار به اليك ؟
المريض : لقد أشار بأن علي أن أزورك في عيادتك
93.واحد راح يشتري ساعة لقاها غالية اشترى 5 دقائق
94.الاستاذ : ما معنى كلمة ( سبيل ) ؟
الطالب : طريق .
الاستاذ : ممتاز – والآن ما معنى كلمة ( سلسبيل ) ؟
الطالب : طرطريق
95.خلع رجل ملابسه حتى يستحم في البحر .. فناداه أحد الحراس وقال له:
عفواً .. ممنوع السباحة !
فقال له الرجل : ولماذا لم تخبرني قبل أن أخلع ملابسي ؟
قال الحارس : لأن خلع الملابس غير ممنوع !!!
96.واحد كان بيدور على مطعم نظيف، لقى محل مكتوب عليه (حاربنا الذباب) فراح داخل وأول ما جه الأكل تجمع الذباب عليه فقال للجرسون: بتقولو حاربنا الذباب وطلع كل الذبابا ده منين
الجرسون: احنا حاربنا الذباب بس هو فاز علينا !!!
97.واحد عند دكتور العيون... فالدكتور بيسأله... تقدر تميز العلامات اللي في اللوحة دي؟؟؟ قاله طبعا.. بس هي فين اللوحة؟
98.واحد مدرس بيسأل بنت انتي ليه شعرك اسود واختك شعرها اصفر قالت له اصل امي ولدتني قبل ما تصبغ شعرها
99.اثنين حشاشين واحد منهم قاعد يسمع شريط فاضي ، الحشاش التاني قالة إذا خلصت سجلهولي
100.واحد مسطول راح مطعم وقال لصاحب المطعم سندوتش طعمية من غير سلطة.. صاحب المطعم كمان مسطول قال له من غير سلطة ايه؟ قال له : من غير سلطة قوطة – صاحب المطعم : ماعنديش سلطة قوطة اعمله من غير سلطة طحينة؟؟؟
101.واحد سكران كان بيعاكس وحدة وحشة اوي بالليل فكان بيقول لها يا وحشة يا وحشة راحت ملتفتة ليه وقالت له يا سكران راح قايل لها طب انا سكران حفوق بكرة .. وانتي
102.مره واحد بيحشش بيقول لصاحبه امبارح جيت اسحب نفس قالوا لى ملكش رصيد
103.اثنين سكرانين واحد قال للثانى تعرف بيعملوا اية فى اوروبا لما المطر بيمطر .. قاله لا معرفش .. قال له بيسبوها تمطر
104.مره كان في اتنين مساطيل قاعدين بيحششوا فواحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لشيخ المساطيل فقال خلاص نروح لشيخ المساطيل فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كولوا يروح
105.مرة واحد محشش اتصل على بيت قال محمد موجود قالوا الرقم غلط قالهم... طيب بتردوا ليه
106.جماعة مساطيل بيتفرجوا على الاخبار .... فنشرة الاخبار طولت الاولانى قال للتانى :هى لية نشرة الاخبار طولت النهارد كدة؟ فراح التانى رد علية وقال معلش اصل شكلها كدة النهاردة اخر حلقة
107.مره واحدة عجوزة عندها 80 سنه لقت مصباح علاء الدين طلع لها الجنى طلبت منه تصغر 30 سنه بقى عندها 50 سنه وطلبت منه يصغرها 20 سنه بقى عندها 30 سنه طلبت منه يصغرها 10 سنين بقى عندها 20سنه طلبت منه يصغرها 10 سنين ـــ جلها الحصبه ماتت
108.مسطول سأل واحدة اسمك ايه؟ قالت : أسماء. فقال: يعني ما فيش اسم محدد
109.مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى.
110.مسطول بيسأل مسطول الساعه كام قاله معرفش قاله غريبه أنا عندي معرفش ألا خمسه.
111.اهبل مشترك في مسابقة أسرع رسمة رسم نقطة وقال: ده فيل جاي من بعيد
112.اتنين مساجين اتفقوا يكسروا باب السجن ويقتلوا الحارس ويهربوا. كسروا باب السجن ملقوش الحارس قعدوا يستنوه
113.المذيع: أيه رأيك في الزواج المبكر؟
المسطول: يعني الساعة كام ؟!
114.سواق ماشى ع الطريق واحد لابس احمر فى احمر شاورلة فوقف السواق و قالة انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك
115.واحد مسطول راجع البيت كل مايحاول يفتح الباب مش شايف خرم الباب، ابنه بص له من الشباك وقال له بابا أحدف لك المفتاح قال له المفتاح معايا ياواد احدف خرم الباب.
116.الابن: بتعمل اية يابا؟؟
الاب: بكتب جواب لعمك
الابن: هو انت بتعرف تكتب؟؟
الاب: يعني هو عمك اللي بيعرف يقرا يا فالح
117.واحد كسلان قوى راح للحلاق وقعد على الكرسي منزل راسه......قال له الحلاق شعر ولا دقن ....قال الكسول دقن .قال له الحلاق ارفع راسك.... قال الكسول لا خليه شعر
118.واحد بخيل ضرب عياله.. ليــه ..؟
لقاهم مشغلين المروحة على ثلاثة وهم اثنيين
119.جماعة حشاشين قاعدين في غرزة قالوا عايزين كبريت واحد منهم قال أنا اجيبلكم الكبريت طلع ودخل من الباب الثاني قال يا جماعة ألاقى عندكم كبريت قالوله استريح لسه باعتين واحد أول ما يرجع نديلك واحد.
120.اتنين مساطيل واقفين مستنيين الاوتوبيس فالاول بيسال : هنعرف الاتوبيس ازاى التانى قاله بسيطه اللى هيجى يقف هنا يبقى اتوبيس قاله طب والكومسارى قاله: بسيطه اللى هيحط ايده على كتفك يبقى الكومسارى ندفعله الاجره فجه الاتوبيس ركبوا جه واحد حط ايده عليهم فطلعوله الاجره وبيدوهالوا فقالهم : انا مش الكومسارى انا ضابط بحريه قاللوا شوفت شورتك المنيله ادينا ركبنا باخره
121.مرة فى عيادة فيها دكتور أحول دخل عليه شخص أحول قال له ما تدخلوش بالأثنين قال له مش جايلك جاى للدكتور الذى جنبك
122.في واحد نذل طب على بيت واحدة عجوزة ملقاش حاجة يسرقها بس لقى العجوزة بردانه راح الحرامي شغل التكييف
123.فيه واحد غبي قاعد يصلي وسمع اثنين بيشكروا ف صلاته، قطع الصلاة والتفت وقالهم: وكمان صايم
124.سأل المدير مراقب الامتحان ليه طردت التلميذ من الامتحان؟
المراقب: كان بيغش .. شفتة بيعد ضلوعة في مادة العلوم
125.التق كدابان احدهما من القطب الجنوبي و الاخر من الشمالي فقال الاول ان البرد عندنا كبير لدرجة ان النار قد تجمدت فقال الثاني اما البرد عندنا وصل الى درجة اننا لا نسمع الكلام حتى نضعه في الماء الساخن.
126.واحد رخم راح السيما لقاها فاضيه مفيهاش غير واحد بس راح قاعد وراه وقاله راسك كده شوية
127.مرة وحدة وحشة اوي كل ام الناس يشفوها يقولو عليها انتي شكليك وحش المهم طلعلها عفريت وقال لها شبيك لبيكي انتي عوزا ايه قالت له نفسي اي حد يشوفني يقع فيا قال لها العفريت روحي وانتي بلاعه
128.واحد غبي وقع في حفرة ومش عارف يخرج منها، اول مرة حاول يخرج معرفش، تاني مرة حاول يخرج معرفش برضه، تالت مرة قال لو معرفتش اخرج المرة دي هروح
129.مذيعة عملت لقاء مع أبو العربي ، سالت ممكن تحكي لنا عن حروبك ، قال لها وماله انا دخلت حرب 48 و56و67 و73 سالته كنت بتعمل ايه لو دخل عليك 10عساكر؟ قالها هفرغ فيهم خزنتين 10مللي قالت له طيب لو دخل عليك 10دبابات و20عسكري ومدرعة؟ قالها هنسفهم قالت له كويس جدا طيب لو كان دخل عليك 20عسكري و5 دبابات وطيارتين؟ قالها هو فيه ايه ؟مفيش حد كان بيحارب غيري ولا ايه؟
130.واحد ومراته وعياله التلاته كانوا ركبين القطر وبعدين طلع عليهم حرامي فقال للراجل "طلع الفلوس الي معاك" فقلهم مش معايا فلوس وضحك وبعدين الحرامي قلوا"حتطلع الفلوس ولا نرمي عيالك من القطر" قالهم مش مطلع قام الحرامي رامي عيالوا وقال "حتطلع الفلوس ولا نرمي مراتك" قالهم مش مطلع وقعد يضحك قام الحرامي رامي مراتوا من القطر وقالوا "يا راجل رمينا عيالك ومراتك وبرضوا بتضحك قام قالهم"""" منا عارف انتوا الكاميرا الخفيه""
131.دكتور عيون قاعد مع خطيبته في حديقه الاسماك معاه ورده قالها شايفه الورده دي يا حبيبتي قالت له ايوه فرجع ايده لورا شويه وقالها طب وكده
132.بينما كان جحا يصلى تذكر أن فى جيبه بلحة فأخرجها من جيبه ليأكلها. فلكزه الشخص الذى بجانبه ينهره عما فعل فألتفت اليه جحا قائلاً تلكزنى ما تلكزنى والله ما معى غيها لأعطيها لك
133.خرج الطفل فرفر بقدونس يشترى عشرة أرغفة من منفذ العيش المجاور لمنزلهم لكنه تاه فى الطابور منذ يومين ولم يعد... والده يوجه نداء لأولاد الحلال ان من يعثر عليه يقول له: أبوك فى أزمة.. رجع الخمسين قرش!!!
134.وقف رجل ثقيل الوزن فوق قدم الراكب الذى بجواره فى المترو وحاول الرجل أن يخلص رجله من تحت قدمه ولكن محاولاته كلها باءت بالفشل فقال له بأستعطاف من فضلك ممكن تشيل رجلك اللى دايسه على رجلى فقال له:ليه-أنت نازل المحطة دى؟؟
135.المضيف: تحب غدا كامل؟
المسافر: ليه هو كامل مش عايزه؟
136.مرة واحد كهربائي ابوه مات دفنه ف الحيطة
137.واحدبلدياتنا حب يشرب سيجارة حطها ف كباية
138.واحد بيحلق دقنه التليفون رن ، عور نفسه عشان لما يرجع يعرف هو وقف لحد فين
139.اتنين مساطيل قاعدين مر عليهم جنازة - جنازة مين دي؟ - عبد اللطيف تاني يوم نفس الحكاية - جنازة مين دي؟ - عبد اللطيف تالت يوم نفس الحكاية - جنازة مين دي؟ - عبد اللطيف - هو ماله حظه مهبب كده ليه؟
140.واحد مسطول دماغه لفت قابلها من الناحية التانية
141.واحد مسطول ماشى فى الشارع لقى عمود نور مكتوب عليه شقة للايجار راح قعد يخبط على العمود لغاية لما جاله مسطول تانى قال له انت بتعمل ايه هنا قال له اصلى لقيت مكتوب شقة للايجار قمت قعدت اخبط بس محدش رد علىّ قام التانى قال له غريبة مع ان الجماعة منورين النور فوق
142.واحد بيسال صاحبه هو ايه الفرق بين تجارة الحشيش وتجارة عين شمس ؟
قام صاحبه قال تجارة عين شمس 4 سنين انما تجارة الحشيش اقلها 25 سنة
143.مسطول مزور ورقة بنكنوت انما 10/10 مع ذلك مسكوه ياترى ليه ؟
عشان كان مزور ورقة بستين جنيه
144.مرة واحد بيحلم كل يوم بماتشات كتاكيت ، راح للدكتور فقاله اديك حقنة النهاردة ومش هاتحلم تاني ، قاله خليها بكرة يادكتور علشان النهاردة ماتش النهائي
145.ابو العربى قابل مذيعه قالت له ان سمعت عن بطولاتك فى الحرب قالها طبعا ابو العربى يسد فى كل مكان فى 48 واليمن و 67 و 56 و73 والعراق قالت المذيعه طب هأسألك كام سؤال
لو انت فى الحرب وطلع عليك دبابتين ومعاك قنبلتين هتعمل ايه
هادخل عليهم وأفجرهم
طيب لو خمسه هادخل عليم بالسلاح الأبيض طيب لو اربع دبابات و عشر عساكر وطيارتين قالها
جرى ايه يا وليه هو مفيش حد بيحارب غيرى
146.في واحد كريم انحرق بيته لما جت المطافي حلف عليهم ما يعملوا حاجه لحد ما يشربوا القهوة
147.في واحد بخيل انحرق بيته رن على المطافي رنه وحده وقفل السماعه
148.عجوزة طلعت السطوح تشم هوى نشفت
149.واحـد احـول حـس بالـبـرد وهـو نـايـم ... قـام وغـطـى اخـوه
150.أنجبت الأم طفلاً صغيراً ، فنظر الأخ الأكبر إلى فم أخيه المولود ، ثم قال لأمه : ما ما .. لقد ضحكوا عليك وأعطوك طفلاً دون أسنان !!!
الأحد فبراير 28, 2010 8:55 pm
