| كفكف دموعك يابعد عين مغليك | |
| | وخل الدموع السايله مني وجاي ! |
| ياللي ابيع الناس لرضاك واشريك | |
| | ابسألك وشلون حالك بلياي!؟ |
| تعبت ارتب ذكرياتي بطاريك | |
| | وياكم تغيّر في طواريك ممشاي!! |
| عدت شهور وجيت ادور مواريك | |
| | فوق السحاب وفي زوايا حناياي |
| وارقب خيالك تالي الليل وادعيك | |
| | وادعي من الطاري ملامح خطاياي |
| واقلطك في صدر ناره تباريك | |
| | ويقول لك ياخل وشهي سواياي |
| واعلمك حالي مع البعد واسقيك | |
| | من دلة ٍ يضمى على شربها الماي ؟ |
| ياكم تعنوا ..مارتكوا في حراويك | |
| | ماغيرك اللي جالس ٍ داخل احشاي |
| وجيتك على وضح النقا ميته فيك | |
| | واقول : احبك يابعد كل دنياي |
| ردتني الذكرى والاعماق تبغيك | |
| | والشوق والاحساس والخوف وغناي |
| خلاص صارت واتركني ..خطاويك | |
| | باقي شهور تروح تحيى بلياي |
| هنيّها لامن غفت بين اياديك | |
| | يومي اجر الآه واصاحب ابكاي |
| هنيها لا جابوا الناس طاريك | |
| | هنيها لامن خذت منك الراي |
| هنيها لا خطت بحقك تراضيك | |
| | هنيها لامدت لكفك الشاي |
| هنيها لا لدت بعينها ... فيك | |
| | هذي فعولي يومك تكون وياي |
| اداعبك فالحب وابكي واراضيك | |
| | واسامحك واخطي وابادلك برضاي |
| اجننك فيني .. وابعّدك وآجيك | |
| | واجيك وابعد عنك ويحين مسراي |
| واسري على جالك وصحراك واعطيك | |
| | حب ٍلك الله مابخل في عطاياي |
| كفكف دموعك يابعد عين مغليك | |
منقوووول لعيونكم
ردود+تقاييم
اختكم:دانا
| وخل الدموع السايله مني وجاي |
الجمعة نوفمبر 26, 2010 10:40 pm
