قصة%بنات القصيم%
حصه وهيله ومنيره .. ثلاثي بنوووتي في بيت واحد.,, هذولي خوات ساكنين ببيت ابوهم بعد ماتوفى ومالهم في الدنيا غير هالبيت وراتب ابوهم التقاعدي..,, ومقطوعين من شجره!!
حصه: الاخت الكبيره..يلقبونها وزارة الداخليه..موظفه في احد البنوك..راتبه على قد وظيفته..عمرها في حدود الاربعين..تعتبر اعقلهم..سنعه..شخصيته قويه..
هيله: الاخت الوسطى ( الوسطى ولا الشرقيه؟!) << بدا التميلح خخخخ .. متخرجه من معهد كمبيوتر وجالسه في البيت..تلقب بأم لسانين.. عربجيه بقوووه..تكره التنانير وتمووت على سراويل السنه وفنايل العلاقي..عادي تستهبل مع جيرانهم وتنسم كفرات سيارتهم..كانت تلبس مريوله وتلبس تحته ترنق ابو خطين على جنب غير الزبيريه(وانتم بكرامه)..تموووت على شي اسمه مقالب..ماتصدق تلقى خنفسان او صوارير تاخذهم وتحطهم بدرج اخته.. باختصار كانت ولد الا حبتين!!
منيره: الاخت الصغرى ..(اجل وين العظمى صاروا درجات حراره!!) << خلصينا وهاتي السالفه!!..تدرس في الثانوي..شايفه عمره على خواته لانه الصغيره..تلقب نفسه بـ : ميمي << يااااي!!
منيره وحصه وهيله..جالسين بالصاله عند التليفزيون..يشربون شاهي مع كراث وفصفص والجلسه عسسسل.. وسوالييييف على كيف كيفكم..,,
حصه: منااير..وش بتس ياقلبي..؟! وراتس تقل ضايقن صدرتس اليوم؟!
منيره: الحين ورانا حنا كذا..؟! كل زميلاتي يسافرون بالصيف برا وينبسطون وانا ماعمري تعديت حدود بيتنا .. ودي اسافر مثلهم..لاتحسسسونن بالنقص!! << تستعطف خواته
بحصه: وين تبينا نروح طيب؟ ومع مين؟ من بيسنعنا .. ومن وين لنا مصروف يكفي!! انتي تحسبين المسأله سهله!!
هيله: هع هع جيبي مدرس رياضيات يحل لك المسأله!!
منيره: بدل ماتستخفين دمتس دوري لنا حل!! الله يخليكم ودي اسافر!!
حصه..هيله..متى تتطورون؟! الناس وصلوا المريخ وحنا سوريا ماوصلناه!!
حصه: حنا ماعلينا من غيرنا..السفر ماهووب سهل!!
هيله: اذا على الفلوس راتب ابوي مع راتبتس يكفون..واذا على المحرم ماعليتس ارقدي وامني انا عن ألف محرم!! صدزز ليش حارمين انفسنا مادام اننا نقدر.؟!
منيره: ايه خلاص ياحبيلتس خلينا نروح!!
حصه: طيب وين..؟!
هيله: قوه لألمانيا تكفوووون..عشان اتابع كاس العالم!!
منيره: اقووول اووص انتي..انا اقوول قوه للبنان..عشان مانتعب انفسنا انجليزي ولاشي..اخواننا عرب..ومنه نروح نلعب بأشكالنا شووي انا اصير زي إليسا وحصه زي باسكال وانتي مثل نانسي!!
هيله: ووووع مالقيتي الا ذولي من زينهن..انا ازين منهن!
حصه: اقوول اهجدي انتي وياه..فرضا بنروح للبنان..من بيحجز لنا ومن بيستقبلنا ووش عرفنا بالاماكن والسكن ووووو
منيره: خلوا كل شي علي .. انا بسأل زميلاتي ..بس انتم قرروا!!
حصه: والله اني خايفه...خلون افكر!!
منيره: ياحبيلتس الحصي تكفيييييييييييين ودي لو مره بحياتي استانس(وكان لهذه الكلمه وقع شديد في نفس الحصي)..!!
بعد اسبوع..نزلت الحصي على البنات بالصاله.....
حصه ومعها ورقه تقرا منها:
بسم الله الرحمن الرحيم..اما بعد..بعد مناوشات ونقاشات وتكتيكات وتفكيرات متلازمه..قررنا نحن(حصه العلي)..السفر خارج المملكه ولكن بشروط سنسردها كالتالي:
1/ الميزانيه تكون بيدي..وسوق لاتفكروون تروحون,,
2/ مسألة الكشف شيلوها من راسكم,, لو تعضين الارض ماخليتس تطلعين خشتس لأحد,,
3/ السفر لمدة اسبوع فقط,,
4/ الاقتصاد بالاكل والشرب,,
5/ ان هيله تترك عنه اللقافه وطولة اللسان,,
6/ ان كلمتي هي اللي تمشي..واي قرار اتخذه هناك ينفذ بلا نقاش,,
هذا ولو تم تجديد في الشروط السابقه فيلزم الاطراف التقيد بها..والا:
اقعدوا هنا وانثبروا ..,,
هيله ومنيره بصوت واحد: لالالا خلاص اللي تبينه بيصير!!
وبدأت هيله ومنيره والحصي بتجهيز أغراض السفر..
هيله: اقول مناير,,وش رايتس اخذ لبس كشخه..ولا كله ترنقات وقمصان؟!
منيره(بغت تجيه سكته قلبيه): ] وش قمصانه انتي ووش ترنقاته..تبينهم ينزلوننا من الطياره!!
الله يفشل العدوو خوذي احسن لبس نبي نروح نكشخ هناك حنا مووب اقل من غيرنا..!!
هيله: اندري..انا اقول محد يعرفنا..يعني احس اني باخذ راحتي هناك,,
حصه: وش دعوه عاد انتي مقصره هنا..اقوول تراي شارطه عليكم ولا ترى بهوون!!
هيله: لالاخلاااااص وه بس وانتي حبحرمحد يقولتس شي ..كنت امززح معتس يااخيتي,,
حصه:خلي مزحتس ذا بوقت ثاني..وخلصي ترى بكره الساعه8 لازم نصير بالمطار,,
منيره: اقول هلووو..تكفين عطين الكاميرا حقتس ودي اخذه معي..!!
هيله: اقول طسي بذااك مابقى الا هي..ماعندي غيره من ريحة المرحوم!!
منيره: من زينه الحين..ابيض واسود..لا وبعد متكسره مابقى به سنتيمتر الا ملصق بشطرطون,,
هيله: ماعليتس .. يكفي انه من ابوي,,
حصه: وبعدين انتي وياه..يالله خلصوا واخمدوا بفرشكم بروح اكمل المطبخ..,,
الساعه..2 بالليل..
هيله: يمااااااااه..,,
منيره: بسم الله الرحمن الرحيم..وش بتس وجع هبلتين!!
هيله: ماادري يممااه حلمت حلم يخووف!!
منيره: خير اللهم اجعله خير..وشو؟!
هيله: حلمت ان معنا بالطياره انترتيكر..واني تهاوشت معه وجدعن من الطياره!!
حصه: يوووووووووووووووه وانتم ماتخلون احد ينام براحه!!
منيره: هيله..اغديتس نايمه بس. وه ياشين الشهابه من كثر ماتهوجسين بالطياره تحلمين به خخخخ وهذا اللي يشوف مصارعه قبل ينام!!
هيله: وه بس تووبه,,
(ورجع الهدوووء يعم ارجااء المكان)
الساعه..8 a.m
حصه جايه من المطبخ تنااافخ وبيده مغرفه: وقسم بالله ان ماقمتوا اني لااهون عن السفر..انتم كفوكم تروحون لخرخير وترجعون بنفس اليوم بعد..قووومي انتي وياه يالله!!!
تقوم هلوو وميمي بشين نفس ويتسحبووون للحمام(وانتم بكرامه)..بعد اقل من نص ساعه الكل كان واقف عند باب البيت..
منيره: الحيييييييين بنروح للبنااان وتبيني اروح للمطار بليموزين؟!!! انا منااير اخر عمري اركب ليموزين؟!
هيله: أي والله صادقه مناير..المفروض استاجرنا دينّا2005 عشان تودينا..
منيره: تطنزين انتي ووجهتس..اصلا هذا مستواكم..حدكم بيجو 82.. حصه: اقول رجعوا الشناط خلاص..سفر ومانيب مسافره!!
هيله ومنيره: خلاص خلاص أي والله نسكت,,
ركبوا الليموزين وراحوا للمطار..,,
عند البوابه..
الهندي: هدا كمسين ريال عطي..
حصه:وشو خمسين..لاكثير..نزل شويه الله يعافيك!!
هيله: لا احسن حبي راسه..وخري وخري افتح بوجهه خط سريع واحط به نخل بعد!!
حصه: اقوول طسي ادخلي وخلين اتفاهم معه,,
هيله ومنيره في صالة الانتظار..
منيره: ياااااااي شوفي الاشكال الصح .. وااااو واااو شوفي شنطة هذي اللي قدامنا هذي فندي..
هيله: منهو الافندي؟!
منيره: وش افنديه..اقول اسكتي تكفين لاتحومين تسبدي!!
وهيله ومنيره استلموا الناس ضحك وتطنز.........................
حصه خلصت التذاكر وحملت الشناط وضبطت كل شي..
حصه: يالله خلونا نركب خلاص نادى علينا,,
منيره: شلون نادى؟ ماسمعت اسمي!!
هيله:هههههههههههههههههااااي يارررربي يالمتطوره تبينه يقول يالله يامنير تعالي اركبي..
حصه ميته من الضحك ومناير تمشي قدامهم من الفشيله.....
وعند البوابه وقبل مايركبون..
نادى المنادي: الرجاء من الاخت حصه العلي التوجه الى ادارة المطار للضروره وشكرا..
حصه: يمااااه وش السالفه؟!
هيله: اقول اعترفي وش انتي مسويه؟!
منيره: ياررربيه فشلتوووني...روحوا لاتاقفون جنبي مااعرفكم..,,
هيله: انطمي اويلاااااه حنا وين وانتي وين!!
حصه: الله يستر..,,
مدير الامن: من فيكم حصه؟
هيله: اختار انت وش رايك من اللي تصلح تصير حصه؟!
المدير: تستهبلين انتي؟! ولا مانتب صاحيه؟!
هيله: الا اصحى من امك بعد!!
حصه وبعد قبصه محترمه لهيله: لا انا حصه..سم اخووي وش السالفه؟!
المدير: ممكن اعرف ميولك السياسيه؟!
حصه بعد ان طاحت خشته من هول الصدمه: وشو؟؟ وشلون يعني؟!
هيله: يعني وش تشجعين؟! هلاليه ياحضرة الزاابط
المدير: ترى لو مااسكتي انتي..عيونك ماراح تشوف النور..!!
هيله: صدزز؟ ههههههه احسب مير عندك سالفه..
منيره تسحب هيله برا الغرفه بأمر من حصه....
حصه: والله اخوي مدري وش تقول..ومافهمت قصدك!!
المدير: ممكن تفمينن عن سبب وجود سكاكين بمختلف الاحجام حاطتها بشنطتك؟!
حصه: هاااو .. وش فيها يعني..انا خفت ناخذ شقه مابه مواعين..قلت اخذ احتياطاتي من هنا
المدير: شايفتن بالروضه تلعبين علي؟! اعترفي وش وراك؟!
حصه: والله العظيم هذا السبب حتى شف الاغراض ماخليت شي بالمطبخ ماجبته!!
وبعد تمطيع حلوووف وايماااان..
المدير: شوفي سكاكينك بتتصادر..وبتوقعين على تعهد..والله يساعدكم ولاتعودين له مره ثانيه!!
حصه: سم وابشر..
..حصه وهيله ومنيره..ركبوا الطياره,,
المضيفه: مرحبااا اهلين وسهلين..شرفتووا..ممكن تعطيني تزكرتك بليز؟! ايه اختي هوون الكرسي تبعك..تفضلي..
حصه ومنيره صاروا جنب بعض..اما هيله طلع مكانها جنب رجال..
هيله: وش تبين انتي!!! وربي مااقعد هنا لو اتعلق بالجناح!!
2الرجال: هههههههههههههههههههههههههههههههههههههههههههههه
هيله: وش تضحك عليه انت ووجهك استح على دمك وجع!!
الرجال: انا اسف!!
هيله: اقول اووص بس! << اسلوووووب خخخخ
المضيفه: ماعليه اختي هيدا هو محلك..مو بإيدي انت اجلسي هوون وبعد ماياخدوا الركاب اماكنهوون فيكي تغيريه!!
هيله: اقوول لو يجي ابوي اللي بقبره يقول اقعدي ماقعدت..ماعلي دبري عمرتس!
الرجال: هههههههههههههههههههههههههههههههههههههههههههههههههه هههههههه
هيله: ضحكت من سرك بلا...خير خيييييير وش تناظر؟! تبين اسوي بوجهك عزيمه؟!
الرجال طاح من الكرسي من الضحك!!
هيله: وتبينن اقعد بعد!! اقووول والله لو اركب مكان الطيار ماقعدت هنا!!
والرجال مازال مستمرا في الضحك المتواااصل
حصه ومنيره لاهين بتقليب القنوات..,,
سمع المضيف صوت هيله الرناان وجاء يشوف المشكله..
المضيف: خلاص اختي تفضلي اجلسي هناك فيه بالدرجه الاولى مقعد فاضي
هيله(تقل وده تستحي): شكرا الله يعافيك..,,
وجلس كل واحد بمكانه..بانتظار اقلاع الطائره الى بيرووووت..,,
بدأت الطائره بالاقلاع..,,
استقر كل من حصه ومنيره بأماكنهن .. أما هيله فقد أخذت لها مقعداً في الدرجة الأولى..,,
وشوية شوية<< وينك ياسيبويه!! بدأت هيله تتحدث مع السيدة التي كانت قابعة في القرب منها..
- مرحبا ياام الشباب..,, << ماهيب عربجيه ابدن ابدن
- اهليين وسهليين ..
- وش اسمتس انتي؟!
- انا السيده كارول..
- كارول سماحه؟؟ خخخخخخخخخخ
- لأ شو كارول سماحه!! انا وحده تانيه!!
- ايه ادري.. انتي لبنانيه؟
- أي لبنانيه اصل وفصل
- فصل ولا مقصف خخخخخخخخ
- باردوون ؟!
- لا حرووون ههههههههااااي
- عفوا ماعم بفهم عليكي..
- لا ولاشي المهم .. انتي موظفه ولا مثلي حاطزه بالدار..؟!
- شو يعني حاطزه؟؟ لا انا سيدة أعمال ,,
- أحححححححححححححححلى ياسيدة الآعمال..!!
- (تبتسم ماتدري وش السالفه )
- وش تشتغلين؟؟ تبيعين غنم ودبش وحركااااااات؟! << هذا حده المسيكينه ههههههه
- والله ماعم بفهم شو أصدك .. لكن انا بشتغل بالاسهم وهيك بشوف شغلي بالحافظات ويعني هيك شي ?
- حافظات؟؟ ايييييييييييييييييه يعني تطبخين وتبيعين؟!
- إطبخ شووو؟! لا حبيبتي انا عم بشتغل بالاسهم..!
- يعني وشو انا مااعرف,,
- انا بفهمك .. لكن شو اسمك؟
- انا اسمي هيله .. تقدرين تنادينن الهلّي << ام العربجه!!
- لأ مابدي إلك الهلي .. بدي ناديك هلوو ممكن؟!
- ايه ميخالف.. ان بغيتي نادين سحيله ام الخلاقين..
- ايه حلوو نادين .. خلاص اسمك نادين؟!
- لااااااااااااااااا والله انتس تنكه!!
- شو تنكه؟!
ت- ماتعرفين التنكه؟! << بررررررررريئه ياعالم ,,
- لا مابعرف,
- انا اعلمتس بس انتي علمين وشو شغلتس..
- - - - - - - - - - - - - - - - - - - - - - - - - - - - - - - -
حصه ومنيره لاهييييييييين مع الشاشه اللي قدامهم .. وكل وحده حاطه السماعه بإذنه ومطوله عالاخر..
حصه: منيره .. شووفي المحطه هذي ازين!!
منيره: وششششششششششششششو؟؟؟ مااسمع!!
حصه: اقووووووووووووووول اليووم حرررر
منيره: وششششششششو نطلع للبر؟؟
والناس يضحكون عليهم لآن أصواتهم واصله للكابتن..
- - - - - - - - - - - - - - - - - - - - - - -
المضيفه بدت تدور بالقهوه تضيّف ركاب الدرجة الأولى..
هيله: تكررررررررم النعمه وش ذا القهووووووه ووووووووع!!
المضيفه: شو فيها..؟؟ ماحلوه؟!
هيله: وخري وخري بس انا اوريتس القهوه الصح!!
وطلعت هيله من شنطتها الصغيره<<لاحظوا انها الصغيره غلايه صغيره قالت: وين والمطبخ؟!
ودخلت العمه وصلحت قهوه وبدت هي تصب للركاب.. والجميع يشيدُ بمهارتها في تصليح القهوه..
وعينتها كارول : سفيرة الكليجا الحسنه
هبطت الطياره في مطار بيروت الدولي.........,,
- - - - - - - - - - - - -
حصه: هااااو هيله منهي ذي اللي متعنقطه بيدتس..؟!
هيله: هذي صديقتي اللولي .. تعرفت عليها بالدرجة الاولى..
منيره: هاااااااو ماشاء الله ووش موديتس هناك بالدرجة الاولى؟!
هيله: اوووف لاتحتكين يالله بانزلي وانتي ساكنه..
نزلوا البنات ومعهم كارول..,,
كارول: لأ مابيصير هيك تروحوا من غير ماضيفكوون عندي!!
هيله: معليش خليه مره ثانيه رقمتس وعندي اذا بغينا دقينا ..
كارول: اوكي حبيبتي بس هااه لاتنسى بدي تنكتين كليجا منك!! << خرّبت الحرررمه ههههههههه
حصه ومنيره: هههههههههههههههههههههههههههههههههههههههههههههههههه ههههههههههههه والله ياانتي ماقصرتي مع الحرمه!!
- - - - - - - - - - - - - - - - - - - - - - - - -
وصلوا للأوتيل وكل وحده اخذت لها سرير وناموووووا وكل وحده تحلم ببكره وين بتروح ووش راح تسوي...,,
في أول صبااح بيروووتي ... قامت حصه كالعاده وصحت الاميرتين الصغيرتين ..,,
ودقت هيله على الريسبشن Reception:
-الوووووووو ... لو سمحت نبي فطور الله لايهينك ..
- ايه من عيوووني مدام .. شو مابدك أولي ..
- لا مهوب من عيونك .. من المطبخ ههههههههاااااااي
(( حصه تناظر هيله بنص عين ))
-ههههه والله دمك عسل ..
-ادري .. المهم نبي فطور ..
-شو بدك تفطري..؟!
-وش عندكم؟!
-عنا American breakfast…Italian breakfast.. Eastern breakfast.. انتي اختاري مابدا لك ونحنا نضمن لك الجوده والطعم الحلوو ..
-والله مدري وش تقووول مير نبي ان تسان عندك فوول وخبز حار وشاهي ..
-باردوون..؟!
2-ههههههههههههههه لا حرووووون .. حتى انت!!
-سووري مس هيله بس انا مابقدر افهم شو أصدك..؟!!
-مس...؟! مس ولا مغرفه!! اقووول مسّك جني عطنا احد يعرف عربي..!!
-يييي انا عم بحكي عربي بس انتي اللي عم تحكي برتغالي!!
-برتغالي يلووون جلدك قل امين ..
-سوري مس .. ازا بدك انزلي واختاري لك فطورك.. عنا بوفيه مفتوح ..,,
-ومتى يصك ؟! خخخخخخخخخخخ
-Thanks for calling
طرااااااااااخ << طبعا ماارتفع ضغطه المسيكين ..,,
- - - - - - - - - - - - - - - - -
منيره: هاااه هيله وش صار على الفطور..؟!
هيله: يقول انزلوا تحت واختاروا اللي تبون فطور..,,
حصه: ازين بعد عشان ناكل اللي نبي..,,
ونزلت السندريلا هيله وخواته للوبي تحت ..,,
هيله بعد ان فغرت فاها: طاعوووووووووشته شوووفي الاكل اذا قالوا اكل ... اجل حنا فوول وخبز حار .. لا وبصحون بلاستك بعد!!
حصه: ايييييييه هذا العز... يالله بس خلونا نفطر وناخذ لنا طاوله..,,
منيره: وه بس كلن يناظرنا .. لو مخليتنا نشيل عباياتنا كان احسن..
حصه: اقول انثبري..من زين وجيهكن الحين عشان تكشفون!!
هيله: اقوول اوووص ابختار انا هذيك الطاوله تهبل .. على الشارع ..,, ناكل ونقزقز هع هع هع
وراحت مناير واخذت لها فطور محترم ونعوووم .. وهيله بيده صحنين وماخلت شي ماحطت منه!!
منيره: هيه انتي وش ذا..؟! بتاكلين كل هذا..؟!
هيله: لا موب لازم اكله كله.. يختي دافعين فيه فلوووس..لو احطه بالزباله ماخليتهم يتهنون به!!
منيره: الحصي..وش بلاتس؟! وراه مااخذتي فطور..؟!
حصه: ماابي شي..بي مرّ بتسبدي..مدري وش انا ماكله!!
هيله: لاوالله حنيتي للكراااث ههههههههههههههه
- - - - - - - - - - - - - - - - -
بعد الفطور...,,
هيله: وعمـــى .. الحين عجوووز قاضيه .. وجهه لاعبن به الزمن بلنتيااات ومفحطن به لين قال بس..لابستن برموودا وبودي..!!!!
حصه: ايه تشبب!!
منيره: لااااااا وشوفي هاللي متعلق بيده هذولا الرجال تقولين شنطه!!
هيله: ايييييييه هذا الوفاء والاخلاص والتضحيه من اجل الوطن!!
منيره: أي وطن انتي!!
هيله : المرأه وطن .. المرأه دوله .. المرأه عالم ..!!
حصه:هههههههههه وينك يانزار قبااني تجي تشوف هلوو وش تقول!!
هيله: على طاري نزار تدرين انه كتب نص قصائده بي..!!
منيره: ان شاء الله..
هيله : انا كنت ملهمته .. بس هو عجز يلقان هع هع هع
حصه: قوموا نطلع نتمشى .. طفشت!!
منيره: لا انا ماودي.. بروح اكمل نومتي..,,
- - - - - - - - - - - - - - - - - - - -
حصه وهيله يتمشوون ..,,
حصه: سبحان الله ماكأنهم عرب..ناس مختلفين تماماً....!!
هيله : هاااااااه .. ايه يمكن,,
حصه: وشو اللي يمكن وش بتس انتي..؟!
هيله: مابي شي... بس تشوفين اللي انا اشوفه..؟!
حصه: وشششو؟..؟!!
هيله: شوووفي .. شعوور شقراااء .. وعيووون زرقااااء .. وتأبريني وتسلملي عويناتك .. وجسم وطول ورزه ووووووووو وه بس!!!
حصه: من تقصدين انتي..؟!
هيله تعالي ناخذ ايسكريم من هنا ونجلس على هذيك الطاوله وانا اعلمتس..,,
( بعد ماجلسوا)
هيله: شووفي هذاك اللي واقف عالكشك اللي يبيع ورد .. وه ياربيييييه شو مهضوم بالحيل مره!!
حصه: اللي لابس تي شيرت احمر..؟!
هيله: احمممممر موولع زي قلبي اللي محترررق ..,,
حصه: هاااو هاااو وش ذا الهرج..؟!
هيله: اوووص انا خلاااااص مش حقدر اعيش من غيره..!!
بحصه: استغفرالله العظيم..هيه انتي..وش جاتس وجع!! اصحي وش ذا الخرابيط..؟!
هيله: اووص .. صه صه ولا كلمه..,,
وقااامت هيله للرجال..وحصه تلحقه:
الشاب: ورد لأحلى ورد.. جوري لأحلى صبيّه .. جمال الدنيا كلوو في الورد.. اشتري ورد ياورررد ..,,
هيله: امووووووووت على الورد..قسم بالله احبه!!
الشاب: هههههه مرحبا .. بدك ورده..؟!
هيله: لا بدي ايااااك ..,,
الشاب: شووو..؟!
هيله: هههههههههههههههههههههههههههههه امزززح وراك خفت..؟!
الشاب: بدك ورده..؟! << يصرررف
هيله ( بعد مالقطت) : يؤ..لاخلاص ماابي.. وراحت تركض ودموعه 4×4 على خدوده ,,
حصه:هلوووووووو تعاااااااااالي!!!
هيله: لأ لأ ... وش اسوي بعمري عشان يحبن؟!
ودخلت هيله للأوتيل..وإلى الناس متجمممعه وحالتهم حاله وصراااخ وكن فيه احد طايح بالارض..!!
هيله: وش بكم..؟! وش صااار..؟!
وتدفدف العااالم لين دخلت...
هيله: مناااااااااااااااااااااااااااااااااااير...اختي وش بتس..؟!!!!!
واحد من الموجودين: مافيا شي .. ماتخاافي.. اتصلنا عا حكيم هو بالطريق.. اتطمني..
هيله: حكيم..؟! وش نبي به..؟! يجي يغني على اختي آه ياألبي؟! << حتى في اللحظات الصعبه تنكت!! خخخخخخ
منااااااااااااااااير .. قوومي تكفيييييييييين.. يارربيه اختي وش سويتوا به؟؟؟؟
- يااختي مافيااا شي.. انا بعتئد انّو خيتك عنداا انخفاض بالضغط ..
هيله: واااااااااااااااااااع .. << تصيح,,
حصه: يابنت الحلال خلاااااااص ان شاء الله خير وشوله تصيحين فضحتينا..!!
هيله: واااااااااااااااااااااااااع .. بلاتس ماتدرين..قووووومي مناااااااااير تكفييييييييييييييييين!!
حصه: وشششششششششوو اللي مااعرفه...؟!!
هيله: مناااااااير قووومي تكفيييييييين عشان اكسر راستس وانظف بوجهتس ارض المطعم!!!
يابنت الذيييييييينا مالقيتي تدوخين الا وانتي تشربين عصيييير!!
واااااااااااااااااااااااااااااااااع
حصه: وش تقولين انتي...؟!
هيله: واااااااااااااااااااااااااااااااااااااع لابستن بلوووزتي!! << الله يررررجه خخخخخخخ
حصه: احسب الصياح على اختس مير...,,
هيله: اكبر همي عااد انا..!!
شيليه بس خلينا نرقيه فوووق!!
- - - - - - - - - - - - - - - - - - - - - - - - - - - - - - -
الدكتور: ماتخافوا .. مافيا شي .. مجرد انخفاض بالسكر..,,
هيله: ايه دكتور انا ماخذه الحلا من خواتي هع هع هع ..,,
الدكتوره: ؟؟؟
حصه: شكرا دكتور..,,
- - - - - - - - - - - - - -
وراحت كل وحده ترتاح بسريره..,,
هيله تتسحب لباب الغرفه ..
هيله: اشششش اسمع شفت راعي الورد اللي تحت .. اللي يبيع ورد.. روح لعندووو واديه دي الورأه !! << يقالها بتتكلم لبناني!!
السيرفنت : يامزموزيل بس شو بدي إلوو ..؟!
هيله: لاتقول له شي.. عطه الورقه وهو بدوو يفهم .. اوكي؟!
السيرفنت: اووكي..,,
- - - - - - - - - - - -
-شو هيدي..؟!
-مابعرف .. هاي الورأه من مزموزيل ساكنه عنا بالاوتيل .. آلتلي اوصلها إلك ..,,
-اهااا .. اوكي ثانكسس ..
فتح الورقه .. وعرف انها من هيله.. اللي كانت كاتبه:
بسم الله وعلى بركة الله << بتقص شريط الافتتاح ههههههههههههههه
امابعد/
عرفت ان اسمك جوزيف .. لاتقولي كييييف .. عرفت وبس..,,
بصراحه ياجوجو انا حبيتك من أول نظره .. حسيت انك مكعت قلبي مكع..!! << وش دعووه بيفهم!!
وانا مدري وش ازين .. انت وش رايك؟ شو بدنا نساوي؟!
عاد الحب وحبيتك .. يعني لاتوون ولاتشكّه ..العشق مامنه فكّه ..!!
يااخي عساي اتحرول ان تساني مااحبك!!
عسااي للحوله اللي اشوف الواحد سبعه ان تساني ماغرقت ببحر حبك..,,
وه بس يااخي والله احببببببببك !! << ياعمرررررري عالاسلوووب!!
تصدق..صرت اشوفك بكل مكان .. حتى احيانا اشوف وجهك باختي الحصي..مدري شلوون!!
وه بس ياجعل يومي قبل يومك .. ياشيخ عساااي تحت التريله ان تساني اتسذب عليك!!
اهديلك هالابيات:
بالحب عذاااااب .. ياورد من علمك تجرح .. << يابعد قلبي هي ههههههههه
وشكرا .. <<خطاب لمدير مدرسه!!
حبيبتك غصبن عليك/ هلوووو ..,,
جوا الاوتيل..,,
- حصه: أنتي وش فيك..؟! هيله .. ألووو ... من صحيتي وانتي اوب طبيعيه..!!
- هيله: هاااه .. مافيني شي..!!
- منيره: وه بس لايكون بس وقعتي في شباك الحب..؟!
- هيله: شبّكوتس مع غنم قولي آمين..!!
- حصه: ايييييييييه هذا وهي ماتدري عن راعي الورد..!!
- هيله: من تقصدين جوزيف..؟!
- منيره: وششششو...؟! وشو جوزيف ذا..؟!
- هيله: ماعليتس..,,
- حصه:هههههههههههه هذا رجال يبيع ورد .. بياع..!!
- هيله: مااسمح لتس تقولين بياع ... هذا اسمه Business man ..!!
- مناير: هههههههههههههههههه ياحليلتس ياهلووو والله وبدا قلبتس يحس..!!
- هيله: وجع وجع .. وانا وش ناقصه عنكم؟! كلي انوثه ماتشوفينه طافحه من كثره..!! << واااااااااااااااااااضح!!
- حصه: هههههه ايه طيب.,,
- مناير: هلوووو قولي لي وشلون شكله .. حلوو..؟!
- هيله: حلو وبس..!! إلا شق يشق القلب!! << قالت ايش قالت كلي انوثه هههههههههههه
- حصه: اقووووول اهااا بس .. وش ذا الخرابيط..!!
- هيله: خرابيط..؟! اصلا انا قرررررت ..!!
- حصه ومنااير: وشششششششششششششششششششششششو؟؟!
- هيله: قررت يصير جوزيف أبو عيالي..وأنا اصير أم غابرييل ..!!
- مناير: وشو غابرييل ذا؟! غابرييل ولا دريل..؟! خخخخخخخخخ
- هيله: يامل الدريل اللي يخرم اذانتس..هذا اسم ابوه الله يرحمه..,,
- مناير: والله ياانتي جايبه برنت كامل عنه!! اغديتس تلقين لتس وظيفه بالمباحث!! خخخخ
- حصه: مانتب صاحيه .. اقووول اوص بس لااحد يسمعتس..!!
- هيله: ماعلي من احد.. والمثل يقول: اللي مايعرف الصقر..يلحسه كله..!!
- منيره: ايه خلي البنت على راحته..تدبر عمره وتستانس وتتزوج لو من لبناني وش فيها يعني؟! الا من يحصله..!!
- حصه: اللي يسمعتس انتي وياه يقول خلااااص الولد خاااق عند هيله .. واثقين انه يبيه!!
- هيله: (( دمووووع)) .. صدقتي!!
- مناير: طيب خلونا ننزل نفطر ونطلع نتمشي .. ودي اشوفه!!
- هيله: هيه هيه انتي .. وش اللي تشوفينه .. اعقلي..هذا بقدامي!! اجل من وراي وش بتقولين؟!
- مناير: وه تخليلي يارررب .. عاللي يغاروون!!
- حصه: استغفرالله العظيم .. الظاهر جاايه دقتكم .. من زمان مالفعتكن!! قومي بس انتي وياااه .. بدلوا ملابسكم خلونا ننزل..,,
" نكمل بعدين
الأربعاء سبتمبر 29, 2010 10:09 pm
