عاشقة الملكه رغوده
|| عضو جديد ..
|| نقآطي ♥ : 280
|| عمري ♥ : 29
 |  موضوع: اقوى قصائد عتاب فراق شوق محبة  الخميس سبتمبر 16, 2010 4:24 am | |
|
عتااااااااب 1
انـا زعـلان منـك حيـل وشايـل لـك بقلـبـي عـتـاب
واتـمـنـى تحمـلـنـي مـثــل مـــا اتـحـمـل عـتـابــك
[img] [/img]
ترى بعض الصراحة جرح وثقل ونرفزه واعصاب
ابـي تسمـع كلامـي زيـن وتـمســك زيـن اعصـابـك
تعاهـدنـا انــا وانـتـه عـلـى إنـــا نـكــون احـبــاب
واحبـابـك هــم احبـابـي واحبـابـي هـــم احـبـابـك
[img] [/img]
وش الــي غـيـرك فجـأه تكـلـم واذكــر الأسـبــاب
انـا بسمـع كـلامـك زيــن وبسـمـع زيــن اسبـابـك
[img] [/img]
رغـم كـل الخطـاء منـك فوجهـك مـا قفـلـت الـبـاب
ويـوم اخطيـت فـي حقـك قفـلـت فوجـهـي ابـوابـك
رخصـت الغالـي لعيونـك حنيـت لخـاطـرك ارقــاب
رضـيــت احنـيـهـا ارقـابــي ولا تحنـيـهـا ارقـابــك
كفايـه تمتحنـي هــم وخــل مــن ذم فيـنـي وعــاب
ترى من عاب في غيـرك ولـو طـال الزمـن عابـك
ولا تفكر في يـوم انسـاك او يشغلنـي عنـك غيـاب
انــا اتنفـسـك اهــواك وفـيــك امـــوت واحـيـابـك
انـا مـا شـوف احـد غيـرك جمـيـل بفـتـنـتـه جــذاب
انـا إعجـابـي فيـك اعمـى يفـوق اعجـاب اعجـابـك
انـا مهـمـا قـسـى قلـبـي بكلـمـه مـنـك احـسـه ذاب
انا من زود عشقـي لـك عشقـت العطـر فـي ثيابـك
انـا ياليـت مـغـرم فـيـك انــا كـلـي فغـرامـك شــاب
احـسـك جــزء مــن روحــي ولا اتـحـمـل غـيـابـك
ولا قد طـاب لـي جرحـك ولـو جرحـي لذاتـك طـاب
عجـزت اقـدر اشـوف الدمـع بـل اطـراف اهـدابـك
ولـكـن كـــل شـــي إلا جـــزاة الـصــد بالـتـرحـاب
إذا صـديــت تـرحـابـي تـــرى بــاصــد تـرحـابــك
ولانـي مرتـضـي ذلــي ولــو كــان الـهـواء غــلاب
إذا مـاكـان تـرضـا بـي حـشـاء لا يمكـن ارضـا بـك
ولانــي قــادر اتحـمـل عشـانـك غـرسـت الأنـيـاب
انـا كـلـي غــدى مـجـروح مــن غـرسـات انيـابـك
تجافيـنـي ولا هـمـك ولا تحـسـب لــي أي حـسـاب
وانا من زود عشقي لك اصونك واحسـب حسابـك
ألآ يـا قـسـوة الصـدمـه تجـيـنـي مـنــك الأصــواب
وانا الي كنت اقول الجـرح إذا مـا صابنـي صابـك
أمـانــه قـــول وش بـقـيّـت لـلـعــذال والأغــــراب
اذا هــذا مـعـي طبـعـك اجــل وش حــال اغـرابــك
تـمـرد كــان يحـلـى لــك تعـيـب فطيبـتـي وتغـتـاب
ولكـنـي تــراي اكـبــر مـــن انـــي يـــوم اغـتـابـك
حقيـقـه اكتشـفـت انــك سخـيـف بطبـعـك الـكـذاب
وانـي كـنـت لــك لعـبـة سخيـفـه تـشـبـه الـعـابـك
انـا عيبـي غبـي طـيـب وضـنـي فـيـك والله خــاب
ولا قـــد كـنــت اتـوقــع تـجـافـي يـــوم اصـحـابـك
انا جيتك بطيب الطيب وفيـك الطيـب ابـد مـا جـاب
ابـي تعذرنـي هـا القـسـوة لأن الطـيـب مــا جـابـك
[img] [/img]
[img] [/img]
شوووووووق
ماشفت زول مريـح العين والبـال
اللي على غيره من الناس مغليـه
واظن هو مثلي بعد نفسه الحــال
يغيب عن عيني ويبعد خطاويــه
خايـف يثقلنـا بجيات ووصــال
وانا اتسلـي عن غيابه واخليــه
أخشـى يصيبه كثر الالحاح بجفـال
كم مرة يطري على بالي أدعيــه
واصير أنا والنفس والقلب بجـدال
الوصل إلى ماصار من رغبة فيــه
ماهوب ينفـع في دواء جرح الآمال
إن كــان ماجا رغبـةٍ منه ما أبيه
يجي يجاملنـي بحـال من الاحـوال
عتاب 2
أسلوبك يوم يتغير
لوصبرت أكثر تعبت أكثر وأكثـر
ماورى رجـوا غـلاك إلا الســراب
مستحيل أسلوبك بيوم يتغـيــر
لاضما شفـتك ولا شفـتك سحـاب
غصن حبك لاهشيم ولاهو اخضر
فيـك شوق وفيـك رغبه للغيــاب
أن طلبتك وصل خطواتـك تعذر
وان عطيتـك صـد كثرت العتــاب
صار همي كل يوم منـك يكبــر
والأمل لامـن بنيتــه فيك خــاب
خلنا نرتـاح من اقدر ومـا اقـدر
وحيرة تملى شعـــوري بالعــذاب
قلبـي اللي لو بنسيانـك تـأخـر
مالقى لاسلـوبك الغامـض جــواب
أنس عرفـي مـرة أبعـد لاتـذكر
وش اللي صـار بأحــوالك,, طلبتـك قول موضـوعك
الـى هالحـد تغلينـي,,؟وماودك تعنينـي,,!
تعـآآآل وشــوف احـزانكـ,, بنت في روحي فـروعك
هدمـت افراح من شأنــكـ,, وماتبنـي بساتينـي
تــرى ماقوى علــــى حزنـكـ,,لـكـ الله لاآآآتبكينـياتصالك محبة
اتصالك
هز اتصالك فيني الشوق وانهـار
قلبي وزادت حيرتي والتياعـي
بين الفرح والخوف والشوق والنار
ياغاليـه زاد العنــا والصراعي
تلعب بي امواج الهواجيس واحتار
مابين شوقي لك وبين الضياعـي
موجة حنين تزيدني حب واصـرار
وموجات عن شاطيك تبعد شراعي
ياحبي الخافي وياكـل الاســرار
تحطمت نفسي ولامــن يراعـي
إلى ضحك الليالي بالانــــوار
جتنا عواكيس الزمـن بنـدفاعي
مدري وش اللي بس تخفيه الاقدار
هو لـم شمل أوهو فراق وضياعي
بين الرجـا والياس قاسيت الأمرار
أكثر من اللي كان في مستطاعـي فراق
عقب البطا لاقيت ظافي الجديلات = ياليتنا عقب البطا ماالتقينا
سلمت وقلت لنور عيني سلامات = وش غيًرك ويش السبب ما تبينا
دنق وقال ارجوك إنه العلاقات = شيٍ حصل ماعاد هو في يدينا
قلت السبب قال الليالي غريبات = إنه العلاقه واعتبرنا انتهينا
انا بحبل انسان ماهي دعايات = ارجوك ابعد خايف انًه يجينا
طالعت فيه وهلت العين عبرات = في ساعةٍ غصبٍ علينا بكينا
حاولت اعبر عن همومٍ خفيات = بس الحكي شيفيد مهما حكينا
كتمتهن بالجوف لوهن قويات = راضي على ماصار لو مارضينا
وآخر كلامه قال لي كم كلمات = لاتسيء ضنك في غصبٍ علينا
ولف العباه وراح وانا بحسرات = فرقاًجرت من غير ذنبٍ جنينا
وقفت اخايل غض الأنهاد لحظات = فيهن تهدم كل شيٍ بنينا
وقمت اتذكر كل شيٍ لنا فات = قبل ايتغير بالمحبه حدينا
ياما سهرنا بأظلم الليل ساعات = وياما طلع نور الفجر مادرينا
وياما لنا فوق المراقيب ذكرات = وعلى جبال الزور ياما رقينا
وياما تحملنا الصعوبات مرات = وياما على سود الليالي شكينا
على زمانٍ فات جريت ونات = لو هن على ضلعان مكه تلينا
اقرا الموادع بالقصص والروايات = لاشك ماضنيت بيصير فينا
وارجع واكرر كلمةٍ لي بسكات = ياليتنا عقب البطا ماالتقينا
تكررت عقب البطا والتقينا = من عقب مامرن سنينٍ طويلات
في صدفةٍ فيها حشا مادرينا = ولاهقينا نلتقي عقب مافات
لاشك جابتها الليالي وجينا = رغم الفراق ورغم ذيك المسافات
في موقٍف بان التوتر علينا = لحظه تلين إبها القلوب القويات
قالت شلونك قلت ربك عوينا = الحمد لله عاضني عقب لوعات
الله رزقني في هنوفٍ تبينا = احيت خفوقٍ كان بعداد الأموات
هي نور عيني فرحتي والضنينا = ألقابها عن ظيقة الصدر سجات
قالت سليت وقلت عقبك سلينا = لكن عقب مالاعنا الحب مرات
قالت شلون وقلت لاتسألينا = مافات فات ولا تفيد الحسوفات
قالت تكلم قلت مهما حكينا = الدمع ماينفع عزيزٍاليامات
قالت نسيت وقلت لامانسينا = لكن قنعنا والقناعه من الذات
قالت أروح وقلت وش في يدينا = روحي عسى في كل خطوه سلامات
بصبر على فرقاك مهما حيينا = ولا تشوه صادق الحب زلات
قالت على ماكنت دنيا ودينا = تكرم ونكرم عن دروبٍ رديات
قلت اسمحيلي قبل لاترحلينا = يم الديار اللي علينا بعيدات
تراي ذخرٍ لاحدتك السنينا = اجيك مهما واجهتني صعوبات
من اليوم اخوك وغيرها ما بغينا = كلي فداك ان صار بالوقت ميلات
وتبسمت بإعجاب مدري حنينا = وتهشمت قدام عيني بعبرات
قالت فمان الله قلت انتهينا = واقفت تكلم نفسها بس بسكات
وقفت تقديرٍ لها ثم مشينا = دربٍ مشوه اهل القلوب العفيفات
امشي واردد ليتنا ماالتقينا = وش جابها عقب السنين الطويلات  | |
|
نعيمة محبة ديمة
|| عضو ذهبي ..
|| نقآطي ♥ : 34929
|| عمري ♥ : 26
بطاقة الشخصية
أضف الرد السريع:
| | موضوع: رد: اقوى قصائد عتاب فراق شوق محبة الخميس سبتمبر 16, 2010 4:32 am | |
| | |
|
????
زائر
| | موضوع: رد: اقوى قصائد عتاب فراق شوق محبة الخميس سبتمبر 16, 2010 9:24 am | |
| مشكورة ياقلبي
لك مني كل الورد
دمتي كما تحبين
تحياتي لك |
|
????
زائر
| | موضوع: رد: اقوى قصائد عتاب فراق شوق محبة الخميس سبتمبر 16, 2010 9:26 am | |
| |
|
عرۈقي تحتويڪَ
|| عضو ذهبي ..
|| نقآطي ♥ : 4210
|| عمري ♥ : 26
| | موضوع: رد: اقوى قصائد عتاب فراق شوق محبة الجمعة ديسمبر 16, 2011 4:50 pm | |
| | |
|
