لعيون البنات...~

|| عضو جديد .. || نقآطي ♥ : 50

هااااااايااااااات صــبــــيـــاء ..
كــيــفـــكــم ؟؟
إن شــاء الــلــه تـــمـــاااامـــوووووو ..

ماراح أتكلم بأسلوب وش أسمه بأتكلم بأسلوبنا كـ بنـآت..

بنـآت..

مره رحت لمسجد صلاه القيام .. شفت بنات كثير بأعمارنا من 16 إلى العشرينات واكبر ..

بنات لبسو عبايات كتف وبناطيل و و و..... لكن ايش..

تركو السوق والتلفزيون والاغاني وجو للمسجد ..

وش معنى هذا..!

مو معنى المسجد

يمكن صليتي في بيتك ورفعتي يدك ودعيتي من قلبك..

وبـ ذلك بكيتي والشيخ يدعي..

تسمعين الشيخ يقول ..{يارب ندعوك دعاء المسكين من كثرت ذنوبه وقلت حسناته }

وتسمعين {سبحان من ستر القبيح واظهر الجميل },,

تسمعين يقول {سبحانك تطاع فـ تغفر وتعصى فـ تغفر }..

تبكين من قلبك أو يعورك قلبك ..

تحسين انك صح كذا تحسين فجأه انك ولا شي

يعني وش سوينا نحس أن حنا مغترين بأنفسنا..

تدرون في أحاديث للرسول وأقوال للصحابه إن في زمن أن الرجل يصلي ستين سنه وماتقبل له سجده وحده..

معقوووووول.!

أيه ولا سجده يعني تركعين وتقومين وتسلمين ماتدرين كم صليتي وترقعينها بالسهو ..

بنات إلى متى أنا وانتو كذا..

قسم بالله مهيب حاله يعني يحيني حاله أقول ودي أني بعهد الصحابة..

إلى متى وحنا بغفلتنا,,

نصلي ونبكي و و و ....

يجي العيد وبعد العيد نرجع لخنبقتنا وننسى ..

طيب أنا وأنتي خلينا نفكر بـ شي من الحين دام الهمة فيني وفيك الحين..

مثلا نسوي صندوق بالبيت أو بغرفتك كل يوم حطي ريال ..

بدل هالشيبس اللي كل يوم نجيب 4 للشله..

نتبرع بريال للصندوق ...

وريال على الريال تصير 10..

تدرين ليه ريال عشان ماتثقل عليك واللي لها قدره الله يجزاها خير..

وعطيها مثلا هاللي ينظفون بالأسواق ولا سواقكم ولا شغالتكم ..

تراهم ماجو هنا إلا للحاجة..

وإذا كانت تتعنفق ولا تنافخ ..

خلي قلبك اكبر واكسبيها باجر ربي وما جوووووووووره,,

ولسانك ..

اللعن ..

زي العاده ..

شفتو أبله فلانه الله ..... تستهبل هي وواجباتها..

ولا الدكتور/هـ ودي اذبحها الله .........

ولا اخوي الحمـ.... فصل النت الله ....... .

عودي نفسك تتركين العاده ..

إذا لعنتي فجأه عاقبي نفسك واستغفري 40 مره مثلا..

وأحسني خلقك مع أي احد..

تدرين الابتسامه لها اجر..

تمر وحده من جنبك .. لاتمدين الكشره متر ..

لا ابتسمي..

انا مره رحت مكان ماعرف احد فيه وفيه بنت ابتسمت لي تمنيت اني هي..

الابتسامه لها دوووووووووووووووووور..

عبايتك ..

انتي عارفه خطأك اكيد بس خليني اقولك عن شي..

مره كانت فاطمه بنت النبي تبكي من قلب وتصييييييييييييييييييح..

جتها عائشه رضي الله عنهم جميع..

تقولها مابالك .!

اعلمك وش قالت ..؟!

قالت بمجمل كلامها .. الحين إذا انا مت وشالوني الرجال بييبن جسمي وبيبان خصري

يعني شكل جسمي بيبان..

اذا فاااااااااااااااطمه بنت الرسول كذا تفكيرها

وهي الحين ميته..

وحنا العبايه واسعه لكن مع الشنطه وشد العبايه مع الخصر يبان كل شي

بنات تكفون خلونا نتغير ..

وربي ماراح ينفعنا شي..

تدرون بس ان النار سوداء وكل شي مانشوف <<<<توها سامعه المعلومـه..

واللي ابتليت بجوال مع الشباب ولا الماسن..

تأكدي هالشخص اذا انحطيتي بقبرك وجاءك ربي يقولك وسألك ليه سويتي كذا.ّ

وش ردك عليه..!

بنات والله ماينفعك..

تدرين ليه اقول كذا .. لاني اعرف كثير وعارفه هالشي صعب..

لكن احــــــبـــــك لاني احس انو شي صعب بس من ترك شي لله عوضه الله خير منـه..

اتركيه هالشخص ووضحي له انك تعدلتي..

شي احسن من لاشي ..

صح علي..

حاولي ..و.. حاولي ..و.. حاولي ..

وادعي لربك قولي يارب (( لاتعلق قلبي بأحد واهدني واني احذف اللي عندي وعطني قوه وعزيمـه)) ..

بنات..

تـــكـــفـــون ..

عدلي لو شي واحد وادعي لربي لنفسك دائم..

صح ولا انسى الاغاني والافلام الامريكي والكوري يارب صبرنا وأعنا..

اذا انحطيتي بقبرك ماراح يٍسألو عنك ..

بتنحطين بقماش وذنوبك معك..

حاولي انك دايم تذكرين صحباتك بالجنه والاشياء ..

تخيلو اليوم سمعت عن قصه ..

في اثنين أصحاب ..

كانو قاعدين بمكان<<<<<اجل وين..

المهم..

قامو يتكلمون عن الجنه والنار و... الخ.!

واحد دمعت عينه بذكر النار خاف منها..

بعدها بمده توفى صاحبنا ..

وجاء لخويه بالحلم ..

قاله صاحبه يافلان وش اخبارك..!

قال اخباري..

انا بالفردوس الاعلى اعلى شي بالجنه..

قاله صديقه ليه..؟

قال تذكر يوم نقعد نسولف انا وانت وذكرنا النار ودمعت عيني..

هذا اللي دخلني الجنه..

شفتي ربي قد ايش كريم..

وربي ربي شي كبيــــــــــر..

بنات..

طولت عليكم..

بس وربي ضايق صدري ع حالنا هالبايخ..

تكفون خلينا نتحمس سواء ونتعدل مع بعض..

الله يخليكم..

لي طلب اخيرا..

اذا اعجبك الموضوع وعارفه اسلوبي مدري وش يبي...

بس إذا كنتي مشتركه في منتدي ثاني أكتبيه ..

لا يقولك هالسخيف<<<<تقصد ابليس

لاتقولين مشوار وشذا الموضوع مايكتب إلا أنـــا ....

كلامه المعروف..

لا خذي اجر لو سمحتي..

واخيراً<<<<ياكثر الاخيرا

لاتنسووني من دعاءكم ..

م . ن . ق . و . ل

صدقوني مانقلته إلا لأني أحبكــم ..